巧巧味小食 (已搬遷) 新店位置

由中學開始食，足足食左7年以上依間兩夫妻開既小店，兩夫妻都好nice,小食店有飛碟，格仔餅，雞蛋仔，薯條，台式飲品等等佢既雞蛋仔同格仔餅都好好味好脆又新鮮整，每樣都有原味、朱古力同唔記得咩味簡，等幾分鐘就熱辣辣有得食我男朋友中意食朱古力味格仔餅，但我較中意原味而薯條都好好味 可以簡兩樣配料，又有千島醬，芝士，肉醬，蜜糖芥茱等等。我比較中意肉醬芝士薯條食左咁多年都仲好中意食搞到我試唔到飛碟戈d其他野食

我好鍾意食雞蛋仔 所以對雞蛋仔都有少少要求 有啲試完一次之後就會畀你以後唔會再幫襯 而喺屯門都有三兩間係會再返轉頭幫襯的而其中一間就係依家啦佢個雞蛋仔夠脆而且有蛋味 配埋珍珠奶茶兩樣嘢加埋都係20蚊算係好抵 所以門口周時都會見到有人排隊

我又出現於屯門井財街一帶啦。這一次不是發現有新意思，而是想報導一間氹得大朋友同小朋友都歡歡喜喜的小食店。街坊的小店，以售賣雞蛋仔為主，即叫即製是吸引人的原因，當然，也是人人叫好的原因，而這小食店的名字叫《巧巧味小食》，如其名，是一間好好味的小食店。 要食這兒的雞蛋仔，一定要有少少耐性，尤其是人多時，一定要耐心等候。原因就是這店的雞蛋仔，是逐件整的。有專人睇住，有專人烤餅，這兒的雞蛋仔可以保證香脆。雖然不像馳名的幾家雞蛋仔一樣實心，但香口，加上脆邊，很是美味。 有雞蛋仔的地方，大部份都有格仔餅。這兒的格仔餅一樣是即叫即製的。他們的醬料落得適中，不會過多，不會漏醬，不會食到成手係。而且餅底香甜，本身已經是好味道。 最後，我們試一試他們的珍珠奶茶。同台灣品牌店去比，當然不及啦，不過，方圓幾里都沒有台茶店，茶癮起時都要飲架啦。在這情況下，唔難飲已經叫合格。 《巧巧味小食》，來過多次，我都係為雞蛋仔而來，也可以說，我幫襯左這一家小店咁耐，我只吃過上述的三樣東西，而單是這三樣東西，足以吸引我幾乎次次到親井財街都會來一底雞蛋仔。

今日過去食米線。。。路經心諗有冇開鋪。。。見到有開鋪。。。雖食左一 大碗米線。。。但對呢度既格餅豪無抵抗力。。。只要有少少空間都照食。。。。佢呢度係即叫即整。。。。老闆娘人好nice...加上格餅食完令人成日心掛掛😋。。終於有啦。。。一拎上手感唔同。。。厚左咁多既。。。一咬就知轉左格餅機。。。脆係脆。。。但真係太脆太厚。。。同之前原全係兩樣野。。。之前果隻食完一經過就會心思思買黎食。。。經過一連2 次買都係呢款。。。真係大大唔同左。好懷念之前果個格餅😭😭。。。

雞蛋仔 格仔餅 班戟就是兒時愛吃的長大了的吃貨 也不斷尋回當年的味道這味道也許尋不回來 現在吃雞蛋仔 吃的是回憶😌..這間是三個90後吃貨 每次經過見到 都忍不住會買一㡳的😄朱古力雞蛋仔$17 外脆內軟 勁多朱古力粒粒 香濃朱古力味😍大愛😘😘

