幸福單品咖啡

营业中

休息中

作為咖啡控，西營盤真係一個好地方，其中一間我多次幫襯的就係位於美華台的幸福單品咖啡☕️今日除咗玫瑰少女咖啡，仲叫左超幸福三文治🥪。細食者要留意，呢份野係足夠兩個人食的。最鍾意老闆娘用牛油煎香塊包，中間夾住溝咗黑椒既滑蛋，好惹味！今次我黎食早餐，只係完成左一半，另一半留番午餐再食，$50夠食兩餐，其實冇收貴😂😂😂不過黎得呢間要有心理準備⋯⋯皆因用心整嘅食物= 好鬼慢⋯⋯加上成間鋪就係得兩個人run，最好預番一個鐘，慢慢享受優質食品。

朋友早前推薦想試試幸福單品咖啡，講左好耐都未去，呢幾日紅日放假終於夾到時間黎杯開年啡☕️😋朋友原來上次都試過尋找小店，但失敗因為搵唔到路😂今次我地再搵路，由港鐵西營盤站C出口一出，兜完東邊街&高街都唔見😢當然我地無放棄，我最終選擇打電話去咖啡店問路，慶幸店員聽電話同提供路線，幾經辛苦我地終於到！原來只要行多步，幸福就在面前！！！以下係去幸福單品咖啡嘅路線😂下次我地唔洗再盪失路lu：西營盤站C出口到般咸道，於W End Path落樓梯，到高街再見直行到十字路口位，左邊扶手電梯上一層見到便利店再轉左向英華閣方向走，屋苑前就係幸福喇！咖啡店唔大，大概可以融立10-15人，我地到嘅時間滿座，等左一陣影左一陣相就有位，二話不說，我地即刻叫左兩杯幸福咖啡&三文治，呢度落單係自己寫嘅，啲字唔靚嘅我交低俾朋友負責哈哈哈😆呢度啲咖啡可以用明火煮虹吸咖啡，平時見嘅虹吸咖啡都係用紅外線居多，我地最後都揀左試虹吸咖啡☕️☺️餐牌主打輕食，有沙律、全日早餐、三文治、麵食、小食等，價錢$3X-5X；飲品方面也種類多多，單是咖啡已有幾十種來自世界各地的豆，價錢由$3X-1XX都有雖然只有老闆娘一人負責廚房但食物和咖啡一D

襯週末放假先有機會過海食野，即興到左西環先搵餐廳，呢間位於英華臺嘅幸福單品咖啡都有唔少人介紹過。小店一間，唔知平時係咪都咁好生意，當日就全店滿座，最終等左十分鐘左右，期間有唔少熟客外賣。店內裝潢帶啲異國風情，空間唔多，未有細意研究餐牌供應沙律、全日早餐、三文治、麵食、小食等輕食，三文治比較熱門，幾乎每枱都點，以芝士、炒蛋、煙肉、餐肉、青瓜、牛油果、鹹牛肉等搭配，定價$30-50。另有多款飲料，咖啡豆來自世界各地，餐牌有關於豆嘅簡單描述。由於只有夫婦(?)二人主理，客人多，感覺上有啲應接不暇，其實都體諒。餐點即時製作，明白需時等候，冇諗過要食快餐，但都冇預期午餐幾乎變左下午茶，兩份餐點等左超過45分鐘，有啲較遲入座嘅熟客朋友都已上餐食緊野，確實令人幾意志消沉。若然唔係咖啡已上，應該已經離開，差啲同三文治無緣幸福三文治 $35三文治夠大份，厚切五殼包，已分成四小份，方便食用。麵包搽上牛油煎到香口微燶，口感鬆脆，一來等到肚餓，二來即製，簡單美味。除左炒蛋、餐肉，仲有芝士，炒蛋更加可以加配黑芝麻/香草/黑胡椒/薑汁/青蔥。餡料大方足料，炒蛋厚身有蛋香，唔會過老，加埋黑芝麻幾香。餐肉煎到少少燶邊

