幸屋

营业中

休息中

幸屋裝潢充滿濃濃日本風，加上店員親切嘅服務，好有置身日本拉麵店嘅感覺❤🌀蝦武士 $88蝦武士湯頭鮮味十足，櫻花蝦🦐令拉麵賣相更吸引之餘亦令口感更豐富厚切叉燒肥瘦適中，又腍又入味，仲有溏心蛋，蛋黃係流心㗎，好完美🌀魚介醬油沾麵 $98沾醬滾熱辣，以石鍋裝住上枱，慢慢食都唔怕凍晒，細節位都feel到小店製作嘅用心魚介即係各式的乾魚，所以食落特別有鮮味，夠濃郁但唔會過鹹粗身麵條清爽彈牙，有嚼勁，亦夠掛汁配料仲有叉燒、木耳絲、筍、洋蔥絲、紫菜同溏心蛋，十分豐富🌀芝麻手羽 $36雞翼即叫即炸熱辣辣，灑上芝麻，令雞皮更加香口，外脆內嫩🌀冷豆腐 $32健康小食，簡單配以木魚絲，芽菜伴碟，清爽嘅涼拌汁好易入口，夏天消暑一流

朋友帶我去食外賣，雖然唔係易搵，但食物真係唔錯🧡💕仲有可以支持小店☺️餐廳有唔同嘅拉麵湯底選擇，有黑蒜油，蝦🦐，辣湯底，仲可以揀唔同嘅濃度！！呢排到時去餐廳食飯，外賣就啱晒！黑武士豚肉拉麵 🍜今次餐廳用咗雞肉代替豬肉，好濃郁既湯底，超好飲，而且好滑，出乎我認料之外。配菜有椰菜、木耳、糖心蛋、紫菜等等，仲有滑滑既雞肉！材料豐富！！睇得出係用心製作。和風餃子 超好食！好大份，一大塊既煎餃起碼有五六隻，仲有沙律醬，好抵食😚會再order 小店食物質素有有保證，下次外賣一定會再叫！

作為灣仔地膽梗係要捐窿捐罅揾下D隱世小店黎食！同事發現喺機利臣街附近有幾間小店都未幫襯過，其中最吸引我地嘅就係一間喺大街遠望都見倒嘅日式拉麵店！裝横充滿日式味道！餐牌主打拉麵、沾麵，小食等！有點意外竟然有飯食！煎茶係獨立包裝，疫情下感覺安心D！ 🦐海蝦味增拉麵🍜 $88材料滿滿嘅海蝦味增拉麵，先飲一啖湯！超～級～香～濃！湯頭充滿蝦既濃香又不失味噌嘅味道！櫻花蝦同大大片叉燒分量好足！厚切嘅叉燒肥瘦適中，又淋又入味！櫻花蝦爽脆令成個麵口感更豐富！ 溏心蛋都係流心嘅好好食！🎣 鰻魚丼🍚 $93 拉麵店少見嘅鰻魚飯梗係要試，加上喺門口貼住店內採用日本蛋同日本米！成個丼飯好豐富，面層有兩大片鰻魚海！舖滿鰻魚，配料仲有溏心蛋同青蔥！鰻魚外皮燒到焦香，魚肉新嫩軟滑非常肥美。鰻魚汁味道啱啱好，配埋飯食真係一流！🦪炸蠔🦪一客有4件，炸到甘黃色卜卜脆，蠔味香濃好食到停唔倒口！🥗蟹籽沙律🥗蟹籽沙律味道清新爽脆！蟹籽、青瓜絲同蟹柳絲充滿層次感！

灣仔區拉麵店雲集，今次就來到位於隱蔽小巷裡的幸屋，可以一次過試齊拉麵、沾麵。這裡是小店格局，座位不多，裝修以東瀛風的木材元素為主。除了拉麵、沾麵外，還有丼飯、小食及沙律供應。下單後店員會奉上熱煎茶。今次就點了拉麵、沾麵各一。特濃魚介醬油沾麵 $98沾麵是拉麵的變奏，上桌時會把麵跟湯分開，但食法、味道、風格均與傳統拉麵截然不同。魚介醬油湯底散發鹹鮮香氣，粗身麵條質地緊緻彈牙，提升入口的嚼勁，令每一條麵都容易沾上濃稠湯汁。溏心蛋的軟嫩蛋白包裹著半熟晶瑩流心中的蛋黃，滿溢香濃蛋香。胡麻王豚骨拉麵 $78以白濁的豬骨湯為湯頭，淬取骨髓中的膠質，灑上日本黑胡芝麻粉，為傳統口味的豚骨湯底添上濃濃胡麻香。叉燒肥瘦比例適中，肉質軟嫩不死實。麵條幼細而吸湯，不會煮得過軟，麵量對女生來說已經很飽足。芝麻手羽 $36雞翼即叫即炸熱辣辣，表皮加入粒粒芝麻更加香口，炸得皮脆肉嫩。蟹籽沙律 $42將蟹籽、蟹柳及沙律醬拌以海量青瓜絲，口感爽脆，清新輕盈。

