度小月 (海運大廈) (已結業)

在台灣永康街吃過後，很久沒有再吃。有數次經過澳門分店，也因太飽而沒有機會光顧。知道香港首間分店試業，便和家人一起和小月會面。店內座位不少，故只要早些去，如六時前拿籌便可。我們被安排坐在方型木枱及木板櫈區域，感覺更有風味，有點像坐在早期大排擋當中。點了擔仔麵、米及小吃，便到入口看看師傅如何烹調這碗經典，先灼麵放入碗中，加肉燥，加醋，蒜泥，加蝦，加湯，再澆些肉汁，大工告成，手法亦乾淨俐落。稍候一會，擔仔麵及米熱騰騰上桌，香氣撲鼻，馬上將肉燥和蒜泥與麵或米粉混和，隨即吸入麵條，再吃爽口的蝦，配搭着芽菜，香菜，味道紛陳，醋亦令肉燥沒那麼濃重，三口便吃完。我想一般人起碼要吃兩碗才夠喉，又或加配一碗肉燥飯！米粉屬幼綿類，個人覺得更吸湯。加配貢丸湯，頓覺餸料豐富起來。烤香腸甜甜的，肥肉不多，配薄薄的生蒜片同吃，更有風味。皮蛋肉鬆凍豆腐，每種材料分量也足，加入醬油糕，散發着寶島風情。唯一美中不足的是沒有供應龍鬚菜，十分懷念那野菜爽脆的口感！臨走時，經過麵檔，師傅隔着玻璃和我們微笑道別，其他員工一直也很賣力招呼及有禮貌，可見他們着實享受着在這兒工作！

度小月台灣擔仔麵我尤細食到大每次返台灣一定會去台南度小月老店食擔仔麵 度小月會在香港開分店 我一定要去試香港度小月同台南度小月老店味道是不是一樣有古早味我今有機去試香港度小月分店擔仔麵 我一入到去環境同台灣度小月有九城相以 有擔仔在店舖出面店舖入面有木檯同長木櫈食物方面我叫了擔仔米粉同擔仔麵味道同台灣度小月好以莫黃金蝦捲同炸脆皮大腸超好食 下次我會再來

見到岩岩係台灣黎到香港尖沙咀開張又唔係好多人等位,2話不說同同伴去迎下新睇睇咩環境今日ORDER左以下食品擔仔粿條,祖傳肉燥飯,烤紹興香腸蚵仔酥,芙蓉炸豆腐,胚芽奶茶,香檳巨峰乳酸擔仔粿條--不過不失祖傳肉燥飯--肉汁味濃,幾好食烤紹興香腸--台灣最興食烤腸梗係要點下啦,食落都幾香口蚵仔酥--台灣梗要食蚵仔啦,食落都幾香口都鮮味芙蓉炸豆腐--嫩口豆腐都算OK胚芽奶茶--不過不失香檳巨峰乳酸--正常口味因為佢岩岩試業全單有個8折,抵返晒夠飲兩杯野飲

只聞樓梯響左好一段時間~呢幾日開始見到有唔同的網媒介紹佢..仲話有試業添..作為台菜愛好者~當然要去先試為快!當晚去到門口原來而家試業一個時段只做有限台...好彩我都算早到,可以拿到張飛!!係台灣的度小月裝修主要係用深色的木頭作為主色調~黎到香港就有小小唔同!香港的裝修比較光猛~雖然都係用木~但香港的顏色選用比較淺色的木~古代感冇台灣咁濃,有返香港的感覺多的!唯一一樣的就係門口都有一個擔仔爐,有一位師傅專門煮擔仔麵的!聽聞呢位師傅仲係係台灣店個邊過黎幫手的!希望品質真係似返台灣的感覺!!坐低第一件事當然係叫返碗擔仔麵~係台灣度小月食過...味道係好濃好濃,而且因為底味加左黑醋,所以會有一種酸酸地的味道,岩岩中和返肥肉的膩..叫個陣侍應哥哥仲推介食擔仔米粉!因為話的米粉真係台灣飛過黎的!好,信佢!!就叫擔仔米粉!上到台碗米粉的賣相同香味同係台灣食的有90%一樣!!因為一樣加左小小油蔥係面，除左小小黑醋的味仲有油蔥味!好香!!食落味道又點呢?或者真係可能係試業的關係...我覺得有8成一樣，同台灣差的係...台灣肉燥的味會再濃的!香港的肉燥比台灣的淡口味小小!希望之後佢地可以再濃返小小就好!