本來想到附近吃章魚燒，但有不少人排隊，便改到巧巧味小食。此店營業時間不定，朋友有兩次過來都摸門釘，吃小食跟撞鬼一樣要看緣份的！上次吃過甜點雞蛋仔和叮噹餅，今天試試鹹點炸薯格（碰巧叮噹餅暫時供應，想吃也沒得吃）。車打芝士+蕃茄肉醬薯格 $18還怕炸得太乾太硬變成空心薯格，想不到是即叫即炸的！等了近五分鐘左右便炸好，可自選兩款醬汁，有車打芝士、蕃茄肉醬、法式蛋黃、蜜糖芥末、泰式辣醬、千島醬、白汁磨菇或金寶忌廉，任君選擇。我選了最熱門最安全的芝士和肉醬～看著店員一大匙一大匙地加上醬汁已經口水直流。外賣盒沒有蓋子，因為蓋不住滿瀉的醬汁！非常足料。每塊薯格都炸得香脆，大大塊，亦沒有空心的情況出現，車打芝士和蕃茄肉醬相當香濃，濃得化不開。本以為蕃茄肉醬是像肉醬意粉那些，酸酸甜甜，真的有肉碎，可惜這只是罐裝醬汁，而且忌廉味太重，蓋過了蕃茄味，跟芝士醬一起吃有點膩。下次可選配蜜糖芥末、泰式辣醬或千島醬這些較開胃的醬汁試試～$18一客雙醬薯格實屬超值，媲美連鎖快餐店的芝士格格薯塊，但價格更便宜！希望下次帶朋友過來不用撲空吧。

最近雞蛋仔大熱，我也隨波逐流一下尋找優質雞蛋仔。這間街坊小店在景峰屹立已久，但它會不定時開店，要吃到也要看緣份。點了一份朱古力雞蛋仔$17即叫即做，脆而不硬！很鬆脆！重點是很多朱古力粒！非常足料！乘勝追擊再點了一份朱古力叮噹餅$7（沒錯，又是朱古力）。跟想像中的澎湃流心不同，這裡面比較乾，餅皮也有點硬，幸好有濃濃朱古力味補救。說實話叮噹令人有點失望，正評是給雞蛋仔的！

老公是典型的夾餅狂迷，每次遇到，都會按捺不住一試的衝動。這天來到井財街開飯，老公又被這家小店吸引，他說早就想試試這家小店的出品了，反正時間尚早，就讓他吃上一份來解解饞吧。  這小店開張已有一段時間，人氣有增無減。老闆娘表示要等上數分鐘。也難怪的，店前等候的人也真不少，而客人大都是來買雞蛋仔的。我倆好奇地偷望店內的情況，只見店內的雞蛋仔模具有四個之多，能猜想到這兒雞蛋仔夾餅有多受歡迎。  這兒的夾餅($13)顏色偏淡，蛋味不算濃，但夾餅異常脆身，餅身入口甜甜的，相信是在蛋漿中放了砂糖之故。砂糖、牛油、花生醬、煉奶共冶一爐，汁醬淋漓的，美味是必然的吧！  經營店子的是一對夫婦，老闆娘笑說老公每天被爐子烘烤着相當辛苦，一副心疼的樣子。此刻，我忽地明白夾餅的甜香是從何而來的.....

永遠走過都好香既巧巧味雞蛋仔每次食都脆卜卜細細間既小店 有不同小食更有難得一見既大判燒買!!!雞蛋仔係即叫即製 所以多人買可能要等10分鐘不過唔更要 最更要係好食拎上熱烘烘 摸下仲係硬身添feel到皮勁脆咬下去不負所望 外層皮真係好脆身直頭好似薯片咁 咬下碎開一小小片咬開一半 見到入面一半係實心咁就可以做到理想脆身 又有嚼口效果不過食其他位置 有時自己對實心既貪婪感都幾大不竟實心既滿足感真係好大 但脆皮感覺就會少d整體黎講 佢既雞蛋仔既賣點一個字 脆

在家附近的小食店。佢地既雞蛋仔同雞牌係我地既最愛。一對夫婦開既小食店，睇見佢地都覺得好幸福。(男友每次買親都會同我講"不如我地都開返間")以往我地買都係唔洗等/等幾分鐘。但呢日比較多人，所以我地要拎牌等嗌number~~(PS:相中背影不是我們XD)眼見，佢地應該係得一部雞蛋仔機，我地等左差唔多15分鐘，終於等到我地既雞蛋仔喇!!(PS: 我見到有人等唔切，老闆娘退返錢比佢)要食好野，係要付出少少時間嫁喇。呢間既雞蛋仔最特別之處係佢地唔智整走側邊突出黎既皮，所以我地可以食到好多側邊脆卜卜既皮(識食一定係咁食)雞蛋仔外脆內軟，好好味呀!PS: 都係個句，野食要襯熱食，凍左就唔脆唔好食嫁喇!