依間拉麵店相當有歷史，眼見小店既裝修都帶有日本風格😍牆上掛有面具👹.蝦武士 $88依到既拉麵可以隨客人既口味而改變，麵既軟硬度，湯底既濃度都會調節👍🏽依個拉麵以櫻花蝦為主題😍湯底好濃，唔會話過鹹☺️每一杯拉麵🍜都有一粒溏心蛋🍳同埋叉燒😍依到既叉燒可以改用豚角煮，岩晒中意食半肥瘦既人😆.黑豚丼 $83薄薄既豚肉掛住醬汁再配上流心蛋，相當吸引😍豚肉煮得好嫩滑🥰.炸雞 $38啲炸雞🍗岩岩炸好配上沙律醬

餐廳既餐椅枱櫈都用木為主，好有日本風味，仲會播住日本既歌，好有情調，職員服務亦好熱情鹿兒島赤雞沾麵 $108湯汁一上枱時就聞到濃濃既鮮味，睇落好濃郁但食落又唔會好鹹，夠哂creamy，配合埋麵條既清爽彈牙，條條分明又超級好掛湯，配料亦好出色，雞肉肉質亦夠幼嫩，厚薄適中，糖心蛋靚亦夠入味，整體都非常好味海老蝦味增拉麵$88湯頭好香濃，充滿鮮蝦既香味，湯面上既櫻花蝦令賣相更賞心悅目，叉燒一大片加一大舊，厚身果件勁好味，入味得黎肥瘦適中，肉質亦夠淋身，十級好食如果想食重口味啲，枱上仲有調味料可以自行加配，仲有醃芽菜，加埋落麵一齊食更增添口感，非常細心和風餃子 $38賣相已經好出色，未食就好加分，食落仲有驚喜，餃子配上自家製醬汁，鹹甜鹹甜咁，開胃又好食，必點之選炸雞 $38炸皮唔厚，肉質幼嫩

最近同屋企人黎左e間日式小店，係疫情下搵到一間別緻嘅餐廳已經係小確幸，餐廳樓底都高。有d似日本嘅居酒屋。店員奉上熱綠茶😍睇下餐牌先，價錢算中價，種類以拉麵同丼飯為主，當然都仲有小食喇😋我地揀左以下：🌸芝麻手羽手羽即係芝麻炸雞翼，雞翼食落外脆肉嫩。🌸甘栗餅口感有d似日式嘅薯餅，外面炸得脆脆，入面係滑滑嘅紫薯同甘栗蓉☺️🌸特濃味噲廣島蠔沾麵湯底有濃濃嘅味噲，平時比較少食沾麵，麵係粗身嘅，配埋湯汁，味道岩岩好，口感軟硬適中👍🏻廣島蠔粒粒都脹卜卜，鮮味😋最後我地都有加湯，食完飲一口熱湯，暖笠笠咁😊🌸燒牛丼😎牛肉用左燒汁醃過，味道唔錯，仲唔會太肥👍🏻入面有椰菜同流心蛋😏配埋飯一齊食口感更上一層😎

好耐無出去食飯，今日同朋友咁啱係灣仔搵食，經過就試下呢間小店。小店格局地方不大，但檯與檯之間有一定距離，而且受依家疫情影響，條街都無咩人，所以坐得都好舒服。🌟必食推介 芝麻手羽 $36 出乎我意料之外地好好食🤩外皮香脆，內裡嫩滑，醃製入味多汁💯🌟必食推介 和風餃子 $38第一次係外面食日式餃子食到呢種煎到雪花酥底嘅餃子😍要整到圓得黎唔焦黑，都考驗師傅功架，雪花底🥟再加上沙律醬酸酸甜甜又酥脆，大滿足💕燒牛丼 $93牛肉好有彈性，十分又咬口，厚切同時份量唔少，最正係有我最愛兼滑過我塊面嘅溏心蛋🤤蝦武士 $88店員超貼心，知我地兩個人分黎食，特登拎多個大少少嘅碗再俾我地分🙈超多櫻花蝦，湯底正常，有兩塊半個手掌大嘅拉麵，如果自己一個黎食叫一碗已經超飽🤣總體服務及食物素質係優異，特別小食係超有驚喜！！！下次經過會再幫襯💕

