幸圓 (已結業)

今日同家姐一齊嚟到呢間裝修好日式嘅餐廳食嘢，之前就有同事介紹佢哋啲嘢食好精緻又好味，menu都好特別，係日式同西式料理嘅fusion菜。Menu好多特別嘅菜式，我哋揀到眼花繚亂。😹 最後我哋揀咗： 🌟一本A4和牛沙律配松露油酢汁🌟 前菜我哋揀咗呢碟沙律，薄切嘅A4和牛好嫩滑多汁仲配埋各種新鮮蔬菜，份量十足，我哋仲以為係主食嚟添！ 🌟燒酒糟鮑魚🌟 鮑魚好肥美多汁仲帶住淡淡嘅酒糟香味，微微嘅酸甜口感同鮑魚嘅鮮味一齊食落去真係好開胃！ 🌟唔係寶雲酥伊比利亞羊肋排🌟 賣相好吸引，伊比利亞羊肋排燒得啱啱好，外層香脆入面好juicy！羊肉味好香濃一啲都唔騷，一人一舊真係食唔夠！ 🌟赤蝦他他·魚子醬·蝦汁意大利粉🌟 意粉煮得軟硬適中，每條都吸收晒濃郁嘅蝦汁，再配埋魚子醬同鮮甜嘅赤蝦，家姐食到讚不絕口！一啖都唔想分畀我食😹😹

想同約會對象食晚餐約會又唔失禮人，推介呢間鰂魚涌嘅幸圓。佢哋主打西日式料理，餐廳裝潢日式悠閒風，保證你坐得舒服，食得開心。推介畀大家以下幾款熱門料理。赤蝦他他·魚子醬·蝦汁意大利粉意粉已經索晒啲蝦汁，仲有赤蝦鮮甜多肉，再配埋魚子醬微微嘅鹹味，簡直係奢華嘅配搭！缺點就係太細碟，我同女朋友都食唔夠。烤香茅椰青西班牙五花肉西班牙五花肉本身就有豐富嘅油花，再經過燒烤後油花溶化，令肉質更鮮嫩多汁！仲有香茅同椰青嘅味道令呢盤菜味道更加豐富。魚蝦蟹好多士魚、蝦、蟹三種海鮮夾喺烤得酥脆嘅多士入面，外表金黃酥脆但咬落去又十分柔軟！呢道菜可以一次滿足鍾意食海鮮嘅朋友。Americano Orange美式咖啡同橙嘅碰撞！美式咖啡本身嘅苦澀味因為橙嘅酸甜味沖淡咗唔少，味道十分清新！燒酒糟鮑魚鮑魚肉質肥美仲帶住淡淡嘅酒糟香味，咬落去仲好有韌性，口感一流！Matcha passion fruit 睇落就好清爽嘅一杯飲品！日本宇治抹茶嘅微苦配搭咗百香果甜甘嘅味道，甜而不膩，好飲。

朋友喺我生日嗰日請我嚟呢間西日式咖啡廳食嘢，仲要俾我任點，我梗係唔客氣啦🤣睇咗好耐餐牌，喺侍應嘅協助下，我哋最後揀咗呢幾道菜👍🏻我哋叫咗唔係寶雲酥伊比利亞羊肋 排、燒香茅椰青西班牙五花腩、一本A4和牛沙律配松露油醋汁同埋魚蝦蟹好多士。唔係寶雲酥伊比利亞羊肋排肥瘦均勻，脂肪部分一咬就散，而瘦肉好有彈性，多層次嘅口感喺嘴 裡散開，特別滿足我嘅胃口燒香茅椰青西班牙五花腩嘅肉質滑嫩，同香茅同椰青嘅清新香味完美結合，調味偏向清甜，帶出 咗濃郁嘅東南亞風味，令我食得津津有味😋一本A4和牛沙律配松露油醋汁係我最鍾意嘅一道菜!牛肉切功精細，每一片都食到濃郁嘅牛肉 香，特別鮮甜好食 真係太享受喇😍小食—魚蝦蟹好多士，好多士嘅外皮特別香，一啖咬落仲可以食到蟹肉、魚肉同蝦肉淡淡嘅海洋 味，每一啖都特別正，係必點嘅美食!!!今次嘅生日大餐我特別開心，仲同朋友講下次佢生日實要帶佢嚟幸圓慶祝