三文治控友人G在「西環變幻時」見到呢度嘅超幸福三文治，三層麵包配六種饀料，氣勢磅礴喔趁周末相約去幸福單品咖啡，希望感受吓呢份重量級幸福咖啡店尚算就腳，在高街搭一段扶手電梯就到12:45到達，幸運地揾到室內雙人位店面的的骰骰，但勝在餐枱夠寛闊，擺多幾份三文治都冇問題牆壁及吧枱佈滿以咖啡豆及黃麻袋為題的裝飾，落栗色的氛圍令人放鬆店裏面有提醒客人盡量輕聲細語嘅温馨提示大部分客人都好自律㗎，奈何有幾位熱情嘅外賣客在吧枱附近同忙碌嘅老闆閒聊，令品味Cafe變中式茶樓落完單之後，細心的G友人發現英式早餐附送大塊多士考慮到超幸福三文治+英式早餐=要食四大塊麵包，唔太肚餓嘅我哋決定攤分幸福，改要幸福三文治惜食是福嘛炒蛋有5種口味（黑芝麻 / 香草 / 黑胡椒 / 薑汁 / 青䓤），任選一，我揀左黑胡椒幸福三文治終於登場啦幸福，原來就係餐蛋治（笑）熱騰騰的炒蛋，配上鬆脆多士，好豐富好熱氣啊！！！兩個人分啱啱好，正如G友人所言，「幸福要兩人一齊先夠力接㗎」英式早餐嘅煎蛋有驚喜！土炮美極汁煎蛋配All Day Breakfast，出奇地夾麥包多士幾香甜，比幸福三文治嘅白麵包更有口感最後以店長推薦嘅檸檬酵素收

係西營盤既一個小角落，難得清靜，有間幸福小店。家庭式經營，兒子負責落單，沖咖啡；媽媽負責煮嘢食。小店位置不多，搵左位坐低之後，餐牌同埋紙筆就會送上。自己食物自己落手點，哈哈。大概因為人手問題，點了餐都要等一段時間先會有嘢食。等嘢食期間，聽到大家都同老闆娘有傾有講，又買佢啲咖啡豆，又讚佢啲嘢食好食。老闆娘就一路煮一路傾，問住好香嘅嘢食味，真係好期待。我哋嗌左一份牛油果炒蛋芝士三文治🥪必須加$5轉五殻包！再加埋香草🌿真係天上有！OMG包面烘左，但入面仍然鬆軟！！涵又香又足料！really awesome 😎 然後試了杯手沖，咖啡香而不苦食過番尋味！

點解會特登搵宜間coffee shop去呢？事緣係去台中的時候，都拜訪過一間＂幸福＂咖啡小店。老闆問我地係從哪裡來，我地答係香港，佢就話，真的嗎，香港也有我們的品牌啊！因為係台中的經驗真係十分好，老闆很親和，用豆奶沖出來的latte是我難以忘懷的。好飲到個下有點感動都毛管棟返到香港，梗係要泥本地既＂幸福＂試下。見到佢menu都有豆奶option，真係一心諗住以後都要係咁來了！誰知我叫了一杯greentea soyamilk latte..真的很差唔係同台中個間對比之下所以差。係佢根本係一陣假的greentea味，飲不到豆奶香，更沒有咖啡味。成杯都很fail朋友叫的手沖也很一般。。唯一想讚賞的是香港店的店員也是ｎｉｃｅ的～～

巧合之下，住西環的朋友帶左我去呢度食早餐，一試就愛上了！小店在一個大平台上，雖然地方細，但很寧靜，而且老闆兩夫婦好nice，很有人情味。一進舖頭，就會feel到他們很喜歡咖啡，除左可以即場飲之外，他們還有賣咖啡豆👍🏻講到呢度，講返食先！我同朋友都叫左個麵餐（一個麵、兩個餸+$35或以下的飲品）！黎到呢度，當然要飲咖啡啦，佢地有來自唔同地方既咖啡，鍾意既朋友一定要試我地一杯印尼咖啡、一杯越南凍啡（冰係啡冰黎架，好有心）唔同咖啡有咖同味道，而老闆都好細心咁將每杯咖啡既特色寫係餐牌。好啦！到食啦～食物一上，我就覺得驚喜～因爲佢地餸&麵係分開上，仲要擺得好靚！雖然普通茶餐廳既餐牌，但一d都唔普通！佢地會用唔同既香草來處理食材，所以賣相、香味、味道都好正個麵係真出前一叮老闆娘好細心記得朋友鍾意食「林」D既麵，所以為佢特製左呢度對我黎講係遠左少少，但會再去真心～品味、人情味、食物味道一流！

