幸福鳥 (K11購物藝術館)

营业中

休息中

同男朋友慶祝生日去咗呢度食午餐，環境幾靚，鋪頭出面有個位可以寫啲祝福係個牌度掛起，成個裝修都好有日本feel，同埋可能嗰日係閒日，唔係太多人，坐落都幾舒服嘅。我就嗌咗個和牛小排套餐，賣相都幾精緻嘅，配菜嘅麻將豆腐好好食，溫泉蛋撈埋落啲飯到食口感一流。而和牛分量上雖然好似有啲少，但係都真係入口即溶，燒得好好，唔會過熟，牛味好重，牛肉同埋飯嘅份量啱啱好，啲牛肉係啱啱好可以送晒啲飯，非常推薦。男朋友叫咗幸福串燒六盛合，軟骨免治雞肉串好好食，其他串燒表現就正正常常，呢個價錢食到六串串燒仲有飯同嘢飲其實算幾唔錯，再加上係OpenRice book位一點前離坐有九折，想食個好啲嘅lunch慶祝下呢度係唔錯嘅選擇。