常悅素食 (已搬遷) 新店位置

感覺有ｄ新鮮，ｄ餸既外觀都幾靚既，味道ok 啦，佢扮既所有野都唔係太似，都食到有ｄ麵筋味。價錢方面就偏貴，一個餸菜都平均要$60以上而且份量少，如果叫餐會抵ｄ，幾個餸有湯有甜品平均每人都係大約$80。整體黎講呢間餐廳係一試無妨。

昨晚同兩個朋友去食素, 因為想清靜點以放便聊天,所以揀了室內的座位. 那座位很寬敞也很舒服, 環境不錯! 我們 點了個 '2 人套餐' 再加 2 款餸.那套餐有 : ~金湯海皇羹: 有些南瓜蓉, 但比較稀, 味道一般.糖醋松子魚柳: 只有4件, 份量比較少. 但味道真像魚!鮑魚菰時蔬: 那些菰好大片! 再加些小棠菜. 整體味道不錯. 燒乳豬件併海哲: 個乳豬皮好脆, 但啲 '肉' 就沒什麼味, 不過加點醬來吃也十分可口, 而那些海哲也很爽很好味!迷你福建炒飯: 很清淡也很迷理, 但味道不錯!另外散叫了: ~糖醋小排骨: 那些 '排骨' 沒什麼特別, 只是個汁酸酸甜甜的很是開胃, 但吃多幾件就覺得有點 ' 溜 ' .芝麻辣螺: 那些螺 '肉' 很爽, 味道也很像真的螺,簡直難分真假! 再加上有少少辣. 很好食!最後還有紫米露糖水, 十分足料!整體來說, 是個吃晚飯的不錯選擇!記著結帳時用 DBS 咭或其聯營咭會有 九折!

因為有一個朋友係vegetarian. 咁就俾迫去食素一直都唔係一個食野healthy的人.一開始話食素真係呆左不過真係估唔到,我地食左好多點心佢d味仲好過好多茶樓仲要全部都好似真係估佢唔到既素食

在雜誌看到介紹, 見openrice 食評也不差, 也來試吓食齋先.上到來未係太多人, 但好快滿了.叫了多人讚的辣螺,糖醋骨, 及咖哩雞煲.辣螺比想像中辣, 但味道及型狀真的好似!糖醋骨比較咸, 味道一般.咖哩雞煲勁熱, 雞肉texture 真的很像!但咖哩太水, 太黃, 太螢光; 如果係印度的濃味點的會更好!上次俾人話食齋, 是在某某年在某MK卡拉OK內 ....

上星期四又同朋友一齊去食晚餐，M小姐心血來潮好想食素，不過我老公就唔係太嗜食素既，於是我就揀左呢間餐廳啦！因為呢間素菜館所煮既菜式不論外貌和口感都係好似食緊肉一樣既感覺，唔會覺得食素只係好清好悶咁，我老公食完都話得呀 我地叫左個例湯、辣螺、燻鵝、魚香茄子抄伊麵、糖醋小掛骨，雲腿扒雙疏。我自己最鐘意食既，就係佢既冷盤辣螺同埋燻鵝，可能近排天氣熱啦，凍凍地又辣辣地、真係好開胃呀！個辣螺咬落去好煙un，好有口感。仲有佢地個例湯係不可不叫既，一來真係好抵38蚊一窩(都有成6-7碗)，我一個人已經飲左2碗半既湯，二來佢地既例湯真係唔馬虎，三來係日日都唔同既例湯，亦冇味精，個湯好甜，我地o個日既例湯好似係叫做菜乾瘦肉湯。總之係必叫之選啦！其他既菜式都係好好味，伊麵d魚香茄子味好重好香(都係有d辣既)，而我老公就好鐘意食糖醋小掛骨。總括而然今餐既晚餐食得好開心，亦算優惠，平均每人一百蚊啦，我下次都會再試下其他既小菜先。 唯一可惜既係，我以為用DBS card會有9折優惠，點知琴日原來係初一，係冇9折架！大家去既時候要留意下係咩時節啦，初一、十五都唔會有優惠既。

上星期日一行8人到常悅素食享用晚餐~點了一個6人餐,另加芋頭魚和炒飯~每樣菜式的味道和賣相也很吸引!!! 份量亦很足夠,我們還食剩一些。齋乳豬和齋雞的賣相和口感跟真的那些好像沒有分別~大讚!!!我們訂位訂了7點,不過6:45去到亦可以即時入座!享用完晚餐,我們一班人傾計傾到9:30亦沒有受到waiter們的白眼~那天上菜速度很快,服務態度不錯~而且環境頗舒適!!值得再去~:

首先,環境不俗,不似一般的老字號齋菜館,應該會吸引到一班年青人光顧.我幫襯過兩次,兩次都有叫"芋頭魚",好好食,食完唔覺漏,不過最好襯熱食,凍咗麻麻地;每日例湯很夠火喉,很足料;腐乳通菜炒得很咸,奶油津白好好味,菜靚之餘又有很足奶油味;咖哩薄餅則很普通,得個辣,冇味的;齋鹵味則普普通通.

