康年餐廳

营业中

休息中

康年餐廳係由佢一開張我就已經幫襯到依家，佢地至今都一樣保持水準嘅茶餐廳，而且款式種類都好多！菠蘿包，雞尾包更加係一嚟一定要叫，出爐新鮮熱辣辣，平時叫佢嘅鐵板扒餐都好有風味，炒嘢更加唔洗多講，鑊氣十足，今日午餐嚟叫左個洋蔥雞扒飯，熱朱古力，洋蔥雞扒飯超足料勁多洋蔥，可惜唔記得叫多汁，一定要叫佢多汁先正，朱古力更加唔洗落糖已經夠甜！佢嘅價錢可能未必係親民，但一定足料同唔會失望

「冬至」當日阿媽雖然有選擇在家裡面煮飯，一家人以「火鍋」形式進行「冬至」晚上的「做節飯」，可惜舖頭就因為「冬至」而需要休息，讓舖頭裡面的眾人，在「冬至」能夠在家裡面煮飯造節，我亦需要在外面享用午餐。結果我在「旺角道」購買外賣自取「咖喱牛腩飯」（購買「咖喱牛腩飯」是因為「冬至」火鍋裡面沒有牛腩跟白飯）之前，先選擇午餐的場地，在「通菜街」，近着「旺角道」的港式茶餐廳「康年餐廳」裡面享用午飯。可是「康年餐廳」午飯時段期間，裡面有很多食客光顧，令我享用午飯期間，不斷遇上有不認識的陌生食客搭檯，即使「康年餐廳」已經在餐檯之間加插膠板，確保衞生，但是仍無法避免跟陌生食客對食的尷尬感覺。「康年餐廳」的午餐價錢不算非常便宜，我選擇享用「康年餐廳」「中式飯類」裡面的「菜遠牛腩飯」套餐，「菜遠牛腩飯」售價頗為便宜，只要港幣四十八元，但是配飲品價錢就不便宜了。因為「康年餐廳」「中式飯類」套餐配飲品，配熱飲也需要港幣八元，選配凍飲就需要港幣十一元，我選擇了「凍奶茶」配「菜遠牛腩飯」，加起來的總價錢已經需要港幣五十九元。至於午餐裡面的「雞肉」部分，我選擇了享用「康年餐廳」午餐餐牌，「小食」部分裡面的「香脆炸雞髀

旺角區有很多茶餐廳，而康年這間茶餐廳的水準一直保持穩定， 他們的茶餐選擇很多，而且味道也不錯，另外每天的午餐雖然只有幾款，但是食物煮得很好，質素是頗高的，再配以他們的例湯，以及熱咖啡，特別一提這裏的熱咖啡，他們是用杯蓋蓋着的，這在外面的茶餐廳比較少見的，絕對是一個窩心的舉動，當你吃完你的食物之後，你的咖啡還是可以保持熱騰騰的，這是值得一讚。雖然在旺角有很多的茶餐廳，康年一直都是我的首選。

早餐最方便就係返工路上買個包, 一般十蚊以內搞掂, 呢間茶餐廳做埋麵包鋪, 門口包櫃非常清晰睇哂有乜包, 就算唔買路過都會望兩眼.🍞奶皇墨西哥包($9)▪個皮無我預期咁鬆化, 水份多左啲, 不過絕對唔係濕左淋左.▪墨西哥包獨特之處係個皮甜中夾住少少咸香, 呢個包做到, 但加左奶皇嘅甜搶左脷仔注意力, 品唔到咁多咸香, 同埋酥皮已經好夠味, 加左奶皇有啲膩.🤓結論: 唔叫差, 但無出色地方令人想食多次, 紙袋出哂油就知食一個好肥, 唔係好好食又同自己增肥唔抵嘛.💯分數: 3.85 out of 7

康年是香港傳統的茶餐廳，在香港有兩家分店，今次到訪的在太子一家， 10分方便。最近他還裝修過， 環境更好了。這裏的早餐很便宜， $38有煎蛋腸仔和餐包，還有羅宋湯米粉及茶走。煎蛋是流心的，我喜歡把餐包沾著蛋液一起吃，很美味。羅宋湯很香濃，除了大量的蔬菜外，還有濃鬱的牛肉香，是別家吃不到的。加上此家用的米粉，爽口彈牙，是我的最愛。說到茶走，使香港本地人才知道的飲品，其實就是奶茶加煉奶，看起來更加順滑及香甜。

收銀個呀姐態度好差。我諗住叫外賣，咁我就係門口睇定食啲咩，揀好左就入去叫外賣。咁我就第一次食呢間，所以唔太熟個餐牌。行到入去見到個呀姐收緊錢，咁我就諗住等佢收完錢先叫野食。咁佢見到我就問我幾位，咁我就話外賣，點知佢見到我就語氣勁差咁話要咩就講啦，好似我做啲咩咁。咁都算，咁我就講我要咩餐同飲咩，跟住我諗住1-2秒配啲咩，因為我唔太記得有咩可以配，佢就好似發脾氣咁話配啲咩呀一次過講埋啦，跟住都未落完單就係到擰頭，好似唔想做生意咁，態度超差，下次唔會再嚟。

今日去旺角花園街行街買衫，再去金魚街買金魚，行到累了去醫肚，去到康年餐廳門外，聞到香噴噴的菠蘿包味，就決定入去食下午茶餐，我們一共四個人，我點了一個瑞士雞翼天使麵，妹妹點了一個雞髀沙律，妹夫點了一個龍利柳飯，哥哥點了一個吞拿魚包+凍奶茶 ，接著妹妹話好想食個菠蘿包， 但一個食唔曬，因為已經有點飽，於是我就話我都好想食，但我都是有點飽，我就說不如一個兩份食，妹妹就好開心呀好呀，熱辣辣的菠蘿包嚟啦，好香噴噴真的好味，接著哥哥話，這裏的包全部都好好食。