朋友最近心情唔好，約咗我出嚟吹水食飯話幸圓嘅嘢食又多又好食，就帶我嚟試吓!啱啱行入店入面，我就feel到特別溫馨嘅氣氛呢度嘅裝修偏日式風格，燈光設計柔和唔刺眼仲好舒服，我個人特別鍾意呢類型嘅裝修😘侍應服務態度好好，向我哋推介咗午餐套餐日本鮮藍旗吞拿魚一番丼同A4一本和牛丼我哋決定試吓，點知呢兩道菜都驚艷咗我哋!日本鮮藍旗吞拿魚一番丼包大拖、中拖同赤身!大拖係吞拿魚嘅肚臍部分，肉質最鮮美，入口即溶!中拖就係吞拿魚嘅中間部分，有適中嘅脂肪，口感一流🫰🏻仲有我最鍾意嘅部分係赤身，肉質比較瘦但係特別有彈性，咬落去特別爽，真係回味無窮😍仲有A4一本和牛丼有金黃色嘅蛋黃未食到已經令人垂涎三尺，和牛鮮美多汁配埋蛋黃之後更加滑溜可口，簡直係味蕾上嘅享受😋而且，同配菜一齊食更加香味無窮，特別爽口!!我哋兩個都食得好滿足，朋友都因為好食嘅嘢食心情比較愉快😆我哋都食得好開心🥳

幸圓係一間主打西日 Fusion 菜嘅餐廳，餐廳入面嘅設計有好多日式和風風格，環境舒適1️⃣唔係寶雲酥伊比利亞羊肋排羊肋排嘅肉質特別鮮美，脂肪分佈得好均勻，羊肉味好濃郁，保留咗羊肉嘅天然肉味，配埋特別醬料，令我一度以為自己食緊寶雲酥羊肋排。2️⃣油甘魚薄切米紙卷薄薄嘅油甘魚鮮甜爽口，配埋米紙卷粒粒分明嘅味道，整體口感好清爽，包你食到讚不絕口。3️⃣大葉醬魚生他他三件擺盤好精緻整齊嘅多士，多款刺身配埋他他醬，整體口感好開胃，味道好新鮮，多士酥脆可口，令人難以忘懷嘅味道。4️⃣柚子漬蕃茄好有個性嘅一道小食，柚子嘅清新味道，配埋蕃茄嘅微酸口感，兩者結合，形成咗豐富嘅層次感。

今次想帶你地去「幸圓」，一間位於鰂魚涌嘅西式咖啡店🌃。枱面上嘅食物好多，而且每一款都非常誘人，仲有舒適嘅環境同埋高質素嘅食物，入到去之後你會覺得自己真係做定一個正確嘅決定。首先嚟到就試咗個「魚蝦蟹好多士」，魚蝦蟹的鹹香配上外脆內軟个好多士，真係超好食！每一口嘅口感都好鮮甜，成件事啱啱好，簡單又好味。再嚟試下「唔係寶雲酥伊比利亞羊肋排」，呢個肋排羊不會有羊騷味，烤得剛剛好，同佢哋嘅醬混合埋一齊，超香！咬落去少少脆脆嘅口感，加上牛油嘅濃厚香氣，真係好正！「燒酒糟鮑魚」就更加唔使講，鮮甜嘅鮑魚嘅口感好到不得了，配上燒酒糟汁真係唔錯！每一口都可以感受到飽滿嘅海洋味，正到爆！最後一定要試吓佢哋嘅「脆皮半熟鴨胸配奶油胡椒汁」，。香濃嘅胡椒汁加上半熟鴨胸，鴨肉的口感唔會好難咬，處理得唔會太老，皮也脆，十分恰當，簡直係享受之極。整個飯局之後，你真係會覺得今次食得好過癮！😊「幸圓」絕對係一個適合朋友聚會或者約會嘅好地方，食物優質，環境舒適，又係鰂魚涌，真係冇理由唔黎試試。🤟😉