幸屋係我未wfh之前成日幫襯既拉麵店，佢既拉麵湯底好濃厚又有粗幼麵擇，堂食真係好好食。自從WFh之後都好少食了，今日返公司拎完野順便買外賣返屋企，原來外賣質素都唔錯✅因為分左湯，所以返屋企叮返熱個湯就好👍🏻我叫左「魚介豚骨沾面$98」同「海老蝦味增拉麵$88」，由麵條、軟硬度、湯濃度、叉燒煮法等等都可以自己擇。兩個麵都跟埋隻流心蛋😋魚介豚骨沾面真係好食又煙韌，就算半熱食都好食到麵個質感，洋蔥同蔥就分開側邊擺，鍾意先自己加。海老蝦味增拉麵就係好多炸香左既櫻花蝦配叉燒流心蛋拉麵🍜，鍾意有咬勁既可以擇呢個，就算外賣左都好好食，麵條配埋個湯底好絕配。一場黎到，真心推薦佢地啲小食「芝麻手羽$36 」同「和風餃子$38」，價錢唔貴，但自己真係整唔到，雞翼夠晒脆得黎唔易淋，餃子仲有秘製醬汁😋都明白喺疫情底下做拉麵店真係好艱難，大家如果經過想食嘅話就幫襯下啦😭都希望之後我返工仲會見到呢間舖頭

灣仔呢個舊區有好多餐廳小店， 今次嚟到幸屋， 俾佢個門面吸引， 好有日本居酒屋嘅感覺，就決定喺度食晏晝啦餐廳簡潔光猛， 陽光透過玻璃晒落嚟，灣仔舊區情懷。有分開吧枱同埋卡位，可以比客人有唔同感覺。仲會貼唔同嘅poster,記得曾幾何時日本其中一間居酒屋都係咁做法。雖然出名拉麵，但都有其他主食同埋小食選擇， 而且無論返定面都好，有彈性嘅選擇啱晒唔同人胃口。仲有沾麵系列添！ 我哋揀咗廣島蠔沾麵， 燒牛丼配糖心蛋，和風餃子同芝麻手羽。叫左冇耐已經好快上菜， 影張大合照先 醬燒牛肉丼岩岩上菜聞到一陣陣燒肉香味， d 照燒汁仲會流喺飯度， 飯桶既我已經覺得好好撈飯。牛肉好嫩， 撈埋蔥花椰菜一齊食有種壽喜燒既感覺。 之後係廣島蠔沾麵 , 拉麵你可以揀溫拉麵或者凍既。 我就揀左凍， 個沾醬由石鍋裝住一上菜沖滾下滾下 , 好似溶岩咁。 先試下廣島蠔先 , 加d 檸檬汁上去好creamy 都唔腥， 唔太中意食蠔絕對可以一試。沾醬唔太咸， 有淡淡魚介味， 令成個沾麵有海鮮既感覺。 我最中意拉麵質感， 可能因為冷上關係， 更加有咬口， 食哂一d 都唔覺漏。芝麻雞翼夠脆夠juicy, 不過小心熱親口令我最驚喜

朋友推薦過呢間拉麵質數唔錯，最重要價錢唔貴，我又試下外賣...果然無令我失望拉麵係湯底嘅靈魂，呢度嘅湯底夠濃郁，每啖麵都要跟湯一齊食。即叫即製...熱辣辣「蝦武士」面層滿佈櫻花蝦，外賣湯底分開上，唔會影響麵質口感，滑溜溜嘅流心蛋好正。「赤武士辛味拉麵」愛辣之人一定喜愛，橙紅色湯底辣辣地好惹味，配搭厚厚嘅叉燒．大量雲耳「炸雞」雞肉Juicy夠嫩滑，外皮夠脆，沾少少沙律醬更正。「日本芝士年糕」推薦，超好食，外層煙煙靭靭，裡面厚厚芝士，好軟滑

