常悅素食 (已搬遷) 新店位置

突然想食齋，去到雅蘭中心，竟然見到喱間素食舖，入去試喇！1) 錦繡齋滷味 ($30) 齋鹵味好入味，腐皮勁脆，超正！酸齋唔太酸，酸酸甜甜，好開胃！2) 荔茸香芒脆卷 ($62)賣相好靚，好脆！但啲芒果好酸，但我覺得o.k.！ 3) 海南咖哩素雞煲 ($60)好得意呀！啲雞肉真係一絲絲，好似！啲咖哩汁都O.K.，唔會太淡，幾嘢味！ 4) 鴛鴦燴飯 ($58)我比較鍾意食茄汁嗰面，因為白汁太creamy，我嘛嘛哋！份量都多，唔錯！ 整體感覺唔錯，無論食物水準、環境、服務都合晒要求，以後想食齋，我第一時間會諗到喱間舖。都真係幾多人，我諗最好訂枱喇！

一年半前試過常悅午市小菜點心,印象十分好. 清淡.唔油!! 至少記得常悅係我食過既素食之中少有食完唔會好口喝既地方. 今晚帶媽咪& auntie黎食. 冇突破.但至少水準還在. *phew* 好似片皮鴨既夾燒豬片. 燒豬片太乾.亦唔太似燒豬.脆芋拼蝦球. 芋頭好酥化.蝦球超爽兼有鮮味! 一d都唔油!! 五柳黃魚.紫菜太乾太硬.唔酥化.ｄ魚好'豆腐'囉...waiter介紹既松子椿菜炒飯ok.飯炒得乾身,唔油.'海鮮'粒幾多. 不過我睇住成大粒"精華"未炒渾囉..... (~_~;)3個人4個dishes. 仲有紅豆沙送. DBS有9折. okay啦! 不過唯一成曰俾人啤住.想你快ｄ交檯.一ｄ都唔relax.

最好訂枱(兩日前)，否則有排等岩岩一次唔太好既經歷，訂左枱，登記左但果個部長忘掉了我的存在WOR，好唔開心呀，邊會咁嫁?而且新年期間我又見佢收利是 ~ 同請人食朱古力，唔請我就算啦 !! 條友仔收完利是就俾枱人地 ..... 唉 !! 咁點得嫁 ..... 無奈呢 ?請返野食先啦 ~好味 ~ 是沙拉雞腿啊 !!口感似似地 ..... 個汁幾野味，送飯一流咖喱雞煲就唔多掂啦 ......淡而唔似咖哩 ~ 可惜可惜 .....煲內既雞件唔太似，我女友話見到有雞皮添呀哈哈哈最唔掂係果個串燒呀老虎蟹都咪鬼食添呀 !!貴 ，唔好味，唔飽最後就幾體貼既又送左碗綠豆沙吃一吃唔錯呀 ~ 侍應又OK嫁WOR態度方面最記得既係一個老老既阿伯侍應希望下次有機會再吃既時候 .....會有所改善啦到時再試一試其他送菜呀 !!

年廿九 24-1-2009是日為年廿九，跟家人到常悅食晚餐，因為見到openrice太多人寫食評同埋推介所以先放棄左係旺角必食既素食一家，黎呢度走一趟！首先介紹下我們一家三口點左那幾道菜：　越式米紙卷($43)：呢個係前菜冷盤，見佢幾特別，所以點左黎食，用米紙包住生菜再包住素雞絲，味道唔錯！值得一試　麻辣手絲雞($32)：呢個手絲雞若然沒估錯應是利用坊間有得購買的隨緣雞再切絲而成的，若非名字可能不會試，不過不是茹素的朋友一試無妨！　沙拉腿球($68)：呢個係見到各位師兄姐推介所以叫的，確實是十分美味！利用素火腿再炸，加上沙拉醬！！！十分推介　鐵板沙爹串燒($62)：呢個係十多年前小時候在葵1芳素食居食過後就一直無食過，如今能夠搵得番實在係正！不過串燒既用料可以好點，因為價錢較高，可用其他素肉取代黃瓜。　薑蓉豆苗：不過不失，比上主場大力齌廚好得很，因為不是吃莖呢！　法式焗牛油果：不過不失，牛油果上層以素肉及沙律醬製成的。總括而言，呢一餐係非常正，以後係旺角又多一個選擇，所以下次一定要帶女朋友試下，可能呢一間會成為佢所食過既齌鋪最愛

