影片
更多
2020-01-31
1423 浏览
仿照日本神社的幸福鳥設計別出心裁，門口掛上一塊塊寫滿香港人心願的繪馬，話題性或吸睛度同樣滿分。幸福鳥係主打串燒的居酒屋，收費唔平，但勝在用料上乘，更可以即時做會員，以買一送一價錢換購Suntory Gold啤酒，食住串燒飲啤酒，爽！京都特濃男前豆腐打響頭炮，豆腐由日本空運到港，豆腐口感令我記起京都嵐山的豆製品，豆味特濃，加埋薑蓉提味，係一個頗有新鮮感的菜式。馬蹄鮮魷燒肉棒屬必點單品，賣相一流，將馬蹄、土魷與豬肉拌勻後整成肉棒，口感豐富有咬口，沾滿蛋黃醬食又係另一番滋味。阿波尾雞盛合包括雞肉、雞腎、雞心、雞軟骨、雞肝、雞翼等。雞肝和雞心燒到好香，各自配上鹽和秘制醬料，内裡軟綿綿，唔會過分食到内臟的腥味。雞翼外皮燒至金黃香脆，肉質嫩滑。雞肉我就食唔出日本雞的肥美juicy，不過雞肝最得我心，生熟度剛好，咬開香脆的外皮，內裡軟綿綿，好味。豬肉露筍卷將豬肉燒得香脆又有油脂口感，配襯露筍的獨有香味，可再encore。燒大蘑菇肥大肉厚勁多汁，菇味香濃。茄子擺盤有心思，可以額外沾醬汁食，我比較中意清淡口味，食出材料的鮮味。綠茶雪糕竹碳脆脆豬睇得又食得，竹碳脆脆豬有種難以形容的竹碳香，一啖有齊凍、熱、
仿照日本神社的幸福鳥設計別出心裁，門口掛上一塊塊寫滿香港人心願的繪馬，話題性或吸睛度同樣滿分。
幸福鳥係主打串燒的居酒屋，收費唔平，但勝在用料上乘，更可以即時做會員，以買一送一價錢換購Suntory Gold啤酒，食住串燒飲啤酒，爽！
京都特濃男前豆腐打響頭炮，豆腐由日本空運到港，豆腐口感令我記起京都嵐山的豆製品，豆味特濃，加埋薑蓉提味，係一個頗有新鮮感的菜式。
馬蹄鮮魷燒肉棒屬必點單品，賣相一流，將馬蹄、土魷與豬肉拌勻後整成肉棒，口感豐富有咬口，沾滿蛋黃醬食又係另一番滋味。
阿波尾雞盛合包括雞肉、雞腎、雞心、雞軟骨、雞肝、雞翼等。雞肝和雞心燒到好香，各自配上鹽和秘制醬料，内裡軟綿綿，唔會過分食到内臟的腥味。雞翼外皮燒至金黃香脆，肉質嫩滑。
雞肉我就食唔出日本雞的肥美juicy，不過雞肝最得我心，生熟度剛好，咬開香脆的外皮，內裡軟綿綿，好味。
豬肉露筍卷將豬肉燒得香脆又有油脂口感，配襯露筍的獨有香味，可再encore。
燒大蘑菇肥大肉厚勁多汁，菇味香濃。
茄子擺盤有心思，可以額外沾醬汁食，我比較中意清淡口味，食出材料的鮮味。
綠茶雪糕竹碳脆脆豬睇得又食得，竹碳脆脆豬有種難以形容的竹碳香，一啖有齊凍、熱、脆口感，吃得過癮。
张贴