朋友介紹我鰂魚涌有間叫幸圓嘅西式咖啡店，話網上評價好高，內裡裝修好有格調，同埋燈光效果一流，所以我呢星期抽咗個時間去試下佢哋嘅午餐👏🏻幸圓Poke Bowl ⭐️呢碗Poke Bowl真係好正啊！雜錦魚生丼包含咗新鮮的松葉蟹肉、吞拿魚、玉子同埋青瓜，仲有牛油果、紅腰豆、蟹籽。食埋日本大葉油醋汁，真係令人食得好開心。魚生新鮮一流，配搭得啱啱好，口感豐富，每一口都好滿足😽。 我自己係好鍾意食松葉蟹肉，呢一度嘅蟹肉真係好鮮甜，一疏疏嘅蟹肉食入口嘅時候口感真係好好，而且真係特別鮮甜，好喜歡!成個午餐搭配好健康又多樣化，真係食完feel到好清新又爽快！呢個Poke Bowl真係令人讚絕👍🏻！成間幸圓嘅氣氛好chill，地方寧靜又舒服，真心推介各位來鰂魚涌的話，一定要試下呢間高質又高雅嘅西式咖啡店。唔單止食物好味，服務都好好，真係值回票價😋

今日家姐睇有時間，就帶咗我去鰂魚涌呢度食晚餐。佢話呢間餐廳係佢朋友介紹嘅，所以就帶埋我一齊嚟試吓。餐廳嘅裝修優雅得嚟又帶有日本風，店員又好有禮貌，係一間環境幾舒服嘅餐廳。.🪿脆皮半熟鴨胸配奶油胡椒汁熟度啱啱好嘅鴨胸肉軟硬適中，外皮仲有啲脆脆地，配埋味道好特別嘅奶油胡椒汁，令鴨胸肉嘅味道更上一層樓。.🦪三杯酢廣島蠔係我哋叫嘅所有嘢食入面，最鮮味嘅一樣嘢食。廣島蠔肥美鮮嫩，再加埋精緻嘅擺盤，賣相同味道都好正。.🍞大葉醬魚生他他以為廣島蠔嘅擺盤已經好精緻，呢碟嘢食賣相都一樣咁精緻。脆卜卜嘅多士，鮮味嘅刺身再配埋他他醬，實實在在地捉住咗我哋嘅胃口。.🍚幸圓海膽五色丼而呢碟嘢食係我哋叫嘅嘢食入面，顏色最鮮豔嘅一樣嘢食。由唔同嘅刺身配埋生蛋黃同三文魚籽，充分咁展現海鮮嘅風味同特色。

放工後同同事計劃想食個好味嘅晚餐，於是就去咗鰂魚涌嘅《幸圓》。呢度係一間西式咖啡店，環境好靚，氣氛一流，感覺好寫意，我哋點咗幾款招牌菜嚟試吓。1️⃣首先我哋試咗三杯酢廣島蠔，呢道菜啲蠔肉嫩滑，再加上三杯酢嘅酸甜味，啱啱好提升咗蠔嘅鮮味，食完令人停唔到口。2️⃣再嚟就係柚子瀆蕃茄，蕃茄超新鮮，再配上柚子汁，酸酸甜甜，又帶啲清香味，好開胃。3️⃣然後係油甘魚薄切米紙卷，魚片新鮮到不得了，油甘魚嘅油脂同米紙嘅口感真係一流，感覺好有層次。4️⃣跟住係燒八爪魚配蒜味噌蛋黃醬臭，八爪魚咬落去彈牙，再配上香濃嘅蒜味噌蛋黃醬，簡直係天作之合，好正！5️⃣最後，點咗魚蝦蟹好多士，多士又香又脆，再加上豐富嘅魚蝦蟹餡，食完真係滿足到爆。總括而言，《幸圓》真係一間好正嘅西式咖啡店，食物又精緻又美味，氣氛又好，下次一定會再嚟！

