幕多

营业中

休息中

醬油蝦濃湯麵 $118醬油蠔（一隻） $38👼🏻推薦指數：❤️❤️❤️❤️環境指數：❤️❤️❤️裝修方面有少少工業風既元素，牆身同地下都係水泥色。店舖雖然細，每張台凳其實可以容納4個人，但見到店員都係安排每2個人坐一檯，所以無迫既感覺。食物質素：❤️❤️❤️❤️全店只係售賣一款湯底既拉麵，都依然排曬隊就知呢間鋪頭既食物幾出色。店員會係幫你係湯頭加上自己制既蝦油，飲落有好濃郁既蝦味，亦唔會覺得鹹，食得出唔係味精煮出黎，配料有蔥同櫻花蝦，仲有值得一讚既係有兩隻剝左殼經過醬油調味既鮮蝦。後尾就記起之前youtube有睇過有人介紹佢既片，發現真係好用心煮好多個鐘先有咁既水準，值得專登撘車去食～🥳但係～個人覺得配料有d少，一般出面既拉麵都會配搭一隻/半隻溏心蛋🥹另外我地叫左小食，醬油蠔，蠔既size好大隻又嫩，自家製既醬油味道偏甜，但無搶到蠔本身既味道，係一個好好既開胃小食，勁推👍🏻服務質素：❤️❤️❤️坐低後店員有講解今日既限定小食，每日都唔同，今次中到我地最愛既蠔🦪～留意到店員見到自己熟客會主動打招呼，如果會主動比埋水仲好🤣Xd性價比：❤️❤️❤️（滿分為五個❤️）

超級好味一定要去食嘅蝦拉麵！！！！！！！！！湯底好濃郁，每條麵條都吸收晒蝦湯嘅精華，湯底飲到停唔到，蝦仲好細心咁已經剝咗殼，好彈牙，當日嘅是日精選係貴妃蚌，我哋仲加咗蠔，兩款海鮮既調味都唔會過分搶咗佢地本身嘅鮮味，食到最後我哋都仲有蝦湯就額外加咗麵，冇諗過竟然係免費，初頭仲以為只係會俾麵餅，上到枱發現原來係額外一碗蝦湯再加麵，好震驚！然後我哋又不停咁再畢啲蝦湯飲，店員又有禮貌，有機會一定會再去食！

每次行過呢間拉麵舖都見好多人排隊，一直都想試吓，今日終於扚起心肝去排隊！一坐低就點左個招牌醬油蝦濃湯麵，醬油濃湯真係好正，師傅最後淋上嘅蝦油，將湯底昇華至另一個層次，芬香撲鼻😚面底方面，我選擇咗拉麵，口感中規中矩，下次有機會可以試吓刀削麵🍜 嗰兩隻剝咗殼嘅蝦完全係食過翻尋味，醃製得好入味，有少少辣辣地嘅味道，好爽口🦐另外非常推介鮑魚，大隻得來又好淋，帶點微辣，絕對係值得叫✨▪️醬油蝦濃湯麵 $118 ▪️ 鮑魚$38

其實一直以來都睇咗唔同Foodie或者Blogger 嘅推薦，就算佢搬咗新舖都未扚起心肝去試一試呢個高質嘅蝦濃湯拉麵😅 就係怕要排隊，所以揀咗喺紅雨星期六嘅晏晝去一試 🤣由於去到已經係下午2:30，佢嘅刀削麵已經賣晒，所以我同男朋友都係揀咗一人一碗蝦拉麵🍜喺拉麵上枱之後，店員會淋上一圈自家製嘅蝦油增加拉麵嘅蝦香味，令成碗拉麵提鮮不少😋 首先講講湯底，食得出佢嘅湯底用咗好多哈利淆制，非常濃郁，值得讚👍🏻不過我哋兩個都嗌咗正常嘅蔥同蒜，但係成碗湯除咗蝦味之外都有好濃烈嘅蔥蒜味，就算我哋兩個都係蔥蒜愛好者都覺得有少少喧賓奪主嘅感覺😅 拉麵就明顯係由其他地方攞貨，冇乜特別🤔 至於蝦嚟講總體都係新鮮嘅，而且蝦身同蝦尾嘅蝦殼，都剝得10分乾淨，誠意可嘉👍🏻 呢間蝦麵店建議未嚟食過嘅朋友都可以過嚟一試，至於我哋就未必會試第二次🙈因為我心目中第一位嘅蝦拉麵，始終係台中嘅” 無魚”1️⃣醬油蝦濃湯拉麵（$118）