尋日專登去幫趁, 好多人呀, 等左大約半個鐘, 正想放棄之際, 就有位, 哈哈2個人叫左, 西湖牛肉羹, 素海鮮羹, 齋鹵味, 沙拉球腿。開頭有d怕唔夠食, 點知原來都唔少。 齋鹵味好入味, 腐皮脆又吸左d汁, 好食!! 酸齋唔太酸, 甜甜地幾開胃西湖牛肉羹比較咸, 但個味都好似有肉既牛肉羹, 幾好素海鮮羹, 好清, 對比牛肉羹比較淡, 好多料, 細細粒, 好有心機沙拉球腿, 呢個好好味, 個皮好脆同鬆化, 個汁甜甜地, 素火腿質地同味道都似餐肉, 但無餐肉咁油同咁咸, 加沙律醬就甜d, 加辣椒醬就惹味, 相當唔錯。仲有紅豆沙送, 有百合同埋起晒沙, 唔係頹野, 好味。服務都算ok, 食物黎得快, 執野都快, 不過少位, 坐得幾迫。下次多d人可以再試多d唔同既野。

actually, this restaurant offers a variety of foodfor 7 of us, we chose menu for 4 and got 28 disheshowever, the famous chicken sold out when we arrived late intentionally for the 30% off(30% after 10pm for public holiday, weekendafter 9pm after weekday)highly recommend chicken, dessert, carrot pudding, actually food is quite random and enjoyable

上兩個星期試過呢度既菜好味又有特色，而今晚朋友仔又想少肉多菜，所以就再黎食過：南乳香酥骨 ($60)：南乳味唔夠，香酥骨沒有肉的感覺，麻麻地。紅燒素黃魚配五柳汁 ($68)：五柳汁酸酸甜甜好開胃；素黃魚雖然唔似魚肉，但味道都好正！香芋焗飯 ($56)：熱辣辣，軟棉棉既香芋和香噴噴既汁撈飯食好味到震！芋塊拼蝦球 ($60)：蝦球彈牙鮮味，芋塊外脆內軟，好好味！沙拉腿球 ($68)：食落勁似午餐肉，好味，但包住“午餐肉”既炸粉食多幾件會感覺肥膩！錦繡齋鹵味 ($30)：十分普通，無特色，味道也一般。我用DBS咭簽賬有九折，真好。餐牌上還有很多想試的菜，我有信心味道不會令我失望，我會再來的！

這個星期胃口不佳，但又很媽媽好好放一日飯假與她外出吃個晚飯！突然想起素起，於是在這裡東找找西找找，給我遇到它「常悅」！這裡食評最好，於是姑且一試！訂了８時，準時到達已發展全場滿坐！我們被安排到一個很差的位置，那張枱好像是「搭枱」一樣，與旁邊那枱人幾乎是拍齊的！其他枱與枱之間也没太多空間，但我們的那張尤其過份！要求轉枱但居然被拒！環境已令我扣起不少分數，對他們的服務亦有所保留！幸好不算嘈吵得過份！懷著不太滿意的心情點菜！餸菜來得很快，一嘗味道，確實使我心情有所平息！雖然不是美味得令人回味，但以素食來說也是相當令人欣慰！五柳仙魚即芋頭魚，炸得頗鬆脆，只是芋蓉味道較淡，稍為再鹹一點會更惹味！抄桂花翅其實是蛋白再加素翅一起抄，蛋白抄得滑，而素翅的份量配合得不錯！兩者交替，柔滑與爽口的交纏，確實令人欣賞！不過油份太多，雖則說要抄一份滑蛋不太容易，油亦不可缺少，但總要適可而止！椒鹽香酥骨初想應是類似雞軟骨之類的，咬下去的感覺應是硬身有咬口！誰不知一試，卻又是別有一番風味！與其叫作香酥骨，倒不如喚作鹽香雞丁更為貼切！它就如麥樂雞的縮少版，但雞肉的像真度奇高，若不是知自己身在素食店，可能也會誤以為是真

朋友食過幾次都覺得唔錯，所以就選擇左呢度食小學同學聚會晚飯：京式燻鵝 ($36)：燻味好香，唔油膩，味道清清地好食！炒桂花翅 ($75)：蛋白炒素翅，蛋白炒得幾滑，素翅有咬口，兩者配合得頗好。砂鍋秦皇手打烏冬 ($60)：湯底係冬陰功，內有菜、蒟蒻做既素蝦和帶子等，味道鮮味。崧子糖醋魚柳 ($62)：糖醋醒胃野味，魚柳口感一d都唔似魚柳，卻勁似豬肉，好似食緊糖醋排骨，十分有驚喜既菜！栗子鮮竹煲 ($62)：醬汁味道平凡，栗子有d唔夠粉，鮮竹原來係一粒粒既鮮竹，食落好油膩。上湯豆苗 ($68)：豆苗嫩，但上湯好多油，清淡d會易入口d。津白三絲炒年糕 ($55)：年糕炒得煙刄，但醬汗太杰和唔香。今餐大部份既菜味道都幾好，另外見到類枱既食物都吸引，下次會再黎試下其他菜式。

終於有機會試到常悅勒,之前見到咁多人話呢間好食~一心就同媽咪黎左~下午去,好多人,不過都好彩好快有位~其實應該係食下點心飲下茶咁,不過一心諗住試下佢d出名菜式先~最後叫左沙拉腿球,東坡醬汁肉方同燕窩粥!!!!首先係沙拉腿球,真係好好好好好好好好食呀!!!!!!!先唔好講佢似唔似肉,,單單係佢個味已經令到我愛上佢!!!之後東坡醬汁肉方,仿似度85%,有"肉"有"肥膏",都唔錯嫁~反而係個燕窩粥有少少失望,佢d燕窩都幾似真既,不過d粥可能太多味精~其實不喜愛食肉既人都可以黎呢到試下嫁~本人覺得呢到真係一個值得一去既地方黎嫁~下次一定會再去,聽閒佢d點心都唔錯,特別係"煎釀三寶"

同男朋友第一次食齋我呢D食肉獸平時一聽到食齋就好抗拒點知黎過之後會想再食 柚子汁素排咕嚕素球芋頭魚豆沙鍋餅食呢幾樣完全唔覺得自己係食緊齋而且仲好好味 ...反而金沙豆腐 (無味)糖醋小排骨呢兩樣就真係麻麻地同埋佢地既餸偏細碟而且環境有D逼 ...