囍在太子找間茶餐廳食飯，行過聞到麵包好香，諗住去金魚街睇下魚隨便搵一間，便來到了這間叫康年的餐廳。 諗住繁華鬧市梗係好趕啦點不知侍應好友善地安排我哋入坐。見到有出爐麵包便叫了個菠蘿包嚟食， 麵包香噴噴菠蘿皮又鬆化， 還叫了魚蛋粉， 估唔到魚蛋粉咁好味，魚蛋彈牙，粉夠滑， 簡直冇得彈。 還來了一杯熱辣辣的奶茶， 茶又香又滑又夠熱 估唔到太子有咁出色嘅舖頭。 通常太子旺角的茶餐廳很快就要你食完就走呀，估唔到這裏沒有這種情況。 下次一定會再來這裏

曾幾何時，康年也有幾間分店，早年常到旺角太子，偶爾光顧，印象普通。市場上總是汰弱留強，時間會驗證一切。今次疫情對行業的打擊雪上加霜，能否守住，更見實力。在旺角早晨，想找點吃的，原來不易，最後來到康年。早晨就幾款長駐。點了茶走，一上枱，色水已錯，一飲，來了奶茶。告訴侍應，然後成支煉奶給我自己落。落了花奶又下煉奶，味道如何？一般跟半塊油包，這裡可併蛋治，正好滿足腸胃。不過不失，蛋不老麵包不乾。最後沙嗲牛麵。失敗之作，牛肉也就不評論了，沙嗲汁唔夠味，成碗麵就是淡味精味，麵也太淋，唯一夠熱。整體而言，食物質素是不足，價錢以早餐茶記稍偏貴，也只可說交了租吧。同場也有位似乎是常客小姐反映茶走味道不同，苦澀了，我相信其實是奶茶。補充一下，疫情之下，入場用耳探當額探，所以經理總放在袋內，有客入場就虛點一下。然後送餐給客人，手掂著菠蘿包。

由讀書時代至依加成日都會食康年 食到收銀姐姐都認得我😂如果要我揀最好食嘅菠蘿油🍍 一定揀歸康年莫屬☺️我次次食都係新鮮出爐 個皮好脆 望住塊牛油溶嗰刻就知道個包有幾新鮮 再加埋凍奶茶 簡直係下午茶首選🙊

有時經過康年聞到啲新鮮麵包味都真係會被佢吸引住，即使唔肚餓都會忍唔住買個包食。所以今次都唔例外🤣今次唔同嘅係直情坐喺入面嘆埋先！有時好難會喺麵包店猴到啲新鮮出爐麵包，多數都係買到啲唔熱嘅而康年有烘住啲麵包，熱辣辣真係好食好多叫咗兩款相信大家都唔陌生嘅包因為佢熱嘅關係，我就切開嚟睇吓會唔會有少少流心嘅效果實則唔算係流心，但都真係會見到會有少少餡流出嚟奶黃墨西哥包好喜歡面頭脆脆嘅部分，入面都幾多餡，而且麵包鬆軟雞尾包餡料椰絲非常香

今日嚟到太子食嘢呢，食咩好呢？其實旺角太子真係好多嘢食，但係喺太子站出咗嚟，行行吓去到中間就見到間康年餐廳，咁就入咗去啦。 坐低之後見到有個特餐喎，但係晚上食又唔使太過多瞓唔着，就是一個常餐啦。 一嚟到個有兩三隻瑞士雞翼，下邊係好好食嘅出前一丁，個篋仲要好熱，你自己用心啦。食落去甜甜地咁，雞翼都整得幾好食，幾入味。如果大家行過嘅話又想夜晚食常餐，建議大家都可以入嚟坐吓，環境唔錯㗎

來到佳節，又冇拖拍，唯有一個人去搵節目。去咗旺角做完運動之後，經過依度，望咗門口個餐牌，諗咗一陣，決定入去試吓。點解要諗呢？因為餐牌食住晚餐係板燒西冷牛扒，好吸引，不過啱先做完運動，又夜夜地，食到咁heavy 好似唔太好，但最後都係照食😄叫咗紅湯，配薯菜，跟凍檸茶走甜。杯茶麻麻地，睇個色水就知。紅湯材料足，味道唔錯，但美中不足係唔夠熱，湯唔熱係好大影響。西冷係最好，厚度適中，肉質唔會太淋，個黑椒汁好重味，完全掩蓋其他味道，或許可能塊扒根本無味。薯菜係薯格，夠脆，好食👍整體算不過不失，$73旺角茶記晚市食西冷算係咁，可以試吓。

久沒到康年餐廳食他們的瑞士雞翼了，今日途經該處就去回味一下，瑞士汁依舊甜甜滑滑非常入味，不過雞翼有點老有少許鞋口，茶餐廳傳統咖啡，煲出香濃咖啡味👍$43 一餐瑞士雞翼餐非常街坊價。

🐾 康年餐廳🐾-次次經過都見到佢啲麵包勁香,已經想試好耐🤤今次揀咗下午茶時間去食佢嘅西多士🥰🥰-西多士:個麵包超鬆軟，煉奶都好夠🍯加埋牛油簡直不得了😳完全係勁邪惡仲叫咗杯凍奶茶,奶茶茶底夠重又唔會太澀🤭甜到啱啱好👍🏻-反而要注意一下服務態度我覺得員工服務可以做得更好————(非專業,完全跟據個人口味☺)食物:7/10環境:6/10服務:5/10人均消費:$50-----------------------▪店舖名稱: 康年餐廳 (太子)▪店舖地址:🔸太子通菜街143-145號地下(星期一至日06:30-03:00)