幸福四季椰子雞 (譽發廣場)

营业中

休息中

今晚即興0係旺角搵食抬頭見頭呢間幸福椰子雞好吸引咁就上左去望下有無位好彩有位呀點左竹笙椰子雞湯底(半隻)好清甜呀好香椰子味雞肉好滑佢仲有青檸同辣椒同黃薑點豉油加埋個味道辣辣地好開胃讚自家制響鈴呢個黎到新鮮熱辣唔知係咪我地掛住飲湯無襯佢熱辣辣食食到個心就有少少硬但面頭係好鬆脆呀蟶子兩隻呢個係是日海鮮推介望落同食落都好新鮮仲要都幾大隻呀特長蟹棒黎到都幾狀觀個SIZE真係好長可以CUT開兩份食落口感就正常呀油麥菜呢個正正常常啦份量都可接受唔會好少呀

三大一小盲中中walk in 食咗一千二百幾,完全唔知食乜 ， 啲嘢又細碟，又唔係高質素， 個脆肉鯇魚腩多骨梅嘅，下欄嘢 。。一家大細諗住食飯都費事講太多， 埋單直接問佢有冇折，佢話openrice Book先有八折喎，平日就五折。你係值嘅我一蚊都唔會同你講價， 我話不如你畀返個八折我啦，最後冇折比我 ， 既然我開到口咁你咁堅決唔緊要，你識做人我識做人， 自己都做過飲食，我勁少咁樣去踩一間舖頭，佢又唔問客原因去改善， 錢我照畀，其他我都費事同佢講， 上到嚟openrice先睇到中咗伏，搵水魚。收我正價加一仲要茶位 畀啲咁嘅嘢我食 ， 百幾蚊一碟美國豬肉畀八片我， 仲要係啲普通貨， 椰子雞煲冇特色。。。。 其他嗰啲嘢真係細碟唔值，淮山 蜂巢豆腐 好似都係得個八件，都費事嘥氣講佢有幾唔值呀 。 睇佢玩得幾耐， 老老實實冇下次，仲要唱衰你添， 生意唔係咁做 ，完。

晚餐又唔想邊爐唔想雞煲然後成日路間見到既椰子雞決定去試一試上到去啲侍應服務態度好好環境好舒服 又會問我想食咩口味 會推介幾款菜式最後嗌咗個竹笙椰子雞牛小排有牛味冇雪藏味點多咗幾樣餸就已經飽啦三個人買單都係九百幾蚊都幾平㗎

小心中伏如果有計開數嘅話一睇就知個套餐其實同半價優惠嘅主菜單係一模一樣價錢套餐$288一位 +1醬料$15飲品$30鍋底,煲仔飯 冇半價大概跟住套餐叫“計埋50%半價”, 鍋底, 加番醬料, 少量飲品***$600左右+1*** 不過最刺激都係樓面, 一坐低大概10分鐘瘋狂chur你落單🥲前菜超級難食, 超酸美國牛一般啦啲丸餃就算啦🌚啲份量勁少連我嘅女人都話唔夠飽🥲 好彩落街有得食燒賣魚蛋補番數anyways....努力搵錢

今次是第-次到幸福四季吃文昌雞。這餐廳的食品質素很高。同時服務員的服務態度也好好。很值得推介去的地方。其中最出色的時巨大響令，手打肉丸。脆肉腩魚片。菜很新鮮。地方舒適。

環境舒服位置寬闊，而敍舊傾吓計，食材好，。最值得嘉許是餐廳服務生們。清晰介紹食餐方法，親切。因為服務和食物。值得推介餐廳。一家要食翠骨鯇和手工響鈴。謝謝招待，下次見