這裡吃三文治真的很幸福，餡是滿瀉的，份量很大夠兩人吃，麵包先搽上牛油再烘，餡料新鮮又即做熱“辣辣”，英式早餐有荷包蛋，成個蕃茄(蕃茄十幾蚊一斤)，小店平時只有老闆娘，所以要有耐性，適合想慢活，食好味三文治，歎世界各款㗎啡人士，心急趕時間唔啱喇! 老闆娘很勁，全部一腳踢!

見今日咁好天，就搵咗間有戶外嘅咖啡店，帶埋隻狗仔去試吓原來呢到出面有個好大嘅area架，雖然唔俾放狗，不過啲小朋友可以係到周圍跑，好開心，好舒服 🌬🌞 坐出面真係有啲似係外國嘅coffee shop 呢到對咖啡☕真係好尊業，多選擇到2版A4 紙都寫唔哂。我自己唔係好熟咖啡品種，求其揀咗也門摩卡，黎到見到無奶嘅? 😱 好驚會好苦，不過飲落一啲都唔苦。好香咖啡味，仲有啖啖嘅朱古力味 😋🍫 原來係自己大驚小怪幸福三文治🥪有芝士🧀，餐肉，炒蛋 🍳。好香好大份呀 😍 個炒蛋仲有得揀唔同調味料。佢啲調味料好特別架，有黑椒、香草、黑芝麻、青蔥、薑汁 (五選一)。我揀咗香草，唔知點解食到好多黑椒味，不過唔緊要，都好食

相信大家對英華台舊「請坐」都唔陌生，自從請坐事件後，英華台又靜返晒。係請坐舊鋪再行入少少有間叫幸福單品咖啡嘅小店，附近街坊都會上去幫襯包括本人及太太。由於工作關係，我地一般只可以星期六早上先去到幫襯。鋪頭一般由8點-4點左右（下午唔係太清楚，我一般早餐時段會過去，請見諒)話明小店，吸引地方當然人情味，鋪頭比較細一般係得老板娘一個打理，老板娘幾好客，有空閒都會同我地傾下計。（老婆間唔使就問下咖啡，老板娘都好樂於解答）另一個吸引點係咖咖豆種類好多（可以睇下面memu，每款會有簡單文字解釋口味),客人係鋪頭飲完（試飲完？！）都可以買豆返屋企沖泡。食評都唔使特別寫乜，大家可以慢慢試各種唔同咖啡，本人每星期都會去幫襯一次食品我就一碗簡單餐蛋一丁+不同咖啡。希望幫到大家。PS,鋪比較細，大概只坐到7台，另外得老板娘一個煮食，大家都要有心理準備等野飲野食需要d時間。最後，由於鋪頭人手問題都比較拎自助形式，拎筷子添水我地好多野都會自己黎另附圖一張老板娘自制辣椒油，餐蛋麵一流

之前經過兩三次這間在西營盤的「幸福單品咖啡」，但基本上都是往隔壁的一間台式麵店。隨著那麵店結業，加上那主打單品咖啡的店名好吸引我，這天經過便要一嘗。店子內放了很多咖啡豆，看起來好似有點亂，但其實亂中有序。看見好多虹吸工具，問老闆娘這裏的單品咖啡是否都是用虹吸處理，佢話係。啱晒，虹吸正是我喜歡的處理咖啡方法，但坊間好多咖啡店嫌麻煩而乏之，來這裡正好滿足我也。叫了杯坊間唔多常見的雲南豆，$35，單品咖啡來說屬超級便宜了。經老闆娘挺不錯的虹吸處理後，咖啡感覺好溫純，酸度一般，易入口且帶果仁香，比較適合單品咖啡入門者。其實雲南的高原地帶氣候好適合種植咖啡豆，但以往即使有都係做即沖的多，直至近年才開始有人種精品豆。食物方面，看menu中有一個全店最貴，要$50的「超幸福三文治」，個名好吸引，即叫之！內容十分豐富，可說是豪華版的港式公司三文治，有齊芝士、餐肉、炒蛋、青瓜、火腿及海苔，芝士半熔，狀態完美。值得一讚的是炒蛋可加黑芝麻、胡椒等一款配料，我就選了蛋加葱，香味出晒來，而三文治中加了海苔亦令味道變得錯綜複雜。當然，三文治烘得香脆且有油潤感，總之吃完真的有幸福的感覺！唔夠喉，要多杯貴一些，$70