今日帶媽咪嚟呢間朋友介紹嘅日式同埋西式fusion嘅餐廳，朋友話呢度啲嘢食好正又精緻，間餐廳環境畀人乾淨又舒服嘅感覺。晚餐時間啲客都唔算多，我哋排咗陣就安排我哋入座。🌸 赤蝦他他·魚子醬·蝦汁意大利粉蝦汁好濃郁，赤蝦又鮮甜又好食，魚子醬粒粒飽滿，仲會爆汁！意粉吸晒啲蝦汁，再加埋魚子醬，呢種奢侈嘅配搭真係一試難忘！🥹🥹🥹🌸 燒酒糟鮑魚鮑魚咬落去又咬口又腍，再加埋用酒糟醃製，酸酸甜甜咁真係好開胃！🌸 燒八爪魚配蒜味味增蛋黃醬彈牙嘅八爪魚經過燒烤後，仲保留住鮮嫩多汁嘅口感，淨係咁食已經好正。再配埋呢度特製嘅蛋黃醬，鹹香味道更加濃郁！🌸 魚蝦蟹好多士鬆軟嘅多士同魚、蝦、蟹三種海鮮嘅配搭真係好特別！魚肉鮮嫩、蝦仁彈牙、蟹肉鮮甜，呢種豐富嘅口感我媽咪食到舐舐脷🌸 Matcha passion fruit抹茶嘅苦澀味同百香果嘅酸甜味完美融合，酸甜之中帶住茶香，一啖落去真係好驚喜！🌸 Kiwi paradise呢杯係冰沙嚟嘅，奇異果嘅果香味打成冰沙後特別爽口，味道仲好濃郁，爽口又健康。

quarrybay返工，平時中午路過呢一間餐廳見到好多人，一直都好想試下。但係由於比較遲放飯，而且放午飯的時間又短，次次黎到都滿座或者要排隊，所以一直都試唔到。終於難得今日早少少收工，就約咗同事過嚟撐枱腳！.餐廳裝修好Muji風，暗黃燈光加上開揚街景，座位寬闊好坐，幾適合同朋友傾下計，享受下晚餐。.🍴Main：-🐥黃油雞髀配雞油香料飯Roasted Fresh Chicken Leg with Pilaf Rice-🐟時令刺身丼飯Seasonal Sashimi Donburi叫咗兩份主食，一凍一熱，兩款都有驚喜。黃油雞飯非常香，米粒乾爽中帶微微油潤，雞油滲透落米粒中，加上香料提味，好惹味，本來減肥少吃澱粉嘅我，都忍唔住食咗好多。（另外店員仲有細心咁幫我哋攞走啲香料，同撈勻個飯，等味道更加均勻，幾貼心）時令刺身丼飯貌相精緻，鮮甜海膽位於頂部，加上魚油豐腴嘅魚生幾鮮甜魚籽，好鮮甜。.Desserts:🥞幸圓原味梳乎釐班戟Koen Plain Soufflé Pancake原味蛋香濃郁，奶油綿密、空氣感得黎不會太空氣，帶有少許口感，貌相味道都幾有驚喜。搭配濃郁非常嘅Belgium Choc

上次同朋友去咗呢間餐廳食晚飯。我哋揀咗食壽司。首先職人壽司盛$178/6貫：油甘魚、吞拿魚、鰤魚、魷魚🦑、蟹棒、海膽帶子 。6貫裡面有唔少我鍾意嘅魚類,好似油甘魚、吞拿魚同鰤魚等。個個都好新鮮同有質感,而且每款魚類個味道又各有特色。其中我尤其鍾意油甘魚，滑順同鮮甜。另外蟹。棒、魷魚同海膽帶子都唔錯如果你食量大D,佢哋嘅10貫裝更加值得推薦。$288/10貫：油甘魚、吞拿魚、鰤魚、魷魚🦑、蟹棒、海膽帶子、北寄貝、牡丹蝦、蠔、三文魚。北寄貝爽口，牡丹蝦鮮甜，蠔飽滿，三文魚就肥美。除咗壽司,佢哋嘅甜品同樣都值得一試。原味梳乎厘$88軟綿綿，整得好好。配埋特製嘅楓糖漿好甜好香! 飲品Mango paradise$58芒果味突出，酸酸甜甜幾好飲。