　　今天收早，幾經辛苦，先至叫倒食肉獸阿妹來食齋，同埋阿媽，一行三人，只係食午飯，就食左$326大圓，肉都赤，我地叫左：－　乾炒牛河（特別推介給食肉獸阿妹）－　「豆支」汁素黃魚－　一窩艇仔粥－　炒腸粉－　蘿蔔絲酥餅－　素粉果－　羅漢齋辦麵　　第一次食乾炒牛河好有鍋氣，勁推介給同事＊（我已食過四次，今次係第五次），但今次，油很多，一的都吾乾身，牙菜無平時那麼多，仲無左陣鍋氣味，好肥好溜……　　「豆支」汁素黃魚，上次食肉質方面好似魚，而且扮魚皮的紫菜煙煙un un，加上剛剛炸起，伴埋的汁，脆脆地，幾有口感，所以encore, 可是, 今日食的完全兩回事：魚肉中間用腐皮攪碎來整，口感確係霉，外皮吾脆，紫菜又吾煙un，個姓李的經理走過來問：點解食剩那麼多黃魚吾打包? 我答：吾好食。她說因為中間仲差少少未炸透，所以影響口感，話下次送翻條魚比我，講真，即時免我呢碟錢咪仲好 !　　隔離臺有個中年粉絲阿姐忍不住答嘴說：　以前呢度的牛河好出色，而家炒野都差晒，我而家凈係食點心炸，師傅差晒，不其然我想起：會吾會換左師傅　？？　又或者晚市個師傅吾同下晝的師傅，有無人答倒我呢個問題呀？？＊艇仔粥同上次食味道

標題的後半句，絕對是口痕攪攪爛gag，大家太不用在意~今天收到未來外母來電，知道她跟另外兩位親屬同行到港遊玩，而晚上用膳的地點就由我來決定。(真的有點惶恐......)千想萬想，想來想去也決定不了要去那間店好，最後靈機一觸不如來個日常少吃的"齋口唔齋心"晚膳吧，選定了菜色，地點也為了方便她們而選址在旺角。對於未曾嚐過的食店的食物質素，始終會抱著一點不安感，還幸有OR這個平台，可以在享用食物前來看看文章參考一番。幸運地，我們被安排到卡位的位置，因為這位置偏離了主菜廳一點，所以嘈雜聲也較為少。我們最後決定要：赤小豆粉葛湯、芝麻辣螺、雲腿扒雙蔬、糖醋小排骨、炸腰花、羅漢上素炒麵、雜錦齋鹵味和五柳仙班。其實每次來素食店看到餐牌，都十分佩服廚師能夠"化腐朽為神奇"般將麵根等材料，就能做出如一般食市的餸菜，無論醬汁和味道也做到有八九成相似，他們真的很強呢~ 先來的是赤小豆粉葛湯，清甜而又一點點濃的湯才賣$38，單是把燈油火爉計算在內便已經回本了。芝麻辣螺無論造形、口感、味道都較真正的差不了多少，特別是它的彈牙程度，如像真實的螺肉般一樣。糖醋小排骨從外表看過去，根本就分別不開是素還是肉，麵根有咬口，

同朋友聚舊，book o左呢間食晚飯6 個人每人叫一個餸，個個都好奇想知齋點模仿肉，就叫哂「肉」侍應寫完單一睇，就同我地講話 6 個餸有 5 個係炸的即刻叫停，改番啲菜煲其實食落係冇咩特別的，口感同味道都唔算模仿得似但有一味餸值得講，叫碧綠金菇卷佢係有塊「肉」卷住金菇炸，但唔係肥牛，而係煙肉果塊「肉」0既味道真係好似煙肉算係全餐最「矚目」0既餸

睇完食評之後...滿懷希望..咁樣講, 就梗係失望而回啦.......點左4樣野...4樣都唔ok先係個黑椒鐵板素扒, 樣似午餐肉... 冇黑椒..好干.之後個咩東坡肉...d汁好快就一pat野... 但佢個肥羔扮得好似好好咬~~日式魚生...千奇唔好試.....................你唔知自己食緊乜,佢扮咩都唔似.因為唔知個粉皮係辣,,所以本人唔中意如果唔係朋友唔係住屯門區真係想返屯門喜林閣食冇咁嬲...起碼都係新派菜式丫麻....** 特別一提, 問佢有咩撚手小菜啦...d人只會指住塊廚師推介................我做過catering, 我知廚師推介有時係想推多幾款野的手法, 而唔係真係咩推介囉.....