有多種不同咖啡比你選，唔知點揀，老闆同老闆娘可以幫到你，佢地重好有人情味，唔會一開始就介紹最貴的給客人，好老實三文治超好食，咖啡超好飲，同我係其他地方飲過的完全不同，總之一個字，正

這裡不是大型餐廳，這裡沒有熱鬧的氣氛，這裡沒有怡人的闖色，但這裡，我感受到一份人情味。小小的一間咖啡店，一個老闆娘弄出大大份三文治，上桌已使食客瞪大眼睛，這次點了一份牛油果炒蛋芝士三文治，等了大約十五分鐘，大大份三文治被端上食枱，本來我和友人還以為是兩人份😂 三文治充滿牛油香，以牛油煎香了方包，再夾上厚厚的炒蛋，不吝嗇的牛油果以及中量的芝士，口感大增，味蕾也仿佛在起舞☺️😋👍🏼 有機會一定會特意再去！讚！

多個週末經過這間位置不怎起眼的咖啡小店，每次都是座無虛席，今天再次經過亦有位，所以就在此來一個簡單午餐及一杯幸福咖啡。咖啡店不多於20個座位，裝修不是現時普遍時尚咖啡店的模式，店內亦只播放某個電台的古典音樂，沒有大玻璃窗給人"to be seen"，亦沒有車來車往的外景，但坐在店裏就是有一種放鬆的感覺，好讓心靈及腦部休息休息，有點似已離開煩囂的城市一樣。作為區外客的我，在短短數分鐘時間已感受到鄰舍跟女店主的友愛關係。例如：有食客幫助店主為我這位新客人拿餐牌；亦有食客不夠零錢向店主講下次來時比回；店主亦直接給外賣咖啡的客人玻璃咖啡杯作外賣杯。很隨性，很自在的像朋友關係。只有女店主打理的咖啡店令我驚訝的是有41種來自不同地方的咖啡豆提供，一包包的咖啡豆就是成為一種特色的裝飾。牆上亦貼有店主推介，每款都有簡單介紹，讓客人更能選擇到自己咖啡喜好。今次我選了烏干達，我重未試過這個地方出產的咖啡豆，咖啡弄好時，友善的女店主提議不加糖或奶先品嚐它的原味，味道很中庸，回甘味是有但不算強，很是我的喜愛，慣性加糖的我今次也鐵鐵實實的來一杯黑啡，很回味。因我有點趕時間，所以要求外賣杯，好等我可以好好在途中品

超幸福三文治🥪 (芝士，餐肉，火腿，青瓜，海苔，炒蛋加黑芝麻)▸一上枱”嘩”左聲，份量真係好多好誇張，我地仲問老闆呢到係咪一份黎😂 麵包用牛油煎過，又香又脆，凍左都唔會淋晒，啲料真係又多又厚，好足料，成個配搭基本上無得輸，最估唔到係加左海苔，多左一份鮮味🤤 這份🥪看似簡單，吃完卻充滿著幸福嘅感覺，真的很滿足😋。。。。。。。。。。。。。。。綠茶卷蛋 🍵▸蛋糕都算幾軟熟濕潤，亦都唔會話好甜，唔似有啲傳統餅店偏乾身偏甜，綠茶味就比較淡😅。。。。。。。。。。。。。。。瑞士雞翼▸雞翼真係好入味，唔係得個皮先有味，連裡面啲肉都好夠味，唔係得個樣，而個瑞士汁亦都唔會話好甜😋