影片
睇戏前喺附近行下睇下有咩岩食，见到开左间新既车仔面就想试下，因为可以快食～叫左下面啲菜色式一人餐 - 牛牛面 $83 🐄🍜车仔粗，腐乳通菜，鸭屎柠檬茶。澳洲牛筋丸、潮州牛肉饼、牛腩、牛肋条、秘制金钱肚、卤水牛筋、冰糖萝卜呢个牛牛面份量一啲都唔少，面底多，而且好足料，牛筋丸超级弹牙，秘制金钱肚好入味，个牛筋软淋适中。👅猪猪面 $58 🐖🍜猪猪自选面底（油面），汤底猪骨汤及秘制鱿鱼汁（辣），中辣，热柠茶猪大肠、猪手、贡丸、腩肉、猪皮、猪红、时菜猪猪面个猪骨汤底好鲜甜加埋辣既秘制鱿鱼汁一流呀！猪大肠好易入口，要一赞个猪皮👍🏻系吸哂啲汤汁，正，猪手摆喺最尾内食因为觉得系重点，猪手煮得好腍，好似入口即溶咁。🌶️另外呢到提供无限量既菜脯，对于我呢啲钟意食辣既人系好吸引。✨✨✨经典煎酿三宝 $26✨✨✨✨呢个我觉得系必点，无谂过一间车仔面店可以整到咁出色既煎酿三宝，一定要趁热食，个红肠酿左好弹牙既鱼肉，啖啖肉，仲要价钱系非常合理。同埋店内既店员都好有礼貌亦都好好客。住喺荃湾附近又多左一间车仔面既选择，对于我呢啲车仔面爱好者又可以减少选店既困难👍🏻
继续阅读
食完又再黎食😋喺荃湾嘅「幸福面馆」，呢度嘅港式车仔面真系好受欢迎，选择多到眼花撩乱！我哋今次叫咗两碗唔同嘅面。第一碗自选5𩠌面： 卤水汁汤底；呢个卤水汁汤底香气十足，味道浓郁，我叫咗少辣，所以唔会太刺激。 卤水鸡翼尖和卤水牛舌：肉质好嫩，卤水味道好入味。 鱼肉春卷：外皮酥脆，内馅鲜嫩。虾饼口感弹牙，味道鲜美。鱼腐吸收咗汤底嘅味道，好正。第二碗自选5𩠌面： 沙爹汤底，汤汁浓郁，带有花生酱嘅香气，微辣嘅味道好开胃，食落去有种特别嘅风味。卤水腩肉、卤水鸡翼和 卤水牛舌：腩肉嘅脂肪适中，肉质软嫩，食落去好满足。 牛肉丸：牛肉丸弹牙。 鱼肉春卷：外皮酥脆，内馅鲜嫩。
继续阅读
Lunch time 同同事食饭，见系多款式既车仔面，就入咗去食见到牛牛面，有咁多唔同类别既牛，menus 写有牛膀，牛筋，牛腩，而且写到明冇果样野就有牛肉饼或者鸡翼replace ，就叫左嚟食上到枱见到都几丰富，但打松个面就发现冇牛膀，咁见到有牛肉饼都明嘅，少一样但再睇下，点解会冇牛筋呢？向楼面姐姐表示冇牛膀同牛筋之后，佢同我讲有牛肉饼，我话咁鸡翼呢？佢入厨房讲完之后，比我听到，厨房只系向楼面姐姐表示有多牛腩（啲牛腩细粒到我都唔知多几多）然后楼面姐姐只系后补左牛膀比我，咩解释都冇，但亦都冇将厨房所讲嘅转达比我知汤底我拣牛腩汁，但淡而冇味我只能讲份量少，唔会饱，而且比少咗野你都唔会知！！！提出都冇咩用
继续阅读
本来想食隔篱𠮶间日式蛋包饭，点知人哋晚市一定要订位，所以就嚟试吓呢间车仔面。见其他食评推荐猪猪面餐，就叫咗个，另外叫咗个三𩠌面，猪软骨、冬菇、腐竹米 。猪猪面系有猪手，猪皮，猪红 。猪手系卤水过嘅脑汁同其他餐厅有啲唔同，偏向台湾𠮶种，有药材味嘅卤水。炆得唔会太腍，有啲咬口。另外，猪红猪皮味道就同大部份餐厅一致。猪软骨都好好味，冇汁系偏甜嘅肉都炆得好腍唔会黐牙，最夸张嘅系份量，整整三大嚿猪软骨，食完呢个𩠌都几饱。每一个𩠌都可以拣唔同嘅执底，佢又腩汁沙嗲咖喱等等，仲可以挑选唔同嘅辣度，我见佢枱上边有摆咗罐辣味鸡粉，所以面冇叫太辣，但系我发现佢枱上嘅辣粉同后厨加嘅𠮶种辣汁系唔一样，后厨嘅辣汁系更加惹味 。埋单100出头，真系几抵食 。
继续阅读
呢间幸福面馆真系好可以话系隐藏系小巷嘅宝店。佢嘅车仔面真系好好味，今日闲日嚟试嘅时候都已经好多人，令我非常期待呢度嘅车仔面价钱唔算贵，食后觉得好出色值得推介。朋友点左鱼鱼面，鱼味鲜甜浓郁，配料好多鱼🤣有鱼腐，鲮鱼肉，鱼蛋，鱼皮饺，鱼肉春卷，香菇同菜等等，简直超丰富又够鱼，唔同食料唔同口感味道，配搭油面真系啖啖滋味。我就拣咗个自选四送车仔面，金钱肚炆得够晒入味，虾饼又弹牙，鱼肉春卷吸左汤汁好好味，配料份量十足，餐厅真系落足本。可以选择唔同酱汁，按自己口味喜好，层层香味太好食！另外都试左个马来虾米辣椒酱（免费问职员拎），超级推介，风味十足，唔会太辣，反而虾米香味更突出，绝对令味道提升！呢餐食完真系好满足，食完又唔会口渴，港式风味满满，赞！
继续阅读