影片
更多
2010-11-08
17 浏览
第一次入長洲，事前已經入左開飯網睇下有乜好評，見到呢間零零丁丁帶左出黎已經諗住試下後尾入到去有長洲朋友講要試呢間。好，就去睇下Ｏ唔ＯＫ。大約９點２０分去到，人算多，等左大約１０－１５分鐘有得坐。入到去拎起牌，心太軟大家都推介，同女友兩個人諗住叫多個朱古力四重奏，仲有一個綠茶紅豆蛋糕（類似咁既名）某某女侍應過黎落單，先叫一個心太軟啦，佢話要等２０分鐘，無問題照叫啦。之後一個朱古力四重奏，佢話「無！」。無睇錯佢真係就咁講左個單字「無」，仲要係幾大聲同無禮貌。果下我同女友都打左個凸架喇，咁算啦，叫埋另一個蛋糕，佢都係同一個回應又係一個單字「無」。想點呀？無錯係張餐牌係寫左留意返個蛋糕櫃，但第一次黎食點知邊Ｄ蛋糕係邊Ｄ蛋糕？咁一係索性張餐牌剩係寫住「請留意蛋糕櫃」咁咪算囉。都好，無問題。咁我地叫左兩樣野都係無既時候咪問佢「咁有Ｄ乜野係有架？」佢竟然可以答「咪心太軟囉！你地叫左未？」即係成間店得心太軟食？之後發覺同佢溝通唔到，叫左個朱古力雲石芝士蛋糕。講返食物質素，雲石芝士蛋糕黎先，外表睇得出好乾。應該係雪櫃放到無人食，食落無乜朱古力味，反而有少少咖啡味。食落無驚喜（可能驚喜已經係頭先對答到出晒
後尾入到去有長洲朋友講要試呢間。好，就去睇下Ｏ唔ＯＫ。
大約９點２０分去到，人算多，等左大約１０－１５分鐘有得坐。
入到去拎起牌，心太軟大家都推介，同女友兩個人諗住叫多個朱古力四重奏，仲有一個綠茶紅豆蛋糕（類似咁既名）
某某女侍應過黎落單，先叫一個心太軟啦，佢話要等２０分鐘，無問題照叫啦。
之後一個朱古力四重奏，佢話「無！」。無睇錯佢真係就咁講左個單字「無」，仲要係幾大聲同無禮貌。
果下我同女友都打左個凸架喇，咁算啦，叫埋另一個蛋糕，佢都係同一個回應又係一個單字「無」。
想點呀？無錯係張餐牌係寫左留意返個蛋糕櫃，但第一次黎食點知邊Ｄ蛋糕係邊Ｄ蛋糕？
咁一係索性張餐牌剩係寫住「請留意蛋糕櫃」咁咪算囉。
都好，無問題。咁我地叫左兩樣野都係無既時候咪問佢「咁有Ｄ乜野係有架？」
佢竟然可以答「咪心太軟囉！你地叫左未？」即係成間店得心太軟食？之後發覺同佢溝通唔到，叫左個朱古力雲石芝士蛋糕。
講返食物質素，雲石芝士蛋糕黎先，外表睇得出好乾。應該係雪櫃放到無人食，食落無乜朱古力味，反而有少少咖啡味。
食落無驚喜（可能驚喜已經係頭先對答到出晒黎），唔係難食，但唔算好食咁囉。
之後黎到心太軟，賣相ＯＫ，食落入面既朱古力可能客多，心急得濟搞到有Ｄ燶。十分普通。
本身之後諗住叫多個梳乎厘，但見前兩個都咁一般就無叫。最後埋單４７蚊。
下次唔會再黎，都幾失望，勸大家等人少時佢地心情好，整得有心機時去食會好Ｄ。
张贴