之前食過呢間 覺得沾麵同拉麵都幾正湯底有特色之外 配料亦幾豐富 今次再訪 試埋佢地其他湯底 同樣出色蟹籽沙律 ($42)呢排比較健康 成日都想食蔬菜青瓜絲新鮮爽脆 配上蟹籽蟹柳再撈蛋黃醬 絕對係冇得輸嘅組合和風餃子 ($38)呢碟係必點推介 賣相味道同樣出色餃子飽滿多汁 而個底仲係脆卜卜 好邪惡上面仲加咗章魚燒果啲醬 食到我地lamlam脷黑松露元貝赤雞胸湯拉麵 ($118)豬骨湯底加少少黑松露醬 成個湯底即刻多左層次元貝又厚又大粒 赤雞胸偏瘦 相對健康 雞味都唔錯蝦汁帆立沾麵 ($128)呢碗配料擺滿哂隻碗 兩大粒帆立貝之外仲有叉燒 溏心蛋 木耳 洋蔥 紫菜蝦汁沾汁味道好濃郁 仲加入海量嘅櫻花蝦乾基本上食每一啖都食倒啲惹味蝦仔 沾汁濃稠岩岩好 沾麵好輕易就掛滿汁 

撞正氣溫急降又落雨嘅週末，就想食碗熱辣辣嘅拉麵，平時多數要等位，今日難得有位，就即刻入去咯~蝦汁帆立貝沾麵 $128沾麵湯汁用石鍋bulu bulu滾住送上枱，蝦汁好濃！將麵沾入湯汁，每一啖都係好味！帆立貝熟度啱啱好，食完好滿足！本身嘅建議食法係食哂啲麵後，剩返嘅沾麵汁可加入熱湯，再飲哂碗湯。但食完成碗麵已經夠哂飽，真係飲唔落喇~海老蝦味噌拉麵 $88湯底滲出微微蝦味，叉燒質感軟腍，肥瘦適中。芝麻手羽 超脆外皮，非常香口紫薯栗子餅脆卜卜外層，包著甘甜嘅紫薯薯蓉，入面仲有栗子粒粒。

朋友介紹，小食好出色既地道日式拉麵小店，係平日lunch 都好多人既人氣拉麵台!!❤黑蒜濃厚山藥豚骨拉麵 叉燒選擇左御屋，即係叉燒mix豚角煮，可以揀半半好岩選擇困難症既朋友😂豚角煮肥瘦均勻，仲好厚切添!! 黑蒜濃湯底好香濃，讚讚～🧡金武士豚骨拉麵 經典叉燒豚骨湯底，有好多片大大片既叉燒，仲有少少黑蒜油，中意偏清淡口味既好岩呢款💛赤武士辛味拉麵 辣味湯底，特別開胃，但又唔會太刺激，正～💚和風餃子 賣相好吸引，煎得好靚仔既日式餃子，係底既有餃子醬汁味道好match，餃子仲好飽滿有肉汁添~💙唐揚魷魚鬚 外層炸粉好夠味，炸到金黃香脆，魷魚好彈牙，好味!!

好耐冇得去旅行🧳好掛住日本🇯🇵💩唯有喺香港搵咗啲偽日本餐廳懷念下啦早兩日翻工經過見到呢間排哂長龍 我估應該有啲品質保證嘅 所以趁住今日天氣咁凍就去試一試佢！門口都好有日本風味入到去嘅裝修都非常之有日本居酒屋嘅感覺一坐低服務員就俾咗兩杯熱水同埋兩個茶包比你自己沖黎飲呢度除咗有各式各樣嘅拉麵仲有沾麵同埋飯類而最近就有啲特色小小嘅沾麵同埋拉麵選擇我就叫咗嗰個係蝦下帆立貝沾麵個蝦汁上枱嘅時候仲係熱辣辣滾住咁樣嘅，湯嘅蝦味超級濃郁！所以用嚟掛面係一流講吓啲配料先有一大塊紫菜配上兩隻大大粒嘅帆立貝，仲有一隻流心蛋呢一度我係比較欣賞嘅因為平時好多時出去食都係得半隻姐🤩然之後仲有一舊超厚切嘅叉燒肥瘦適中，炆得又夠林仲配上左大量嘅黑木耳竹筍同埋櫻花蝦仔，非常豐富跟住我就配左一個和風餃子🥟佢呢度嘅餃子係整底煎餃，佢上面整咗啲沙律醬加咗啲蔥同埋木魚所以上枱時候超級香餃子都有成六隻咁多真心抵食我朋友就叫咗一份赤武士拉麵🍜個湯底係呈現一個深橙紅色，但係感覺上你唔會見到有浸油係個面個湯底係辣辣地嘅所以食完覺得好暖胃🤪叉燒整得幾入味 而且都幾大塊，中間都有唔少嘅配料我朋友呢就揀咗吉列炸蠔做佢嘅小食因為真係新鮮炸起所