師妹甜品

营业中

休息中

2008.11.30(日) 本應諗住尋晚黎食宵夜，致電一問 "收11點準時" 一盤冷水...打消念頭。今日六時左右到達，門外少許涼意，幸好店內仍有空間容納我們十人，也方便點這個火焰雪山丫嘛。全日食，一眾肚子空間冇多，點了幾款甜品齊齊分 梳乎里 ~ 原味﹑薑汁各一﹑雪糕心太軟 X 2﹑火焰雪山 X 1﹑士多啤梨七喜 X 2﹑熱意大利咖啡 X 1﹑凍XX咖啡 X 1其實我不太喜歡甜食，傳聞心太軟好正，我期待已久﹔第一次品嚐居然係响長洲小姐一句趁熱食，即時忙著拍照喇，朱古力好快就流出，暖笠笠既朱古力唔太甜夾住凍冰冰既雪糕在口中感覺好得意 除了味覺享受亦帶給你感覺既快意 曾經上過甜品學堂，導師曾說"梳乎里"只會在酒店既餐廳才會食得到仲要趁熱食，不過E+都演變到這類小店都有得食，然而趁熱食就不變﹔好高喎，小姐又說趁熱食，我又忙拍照，不肖一刻，梳乎里已經開始出皺紋﹔都幾滑，好似食蛋白泡咁，反而有薑汁味道較為突出﹔火焰雪山迷你版好快就熄火了，食咗都唔識講 少少酒味&幾滑囉 士多啤梨七喜都教我幾失望，好淡好稀，若果合埋眼飲都唔知自己飲緊咩﹔兩杯咖啡都係友人飲，不能置評﹔黎呢度最大得著都係

覺得我們在長洲吃了很多餐?嘿嘿，其實那些只是碎料，叫好叫座師妹甜品才是當日的重頭戲! 　師妹平日下午三點才營業，週末及假日則開兩點。大家都心急早到了，發覺關門時的鐵集頗有風味呢!當然後來我們成為第一檯客，相信也是師妹很難忘的一檯客，因為我們幾乎把整張menu都掃光，成績驕人! 以下面逐一介紹：　Creme brulee-很大的一盎燉蛋引得甜魔滿心歡喜；焦糖層香脆，不過燉蛋部分不夠滑溜Strawberry Yogurt cake-士多啤梨與乳酪味道清新，是較為輕怡的一款甜品Marble cheesecake-芝士與朱古力味中挺，唯獨是缺了鬆厚餅底令此餅失色不少Blueberry cheesecake-採用藍莓果醬而非鮮莓，而且質地似慕絲多於芝士餅，但精緻的外表可以加分Tiramisu-半濕的質地討好，如果mascarpone再香滑一點會更佳 原味疏乎厘-火候適中香鬆軟棉，吃時有淡淡雲尼拿芳香，有水準；不過此味始終非我所愛薑味疏乎厘-味道甜香中，隱約有陣醒神的薑味，也是不錯的一味 Chocolate mousse cake-光滑的鏡面朱古力餅引來無限憧憬，但朱古力味不如預期濃郁，略感失望

order 了心太軟 $25 + 熱柚子蜜$13心太軟: 熱騰騰, 朱古力漿已瀑了出來, 朱古力漿都幾甜, 但mix 雪糕食便覺ok, 外面焗得好脆, 內面滑滑朱古力漿, 加凍凍雪糕, 口感正.熱柚子蜜: 一般wall上寫明最低消費每人$13

2 Nov 2008 與男友到cheung chau搵食，有點兒失望， 芒果千層太濕，細件，mango冇味，大班十多元一件的比它好 ! 有點貴 心太軟，外脆內軟，冇咩chocolate味，不過 $25，算係咁。檸雜好正，一定要飲 ! 老闆娘幾nice !