一上去，已經冇乜人，得幾枱，已經覺得中伏，諗住俾個機會佢試下喇，見有套餐，就點左，點知超少食物，288一位加一，得半隻雞，8粒丸，10塊牛肉，一盤雜菜，半個烏冬，3條響鈴，2杯雪梨茶。嘢食少都吾係問題，我覺得質量好既話，可惜個煲一上，勁大個煲，勁少椰青水，可能得一隻，倒埋半隻雞，係講緊得十件雞件左右，少得可憐我朋友仲話，驚你搵吾到啲嘢食，我都忍吾住笑，望餐牌完全點吾落嘢食！拿拿林食完快啲走！呢個價錢食放題都冇甘嬲

本身約上一個星期四，不過其中一位大忙人話要改期，就哂佢！正至當日如果唔係主動問，都唔知con 唔confirm !😪而地點都係果陣先知🥴原來都係就佢近office 👻好明顯大忙人遲到啦，我地其中兩個女人就叫住兩碗小食食等（煎墨魚餅同青瓜併蓮藕）-前者意外地好食，夠彈牙。人齊叫左個必叫椰子竹笙雞煲，飲啖靚湯再打邊爐。椰子🥥水煲湯當然清甜，灼完雞之後總會合理地有油啦！（共實已經算清）我地分別叫左鵝腸、肥牛、冰豆腐、貴蚌、脆鯇、生菜🥬等等，叫既都唔會好油！另外原來大忙人黎過好多次想試煲仔飯都冇試過，今次必吃😬結果幸福煲仔飯不負所望🤩可以自己偏愛呢類飯種，臘味炒飯煲仔上有飯焦OMG 🤩😋估計唔到打邊爐唔係我杯茶反而臨尾執個熱煎堆😛

限聚令放寬後終於可以約埋好友再黎食椰子雞, 多個月前第一次黎已經好有驚喜, 再來再來都未試過失望。椰子雞鮮甜, 湯底清香。丸丸不能錯過, 我中意黑松露墨魚丸的彈牙口感, 朋友最愛牛肝箘豬肉丸, 愛它的豬肉用料新鮮, 跟牛肝箘嘅獨有香味特別夾, 不像外面的行貨豬肉丸。仲有牛肉, 海蝦, 龍躉魚片, 全部冇失望。今次叫咗娃娃菜, 吸收鮮味湯底之後特別好味！價錢不算好便宜但物有所值。四個閨蜜太耐冇出嚟食飯竟然冇人記得影相.........又食又傾加上親切嘅服務, 過咗一個愉快晚上。下次再黎食時希望疫情已過, 多D人黎叫多D野食更開心！

叫左個竹笙椰子雞煲，貴過原味雞煲$20 ，嚟到打開個煲得五舊竹笙⋯問佢點解得五舊，佢話因為竹笙貴，要我再單叫一份叫咗份黑毛豬，你都得八塊，樣樣野都又貴又唔抵食，啲雞又細件，似乳鴿多過似雞個臘味煲仔飯，全部都係潤腸⋯臘腸同臘肉得一兩舊！真係好唔老實⋯唔會再幫襯！

今天下午和同事到旺角譽發廣場試椰子雞火鍋，除飲品、海鮮及湯底正價外，其他配料半價。侍應介紹角色配料給我們選擇，我們先點了半隻原味四季椰子雞鍋雞，我們先品嚐椰子水很甜，配上走地雞肉很鮮嫩，豉油包括指天椒及沙薑（又几好食喎），吃完雞侍應便會再加上湯吃其他配料。侍應很熱情好客，還送我們免費自家製雪梨茶享用。我們點了一份牛小排（肥瘦均勻但牛味不太重）、鴛鴦雙蚌包括珊瑚蚌及桂花蚌、黑松露墨魚丸（松露味很突出）、花膠牛丸（每粒牛丸裏面也釀有花膠）、黑松露豚肉餃子、養顏花膠（吸收了椰子湯的味道更滋補）、鴨血、響鈴（新鮮很脆）、特長皇帝蟹腳、鮮鵝腸、牛柏葉、蔬菜拼盤等等。店舖環境簡單裝修，侍應服務很好，雖然價錢有點貴但食物質素也不錯。

