常悅素食 (已搬遷) 新店位置

同個好耐冇見既同學食飯，由於聽人講呢間嘢幾好食咪去試吓，點知食到一肚火！我地之前訂咗星期日夜晚七點九，去到個陣個經理竟然問我地一個鐘比返張枱得唔得喎，大佬啊一個鐘點得菜嚟食得飯嚟都冇啦，佢仲要係冇咩禮貌咁問我地，我地梗係唔肯啦。跟住serve我地個侍應啲服務態度又唔好，啲杯杯碟碟好似掟落嚟咁，見到張枱有成大個水氹都唔幫我地抹。同我地落單個黑面神仲離譜，當我點咗要午市先供應既點心個陣，佢竟然勁惡同勁寸咁同我講：小姐！午市先有嫁！！如果我知都唔會點啦，真係唔知得罪佢啲咩，當正我係仇人咁！總括而言，呢間舖啲嘢食就不過不失，但啲服務態度就超差囉，用咁既服務嚟serve人就算啲嘢食點好味都冇用啦！唔該佢地好好咁檢討吓！