14.11.08 (Fri) 晴最後一（食）站。其實呢度係plan咗一定要黎。around四點幾，只有出面有檯，waitress話我地坐入面就要搭檯，最後決定坐出面，吹下海風食甜品都好難得！由於完全唔餓，只係叫咗個心太軟($25)+壺玫瑰花茶($20)，都等咗幾耐，不過唔緊要啦，幾涼爽，好舒服。1) 心太軟ｄ朱古力漿果然一吉就leak，重朱古力味（不過唔係dark chocolate），唔會過甜，mixed with 雪糕會好ｄ。2) 壺玫瑰花茶都幾抵飲，可以加水再沖，飲極都唔完。呢兩樣都幾平，我覺得，出面一壺花茶都四十幾啦。complaint：食食下拉閘，朋友唔知發生咩事，我同佢講因為有人order火焰雪山，要拉閘整個效果出黎，之後佢想睇，我問waitress可唔可以入去睇埋一份，阿waitress（唔知佢係咪katie）話唔介意迫都可以入去企住睇，但我地decided得太慢，佢已經拉完閘，咁等下次啦（係我地慢je）。第二次係個男仔拉閘，我地問佢可唔可以入去睇，佢話唔係咁方便，一句『唔好意思』就拉埋個閘，即刻火都黎，我地都係customers咋嘛！之後第三次拉閘係第二個waitres

lum酒火焰雪山：等了十分鐘，侍應關門拉閘熄左燈之後先拎出黎，先在雪山上淋上rum酒，之後點火，並叫我們相機不要開閃光燈，這個場面很值得一看，全場只有我地食呢一味，開心地睇SHOW楊枝甘露加涼粉: 等了十五分鐘有多，好明顯係即整，所以就唔太凍，而且多左少少西米露，並且又黏起一舊舊咁，而涼粉就反而唔夠彈口，此甜品可叫可不叫了。我諗佢地Ｄ蛋糕會好食Ｄ～見到都幾多人點心太軟呢～

星期六入左長洲間野唔算難搵... 只係個牌細左d..><如果要搵...建議大家係碼頭落船後一直往右行 (都ok遠..)留意左手邊 有個大大招牌"av鮮果堡"鮮果堡隔離就係師妹甜品*叫左個火陷雪山同心太軟心太軟好食火陷雪山架味道就唔特別食佢係為左睇佢落閘點火架一刻 =] 哈哈入面都係朱古力雪糕... 不過姐姐好細心提醒我地要"不"深d黎食如果唔係就只會食到上面d mose@@特別一提: 原來師妹甜品係有朱古力火鍋食架! =]唔貴 不過要兩位起計*

今個星期六日同朋友們入左長洲camp..離開長洲前梗係去食下甜品la..我食左個"雪凍芒果湯圓凍奶"雪凍係外面花生朱古力...包左個雪米糍o係裡面,,好好好味!最尾再另外叫多兩粒"雪凍"黎食!!!仲食埋佢個芒果糯米糍,好大個..裡面既芒果肉好juicy!!!實在太好食,我地打包一打出返香港俾朋友屋企人...搭3點鐘船,去到朋友屋企已經5點半...夜晚10點先食埋果一打糯米糍糯米糍雪完仲係好軟身,真係好好食ar~

上星期六（1/11），我們一行四人（我、女友、P小姐和她先生）難得去長洲渡假，當然一定要拜會近年長洲的其中一個景點------師妹甜品啦！由於晚飯過後太飽，所以先到沙灘慢步一會，然後再到這兒。我們來到時最初是無位的，幸好友善的侍應姐姐巧妙地安排到在店內一張四人檯給我們，先行謝過！上次我和女友兩個人來，以為焗火焰雪山一定要四個人的份量，故我們今次來已早有預謀地想試試焗火焰雪山，所以坐下後略略看過餐牌後已想到吃甚麼，不過我看到有一人份量和四位起的分別，於是好奇地問店員姐姐，她回答四人起的焗火焰雪山當然會震撼D，就叫四人的份量！等了約十分鐘，焗火焰雪山終於來了。店員姐姐先將鋪內的燈關上，然後同我們講想拍照就最好不用閃光燈或拍movie，然後就將酒淋上“雪山”上再點火，果然夠震撼！欣賞過後，等火慢慢熄滅再品賞。外層蛋糕皮鬆軟可口，內裡有朱古力和雲呢拿兩種雪糕，很好吃，而且很飽。來這裡吃焗火焰雪山，除了味覺滿足外，還有視覺享受，以這樣的價錢有如此的享受，乎復何求！下次再來，一定要試下心太軟。P.S.：原來一人的焗火焰雪山也會熄燈，早知就叫一人的，然後可以再吃其他甜品！