雞蛋仔，是一個老少咸宜的食物，亦是我們小時候，甚至而家的小朋友都喜歡的食物。所以，電視節目曾說，雞蛋仔是香港美食之首，絕對沒有空間去質疑。是日在屯門井財街，午茶後想起買了東西氹氹小朋友，心中想起的，就是這一檔門面掛著一大個吹氣雞蛋仔的人龍店，《巧巧味小食》。這《巧巧味小食》為何會有人龍呢? 原來不是好生意到做唔切，而是這小店堅持即叫即製，等的，全是等取食物，行入去落 order 基本上是不用排隊的，只是要慢慢等他們，一件一件地，即場叫了才做，保證出品的雞蛋仔新鮮香脆。我也要等上三至四人，才叫到我取雞蛋仔，新鮮即做起的確是不同，入口，全是脆的，熱辣辣地搣開一粒，很香，很脆，香味也從半空中的雞蛋粒中散發出來，又香又脆，魅力十足。很 locah 亦很好味的小食店，真心希望香港每一個社區都有這樣的店.....在此我需要再同香港說，還我桂林夜市.....

果日同老婆無聊落街行下居然俾我地發現左呢一間好野冇錯我地認開初係俾佢個吹氣雞蛋仔吸引左但食過真既雞蛋仔之後就發現雞蛋仔唔係只係得個樣又脆又有蛋味好味到呢！店員服務亦係唔錯今次係第一次出食評謹此希望呢間巧巧味可以keep到水準等我同老婆呢啲好鐘意食雞蛋仔既人可以行幾步就可以有好野食啦嘻嘻！Ps 其實我地係2013.01.05食架但App 得2012揀咋！

早前，我無聊地走到紅橋，看看這裡有什麼令我有興趣幫襯的小店！經過 <大戶人家> 酒樓，對住停車場的多寶大廈地下，有不少食肆！在角落頭，有一間小食店 <巧巧味小食>，門面有個吹氣雞蛋仔，相當有趣！ 一看便知是賣小食如雞蛋仔！ 店員很快手地弄雞蛋仔！ 亦不少幫襯買雞蛋仔，都幾受歡迎！即叫即製！等上大約 10 分鐘，不算久！芝麻椰絲雞蛋仔 $14女店員把放入紙袋的雞蛋仔遞給我，還說聲多謝！真窩心！紙袋上還有哈哈笑通花圖案，令人見到都會心微笑！即時傳來一股蛋香味！真令我忍不住手嘞！ 每粒雞蛋仔都是脹卜卜！很飽滿！ 咬開見到黑芝麻及椰絲，嚼感十足！ 外層脆身香口！內裡質感鬆軟！ 甜味亦恰到好處！食得好滋味！

這一間小食店是在酒樓附近的, 家姐食過話好好味, 所以我地都買嚟食下,排隊買的時候,前面已經有幾個人在等外賣,小店是一男一女經營的, 除了唔同口味的雞蛋仔外, 還有夾餅,薯條,雞亦等其他小食的,我們等左一陣,見入面男的店員在很有耐性的在弄那雞蛋仔,真的很用心及花時間,弄好了還要放在旁邊的架上用風扇吹住,待雞蛋仔吹到軟身及香脆,我們一直等,過了一會有一對夫婦等不到咁耐時間,女的店員把錢退回給他們,但都唔會心急的把未吹好的雞蛋仔賣給他們,可見真的不是只為賺錢啊.再過了一會兒,我們終於等到我們的雞蛋仔了,紙袋有一個個小孔,很是細心,馬上嘗一口,真的好乾身及香脆啊,好好味呀! 店舖的名字果然沒有改錯,入面都係充滿蛋漿的雞蛋仔,不是空心的,就算放耐左都一樣咁好味,一樣咁出色,真的花上十來二十分鐘等也是值得的.