巴蜀烤全魚 (已結業)

4個人點了: 大邊烤魚(香辣味) $148加全菜$18加酸菜$15加魚卜 $28響玲卷$22小食:青瓜$18木耳$20雞翼x4 $10/隻連啤酒total $360

我之前食過幾次既巴蜀烤全魚不過佐敦呢間就第一次黎食大間過紅Hom果間但係呢次我喉龍痛所以唔想食辣叫左個蕃咖肉碎魚湯米線佢個魚湯真係好好味呀淨係飲佢個湯都夠喇跟住叫左個豆鼓味小邊一黎到真係超香味道都係好好味肉質都好新鮮但係始終都應該係要有少少辣先好味D既撈埋D魚汁~真係可以食兩碗飯呀Yummy~~

首次光顧，試了泡椒中辣大半邊，涼伴萵荀。大半邊是全魚的半邊，等了只有10分便到了！味很濃，很多很多泡椒！可能因味濃並加了孜然，沒有薑也没腥，但亦沒有鮮，魚湯滾著魚、泡椒、辣椒郤很配下飯！連吃了一碗半飯！！凉伴萵荀很简单，一颗颗的只以蒜茸麻油醋及酱油伴著！我還是比较喜欢把萵荀切丝！

其實想食呢間野好耐咁啱兩個妹妹生日，所以就全家就去呢間試七個人叫了1)剁椒烤小邊----------幾好味2)香麻辣味烤大邊-----更好味，雖然只叫了微辣，但都好好味，對我們來說味道剛剛好，非常好味3)羊肉串，雞肉串-----羊肉好味，不過，$9串貴了一點點4)大魚頭魚湯米線5)番茄肉碎魚湯米線 (呢幾個魚湯，好好味，飲完唔會話太口渴，非常好吃)6)粟米肉碎魚湯泡飯7)夫x肺片---okay啦8)雞翼不過，我覺得呢間野既服務態度麻麻地，d人好似唔想做咁，入座時，又左我地齊人，個時我入去登記時，又冇咩人，而且到我真係入去時，都係冇咩人，都要齊人先得>.<

媽媽陪我做完身體檢查, 在佐敦搵食, 就在油塘小巴站對面街不遠處, 看見<<巴蜀烤全魚>>的招牌, 看見「巴蜀」二字, 已感覺很香口.....下午飯時段, 店內沒有坐滿, 我們坐著兩枱泊在一起的二人位置,食物選擇不多, 主要是米線類, 一些小食, 和主打烤全魚媽媽提議食酸菜烤魚, 平時我們都愛吃辣, 但由於我懷孕, 媽媽就不要辣.店員說二人食烤魚(小邊)已經夠吃($108),送兩碗白飯,我不想吃飯, 所以另外叫了淨米線烤魚(小邊)連酒精烤火跟盤上,原來也很大盤, 加$18配菜, 整盤滿滿的吃了一口魚腩, 非常惹味, 燒烤風味和酸菜味配搭得宜, 配菜沾上酸汁, 風味一流, 最重要是魚身很鮮嫩, 沒有腥味, 媽媽也讚好吃, 吃著吃著, 整條魚以及配菜也給我們吃得光光的!我們亦叫了四串烤羊肉($9/串), 兩辣兩不辣, 香料不太夠, 肉厚, 味道普通, 吃了烤魚, 吃一串羊都夠了! 至於淨米線, 沒有米味, 米質少, 很淋身,不好吃, 不知配了食材會否好些堂食茶水似壽眉茶, 我飲了6-8杯以上, 因吃完以上很口渴...其他飲品只有汽水和鴻福堂產品供選擇, 不喝

「魚腩部位先下手，背脊魚肉要拆散，燒烤魚皮是風味，魚頭魚尾擺中間。」上文引用的是「巴蜀烤全魚」這家吃烤魚專門店餐牌中所寫的食（魚）文化中的四大步驟。原來吃烤魚還有這樣的竅妙，真是不看不知呢！容我做個文抄公，繼續引錄上述餐牌中接著的介紹。它是這樣寫的：「烤全魚選用淡水活魚經各類上等香料醃製，經過精心燒烤，再輔以各種提香菜蔬，澆以秘製濃汁，成菜後色澤紅潤，鮮而不膩，香飄四座，令人食欲大開。」「不僅僅是麻辣，鮮和香及層層的味道才是巴蜀烤全魚的特色。 」新鮮活魚、上等香料、精心燒烤、提香菜蔬、秘製醬汁，把巴蜀烤魚處理得既鮮且香，味道層次分明。要是這些宣傳的語句所言屬實，那可真是一千個吸引啊！看過以上的介紹文字，再環顧四周所有坐下光顧的人，桌子上絕無例外地一定有一至兩盤不同製法的烤魚，不管是麻辣味、剁椒味、泡椒味、酸菜味還是豆豉味，不論是全條、大邊還是小邊，都是熱騰騰，火辣辣，十分滋味的模樣，又怎能不教人充滿期待呢？其實自己真的很想試一試「麻辣味烤魚」或「泡椒味烤魚」的味道是否真的會令人辣得既恨又愛，也想多叫一點菜式好讓自己能夠大快朵頤，奈何到來晚飯的只得我和太座兩人，我倆又非能吃辣之輩，這日唯

