帝樂 - 德國餐廳 (美利樓) (已結業)

在open rice網頁上見到好多人推介, 所以慕名一試~100分!!浪漫的德國主題餐廳cosy的環境微醺的海風昏黃的燈光我試過以下食物:0.5L wheat beer香脆的農夫面包鮮味的紐倫堡肉腸外脆內嫩的德國豬手慶祝生日一流, 因為所有waiter, waitress 會一齊為你唱生日歌, 仲唔收切餅費!!

附近環境O K. 同男朋友係度食lunch....服務方面, 垃圾般既質素, 食唔食都罷啦....食完之後肚痛....

想靜靜地睇o下書，o黎o左呢度對海自修。你話佢Brunch 野食選擇多唔多，人多唔多，兩樣皆No：野食o黎講，湯得一種、沙律（淡口兼「肥美」）四種、腸得「三隻」（最大路既sausages 既大細版本共三隻）、熱盤得四隻（另有即揀料即整既spaghetti）...唯獨是hot puddings 有三款、cakes 有三款、mousse 有三款、生果有四款，同chocolate fountain 有四款生果揀。一讚菠菜千層寬條麵- 夠哂cheesy：一格仔都飽o左一大半（其他野都貫徹brunch 傳統：飽肚為主）。Bread pudding 都可以...估唔到佢用rum raisins。最好食既，依然係pig knuckle。以為brunch 會好多人幫襯，原來o係7 成滿既情況下，有3 成係for casual drinks...所以turnover rate 幾高。

那天晚上和他來吃晚飯。我點了魚，他點了牛，之前還有好味的麵包吃！之後我們傾了很久才離開，這兒燈光暗暗地，又冇乜人，非常浪漫呢！

終於第一次同傻鬼去赤柱食飯, 不過我都係第一次去食德國菜. 星期一既晚上唔太多人, 我地選擇坐外面. 昨晚有點雨同幾大風, 但好彩佢地有d膠版圍住所以可以坐得幾舒服只係一點點風啦. 食物我地叫左個唔知咩既豆湯- 真係好明顯係用豆磨成架...感覺好似好有益. 味道都好正佢地加埋些少肉腸係入面好似食落無咁素.跟左個唔知咩肉腸, 上枱係2條好似水煮熟既白色肉腸~加埋d甜mustard食都叫ok, 不過我都係食唔出有咩特別.最後係豬手- 嘩...皮好鬼死脆(仲脆過燒肉)d肉又唔燒會太乾. 成晚既環境同食物都好滿意...不過豬手既野都係好簡唔中食下就可以.食得太多就好似我咁..成晚個胃都唔舒服都係為食.

男朋友生日,去左呢道食飯~坐露台,超級好feel~好浪漫~我地叫左2人set dinner~都幾多野食,好飽~不過最衰冇腸仔~不過唔洗楝食咩咁ma煩~甜品係"甜品樹",o岩曬女仔,因為甜品樹係5個不同ge甜品~2人set 399+10%

早幾日經過見到好似幾靚.. 於是就和男友諗住去試試行埋去receiption 度同佢講"兩位"佢唔理我, 我諗住都係諗緊叫人埋位而聽唔到o者, 等左一陣我見佢停左陣咪再出聲囉, 佢一樣冇俾任何反應我喎, 我都忍但已經好唔高興!!之後我依然企係佢面前等,但後面陸陸續續有walkin o既人想位, 又係叫左幾次都唔應, 有個男人咪話"有冇攪錯呀都唔係做生意o既"就走左....食物實在是垃圾, 的確是.. 一生只會去一次!! ~ 我話過一定唔會再黎!!!!!!

復活節假期前夕,老公接我放工去赤柱食晚飯.見好耐冇來呢度lu,睇下d食物水準有冇變先.以前已食過roasted pig呀,smashed potato呀咁,今次試第d先:sausages sampler: 有5款香腸,每款有2條,好味道,連伴碟既potato w/ vinegar都開胃好食,baked potato亦都係.越食越好味.最衰唔飲得啤酒,如果唔係仲正!Mxxx ravioli:係豬肉餡,用蕃茄sauce做底,開胃好食,一d都唔'漏';apple strudel蘋果好香,個皮軟度適中,點埋milk sauce,好味到飛起.orange squash及coffee:好飲,尤其是杯coffee,有種特別香料,好好飲!今餐食得好飽好開心!我地係坐出邊balcony,有膠簾擋風,又聽到入邊live band唱歌,好正!

慶祝出糧黎食, 份糧唔多(兼職only~~), 但睇openrice的食評唔錯加上又特別, 所以就同小公主黎食.點的全是招牌菜.冇叫set($399+10%charge),因為set冇咁多香腸同埋冇beer~講講點了甚麼:農夫麫包($20),香腸併盤($175),豬手($115),啤酒0.5L *2 ($90).total $400+10%charge = $440.有個我不知是不是問題:第一個上的是香腸併盤...竟然不是農夫麫包-.-"香腸併盤(尤其是芝士味十分好~!)唔錯, 但我覺得貴了少少.農夫麫包(唔記得係咩醬, 但都係好好食), 物有所值, 我最鍾意.豬手(確實與眾不同, 很脆, 小公主都話正, 不過我覺得有少少似食乳豬的感覺)啤酒(好!小公主鍾意苦味, 我就鍾意麥香味, 其實兩種都有特別地方, 一定要試)環境:夜晚個海太黑, 露台冇咩感覺, 反而入面就有LIVE歌手唱歌, 好聽~ 下次有機會, 夜晚坐入面, 日頭先坐出面看海.服務K LA, 係有個男仔好有笑容~ 其他都不過不失.總結:值得再去, 起碼要試晒所有啤酒先. 其他D食物... 對我黎講,除左麪包之外, 一次都夠了

