康和車仔麵茶餐廳

营业中

休息中

如果不是男朋友帶路，相信也不知道這間小店，原來他在這裡送去了不少中學時光。看店名，都猜到這裡出名車仔麵，但baka所推介的是芝士撈丁。都不用看餐牌，baka就決定了點豬頸肉芝士撈麵，再加多一杯豆漿。豬頸肉芝士撈麵 其實有生以來我都未吃過芝士撈丁 ，因為光聽名字已經覺得很重口味，而且以前都見過其賣相，留下了不好的印象。不過這次卻徹徹底底改變了我的想法！芝士撈丁，就是說將芝士混丁麵，看似簡單但如果芝士醬的份量和味道控制不宜，便會弄得很肥膩。芝士醬的味道十分香口，帶甜，而那種甜味更令人上癮 　每根麵條都滲有芝士的味道，很好吃。 當然芝士也滲透於豬頸肉中 　整體配搭份量適中。經過今次真的令我深深地愛上芝士撈丁，尤其是那種略帶甜味的芝士醬，有時真的需要多踏出一步試試一些自己平時不會吃的食物呢。 應該很快會有下一次 雖然這裡有名車仔麵，但相信下次來時我還是會忍不住叫這款芝士撈丁。

第1次試左芝士豬頸肉撈麵..一黎到碗野完全唔見有芝士..以為中伏..原來寶物沉碗底..咁唔緊要食下面層鋪滿哂面的豬頸肉先..正..好味入味..仲有黑色的是脆定隆呢?分唔清..總之就係岩我口味..再配埋d芝士..一流..當然不忘撈麵先係重點..最中意芝士汁..平時酒樓有幸食芝士龍蝦都想食哂d汁..配飯配伊麵等...今次一樣撈盡每一滴..一定會再去..第2次就試左車仔麵..但好耐之前唔記得哂送了..但普遍記得全部都合格..但唔會有驚喜囉..豆漿就都係咁..有味就ok嫁啦..環境上如果唔係咁奇怪要人好似台底交易咁伸手入去拎d野上台的話會有返3分既..哈..

看過Liz’s Taste的文章，對大圍的車仔麵店有點興趣，那就坐言起行，找天來試。來到，竟然沒吃車仔麵，因為我更想吃撈丁，就點了豬頸肉芝士撈丁。其實，丁麵配上芝士，定必好吃，只是太漏。同樣地，芝士跟豬頸肉又是合拍，而這裡的豬頸肉口感不俗，既香又帶點辣，可以收貨。凍奶茶就只是一般，奶太多，茶味不濃。實在太漏，否則會過對面吃腸粉。

相信大部份香港人對「車仔麵」這名詞不感陌生，雖說時代正在急速進步，但並沒有將這通俗的飲食文化一併淘汰。原因眾多，但一點不變是人們對這份陪伴成長的味道必然有著深厚情感。而從前在街邊擺賣的小販檔，如今已搖身一變成為大眾茶餐廳或食堂的固有菜式了。筆者其實對「車仔麵」沒有太多研究和心得，只是偶爾為午飯地點傷腦筋時，總會想到來一碗熱辣辣的。今天陪伴母親大人到大圍作牙科檢查，因比預約時間早到，便選擇到康和車仔麵吃個簡便午餐，這裡的格局是一般的茶餐廳佈置，衞生情況尚可，地方有點狹小，畢竟做生意的總想利用每點空間去賺取最多，這點絕對理解。牆上圖文並茂地張貼了店方推介，方便顧客落單，這時手中持著點菜紙，真得讚賞食店們的生意頭腦確實靈巧，單是餸料口味已達55款之多，再配搭11種粉麵與不同湯底，必定令您的選擇困難症再次發作。午飯時段座無虛席，店員已站在我們的餐桌附近，似乎打算以無形壓力催促下單，這點倒明白的亦務必配合，衝忙下點了兩款4餸的車仔麵食跟餐飲和一份蜜汁龍鬚： HK$33頗驚喜在這裡找到坊間較少見的柚皮，原因是功夫多又不好賺錢，這柚皮炆得十分入味，咬一口鬆化沒帶渣；豬腸帶點油脂羶香，口感也夠軟腍；兩