今日終於有時間同d朋友黎呢間話好好味既烤魚~我地一入去就點左個大邊~麻辣中辣,蕃茄肉碎泡飯,涼拌青瓜先黎個泡飯 : 酸酸地甜甜地幾好味~跟住個青瓜就好咸~有少少青草味.....跟住上左麻辣魚...一食入口就得個辣字...黑椒味....冇想像中好食食左一半就冇食~因為食左幾間烤魚既味道~所以有d比較~正確黎講~不過不失啦~

已經光顧這裡三次有多，可想而知我們有多喜歡這裡的辣魚了。可惜是每次來都要等上一段時間，令人在等的時候特別焦急。麻辣味︰點了小辣，剛開始吃時不覺得辣，慢慢吃著就愈滾愈辣，冬天吃一流，吃得混身熱呼呼的。泡椒味︰這個明顯不太辣，味道頗清新。剁椒味︰於男友來說是不辣的，我也覺得適合不大吃辣的朋友。魚的肉不算滑，不過我覺得來這吃都是因為不同的辣味道，反而覺得魚是其次。口水雞︰跟平時吃到的醬汁不一樣，這裡是比較稠而且頗辣的。蒜泥白肉︰喜歡這裡的蒜泥白肉，主角切得夠薄身，而中間卷著一條小青瓜，予人清新之感。雖然不收加一服務費，不過都是有求必應，態度不錯。

是日目的為好友慶祝生日~早於幾星期前上網及睇雜誌搵好野食~好朋友想本試類似"水煮魚"既菜式, 但我睇雜誌都毫無頭緒一來唔想食得太貴二來又要岩朋友聚會咁岩上openrice搜尋"四川菜"就搵到依間名叫"巴蜀烤全魚"一睇~見到其他人既食評同相已經口水流了, 我地睇完就已經扑鎚~yes因為我地係星期日去食既關係~驚佢要等位~一早就已經打去book位~點知"巴蜀"阿姐話個個時段(六點幾七點)應該未有咁多人,=~所以我地集合完就即刻飛過去了~由"佐敦"港鐵站"裕華"個邊既出口, 行過"吉野家"一直去, 好快就搵到大家坐底就叫野食了~見到人地檯檯都叫魚~就知正啦我地六個人叫左:: 一條"麻辣味烤全魚"加配菜(有蔥,金菇&芽菜), 個魚用爐上~滾住咁食正~不過食到最後因住"火農"底, 因為個盤好淺架咋.魚就得一款"鯇魚", 如果有其他就好勒~因為本人同朋友都不太好此魚話就係全魚~但實質都唔係好大條~六個人好快就食晒d肉, 所以食完都唔係好夠飽味道: 朋友話夠麻而不辣,同坊間既港式麻辣不同, 做得幾似四川旅行時食到既味道飯 (D配菜吸晒D麻辣汁加飯食~好正!)夫妻肺片(正~辣得好味, 可惜太細碟)串燒

佐敦分店較少人排隊，可能是附近隔離左右街都是食店又怎麼會有人願排隊等呢一般在七點前都有位座位不舒適，每張台與台之間十分窄連要放手袋的空間都不夠，只可以放椅背或地下今次不是食米線加小食之類，而是…巴蜀烤全魚 -剁椒味(大邊)大邊是全魚的半條，從魚的横切面切開一半就是可以選擇大辣少辣酸菜味等的做法配料都舖在魚上連烤爐上台邊烤著邊食這種食法在香港較少有但這食法可以保存魚的味道不會食到腥味基本上魚肉並沒有被配料或者辣椒所影響一份細邊或者全邊也好都會有兩碗白飯附送細細碗白飯份量是不夠飽的附近糖水店多的是所以打算飯後就到附近一間以滿足

今日同朋友試下呢間魚湯米線係點樣先??我覺得這間米線一般,但湯底好好味,魚味幾重,顏色是呈奶白色的...至於,腩魚-->我覺得有少少腥總括我覺得今餐食幾野都好清淡.....

