巧巧味

营业中

休息中

呢間經常都係路過就錯過咗今次終於有機會試食😏今次係俾佢開心果格仔餅吸咗眼👀因為呢度只係需要$37 然後我會諗附近嘅甜品舖食個窩夫都接近$100 所以我就會覺得呢度好抵，就俾錢幫襯吓啦買外賣返到屋企食雖然食晒所有外賣後最後食佢，但佢仍然保留住好味雖然佢已經淋咗，但佢開心果醬都係令人開心嘅我仲自己加咗豆腐雪糕一齊食，即刻升華到$150果然外面舖頭賣得貴少少係合道理嘅因為窩夫加雪糕，真係好好味😁呢間開心果格仔餅，都真係唔錯㗎行過路過都可以試吓

經典既街頭口味，身為地道香港人，緊係唔會未試過：雞蛋仔、格仔餅，其實兩樣平時自己就已非常鐘意，要二選一來揀，始終格仔餅過份邪惡，相對較少食不過今日路過聞到陣陣蛋香，就忍唔住咁叫幾底來滿足下自己個為食胃，唔知有幾多香港人同我一樣呢🤣🤚🏻一次過同朋友仔開心share幾款口味👉🏻原味雞蛋仔🍳雖然唔係食過最好食既雞蛋仔，但味道唔錯，即叫叫整，外皮非常夠脆，冇燶邊，整塊雞蛋仔完整冇甩頭甩骨，而蛋漿餡始終未夠，少左煙銀口感同鮮蛋香味道👉🏻朱古力味雞蛋仔🍳朱古力味非常之濃，入口後食唔出蛋香味，唔會過甜，但食耐到最尾開始感到膩感，如果系朱古力🍫狂迷或者啱試，自己始終比較鐘情蛋香濃過外加既味道更為吸引👉🏻原味格仔餅🧇呢樣係最滿足、至好味、亦系至邪惡之選😋外脆內鬆化，配合埋花生醬、糖、煉奶內口蛋香十足連埋配醬，香味四散，3樣入面熱量最高必數格仔餅，但咁多年嚟講，依然吸引唔少香港人食完番尋味

紅橋出名多野食，呢間可能唔係太起眼，同埋要下午時段先會撞到佢開門。 係呢到食過雞蛋仔同夾餅都好好食。 門面唔算起眼，大概係嘆甜品既隔兩三個舖位。 下午黎到唔算多人，不過最耐試過等20分鐘，期間就可以周圍行下既。 今次叫左原味格仔餅（$12）呢個價錢係市區只可以食到x津既毛巾夾餅。呢到係外脆內軟，蛋漿好有蛋味好香，睇得出佢地係盛意之作，較晒alarm出爐。 而入面既醬都唔會比得好辜寒，食食下會不知不覺咁食晒成件🤤

這裡有賣各種不同的港式小吃，有我最愛的原味格仔餅($12)，很香，咬下去也有點脆身，這家的不會太甜，醬對我來說剛剛好，愛吃甜的吃貨可叫店家加多一點煉奶和花生醬。

經過昨日乘搭港鐵，沿經「紅磡站」因為遇上車站被關閉，被迫放棄原定行程計劃之後，翌日我重新上路出發。不過今次我坐港鐵前往「屯門站」，不敢再在「九龍塘站」轉車，改到「美孚站」轉車好了。來到「屯門站」之後，我一路沿着「屯門河」河畔的單車行人步行徑向北走，再不斷跨越多條過河或過高速公路的行人天橋，終於回到我已經行慣行熟，開始摸透食店位置的屯門「青菱徑」。可惜我原本一早已經計劃很久，想上門光顧很久，主打法式班㦸跟梳乎厘班㦸甜品，還有西餐食品的屯門班㦸類甜品餐廳，當日竟然沒有關門營業。後來我在「青菱徑」附近一帶，漫無目的地四處遊蕩，看看有沒有其他食店，可以取代成為我今天的光顧食店對象，結果找到了「巧巧味」這間街頭小食店。「巧巧味」售賣的主要分為港式小食，跟台灣手調飲品兩部分，港式小食以「雞蛋仔」、「格仔餅」為主，「格仔餅」分別有「原味」跟「朱古力味」可供選擇。至於「巧巧味」製作和發售的「雞蛋仔」，主要分別有「原味」、「朱古力味」跟平日比較難以購買和試食到的「芝麻椰絲味」三種口味。至於「巧巧味」的所有手調台灣果茶飲品，不論是凍飲還是熱飲，每杯飲品都是收取僅僅港幣十四元價錢而已，比我在西貢食街裡面買到

好嬲，我明白兩個人做野好忙，但男嘅態度十分差，仲在所有人面前亂拋垃圾簡直是「貼錢買錢受」雞蛋仔不好食，做唔到正常嘅「外脆內軟」貼錢買錢受，貼錢買錢受，我一定不會再光顧紅橋被指好多野食，但其實好多野食不代表「好食」巧巧味，不了

去附近食左碗麵口㾗，見到平平地雞蛋仔買左底。老闆娘態度好好，好nice。至於雞蛋仔，味道一般，幾趣幾綿，唔會太甜。不過都有不足之處，就係有少許鞋口，有啲面粉味 影響味道。 不過鋪頭仲有其他雞蛋仔，可以一試。

由舊鋪幫襯到而家，每況愈下！之前非常有蛋香味，現在唔知咩味，因為只得個空殻。$12如果認為收費太平，可以調高收費，不應將貨就價。由店員將雞蛋仔交到我手，已經覺得唔對路。輕到好似得個膠袋咁，唔會再幫襯！裝修左門面靚左但食物差左。

巧巧味，真係巧巧味！有日行過見到這新小店，就試一試佢嘅原味夾餅😱點解咁好味嘅！佢嘅格仔餅口感好厚，好鬆軟，脆身，同我平時食嘅博切切好實完全唔一樣，而入而嘅牛油，沙糖足夠，煉奶同花生醬再多些就更好喇！今日專登去再去食格仔餅，要再試埋佢嘅朱古力雞蛋仔，嘩，一樣巧巧味。佢地將完成左嘅雞蛋仔先放入一個暖爐令雞蛋仔脆身而又可以保溫👍🏻雞蛋仔一樣好脆身，朱古力好足料。佢嘅格仔餅同雞蛋仔唔係d人所講嘅咁有雞香呀，好實心呀果種，但就係我鍾意果種👍🏻