今晚收工同朋友行去海運大廈.......又見到間新野啦....但係真係不得了......多人多到爆炸.....仲要排長龍排到水蛇春咁長.....本來要等咁耐就唔食架喇.....但既然見佢有八折咁就等下啦.....仲要成張單八折喎咁又真係好抵嘅.....不過可惜今晚個電話無電.....要借朋友個電話來影相.....所以影得唔靚就唔好見怪啦......見到呢位先生笑得咁開心唔知道裏便啲嘢食得唔得....但係淨係等都有排等.....因為要攞籌嘅關係.....出面就好多人等.....要開始之後先至比入....不過裏面個環境真係好靚....可以看到個無敵大海景坦白講....依家用一個合理嘅價錢食到一個豐富嘅晚餐已經係一件賞心樂事嘅事但係如果仲可以有一個靚到爆嘅環境底下食嘢.....成個人美好嘅心情真係會返晒黎呢度個環境確實唔錯其實呢度啲嘢食價錢又真係唔貴架又食環境又食好野......一樂也擔仔米粉/粿條/肉燥飯: 細細碗,可以食到多幾款食物,味道同台灣差不多酒香雞,真係同個名一樣酒香囉，雞都好入味,值得食安平鮮蚵湯: 鮮甜味足,好味,值得一試相比下胡椒肉略為遜色了!沒什麼特別今晚食咗好多野...

係台灣食完度小月嘅肉燥飯之後一直都好想再食，而家香港都有得食啦雖然而家只係試業中但服務態度都幾好，環境唔錯有卡位可以望住成個海境食嘢感覺唔錯坐位夠闊幾舒服！因為今次得自己食，所以只係叫咗個肉燥飯，擔仔麵同三杯雞煲肉燥飯味道同差不多，好香，肉燥汁夠多，飯粒粒分明，好食擔仔麵反而有d失望，麵質係幾爽嘅但有少少鹹水味，我個人就不太喜歡三杯雞煲好野味，好香，但d雞唔夠滑，雞胸部份太大塊唔夠入味，反而配菜入哂味，正

我今次見度小月由台灣黎香港開業，咪就試下囉。等籌唔太耐，但係就侍應服務就好慢，以為坐窗口位望到海景好好，但係就唔夠侍應，食完野落埋格都未埋單..............................食野方面，D肉燥飯就好香，但冇味，飯太削，太油，無肉燥味。鹽酥雞就唔太重味，雞食完冇油香。但喺台灣食過呢間好好食，以爲會有同樣質素，但係估唔到呢間竟然差禁多，所以我以後唔會再黎食。

朋友約食lunch, 知道香港新開了度小月，特意來試。位置係LCX入面，尚算方便。試業期間每節只有三十張枱，朋友特登早d去羅位，十二點三前都仲會有枱，唔想等最好預早少少去，一到十二點半門口已經好多人。試業期間仲有全單8折。有海景枱，不過我地選擇左入面大d既方枱。裝飾都幾靚幾古典，坐得舒服。第一道上既係魯水大腸，好入味好林，係我食過最好食既大腸！一級推介！呢個係脆蝦，好脆味道亦十分好，配上甜甜地既祕製醬好夾。呢個麵既味道相對較淡，份量亦十分少，就算女仔食一碗都唔飽，好處係可以叫多幾樣野食。麵同魯肉飯要二選一的話，會比較推介魯肉飯，味道較濃郁，兩者份量差唔多。原本以為湯會腥，但一d都無腥味，湯入面有酸菜絲、柯仔同豆腐粒，味道不錯。最期待既其中一個菜，入口個下味道都算濃，可惜應該未夠入味，食落味道偏淡，不過雞肉尚算嫩滑。內有香草八層塔，唔食既就避免點呢個，因為香草味都算濃。

行開海港城，發現居然有幾年前o係台灣食過嘅度小月新開張，由於試業其間，每段用餐時間會派發30張籌，每張籌可以確保有位坐。等左30分鐘就攞到籌後，再行多陣街先返去食晚飯。兩個人叫左4款食物。擔仔麵 — 好味！肉燥飯 — 不錯黃金蝦捲 — 好似炸左嘅蝦膠，雖然好脆，但比想像中少蝦，不過醬汁有特色（類似芥末醬）溫泉絲瓜蛤蜊 — 極度推介湯清甜、一碟有廿幾隻蛤蜊；好抵食。由於試業期間有優惠，埋單加埋一都只係$200幾蚊，十分滿足

滷肉控的我，得知香港某飲食公司買下60%度小月股份經營，開店等一天就可試試當然不能放過，而且享有八折優惠！雖然過江龍在外地未必如當地原味🙄，而且正中台味香港人也未必習慣：例如五花腩肥肉滷肉飯，對keep fit的香港人應該投降😂裝置保留台店特色，仍然少份量一碗碗。可能開業有限度供應的第一天，大家臉上也比較緊張，這樣也可以理解🤗特別推介是他們的擔仔麵 $28：微辣有香芹味很野味，只是分量比較少。滷肉飯$28 ：肉碎少，飯太淋不夠QQ炸蝦卷$88：加上酸甜的醬汁，似吃豬肉腸加少少蝦肉！仍不錯蘆筍番茄沙律：蘆筍柔嫩爽脆，但蕃茄似中國茄欠缺蕃茄味！個人對他的胚牙奶茶較失望：奶+茶的水，太稀🤔