朋友介紹話呢間啲蝦麵，好好食。知道晏啲一定要排隊，所以就6:00去到，但係都滿。絕對覺得佢性價比非常之高！- 個蝦湯仲有蝦油再加埋兩隻已經剝咗殼嘅蝦🦐x2- 同埋啲麵🍜煮得非常之好👍唔會太腍- 加咗個鮑魚小食ok- 下次應該會試吓佢是日精選嘅小食同朋友都係第一次去食。之後齊齊話下次再會返嚟食😋😋😋

朋友極力推介，有人自己就一個月可能去食四次。最後俾佢游說就去一試。選擇不多只有蝦面一款，不過可以選擇多麵少麵面多湯少湯，配料亦可以自己選擇多或少。Friend strongly recommend this tiny restaurant, my friend visits four times a month. Finally, i was persuaded to give it a try. There is only one choice and it’s the shrimp noodle. However, you can choose more noodles, less noodles, more soup, less soup, and you can choose more or less condiments. 細食的朋友可以叫小麵因為精髓在於喝完成碗湯。湯底非常美味，絕對不會希望被浪費。Friends who are not big eaters can order less noodles because the essence is to drink th

餐廳嘅蝦湯真是正！濃濃嘅湯底散發出迷人的香氣，喺門口等位都聞到，令人垂涎欲滴。蝦湯嘅口感非常豐富，充滿了海鮮的鮮味，每一啖都能感受到蝦的鮮甜。此外，餐廳還提供了追加海鮮的選項，呢d海鮮入味且微辣，增添了一份惹味嘅風味，令整個菜餚更加美味。唯一改進空間可能在於面底，雖然湯底非常濃郁，d麵都幾掛湯，但如果可以稍微彈牙一d，應該會更好。因此，如果能夠微調面底的烹飪時間，使其更具嚼勁，將會係一個唔錯嘅改善方向。

倒數年頭的某一天，自己獨個兒去「偷吃」，而「偷吃」的對象是尖沙咀的 「幕多」！聽聞「幕多」由一位愛好露營的年青人開店，如今露營人、店主，亦同時化身為「幕多」的大廚。店內展現不少露營主題的裝飾，而我則特別喜歡那橙紅的色系，縱使陰天，令人有著陽光的好心情！喜愛大自然的人，通常也愛種植，對嗎？正如我自己也樂在耕種中。好像一直沒有提及「幕多」是吃什麼？「幕多」是主打自家熬製的濃蝦湯麵店，更有驚喜與特別的醬油海鮮供應，看來這位露營人對烹調也有一手啊。我點了必吃的醬油蝦濃湯拉麵 HK$118，與及追加醬油鮑魚 HK$38 小食一客。滿滿蝦香的麵條送來了 (其實濃香早已瀰漫店內，蝦蝦！)，店主會第一時間為客人加入自家炮製的蝦油，濃香蝦油會進一步提升  麵湯的惹味度，讚！店主亦會應客人要求追加蝦油，絕不吝嗇！稠密的湯底十分甜美豐郁，每一口仿似是蝦鮮與羔香的融合！湯頭還有大量的櫻花蝦佐味，蝦迷必定會大滿足！湯麵附有兩隻醬油蝦，蝦頭是特別滋味的部位，不單吸收了醬油的精華，還加了一點 Citrus 去平衡，令人有股如沐春風的感覺，好吃好吃！記得千萬不要浪費蝦頭！湯麵附有兩隻醬油蝦，蝦頭是特別滋味的部位，不單

呢間主打食蝦濃湯拉麵既小店🍜平日都幾多人食下🤭Lunch time都要等一等先有得食——————————————————🍴醬油蝦濃湯麵($118)佢哋既拉麵有得揀要拉麵底/刀削麵底今次就揀咗刀削麵底 食落十分煙韌😚拉麵上碟後 店員會幫你加蝦油🦐呢個蝦油真係神來之筆🤩完全提升左成個拉麵同埋湯底蝦味極香濃 鮮味都好岀☺️絕對會再再再Encore‼️‼️‼️

