影片
又系中午放饭，同同事们行下揾野食，想转口味又唔想食咁贵㖞，行过呢间幸运来午市快餐45蚊，餐厅格局都钱整齐就入去试下啦。餐厅座位都唔少，左右2边有卡位，中间圆枱几张，位与位之间唔会好迫，冷气都够凉，茶仔黎讲环境算几ok。咁睇下餐牌啦，除左午市快餐都仲有好多其他野，有铁板餐之类，面餐呢d都唔少得，仲有d蒸鱼类同汤饭类既，选择都算几多。咖哩牛腩饭同事们就拣咖哩牛腩饭，饭睇落就正常唔会好湿，咖哩黎讲就椰香味偏重，坐格离都闻到，但咖哩味就弱d，都无咖哩本身既辣，不过中肯d讲，茶仔咖哩系咁上下，再差都食过，呢份起码有个香字先，牛腩望落就唔太腍，另外有3大旧薯仔，茶仔质素咁上下啦。干炒牛河呢个餐等左10分钟左右，即叫即炒几有镬气，但调味就差d，味道偏淡，加返d辣椒酱就岩岩好，油份方面就还好，起码唔会浸晒成只碟，算食得过啦。饮品方面就正正常常啦，无乜特别，整体而言就中规中矩既街坊茶餐厅，好多人叫外卖，价钱黎讲就正常价位，质素无话特别好都唔太差，间中食下都ok既。
继续阅读
因为郊游入咗元朗，时间紧迫就入咗间茶餐厅😂😂例牌队个茶记早餐啦！沙嗲牛系每次去茶记都叫咁滞😆😆😂我食米粉，朋友食面🤤但感觉点解面系多牛肉D？😆😆沙嗲唔够浓，一般。牛肉都合格，每碗仲有几条香菜比你😂😂不过我自己觉得白菜同碗粉真心唔夹🥲另外碗炸菜肉丝米，都算多。基本嘢，冇乜特别🤣跟餐嘅多士就真系⋯十级hea。冇乜牛油，午餐肉都系淋。🥲-沙嗲牛肉米粉 跟 餐肉煎蛋多士 冻华田 -沙嗲牛肉出前一丁 跟 煎双蛋 热奶茶-炸菜肉丝米粉 跟 餐肉煎蛋 冻柠茶
继续阅读
第一次来，只是路经随便揾食。午市过后都颇多顾客，应该是街坊食肆吧。随便点了个雪菜排骨大碗米线，送热饮，37 蚊。米线送来后有点意外，因为本以为是上海式排骨，即炸猪扒那些，怎料面前的是中式蒸排骨那款排骨。但吃下有惊喜，雪菜排骨应该是落镬炒过再加献汁，加了红色甜椒，卖相好看，又有点点微辣，惹味，汤底较浓较杰，整体味道不错。不时听到厨房炉头传来阵阵火气镬气声，估这里的中菜应该也不错。茶记价钱，但食物不马虎。
继续阅读
星期日，约埋一齐去了南边围踩单车，踩到好攰好饿好夜，所以就去了香港人最爱嘅茶记，最紧要快靓正呀麻。去边度食，近近地就依间幸福来茶餐厅喇，地方方便，但求就手，e肚紧要。晚餐精选，加冻饮成为55蚊。一般茶记嘅都应有尽有。环境还可以，5-6张卡位，三张大台，我地3大2细就坐系中间张大台，还算坐得舒适。点左4个餐，饭菜分开上的，不是掂头饭，点了西兰花炒鱿鱼，菜胆鸡，沙爹金姑肥牛煲，京都骨。睇卖相不错，味道也可以，够镬气，唯独鸡得胸位置，所以鞋口，麻麻地。咁多人食两百几蚊以依家嘅市道都算系咁了。
继续阅读
来到元朗，一于来尝尝街坊＂茶记＂，在门外的餐牌看到价钱实惠的精选晚餐，便随意的走进去，正所谓＂没有期望，便没有失望＂，这次可是例外了…坐下来之后，店员温婉有礼的递上一杯暖开水，示意我可以慢慢的挑选，看到餐牌菜式种类挺多的，我便点选了精选晚餐的＂啫啫鸡煲＂，不消一会，鸡煲迅速来到桌上。先吃一口鸡肉，味道只有咸味，于是我抱著怀疑...一连吃了三丶四件的鸡件，证实了只是鸡件表面沾上了咸味而已，再没有其他味道了；其实料头有＂洋葱丶蒜头丶冬菇＂等等，这样也＂没有出味＂，之后我逐一细味每一样材料，也许问题在于＂一切来得太快＂，急赶的火喉确切没有把材料的味道发挥出来。看著份量十足的鸡煲，最后我也坚持把它吃完，一边吃著一边替它感到可惜，如果能掌握细节，加以改进，你说这样有多好呢？
继续阅读