巴蜀風

营业中

休息中

以前每個星期都會嚟食一次，而家搬咗都會間唔中嚟幫趁，最鐘意食呢度嘅麻辣雞米線、豬排湯麵、咸魚雞粒炒飯同水煮牛肉，全部都好香口,不過牛肉係有啲韌, 可以改食肉片，但湯底辣得嚟好好味。套餐又抵食, 不錯選擇

食lunch我習慣了叫外賣返公司食，唔使迫又可以慢慢嘆 食米線呢度附近有4-5間，講湯底呢間唔算出色,但勝在清清地唔太濃味, 價錢又平，$28一個餐配一款餸連一杯熱飲，我最欣賞佢之後每加一個餸都只需$3，而且份量十足，每次我至少都叫4-5個餸, 因為我食餸多過食麵！

無故又進了屯門，於是又吃一家從未吃過的餐廳。當天大約二時許，大雨非常，幸好店內人不多。由於晚上未必太遲吃飯，所以和女朋仔一人一個單料米線即可。本想試試黑柏葉但又售罄，還是吃了腩肉，與譚仔差不多的腩肉，有皮層有肥肉有瘦肉，肥的部分多了一點，再瘦一點更佳。米線不算過軟身，輕微彈性，間中在筷子間彈跳離開。配上青荵，花生多添兩重滋味。女朋仔的豬潤較差，乾，又過熟 沒趣。為何清河系列沒有辣味可選？可能是想大家吃吃原味湯吧，這兒的原味湯底，清香而不感口渴味精，挺不錯; 眼看其他食客的麻辣系列像是挺吸引，米線與麻辣分開裝，相信別有一番風味。下次可試試二人餐，有小吃有辣有清。職員態度友好，卡位對面二人離座後，她過來建議，我可坐到對面不用那麽擠。唯一可改善的是人多時應該會挺擠擁，如大熱天吃辣東西，彼此汗流，此老尷情況令人難堪。

自從堂食一次後就唔敢再堂食了, 因為D蒼蠅好煩, 我宜家都外賣返屋企食, 外賣自取又快, 5分鐘就拎得, 小食類四川回窩肉雖然大份,係菜大份,肉比較編少,辣既味道岩岩好我最鐘意食係豬軟骨麵, 大約有4-5舊 ,size唔細, 如果d軟骨再軟多少少就very good,雞翼同豬排都炸得好好食, 仲有d腩肉, 肥瘦分明、平均, 如果湯底有辣既話, 食腩肉一流 

和老公行完街，要去商場拿草俾兔仔，所以就係呢間舖頭食少少野先番屋企。佢大慨一兩個月前先裝修完，但唔知點解一入到去仲係勁多蒼蠅。唔係一兩隻，係最少六七隻一齊騷擾你。都唔知裝修黎做咩，裝修完光猛左，所以啲蒼蠅更加覺眼。成餐飯隻手就好唔得閒咁趕蒼蠅。我叫左巴國大腸米線，大腸有少少辣，但我唔食得辣都接受到。大腸乾淨同埋夠淋，唔算好肥。米線軟硬度適中，湯底非常入味。我同老公都加左雞翼，加$3有3隻真係好抵。所以我地都常都係咁叫，淨係雞翼小食廿幾蚊得6-8隻無咁抵食。佢係香芧炸雞翼，炸得夠脆，雞肉仲好JUICY唔會鞋口。