禽晚同好朋友一齊慶祝我地嘅生日, 決定打破我地嘅傳統, 唔去buffet唔去蒲, 要去食齋!!!芝麻螺肉$30 真係好鬼得意, 個樣似似地不但止, 食落好彈牙, 醬汁亦學足真嘅一樣味, 友人明明話呢碟最麻麻(我幾鐘意食播), 反而食鬼哂我嘅-_-例湯$38 是日係木耳煲椰子湯, 有半煲都係渣, 多人食就唔夠湯分, 用佢地嘅碗計有5碗湯到, 本人覺得湯水稍為稀咗d, 唔夠濃郁, 不過咁嘅價錢比咁嘅貨仔都差唔多啦~沙拉腿球$68 味道唔錯, 入面嘅齋肉比較少而且好薄, 粉漿較厚, 不過食落唔油又好味, 酸汁入哂個粉漿度又令到佢好惹味播~香芋焗飯$56 正到爆...~~!!!好美味呀~我同友人都一致覺最好味嘅一個菜, 剛焗好嘅芋飯飄來一陣香味, 還放一塊芝士上面配炒過嘅飯, 芋頭已經係焗到完全淋哂, 一口食下去嘅嗰種creamy, 啱哂我嘅口味, 仲有d菇菇, 我飽到嘔都要食兩碗滿嘅!!海棠滑豆腐$55 一般啦不過不失, 豆腐好滑底部嘅蛋都滑, 有d菜粒食落去爽爽地冇咁寡P.S. 食完哂侍應突然端出兩碗煻水, 係花生麥米粥, 唔太稀又幾好味喎, 可惜飽過頭食咗一半就頂唔順喇, 唔洗錢送嘅認真

同豬先生睇完 <絕代雙嬌> ok好笑唔洗用腦 !!! 行多陣就去雅蘭食飯了 搭lift去到5樓再搭電梯上6樓 > 常悅素食 (因為我好少食肉,難為豬生陪我了)好彩一早叫左豬生book枱 唔係唔知等幾耐 book左都係要等 6-9mins個經理都幾好人 服務幾好 仲好有記性 記得book姓氏睇左陣 就落單了 : 一個湯 (椰子個果) <<< 好飲wor,平身以試下性質2個share ,最後我都係叫多一個湯自己飲 晒^^ 好多料 gd !! 素雞絲海哲 <<<< 同平時素菜館食ga一樣 ,無咩特別驚喜or好食 帶點麻辣味日式魚生 <<<< 平身唔食魚,素魚對拒絕 ,滑滑的=0= 口感係嘔心 食剩3塊素蝦芋塊 <<<<好膩d芋塊 ,多人食好d,2個人食不消 素蝦一般有蒟"弱"做咬口咕嚕素

之前已經食過幾次，覺得唔錯，有同事生日介紹佢地嚟食。六個人叫咗︰沙拉腿球 - 好好味糖醋小排骨 - 又係好好味，食到唔停得咕嚕素球 - 每次必叫，發覺平咗，原來係細碟咗，而且舊猴頭菇細咗好多茄子什菌 - 幾多料，ok焗芝士西蘭花 - 個汁都唔錯沙拉腿球&糖醋小排骨真係好好味，而且質感好似肉，諗起都想食，其中一個同事未食過素食，本身唔多想嚟食，點知一路食一路讚，而加0既素食唔同晒以前ga喇

同個好耐冇見既同學食飯，由於聽人講呢間嘢幾好食咪去試吓，點知食到一肚火！我地之前訂咗星期日夜晚七點九，去到個陣個經理竟然問我地一個鐘比返張枱得唔得喎，大佬啊一個鐘點得菜嚟食得飯嚟都冇啦，佢仲要係冇咩禮貌咁問我地，我地梗係唔肯啦。跟住serve我地個侍應啲服務態度又唔好，啲杯杯碟碟好似掟落嚟咁，見到張枱有成大個水氹都唔幫我地抹。同我地落單個黑面神仲離譜，當我點咗要午市先供應既點心個陣，佢竟然勁惡同勁寸咁同我講：小姐！午市先有嫁！！如果我知都唔會點啦，真係唔知得罪佢啲咩，當正我係仇人咁！總括而言，呢間舖啲嘢食就不過不失，但啲服務態度就超差囉，用咁既服務嚟serve人就算啲嘢食點好味都冇用啦！唔該佢地好好咁檢討吓！