幸福單品咖啡

营业中

休息中

作為咖啡控，西營盤真係一個好地方，其中一間我多次幫襯的就係位於美華台的幸福單品咖啡☕️今日除咗玫瑰少女咖啡，仲叫左超幸福三文治🥪。細食者要留意，呢份野係足夠兩個人食的。最鍾意老闆娘用牛油煎香塊包，中間夾住溝咗黑椒既滑蛋，好惹味！今次我黎食早餐，只係完成左一半，另一半留番午餐再食，$50夠食兩餐，其實冇收貴😂😂😂不過黎得呢間要有心理準備⋯⋯皆因用心整嘅食物= 好鬼慢⋯⋯加上成間鋪就係得兩個人run，最好預番一個鐘，慢慢享受優質食品。