之前睇過資料, 星期三休息....點知今日 (10月22日) 星期四.....下午3,4點...都無開...白行一轉......P.S. 鋪面招牌無寫 "師妹甜品" 的....只係有一個 細細的 "Katie Dessert" 牌........各位留意 ~

星期日同男朋友入長洲行下，搵左９條街先搵到，原來好近碼頭，只係一路都見唔到街名睇menu有咩好食，當然要食人氣甜品其實我們兩個也不愛吃朱古力，但點都要試下叫左一個心太軟：賣相唔錯，外表軟軟唔會太硬，一破開，朱古力慢慢流出，陣陣朱古力香味...另外叫了一個火焰雪山：侍應拿出後隨即關門拉閘熜燈，我們以為警察查牌，下！之後侍應在雪山上淋上rum酒，之後點火，叫我們相機不要開閃光燈，哈哈，好得意，就算如果不好食，這個場面也值得一看

入左長洲周圍行下知道有哩間野~~所以一試食左心太軟 $25好正呀~~仲有雲里拿雪糕係旁邊仲叫左杯檸雜~~好好味~~好冰涼隔離台叫左個火焰雪山~~幸運地睇到真係會山埋個閘點火~~好得意咁O既平民價錢~~享受到咁O既味道同服務真係值得一讚啊

第二站是長洲首選甜品，師妹甜品。找師妹真的用了不少力氣，我倆看著地圖，也行錯路，最後隨意問人知道。想不到當地人都識師妹既位置，人氣果然頂盛。找到了，在某小路的第二間，原來都好細間。入到去，第一個感覺是怪怪的，佈置同環境格格不入，點解會有玩具玩？點解會有咁多cd的？點解會有書的？可能佢地想做café呢，不過地方唔夠大了。未見餐牌，大約都知道要什麼。點了焗火焰雪山rum (rum 酒)，仲有心太軟。等了很久，看看在我後面的東東，又看看報紙的推介。入面介紹的照片，寫了很多一家大細都會拜訪，原來相中那婆婆，媳婦和孫子就坐在我們前面呢。她們真是這兒的熟客仔。火焰雪山rum 到了，我早就知道會熄燈，不過唔知原來咁誇張，見著waiter出去拉閘，只以為提早關門，也不用快關閘吧，沒想過是因為我們。之後waiter 走到我們前面，倒了什麼流質的東東在雪山上面 ，就著火了，不過火真的很快就熄，仲快過放煙花，照兩張相就沒有火了。開始試了，上面白色cream，下面的是朱古力，有少少酒味，可能不好酒，不太喜歡這味道，加上很快就溶呢，要食得很快。小小的一杯，只為開始的感覺及服務。心太軟，不錯的外表，照相是不錯的。

中秋節長洲一遊火焰雪山..無咩特別..不過佢D cream真係打得幾滑朱古力心太軟..舊cake入面有d暖暖地既朱古力醬加埋個d雪糕一齊食又冷又暖甘又幾好味雜檸口渴..職員推介左呢左杯雜檸...佢話用鮮檸檬即刻整既..感覺出奇地好@@酸酸甜甜甘,重好解渴,重叫多左杯TIM4個人食左2百幾都幾貴不過以後去都會再去食既

7/9/2008 約5:40pm完成工作3人黎到吃全長洲最出名的甜品叫了薄荷朱古力芝士蛋糕,檸檬梳乎里,心太軟及一杯凍飲(忘了名字)凍飲沒有飲,個人目的在甜品,所以不太感興趣芝士蛋糕大家都覺麻麻地,慶幸個人挺喜歡薄荷朱古力梳乎里完全吃不到檸檬味,不過蛋味就真的很出,挺好的心太軟是重頭戲,睇住佢慢慢流出黎,果然名不虛傳配上在旁的雪糕,一冷一熱的口感很好埋單共$74,兩女屈一男請客,多謝友人