影片
更多
2019-02-10
1094 浏览
朋友早前推薦想試試幸福單品咖啡，講左好耐都未去，呢幾日紅日放假終於夾到時間黎杯開年啡☕️😋朋友原來上次都試過尋找小店，但失敗因為搵唔到路😂今次我地再搵路，由港鐵西營盤站C出口一出，兜完東邊街&高街都唔見😢當然我地無放棄，我最終選擇打電話去咖啡店問路，慶幸店員聽電話同提供路線，幾經辛苦我地終於到！原來只要行多步，幸福就在面前！！！以下係去幸福單品咖啡嘅路線😂下次我地唔洗再盪失路lu：西營盤站C出口到般咸道，於W End Path落樓梯，到高街再見直行到十字路口位，左邊扶手電梯上一層見到便利店再轉左向英華閣方向走，屋苑前就係幸福喇！咖啡店唔大，大概可以融立10-15人，我地到嘅時間滿座，等左一陣影左一陣相就有位，二話不說，我地即刻叫左兩杯幸福咖啡&三文治，呢度落單係自己寫嘅，啲字唔靚嘅我交低俾朋友負責哈哈哈😆呢度啲咖啡可以用明火煮虹吸咖啡，平時見嘅虹吸咖啡都係用紅外線居多，我地最後都揀左試虹吸咖啡☕️☺️餐牌主打輕食，有沙律、全日早餐、三文治、麵食、小食等，價錢$3X-5X；飲品方面也種類多多，單是咖啡已有幾十種來自世界各地的豆，價錢由$3X-1XX都有雖然只有老闆娘一人負責廚房但食物和咖啡一D
朋友原來上次都試過尋找小店，但失敗因為搵唔到路😂今次我地再搵路，由港鐵西營盤站C出口一出，兜完東邊街&高街都唔見😢當然我地無放棄，我最終選擇打電話去咖啡店問路，慶幸店員聽電話同提供路線，幾經辛苦我地終於到！原來只要行多步，幸福就在面前！！！
以下係去幸福單品咖啡嘅路線😂下次我地唔洗再盪失路lu：
西營盤站C出口到般咸道，於W End Path落樓梯，到高街再見直行到十字路口位，左邊扶手電梯上一層見到便利店再轉左向英華閣方向走，屋苑前就係幸福喇！
咖啡店唔大，大概可以融立10-15人，我地到嘅時間滿座，等左一陣影左一陣相就有位，二話不說，我地即刻叫左兩杯幸福咖啡&三文治，呢度落單係自己寫嘅，啲字唔靚嘅我交低俾朋友負責哈哈哈😆呢度啲咖啡可以用明火煮虹吸咖啡，平時見嘅虹吸咖啡都係用紅外線居多，我地最後都揀左試虹吸咖啡☕️☺️
餐牌主打輕食，有沙律、全日早餐、三文治、麵食、小食等，價錢$3X-5X；飲品方面也種類多多，單是咖啡已有幾十種來自世界各地的豆，價錢由$3X-1XX都有
雖然只有老闆娘一人負責廚房但食物和咖啡一D都唔馬虎，身為食客只需耐心等待😆我地本來被呢個超幸福三文治嘅字眼吸引住，但店員講解叫一份其實都足夠兩人食，我地最後叫左幸福&吞拿魚三文治share同埋特別推薦嘅Uganda & Sidamo咖啡☕️🥪三文治是十分足料同大份，麵包搽上牛油再煎，口感非常香脆可口😋，以$30-35的價錢黎講非常抵食又飽肚👍🏻
我同啡友非常喜歡今次嘅啡旅，很欣賞小店嘅用心和人情味，我地山長水遠黎到西營盤，最終都搵到呢度喇！下次再黎想叫超幸福三文治睇有幾大份😽
张贴