闊別2年多，再一次拜訪已經2年多後的事。小妹是一個知足常樂的人，不要求每天都要吃香喝辣，吃盡珍饈百味，只要求簡單美味，即使每天茶餐廳、大牌檔、甚至立食，小妹都甘願奉陪。巴蜀風，以前在附近工作的時間，曾是小妹常常光顧外賣的地方，之後離開過後都沒有吃了。今次去完屯門市中心後特地搭輕鐵過來，順便探望一下舊同事。店內明顯裝修過，枱枱櫈櫈變得好坐好多，室內亦顯得乾淨企理，剛好有半個卡座，即係面壁位置，對著門口玻璃，幸好門外貼著宣傳單張和餐牌，避免尷尬情況。十年如一日，雖然餐牌換上新亮過膠，但食物依舊，真有親切感！價錢只有微微調整，很快地點餐過後，慢慢地把玩手機等食。小妹叫的是雙拼面食，（巴國大腸拼擔擔面$31)，面是上海面，煙韌彈牙，又可轉米線風味，任君選擇。擔擔醬放於中間位置，周邊卻是清徹湯底包圍，只有偏淡的花生味，有點兒戲！大腸切成細小的圈形狀，只有約3-4片，放置於大碗面上顯得楚楚可憐...幸好還放上配料莞茜、蔥花、椰菜絲，吃起上來未置於太空虛。餐飲凍奶茶走甜少冰，茶味普通不過不失。街坊小店，繼續努力！

通常周末起身，都會去附近的餐廳買東西食然後出街。晚生光顧巴蜀風差不多有十年，現在才第一次寫食評。天氣炎熱，選擇買外賣回家。麻辣雞排骨面，我把餐廳的主打兩味麻辣雞及上海排骨雙拼，餸滿鋪在面，見不到面底，食完叫飽。雙拼不連飲品$28。住宅區食肆，沒有華麗的裝潢氣氛，慶祝節日或溫馨浪漫要稍移玉步了。順帶一提，個人觀感，巴蜀風堂食比外賣好食，如果有時間的，請堂食。經外賣飯碗焗過的面條米線，總感覺欠缺一點。

一大清早起來，看了看手錶，已經十一點多了，是個挺尷尬的時間，早餐又趕不上吃，午餐又好像太早吃，兩全其美的辦法，當然是兩餐一起吃啦XD。想到哪裡吃東西永遠是最頭痛的事，嫌麻煩，當然是去近近地屋企的啦，去到盈豐，來到了老爸一向吃開的這家，看了看名字，心知不妙- -":辣東西!!我一向不太好辣的，因此故事不叫這裡的招牌麻辣米線@@(看到老爸平時吃到出哂汗= =)，也因為我是飯桶的緣故XD，特意叫了個四川炒飯。不消一會，一位呀姐捧著一碗大大的炒飯送到面前=)，光看排面也不錯，生菜、火腿、雞蛋、雞肉，還放了一堆麻辣落去炒=P，材料十足，吃下去有一股麻味滲入口腔，材料也一件件的吃得出，辣椒炒得非常均勻，鋪滿了飯面，辣椒夾雜著豐盛材料，果然有'四川'風味=)，也能體現這店的特色，這個飯$25左右，不包飲料，還算ok啦。順帶一提，這裡可以選露天的，挺有風味的=)。

食過他們的米線/ 麵好多次, 多數都係叫排骨, 因為夠入味和"林". 有一次午餐時間去, 不想食麵, 見餐牌有咸魚雞粒炒飯, 一試之下才發覺好好味 水準好過附近的茶餐廳和酒樓好多另一次再試四川炒飯, 都好味但頗辣. 如果食得辣既真係唔錯. 晚飯時也試過一款小菜, 流沙茄子, 其實係鹹蛋黃包著茄子炸. 味道也是一流, 係肥少少囉 小店做街坊和學生生意, 沒有裝修可言, 但還算乾淨企理. 阿姐們個個都好有禮貌, 值得一讚

豬軟骨麵：豬軟骨整得幾入味，如果唔係配陽春麵食會好ｄ．擔擔麵：都係用陽春麵，花生醬味，辣味都適中．唯獨是配以喱種麵就好似格格不入咁，或者係佢地既特式．熱檸茶：好飲．