以前經過油麻地時都見過呢間舖頭，被個名吸引，今日終於一試。舖頭唔大，我大約晚上九點到，即有位。有六款魚，由於只得兩人兼唔係真係咁喜好吃魚，只叫左個香辣小辣大邊，加配菜。條魚來到時見魚面都鋪了不少辣椒，不禁心想：是不是來錯了大辣？但冇理由唔信佢架，於是照食。起初真有些吃不消，辣到我咳，但再食多幾啖，又好似習慣左D辣味咁。之後就覺得條魚其實都幾好食：魚皮煎過，有豆豉味，好香！近魚尾和魚腩等部分非常入味，而且配料如芹菜和芫茜都令魚汁充滿香味，整體來說十分不錯。唯一問題都係太辣。埋單時忍唔住問哥哥仔是否來了大辣？他說這真是香辣中的小辣。如果唔太食得辣可叫剁椒或豆豉。OK，下次來時就可試真D了。

9人行特意來試烤魚環境：細+窄，尤其係烤魚到放喺枱嗰時，根本冇其他吉位放其他野前菜紅油肚絲：辣！不過唔錯 蒜泥白肉：辣！但係超好食芥香木耳：wasabi唔重，幾好味口水雞：成碟舖滿左好多醬，d醬係辣嘅，d雞夠滑串燒大漢羊肉串+黑椒牛柳串+秘製雞肉串：呢3款都係少少辣，味比較重，同埋太多醃料，反而遮住晒d肉味 爐端烤香蕉：呢個反而出奇好味，好新奇，外面係煙肉，裡面包住香蕉，串燒黎講呢個最好味鮮魚腩魚湯米線：魚湯好濃，好味，d魚唔鯹，ok烤魚所有烤魚都可以揀小邊、大邊、全魚，送2碗飯，要配菜嘅話就要加$18，配菜係大豆芽、秀珍菇、芹菜、金針菇叫左4款烤魚，全部都要埋配菜 烤全魚 (豆豉味) - 小邊(少辣)：雖然少辣，但食落去只係少少辣，唔食得辣嘅都食到烤全魚 (酸菜味) - 小邊(唔辣)：我覺得呢個係4款魚裡面最好食嘅一款，d魚吸晒酸菜味烤全魚 (剁椒味) - 小邊(少辣)：呢個冇特別，好普通 烤全魚 (麻辣味) - 小邊(少辣)：辣！辣好多，食得辣嘅人應該會覺得呢個好食，我本身唔食得辣，只可以食少少9個人食左$874，每個人都唔駛100蚊PS:問過侍應，d魚無論烤魚定係魚湯嘅魚，全部都

今晚經過紅磡都冇去巴蜀，因為真係好迫，又唔想大雨下在街邊等位。搭小巴去返油麻地，因為記得呢度都有一間。一入到去唔覺得好似其他人講咁迫，可能我早去啦，但係比起紅磡真係闊落好多。兩個人冇咩意欲食魚，而且落雨天冇咩胃口，我就叫左一碗魚咀泡飯，女友就叫左田雞米線，仲有一串羊 & 一串雞。睇住大電視等。先黎o既係串燒，其實叫之前都有猶豫，因為紅磡o個間串燒好唔掂。但係呢兩串令我改觀晒，冇柴皮，又入味，唔係要減肥o既話一定叫多幾串。跟住到女友o既田雞米線，魚湯仍然係咁鮮，又冇味精，正，不過我對田雞冇咩興趣，所以冇試。過多兩分鐘就到我個魚咀泡飯，一碗有三個魚咀，雖然唔大，但係新鮮已經足夠，又再食到照鏡。食緊途中俾女友批爭，原來見到我兒時偶像 -- 鐵血騎警李修賢。之前o係紅磡舖都見過佢，我諗佢應該係老細啦，好似返黎巡舖咁。既然呢度又近女友返屋企，又係我偶像開o既，一定要多o的黎先！

辛辛苦苦連續上左一個星期既課，今日早上終於結束左，實在太開心。。。所以中午專登同個friend跑到黎佐敦依間吃翻餐勁既。起初林住去紅勘果間，點知前一晚發現果度既食評好似五多妥，所以決定五做白老鼠，乖乖甘黎翻依度。大概1點左右先去到，可能系平日＋中午既原因，店鋪五系好多人，零零散散甘坐左3、4個人，而且大部分人入黎都系要個米麵湯麵之類既也。我就點左個中辣既烤大邊魚，無＋到任何配菜，因為上次覺得加左反而無多好吃。哇～～上菜速度好快（可能人少原因），熱辣辣得，開心死我。見到入面條魚不停甘系度翻滾住，d辣椒好似識跳甘，呵呵不過實在高估左自己吃辣既忍受程度，今次吃到我口水鼻涕都留曬，平時吃貫辣既我今次居然直飆眼淚，可能系因為調魚又熱，搞到我一副好感動個樣。個人而言，都系覺得魚既肉質比較淋，一般般，但勝在烤得無錯，特別系魚皮果部份，吃落去好爽好好入口。兩個人終於搞掂一大邊魚，幸福曬～～～