今日午餐一個人嚟到位於鰂魚涌既西式咖啡店「幸圓」☕。呢間咖啡店嘅裝修設計真係好靚，充滿住西式風格同時又唔失舒適感，再加上多款選擇嘅餐牌，真係好吸引我嚟試一試！✨🌸我就點左招牌既日本鮮藍旗吞拿魚一番丼。呢碗一番丼真係不得了，入面有大拖羅、中拖羅同埋赤身，每一口都係鮮美到不得了💯。吞拿魚既脂肪分佈均勻，魚肉鮮嫩多汁，每一啖都觸動味蕾，簡直係幸福滋味呀！ 對於一個鍾意食拖羅嘅人嚟講，呢一個丼飯絕對係一定要食，食完之後一定會有好高嘅評價，因為真係有入口即溶嘅感覺，鮮甜嘅味道十足，好正!!🌸呢道菜可以感受主廚既專業同埋熱誠用心。我由心推薦「幸圓」，呢度既西式咖啡店絕對能夠滿足到你💚。

今日我個lunch伴冇返工，唯有自己一個喺附近行下搵嘢食。經過見到呢間餐廳俾佢日式裝潢吸引，半開放式空間好闊落，簡約清爽嘅無印風係我鍾意嘅裝修風格。Menu好特別，係日式同西式fusion嘅餐廳，全部都好有特色。✨✨午餐我就嗌咗佢哋嘅招牌【幸圓Poke bowl】，店員同我講呢個係可以完全tailor-made，有好多款新鮮刺身可以任意配搭，固定食材有玉子、青瓜、牛油果、紅腰豆同蟹籽。仲可以免費揀兩款，好抵食！想食大拖羅或者北海道海膽嘅仲可以加錢就可以食到。😋🤩店員一端上嚟我就忍唔住影相，擺盤精緻，色彩繽紛，賣相滿分！我揀咗松葉蟹肉同吞拿魚，松葉蟹肉腿好緊實嫩滑，吞拿魚亦都係切得薄厚適中，鮮美嘅口感食落好爽口！各種新鮮食材同刺身撈埋一齊食，又健康又營養！🥰🥰成個用餐環境都好舒服，食物又好味，下次我再帶同事一齊嚟試吓其他主食！

今晚同幾個朋友相約喺鰂魚涌「幸圓」飲野食嘢，大家都好期待呢度嘅特色美食G入到去睇menu，款式真係多到選擇困難，有Americano Orange, Matcha PassionFruit，一本A4和牛沙律配松露油酢汁，烤香茅椰青西班牙五花肉，燒八爪魚配蒜味味噌蛋黃醬，同埋燒酒糟鮑魚。每一款都係吸引到冇朋友，忍唔住即刻order咗！💟整體環境💟「幸圓」嘅環境真係好唔錯，簡約又時尚，而且充滿著西式咖啡店應該有嘅溫馨氣氛。坐喺度俾人感覺放鬆舒服。啲店員都好nice，親切友善，服務周到，令人印象深刻💟飲品一：Americano Orang💟我地先試咗Americano Orange，呢個飲品真係好refreshing。同普通嘅Americano唔同，加咗香橙汁之後，味道更豐富，仲有種酸酸甜甜嘅感覺，加埋咖啡嘅苦澀，口感複雜但又好match☺️💟飲品二: Matcha Passion Fruit💟接著我地試咗Matcha Passion Fruit，真係好特別既配搭。抹茶嘅清香配埋熱情果嘅酸甜味，融合得剛剛好，飲落去好驚喜，有種意根唔到嘅refreshing感覺💟菜式一：一本A4和牛沙律配松露油