今日又黎到大圍打白鴿轉喇，經過呢間車仔麵舖見到門口貼住必食推介，再睇清楚d就好有興趣想試下，卜鎚叫左個豬頸肉芝士撈麵，外賣加$1跟餐加$4有罐裝汽水 , total$37 價錢合理   打開蓋令我好驚喜，除左眼見豬頸肉份量多，仲見到芝士慢慢溶化流在豬頸肉面同流入麵中   急不及待先黎一塊熱辣辣o既豬頸肉，除左肉質鬆軟有嚼勁外，溫度夠熱令芝士溶化滿整塊豬頸肉，兩種味道在口中縱橫交錯  芝士味道香而不濃，同時溶化成液體流入麵中，令每一口麵都有芝士o既味道，絕對配合名稱所講o既芝士撈麵，麵條在煮o既過程中處理得岩岩好，煙韌而不覺過淋過硬   呢碗麵贈送幾條生菜令到唔會覺得好寡，生菜爽口且可以沖淡芝士味食落無咁膩   ## 呢度除左有芝士撈麵食之外，仲有車仔麵檔，企係度等外賣o既過程中傳來陣陣腩香味，仲見到比較少地方有得食o既豬耳，有機會都要黎試下先得

平時己經成日黎呢度食車仔麵今日試下佢地第二出名的芝士麵系列,今日我點左個芝士豬頸肉公仔麵試,個麵黎到己經相當之香!個碗裡面每一條麵也沾滿了芝士,加埋麵上燒好的豬頸肉,賣相十足,需然每一條麵也充滿著芝士,但食落也不會覺得咸和濟,而豬頸肉亦十分出色,燒得不會過龍,表面也有少少的甜味,整個配搭相當之夾!值得推介!

是日午餐選擇了屋企附近的車仔麵檔，還記得以前大圍最瘋狂時有４，５間車仔麵檔，中學時經常可以吃到。而現在只剩下康和，想吃車仔麵時唯一的選擇，雖然價格愈來愈貴，但味道還可以，並不差！河粉又幼又滑，每次都吃清整碗麵！其實每次點都是以下幾款：炸海鮮球，炸墨魚條，牛筋腩和韭菜餃，頭兩者只是普通的魚蛋類別，但就是特別愛其墨魚的口感。牛筋腩份量足夠，絕對是頂肚之選，韭菜餃則有香濃的韭菜味，雖然大隻，但2隻其實完全唔夠喉，因為太好味了！總結：這裡的車仔麵menu有多款選擇，味道也不俗，即使大圍有其他選擇，我亦會選擇這裡，更何況沒有呢？！

因為自己住附近，加上覺得間野好食，所以成日食，不過多數叫外賣返屋企慢慢嘆。呢個係個車仔麵餐單，唔知有無人POST過。自己食慣幾樣餸加埋買外賣關係通常直接走到個整野既位直接講要咩唔會畫張野我今次係食左牛筋腩、紅腸、豬紅、卥水蛋。必叫係牛筋腩同卥水蛋，特別係隻卥水蛋勁入味，好難得有間整到咁正不過食食下就會覺得有小小油，因為佢D辣汁搞到咁油，不過唔叫辣又無咁好味，同埋唔食得辣既人一定要叫少辣- -最後今日係飲奶茶，睇到樓下講話佢D奶茶唔多好飲，可能咁岩個次沖得差因為平時飲開覺得佢D奶都OK濃，不過都唔係成日係度叫奶茶飲，因為豆漿唔駛加錢..HAHA

星期六同朋友踏完單車之後去左呢間野試,我本人不太喜歡食車仔麵,好彩呢間野有第二d野食我見佢有2種芝士麵食分別係豬頸肉同雞肉,我就選擇左個雞肉食,食完覺得個麵d芝士有d甜甜地好好味d麵又整得好食,下一次再去食過

極少係大圍出沒 是日約了新相識既波友踩單車 一行六人約定1:00係火車站等早到..四圍逛下睇下有咩好食 行到尼條食街 見間間店子也很細檔還好一個人 找到間可速食 又容易搭位既 坐定 望下餐牌 選了一SET車仔麵(4餸+麵+凍飲)來到'大大碗' 想不到都食得晒 個湯底已經好濃郁 隨手又加甜醬辣醬落去..豬皮,豬紅,豬腸,牛腩 水準也不錯 麵底油麵(肥條果隻) 好原始GOOD凍奶茶 就沖得差 無茶味 奶唔香' 淡 ' 飲左半杯 極速回車站集合本想比笑面.. 可惜飲品極令人失望 "降為OK"