光顧King Ludwig Beerhall已由開店至今,應該有四年的時間了,一直沒有間斷的來,全因覺得無論食物,服務,環境等等都合我的心意,雖然尖沙咀開了分店,還是感到不能代替美利樓,環境實在太不同,來這裡可以與侍應傾傾偈,飲下啤酒,當然是Maisel啦!以後的日子亦必會繼續來

呢度環境氣氛無論室內室外都好,一班朋友或者拍拖食飯都幾好.食物方面,兩個人叫左一個豬肉腸(唔記得excatly叫咩名), 一個麵包,一個海鮮potato cake 同埋一litre德國啤酒。我覺得豬肉腸就唔係太特別,不過嚟到梗係要試下啦,麵包嚟到果時暖暖地，卜卜脆，加埋鵝肝醬或芝士醬一齊食,唔錯!另外海鮮potato cake都ok，potato cake煎得好香同脆，good!不過海鮮我就覺得唔係好抵，因為淨係我兩舊細細舊o既魚同一隻青口&蝦，所以我下次會叫其他試下口味，hehe! 另外下次仲要豬手同麵包雞!

三月, 愈來愈冷. 以前生日, 可穿短裙仔行街街. 現在的三月初, 只有十度八度.三星期前, 朋友跟我預祝生日. 在赤柱, 冷得騰騰震. 美景當前, 豁了出去, 坐近海位.要暖身, 第一件事, 點啤酒. 第二件事, 點暖爐.我知喝酒保暖不科學, 所以喝tomato juice算了. 況且朋友點的15%啤酒太苦. (雖然朋友說很好喝)Starter是wuerst, 但不記得哪種了, 總之是白豬肉腸. 要去皮, 配甜芥辣十分好吃. 伴碟的蘿蔔絲讓人想起年尾的oktoberfest...和chicken dance.Main course有seafood linguine和牛仔肉配roesti. 前者ok. 後者呢, 第一次吃roesti, 還不錯, 尤其喜歡裡面有汁. 不過外面太焦了. 甜品回歸german food –黑森林蛋糕. 但不是太好吃, 也不夠正宗. 有點失望.後來才聽說豬手最好吃... 德國菜嘛. Roesti還勉強說得過, seafood linguine就...?

同太座在銅鑼灣行左成日，條街好似行花市咁多人，去到晚飯時間，太座只有一個要求：就是要「遠離人群」。要找處地方靜靜的吃晚飯。想起星期六晚的赤柱，清雅幽靜，就拿著大包細包，車了入來。在云云食肆中，太座對烤豬手有點興趣，這裡自然是不二之選。七時許來到，沒有訂位也大把位，坐了在上面的木卡位，地方雅致，以木為主的裝修，加上現場悠揚的歌聲，氣氛及情調都不錯。來到啤酒殿堂當然先叫半公升Veltins再說。叫了炒蘑菇什菜沙律、香腸併盤及燒豬手。先來的小圓包，熱熱的幾鬆軟，用來下酒效果也不錯。太座喜歡吃，又添吃了一籃的三個。沙律是紅菜頭刨絲，放在什菜上面，旁邊圍著炒蘑菇，賣相不錯。味道幾清淡，正好為之後較濃膩的菜色中和一下；侍應姐姐幾細心，見我們在喝酒，又見我們吃完沙律，問清楚才上其餘的主菜，一讚。香腸併盤用一平底鑊上檯，但看樣子，腸是煎定再放落平底鑊的。一份併盤有5款香腸，份量不少，有迷你豬肉腸Regensburg、雞肉腸Chicken Bockwurst、幼豬肉及牛仔肉腸Bratwurst、紐倫堡粗豬肉腸Nuernberg Roast Susage等等。幾款腸各有味道，個人而言喜歡Bratwurst

上個sat,同bf 一齊去食，已經事先訂了露台位but事有湊巧那天晚上有一班外籍人仕約30人也訂了露台，露台只有兩個好窄的位及另外兩個座高椅的位，其他也坐滿了人，我們只好轉坐其他位，but那裡的(我估佢係)經理非常好，佢另外安排了卡位比我們，都ok嫁!我同bf原本諗住叫set dinner 再加其他，但侍應小姐非常好提醒我們個set 係2-3人的份量，so 之後我們決定散叫，我們叫了牛尾湯(好濃&好杰but我覺得唔夠酸)、忌廉什菇potato cake(d汁好香、好滑再配上香煎的potato cake好好味)、脆皮豬手(d皮脆到好似薯片咁，正!正!正!)、慕尼黑腸(好香香草味，但平均要$15一條比起豬手都幾貴) & 德國麥beer(好香麥味，比一般beer冇咁苦，good!)一定會再去!!!

咸豬手: 幾好味,唔太咸,皮脆肉滑,3-4個人一隻就差唔多,唔洗食咁多,可以再試下其他野丫嘛。$115 自製面包: 面包好硬,有牛肝醬同芝士醬兩款自己搽,我覺得唔掂,下次一定唔會再叫黎食。好似是而非30-40..唔記得左。忌廉磨姑配薯餅: 幾好味,唔會(流),幾特別。$70 德國beer: 我叫左柸細嘅黎試下,有d唔同hk飲開果dbeer,冇乜氣,但好香小麥味道,比較易入口。返到屋企訓覺時都仲有陣小麥味道係個口到,我唔飲beer都接受到。$32 我個fd要左一柸咖啡。$20 坐露台,有海景,黃昏去最好,環境ok,如果坐裡面可能會嘈d,因為人係度唱歌。2人食左$250...(我有world card ..85折) 總括呢講...未必會再去,因為d野食冇乜驚喜。