雖然並非茹素，但頗為偏愛素食，唯自少至今，都沒有哪一間素食店令我有太深刻印象。可能是怕油膩，一向不太欣賞舊式素菜館，卻又嫌寺廟的齋菜興致缺缺；唯獨常悅素食可以令我有極好評價。經濟掛帥，常悅所供應的素食當然大部份亦屬「似是而非」的假葷食，但當中亦有連菜名都貨真價實的素菜。由於最近無暇光顧，而這篇食評亦寫得突然，只能記得每次都會點選的蛋白炒翅（其實不太記得全名）及小食螺肉作介紹。尤記得每次點選蛋白炒翅，女兒都總是停不了口的嚷好吃，偏愛師傅能將蛋白與素翅炒得均勻之餘不見鬆散，滑嫩得來不見油膩，油與水的分量恰到好處。至於小食的螺肉，確是一款開胃前菜，雖然帶些少辣，但不嚐辣的女兒都停不下筷，全因頗難入味的蒟蒻亦能做到濃淡適中，辣味來得不放肆。服務態度方面，當然不能說所有侍應能做到極好的服務態度，但以水準而言，我亦覺中上，尤其丈夫點菜總是叫過不停，侍應亦會適時提醒，不會貪客人消費高以不作一聲，這點我頗為欣賞，吃得下是福氣，吃不完就是浪費嘛…雖然我並非經常有時間光顧，而且每次相隔日子也頗長，但每次也能令我覺得做到保持水準，一般食肆而言，着實不易。唯美中不足的是，每碟份量頗多，想多品嚐幾道菜式都不能如

母親節，一行四人加男友五人去試試這家評價不錯的餐廳。之前阿哥話叫套餐唔飽，而且套餐的菜式不太吸引，故決定散叫。叫左一窩湯，好似係牛大力豬骨什麼的，難得唔慣出街食的阿媽，都竟然話好飲。而湯入面d豬肉碎真係好似，飲飲下都差d唔記得左係素食，唔會有肉。之後叫左︰糖醋小排骨(有d似平時買開果d素燒餓，味道太濃)、蝦仁炒飯(d蝦有蝦香，但質感唔似)、牛柳絲炒麵(d牛幾似，都幾好味)、雲腿伴時蔬(塊「腿」好似午餐肉，好得意，d菜好新鮮)、福壽綿綿(即乳豬+飽，得六小件，但係味道唔錯，都幾似)，同埋炒年糕(係有d肉絲係扮，年糕炒得唔錯，媽媽話咸左d)。食完仲有糖水送，整體都ok，散叫五人都食唔晒，要打包回家。媽媽第一次試這些「假肉」，大家都會食完問似唔似，扮乜野肉，都幾得意。總結︰d湯真係唔錯，可以試下乳豬，整體味道ok，散叫飽肚過套餐，而價錢都係差唔多。而環境真係幾嘈，想傾下偈都要大聲d。

栗子雞金瓜$68，成本不用$8，一小煲，搵笨! 栗子每粒又細又只有半粒，素雞只有4小塊，找來找去都找不到，大部份都是南瓜。干燒伊麵$5x，份量比酒樓少很多，味道又不是太好。鴛盟飯的汁非常多，但飯就好少，好像食汁一樣，要自已加一碗白飯才夠。服務人員態度差，尢其是那個穿黑色衣服的女人，我們吃到中途的時候問她有沒有糖水，她說有，後來我們吃完所有菜，叫她上糖水，她就說沒有，還指責我們之前又不要，現在已經沒有了，語氣惡劣，十分晦氣，最後我們見到其他枱有糖水，就問她，她才給我們送上。一問食肆應該準備足夠糖水，又不是快打烊，難道我們飲糖水要靠運氣嗎?總之，我忠告大家千萬不要去這問素食舘!!!

估不到上星期來吃都OK,叫了翅(麻麻) , 有兩款雜菜煲OK, 整到D 西蘭花好淋(我鍾意) 仲有冬瓜盅都唔錯,烏頭魚也很不錯!片皮鴨亦係上佳選擇!大家食到好飽好飽! 渣打部份有折