度小月 (海運大廈) (已結業)

來自台南的度小月，是我每次到台灣一定要去的舖頭。而在香港的唯一一間授權店就係落戶在海港城。店內環境設計與我在台南總店所見有八分相似，都是在大門旁有一個傳統煮麵的地方，擔仔麵就在我們面前製作。度小月的擔仔麵，味道濃郁強烈，配上蝦及特製肉燥，令我想食完一碗再一碗。祖傳肉燥飯，香味四溢的肉燥配上白飯，也不錯。紹興酒香雞，酒味不算重，雞嫩滑爽口。柯仔酥，粉薄脆口，蠔仔無腥，不錯。三杯雞煲，充滿九層塔嘅香味，雞肉也非常入味及惹味。珍珠奶茶，甜度合適。味道真的不錯，唯價錢比較進取，遇爾一餐就當作奬勵自己。

之前大排長龍嘅度小月，我當然都要試試佢！2個人叫左三款食物。櫻花蝦九層塔煎蛋🍳 ($68)唔知係咪因爲我唔係好中意太重九層塔嘅味，佢係一大塊嘅葉嚟，搞到成個口都係香草味🤦‍♀️但佢櫻花蝦份量係多嘅😚唔會太油，但68蚊有點唔值呢！擔仔麵($28)依個擔仔麵反而唔錯，雖然望落勁多油，但食落湯夠清唔會太咸，可惜麵質有小小太淋😭同埋份量太小了粗傳肉燥飯($28)肉燥飯都係一樣太細碗，兩三啖已經食完。。。仲有肉燥有d油同埋唔香口🤦‍♀️有d失望呀！

不單止不喜歡，根本可以用討厭來形容，相信這一家所謂的品牌公司， 根本不可能在香港 有站穩腳知能力，昨天吃了一次， 感受就是免費也不會再去一次 ，想像不到所謂品牌公司請的員工可以低劣如此，不單止沒有禮貌基本上連文化也沒有， 難道這就是台灣度小月文化 ？對客人 不止黑面這麼簡單 ，完全不尊重，不回應， 其實如果真的這麼不開心為什麼要上班？ 這樣的工作態度等於趕客,這家公司請到這樣的員工相信每個客人 以後也不敢去! 很明顯 員工培訓很差！ 其實也只不過就是一家台灣的 普通餐廳 !為什麼以為自己變了六星級米芝蓮大廚呢？？？？ 每個員工也好像自己是老闆娘一樣!你吃就吃不吃就走吧！ 還是你們的員工福利很差令到員工在工作時間很不開心見誠對客人態度也不好？

之前在報章雜誌見到D blogger介紹台灣過江龍度小月，一直好想幫襯。今次難得過尖沙咀，所以就算已經食左Lunch, 都一定要試下！可能因為是平日再加上是過左lunch time, 所以唔使排隊仲無乜人。擔仔麵細細碗，之前見到雜誌話湯底是用蝦頭淆成，混埋肉燥，蒜泥，芽菜，葱花一起食，味道不錯！麵質亦彈牙！唯一放在頂部隻剝殼蝦反而可有可無，雖然份量好細，不過只是$28都算平！滷大腸~有D失望！ 鹵得唔夠入味亦唔算淋，好彩D豬腸處理得好乾淨，裏面一啲肥膏都無！珍珠奶茶有D驚喜！好香好滑，茶味亦好濃！好好味珍珠咬落好彈牙！雖然舖面無乜客，但係唔知点解無乜人serve, waitress亦無笑容和比較冷淡！如果多客嘅時候真係唔知点！

「度小月」已經開了好一段時間，但响海港城返工嘅我，到今日至去試，原因就因為Friday night都可以好快有位。（記得最初開業要排長龍，所以一直無去）食物味道整體不過不失。但食物分量較細。二人食了三百幾蚊，只算不肚餓，但又不算太飽。如果不用排隊，都可以不妨一試。

星期六就出來海港城行街，當然順路來食飯。😂來到lcx幾間揀左度小月，之前係台灣都食過，味道唔錯，試下香港店如何。我地3個人，要等8張台。大約半個鐘左右。等候時間都算ok. 限時個半鐘.野食都來得幾快😊😊其實等個陣可以用wechat點餐先。平安蚵仔湯：豆腐蚵仔湯，以為係好鮮味，但薑味重d既清湯花生豬手：夠入味，花生可再淋d😋😋仲叫左黑椒肉同蚵仔酥2種都幾好味，下次可以再試。鹵肉飯：😋😋細細碗，仔仔自己食一碗😝😝仲叫左鹵肉祼條，唔記得影相。飯好食d😄😄每碟分量都唔大，可以叫多幾款來試😊😊

度小月我相信好多人都係台灣都食過！講真香港呢間算不錯，水準拍得往Keep得到Standard! 我鍾意佢細細碗擔仔米粉，唔會太淋，米粉幼細，要飽真係要食好幾碗㗎！佢嘅滷肉醬夠香濃上邊加隻蝦撈埋食令到米粉唔會覺得無味！所以我都係決定叫咗兩碗滷肉飯食、啲滷肉醬真係可以送幾碗飯！特滷大腸啲滷水味入晒同埋夠淋，大腸入邊唔會有肥膏，旁邊加咗炸薑絲！芙蓉豆腐內裏滑外面脆加少許甜，仲有少少豉油汁俾你點！溫泉絲瓜蛤蜊個湯正夠鮮有少少胡椒味道，絲瓜清甜爽脆！鹹豬肉炒飯有好多黃椒紅椒其實就冇咩特別普通炒飯一樣~