椰子雞火煱套裝2/人吃份量剛好，職員先把椰青水煮海南文昌走地雞，五分鐘後先食雞飲湯，味道清甜，之後換上清雞湯做打邊爐。海鮮盤有日本刺身帶子、龍躉片、紐西蘭刀貝、海蝦、花枝片。自家制手工丸最特色花膠牛丸、黑松露墨魚丸、牛肝菌豚肉丸、元貝三層墨魚磚就最特色。大大件手工即炸響鈴，我就最鍾意香噴噴臘味飯自家制養生杞子元肉雪梨茶+椰子奶凍這頓晚飯很有家的感覺、舒服、窩心滿足。環境舒適、椰森feel.打咭最啱服務體貼、值得再幫襯

食完一肚火，唔推薦呢間鋪，唔怪得星期日晚都可以無乜人食總括而言，呢間食店有幾樣野係死症1.店舖有最低消費，每人$150蚊。但係鋪頭出面同埋點餐紙/入座時都唔會同你講！食野其間，收銀果個不停chur你，問你有咩要加單，當時已經覺得怪怪地。後來佢再問一次同埋終於話比我地知每人最低消費係$150。我反問番店長，在openrice只提及人均消費是$101-200，同時店鋪門外和點餐紙都沒有提及過最低消費一事。原來該最低消費的通告是貼在收銀處櫃枱下不起眼處。唔係食唔起，但因為極度唔老實，所以不吐不快。2.椰子雞湯唔甜，有酸味。3.廚房斬雞把刀唔利，啲雞勁多碎骨大家如果真係要食嘅，自己要再考慮下。

其實第一次食覺得態度唔ok，冇book位所以用正價食。亦覺得第一鑊係用純椰子汁黎煮都幾dum本。第二次食尼間，都係冇book位，但覺得價錢貴過第一次食好多（時間上差2個月左右）。不過印象比我地差好多。第一，第二次食覺得啲椰子汁似乎溝太多水，唔夠純。牛肉得六塊就$139，每一塊都好薄，本身諗緊食阿拉卡係咁肉痛都冇得計較咁多。第二x但令我地全檯都好無奈嘅，係個功夫土豆片。我真係好匪夷所思，想講粗口。得仲薄過啲牛肉，薄到透。如果你係想用薄黎做saling point，唔該你可唔可以大方少少比多幾塊？49蚊嘅薯仔仲要+1服務費，55蚊嘅薯仔連1/4嘅薯仔都冇!!我真心情願是普通薯仔唔要「功夫」！你貴得黎可唔可以唔好咁孤寒？55蚊薯仔 又冇薯仔味，我真心懷疑自己食左啲咩。第三，個湯底，第一鍋食完椰子汁鍋，就基本上加嘅都係清水湯，你冇得比我地加椰子汁湯都算，可唔可以比啲雞湯我地都好。雞湯冇都算，濃湯包都冇。基本上後面都係清水打邊爐。第四，我地一入場連杯水都唔會主動比黎飲。我知間舖都係想人地飲多啲野飲，但係夏天流流，你地尼個價錢同服務真係越黎越差。第一次食都仲有比啲水飲下解渴第五，明明係平日，個場都

晚上經過旺角對面見3樓食店椰子雞好似幾吸引跟住便上咗去食，開始時不停問有無book位，全店嘅人就續個講是walk in , 心諗周圍嘅枱都無人坐，跟坐就介紹你食套餐，兩個人食咗$786都唔飽，有無搞錯，現今香港仲有啲咁嘅食市，叫個雜茶$78得3粒車厘茄+3小舊娃娃菜+幾條油墨菜，個所為椰子雞湯底淡到無人有，啲雞又唔滑，真心想講粗口，跟住不停收你啲碟，食過一次以後唔會再幫襯。老闆如果你要繼續經營請認真檢討食物用量，香港人不是傻的！