忽然晚餐很想吃樓下的巴蜀風米線，零裝潢~零格局，很多時妹子樂意加多一元外賣拿走，回到公司才慢慢吃，因外賣會用大大個發泡膠盛著，保溫程度一流，飲品方面最好是凍飲都不用加上2元，真真正正做到午餐~下午餐抑或是晚餐只需25元便可填飽肚子。點了例牌巴國大腸米線，走芽菜，飲品要了凍奶茶走甜~阿姐見到妹子在門外，已經用9秒9速度出來迎接，阿姐身上還圍了圍裙，真的很有街坊不拘小節的味道！其實餐牌上的款式都有不少，還有飯類~小吃類以及套餐，套餐最平宜只需70元，就有兩麵兩餸兩杯飲品，其他店子恐怕做不到這種街坊價錢，可惜麵類只有米線和上海麵選擇。妹子試過堂食，不過真的坐得不舒服，經常凝著比蟻咬的感覺，椅子底下又擺著雜貨，雖然店子格局四四方方，乾淨企理，外賣都算是一個明智的選擇！好了，妹子的外賣到手了，急不及待拿上去吃，以免米線浸得變淋~打開蓋，一陣麻辣味飄散，雖沒有叫麻辣，但大腸是經調製過，所以當大腸放於湯底時，湯底都會沾上些少辣味，放心吧！味道不會很辣，最重要是能添加味蕾，而配料有大量莞茜~蔥條~蔥粒~花生等增加口感..米線屬粗身形且爽滑，份量亦滿滿的一大碗，大腸很肥美，斜斜地切成一圈圈的~唊上一口湯

我們已經來過幾次了,巴蜀風地方唔太大,個人較喜愛座出面 食過幾次大家都覺得呢幾款餸係最好味ga,豬潤、大腸、鮮牛肉、鯪魚球、鮮什菌 最愛湯底好清甜,麻辣又夠香

訪友共飯,三個人叫了:二人套餐$78雞粒炒飯(可選擇炒年糕) - 飯粒乾爽冇油,入口味道清爽,高水準之炒飯,正!魚香茄子(可選擇回鍋肉) - 茄子去皮切長條,再加鹹魚茸和肉碎炒,與港式各有食法.炸雲吞(四粒) - 熱辣香脆,沾些魚露更可口.排骨米線(排骨可選擇任何配料取代,米線可改麵) - 排骨似炸豬扒,香酥爽脆小少骨,套餐米線加底$5 - 加底等於雙倍份量,大大鍋,米線又滑,每人可分到兩碗,另外叫了:豬不見天$26 - 阿姐說是豬面頰(豬面青),但不見天應是豬後腿內側才是.總之,就是串燒豬肉,全瘦冇肥,食落有淡淡的南乳香和燒酒味,即叫即炸,很香口,亦很油.陽春麵$10 - 阿姐推介試麵條,食落是不錯,但麵條如能打得煙靭些就更正!埋單$119,阿姐照呼非常週到,有四,五款二人套餐選擇,抵!

叫左芙蓉蛋飯外賣($25)冇野飲拎到返家變相唔夠熱不過好肚餓所以唔理lu一打開嘩左聲好大盒@@個芙蓉飯有蝦叉燒火腿紅腸大量蔥同牙菜個蛋同個飯既分量接近1:1個蛋好滑好香叉燒係瘦叉一讚蝦沒有挑蝦腸很可怕腸胃炎剛癒的我不敢大菌食細菌料真係好足不過佢落多左豉油俾我好咸真係送飯最岩飯呢軟硬度都ok la始終做開賣面的飯真的不能expect太多可能呢個會係我encore之選不過我會叫少豉油因為真係好咸咸到我麻木左

今晚同老公又出街食,巴蜀風係首選,八点去到門口已有數人在等位,部份客人加枱坐門口外,我怕食食吓落兩,為有等一陣,大約十分鐘就有位,一坐低亞姐就話雞嘅小菜同雲吞都冇,我哋本來想叫小菜套餐,因為好抵,A餐:兩碗麵十醉雞十菜十兩杯飲品都係七十元.一碗豬腸麵中辣十冬檸茶.豬腸好林,冇臭味,麵質有彈性,可選大中小辣,好味.一碗辣雞排骨米線十冬檸茶.辣雞唔太辣,排骨入味,米線好滑,正.其實一人一碗麵加飲品已經好飽,但套餐真係好抵,尚有A,B,C,D,E餐選擇(晚上六点後供應),大家不防一試.