約左舊同事都家附近傾計, 他提議介紹此店既車仔麵唔錯,價錢又合理.店舖窄窄好彩當晚唔算多人,都算坐得舒服友人叫左2款不同餡料既餡子, 海鮮太, 菜同薯粉.我叫左肥牛, 酸齋, 拍青瓜, 魚腐同幼麵.個魚腐真係做得唔錯好香魚肉味道, 最差算係個酸齋可能係叫回來所以味道麻麻....叫既幼麵煮得岩岩好不至於過淋..友人既車仔麵,我試左一件韭菜餃真係唔錯, 餡料足又好香既韭菜4個餱仲有野飲真係相當平.

雖則呢間店的環境.窄窄的.什至貨物同座位也放得亂亂的,價錢第一眼看不是跳樓價,大約最平的26元到最貴的31元..視乎配什麼飲品....我點了一個4餸米粉加凍檸茶......31元.凍檸茶:味道真係有點怪.不是紅茶沖的,而且苦澀味什重.雖則檸檬什多.呢杯凍檸茶是不合格的....4餸米粉分別是腸仔.菜肉餃.豬紅.豬腸.......配米粉.真係好大碗..腸仔都是廚師腸.正......去超市買現在都貴....豬紅:好彈牙.入口香...非常入味..有4件左右大大件.菜肉餃2粒大大粒.新鮮的菜製成的.皮較厚....豬腸:好像無加任何調味.只是通了肥油.味道差左的..不過仍算彈牙..湯底飲完也不口喝.31元足以飽2餐.....不俗........

在大圍要找食店不難，不過要又平又好味就難dd.今日放學諗住買外賣點回家午饍。想想下就想到康和車仔面。早一個站打定電話order。可以簡4個餸。真係令我好開心，墨魚丸(食得出你係手打，好好味)。冬菇(入味夠林)。蘿蔔。菜4個餸仲有飲品。外賣只係$27

在大圍睇中醫, 找個地方醫肚, 無意中見到這間食店門口貼著"芝士撈麵", 興奮地走進去~ 見到餐牌都已經好開心~ 有不同配料的芝士撈麵, 又有車仔麵揀~ 芝士汁不算太濃, 所以吃麵時不會覺得很膩~ 豬頸肉是似燒過的, 好香, 又乾身又脆, 內裡又有肉汁, 似BBQ的味~ 湯底偏鹹, 紫菜都少許鹹, 略有沙~墨魚棗爽口~主角魚麵, 彈牙, 煙煙韌韌, 有魚味~ 以前只識去尖沙咀吃芝士撈麵, 是比較稠的芝士醬; 但今次的芝士汁比較稀, 適合女仕吃或LUNCH吃, 不會太膩~ 魚麵, 是我的回憶, 是我小時候媽媽帶過我去一間專門吃魚麵的店的回憶(雖那魚麵店集團是早已結業), 所以今次找到魚麵吃, 都令我好開心~ 我會再來架~

屈指算來，已很久沒吃過一碗車仔麵了，想起上次在大圍積信街附近的康和，憑其芝士撈丁的味道，大約知道食物處理不差，就趁前兩個週日再入內一躺。車仔麵本是簡單之物，關鍵在於選料不少，可隨自家口味拼出心水配搭，當然店家對食物的處理能力，仍然是美味與否的關鍵，以這店的選料紙來說，應可符合大眾食客的要求。加多數元下來一杯熱奶茶，期望不高之下，倒是一杯的不差的出品，茶味來得厚身，味道亦夠香濃，質感倒來得滑溜。今次選了一個油麵底，另加紅腸、蘿蔔、牛筋腩和雞翼尖四味，最後更淋上腩汁。喜歡油麵的爽口，雖然較為軟身，作為街頭小吃倒沒甚大礙。蘿蔔味道甚為清甜，沒甚老渣已值得嘉許，肉類方面除紅腸之外，牛筋腩亦算爽口，略嫌雞翼尖淡了少許，幸好有香濃的腩汁作墊底加味，作為久未嚐過的我，這一碗麵，個人來說是滿意的。吃得總算愉快，以廿九元的價錢來說，已沒甚麼強求。知道一盤生意不易為，除供應車仔麵及撈丁之外，也供應一眾佐麵小吃，多是油炸的出品，以共兩次的經驗來說，是有意慾再來一次。進食於二零一一年八月七日下午