今日適逢星期五，決定Happy Friday 收工食好啲🤣 之前都一直想試呢間蝦麵好耐，今次就俾個機會啦！星期五黎講，我大約7點半左右到，眼見前面都有3/4個排隊等緊，雖然店子座位不算多，不過好好彩我都只係等左15分鐘左右 。我一黎到就揀左蝦湯配拉麵，另外仲叫左是日精選蟶子，職員好快捧住一碗熱騰騰香噴噴的蝦麵來到我面前😍仲幫我落埋蝦油，成件事視覺上好加分🤣黎之前已經做左功課，聽講拉麵麵質普通，所以我不抱任何期望🤣但個拉麵比我想像中好食啵～至於個湯先係重中之重🦐🦐🦐非常濃郁，一個字「鮮」！飲一啖湯就好似有成隊蝦兵蟹將係我口入面游緊水🤣🤣本身118蚊一個拉麵，定價係比較進取，而且配料得兩隻蝦，蛋都要另外加錢🤧 同埋我叫果個醬油小食，蟶子雖然係幾大隻，但要$38，係有少少貴 。但個湯真係feel 到係心機野黎，用心用時間熬出來蝦湯，老闆都好有心咁，最後仲問我覺得好唔好食，呢間我下次都會再來👍

初嚐呢間蝦拉麵 湯底好濃蝦味 會食得出係真材實料淆 比起另一間連鎖更濃味 而且配咗啲京葱更好食 麵質就可以再調較得好啲 如果可以更掛湯會更好 期待之後會有更多唔同款式嘅蝦湯底

聽講話尖沙咀附近有間好出名嘅蝦麵，作為拉麵控嘅我點都要嚟試一試。舖頭非常之簡潔嘅裝修，真係幾有日本地道拉麵舖嘅風格，嘢食方面舖頭獨沽一味只賣蝦拉麵一樣嘢，但同平時嘅拉麵舖一樣可以自己揀多蔥少蔥而唔鍾意食拉麵嘅朋友呢度更加可以揀刀削麵。咁我第一次嚟食，就梗係揀返最傳統嘅拉麵啦，朋友就叫我記得要試吓佢嘅醬油小食，咁啱嗰日嘅精選係琵琶蝦，佢點咗份琵琶蝦，我就點咗份蠔。面方面略嫌隻蝦有少少細，湯底嚟講都係出色嘅麵條粗幼同埋軟硬都適中不過可能因為我好耐冇食咁重口味，成個晏晝都好口渴。反而最令我驚喜嘅係醬油小食，肥美嫩滑嘅生蠔，一旦拍入口。一個字正。

睇過幾個Foodie 嘅介紹超過一年，一直未有機會光臨。多謝老闆堅持，今天有幸試到高質心機拉麵。蝦湯極濃， 食到最尾碗湯仍然保持溫度有煙出的。蝦完全去殼，驚喜地連蝦尾個殼都剝得好乾淨，好完美，由心感到溫暖😅。 拉麵恰到好處，剛做完3個鐘gym 都夠飽滿。八點單人匹馬進場，其他位都有人，店員安排咗個2人枱。後來有兩位要等枱，主動搭枱騰出二人枱給新客人，老闆溫柔地道謝。不論食物質數，服務態度，環境裝修，收費都極滿意。 期待下次試蠔麵和其他海鮮。

醬油蝦濃湯麵$118兩隻醬油蝦--普通拉麵--普通湯低--非常濃郁的蝦湯可免費加麵(我加了一次 是否可再加第二次不清楚)這個麵主要重點應該是湯底 因為麵和醬油蝦的味道並沒有令人感覺特別的地方而湯底確實是喝得出來濃郁的蝦味

從植幕宵移到更大的舖面，幕多依然專注於製作醬油蝦濃湯麵。湯底用大量鮮蝦殼熬製，濃郁香甜。麵條可選擇彈牙的日式拉麵，以及掛湯力一流的刀削麵，上桌後再於席前淋上蝦油，無論儀式感及味道上，皆是令人滿足的一次體驗。The shrimp soup noodles of Camping Kitchen (formerly One Night Camp) starts with a flavorful broth made from shrimp shells, dressed with shrimp oil when served, and letting you choose the noodle type between ramen and sliced noodles.