以台式傳統口味作招徠，招牌肉燥飯的確好味，但份量較少。擔仔麵和擔仔米粉味道地道，不妨試試。其他小食如豬手、豬大腸、炙烤胡椒肉都好食😊份量適中。安平鮮蚵湯味道鮮甜。珍珠奶茶甜味茶味適中，珍珠有咬口，正

先唔好講食物好唔好食，服務真係奇差，唔係只係我個一枱，另一枱個服務生落完單反白眼仲要不停掘金礦，真係無得頂！我地叫左滷肉飯，炒椰菜，滷水大腸，滷蛋，鹽酥雞同九層塔煎蛋。野食除左個滷肉飯同滷水大腸好食少少，其他野食真係好一般，個鹽酥雞得個「酥」字加炸粉，十分失望。對食物的失望程度黎講，真係唔想浪費時間一樣一樣咁寫出來。本人十分滿意台灣的度小月，每一次去都會幫襯，但香港的度小月，無論食物同服務都十分惡劣，應該請我去都唔去

上年跟大人去台灣旅遊就去咗度小月朝聖，難得香港開咗分店就要去試吓順便拍吓拖，睇完份餐牌都係叫必食嘅鹵肉飯鹽酥雞，見到樣樣都想食有鹵鴨蛋又叫一隻嚟試個味香過雞蛋好多，兩個人真係眼闊肚窄，除上面個D仲叫咗炸脆皮大腸，烤紹興香腸，蒜泥鮮蚵係凍盤連個豆腐都好夠黃豆香味，黃金蝦卷夠咸香，櫻花蝦炒飯又炒到D飯一粒粒好有咬口，樣樣都好好味可借個肚皮唔爭氣食唔灑，當然唔可以做大灑鬼一於take amway攞返屋企做下午茶。

復汘節後第一日返工完全不在狀態，holiday mood未完，淨係期待快啲放工去食餐好😋想食咗度小月好耐，一嚟我好鐘意食台灣野，二嚟我好鐘意紀曉嵐入面既杜小月xd門面好有霸氣！型！每次去台灣餐廳都一定要試魯肉飯！最鐘意比較下唔同餐廳既魯肉飯，呢度既魯肉飯唔錯，個人鐘意食肥肉，呢度既魯肉飯都夠肥，肉汁好味，一流！第二樣必試係三杯雞，既甜帶辣既味道我最鐘意，一路覺得出面餐廳整既三杯雞唔好食，得個咸字，但係呢度既三杯雞出乎意料既好，醬汁同調味一流！黃金蝦都必食，咸蛋黃同蝦真係絕配，咸香味重，蝦膠爽口，值得一試！最後呢個肴肉就一般般，有啲太滯😞

我食過台北同澳門既度小月一直對佢既是擔仔米粉同擔仔面情有獨鍾仲有佢係澳門既炸皮大腸同古早味滷豆腐完全係久久不能忘懷所以度小月係香港開張以來 一直都想去食翻我好喜歡既擔仔米粉終於約到男朋友去食我地叫左兩碗擔仔米粉同一碗肉燥飯特滷大腸 同皮蛋肉鬆豆腐特滷大腸同皮蛋肉鬆豆腐先上枱賣相好唔掂大腸份量好少不得只 仲要色水唔吸引食落去真係好一般 唔值個個價值皮蛋肉鬆豆腐更加令我失望一個咁簡單既一道菜竟然味道可以咁普通同台灣食既皮蛋肉鬆差天共地佢既皮蛋唔係糖心 仲要得好少皮蛋肉鬆係cheap cheap肉鬆個汁好一般 真係好失望再黎擔仔米粉同肉燥飯擔仔米粉水準仍有 不過唔夠熱辣辣肉燥飯就好一般 可以再多啲肉燥食完香港既度小月之後令我對度小月信心大減 熱情不再了

今日嚟到尖沙咀海港城行街經過見到係台灣好出名嘅餐廳就係台灣嘅度小月啦利申本人係台灣係未食過的所以呢我係同唔到台灣嘅本店去比較今次我係二第一次初嘗試嘅心態去食一入到去見到個餐牌初頭睇價錢都唔算貴但點知啲食物一嚟到發覺原來食物嘅份量係非常之少啊真係完全估唔到今次我叫左招牌嘅胡椒肉,擔仔麵啦,肉操飯啦仲叫咗一個雞煲仔點知個雞煲真係雞煲仔嚟嘅坦白講佢啲味道真係唔差食物的價錢亦因為地段嘅關係而變得貴佢哋嘅擔仔麵同肉操飯嘅味道都係非常之香但份量真係非常之細如果一個普通嘅男仔真係可以食兩碗嘅肉操飯先叫做啱啱好依個招牌嘅胡椒肉就真係普普通通兩個人加埋食咗嘅價錢其實買單嗰刻都覺得幾貴因為兩個人真係食得唔多野

路過一試，味道冇咩特別，而碗麵好細，我不建議特地去食，今日試食感覺失敗。再加上開係海港城，貴租，食客少！建議佢改改份量，轉地方再做。食不到有台灣的味道，來到香港變左另一個味

點了蚵仔湯、鹵肉飯、秋葵、豬腳，這4個味道都很一般，沒有什麼特別好食到要回味，沒有覺得要下次再去的必要性。其實都知度小月份量少，但計港幣就算貴了些。但有一碟炸蝦。忘記了名堂，但真系難食到喊！😭😩勁後悔點了這個！d炸粉仲衰過系旺角街邊d炸物用隔夜油，一大陣油益味😖 其實d炸物好難整咩？點解可以一d蝦味都冇，d粉又難食！都要成$88㗎！難食成咁算好貴呀！我吃了半條就再冇掂碟野。兩個女生，埋單共$400。尖咀這個價錢可以有很多選擇，呢間嘢可以冇下次啦！