左麟右李粥麵小菜專門店 (已結業)

見明星開餐廳，我以為名氣居多。餐牌有齊粥粉麵飯，比平日茶餐廳貴少少。上次試過他們的金牌叉燒，今次試試招牌的克勤叉燒配米粉。叉燒厚厚的切微焦，肥瘦剛剛好，比起叉燒大王的叉燒真是更有水準。蜜汁不是死甜的那一種，而碟上的鼓汁配合叉燒又的確十分夾。湯米粉的上湯非路邊貨色，清澈的湯帶有淡淡的鮮甜味。而奶茶也有大排擋奶茶的味道，果然一分錢一分貸，推介。

小妹已經是第三次光顧， 由於餐廳跟屋企距離不遠，所以一試之後成為了我的飯堂，尤其是他的腸粉和炸醬麵真的冇得頂，亦是一間良心食肆，用料新鮮，價錢亦尚算合理可以接受。

旺角度度又貴又逼又唔好食，之前這舖位是「米飯班煮」，水準一度不錯，可惜敵不過昂貴租金，已經結業，換上明星當老闆的茶餐廳。由於在旺角辦事，上星期苦無心水午餐食乜好，便去了此間已開業數月的「左麟右李」。一看餐牌，價錢貴得令人咋舌！不過既然來到，也不計較太多，只求食物有返一定水準令人覺得值得就好了。於是，一個人叫了一碟「星洲炒米」，索價＄78，味道卻平平無奇，首先，米粉全不像炒過的，腍pat pat，說水煮似乎合理一點，至於其他配料，只是一般貨色，最慘係星洲炒米竟然沒有濃香咖哩味，失敗！最氣頂的是，埋單時赫然發現這茶餐廳竟然收取茶錢再加一，最終盛惠90元！我正打算一蚊貼士都唔俾，找返10蚊紙或銀就走人，點知間餐廳cheap到找到散收收，幾個兩蚊、幾個一蚊咁俾我！嘩！咁掠水又咁小家，一定無下次！😡😡

從來都唔鍾意喺太子、旺角食嘢，因為人多又逼，衛生又差。不過有時都無可避免，上星期就要嘞；首先去咗對面嘅【華星】，但係一開門望一望，就覺得環境同光線唔係太好，於是就過對面【左麟右李】睇吓，地方光鮮乾淨，又有卡位坐，跟住就坐低叫咗幾樣嘢食。總括嚟講，都算唔太差，好似佢哋兩個老闆另外有份嘅【正斗】同【何洪記】咁。

阿媽之前睇完Alan Tam演唱會，話有免費雲吞麵食，一聽就知無咁著數啦~  Anyway, 都陪佢黎了左麟右李。   坐下來，店員一直沒有給我們餐牌; 洗完碗筷的水放在當眼處，亦沒意識替我們倒掉，全程像遊雲一樣!   當拿出2張演唱會飛，向店員查詢是否有送雲吞麵時，她們的語氣更有點瞧不起人的，原來要食滿$100才送一碗…… 其實餐牌裡的價錢並不便宜，要食滿$100完全無難度。 想點燒腩仔又話售罄，然後讀餐牌的編號給店員落單，誰知給店員一句"我地唔係咁樣落單架喎，你講明要食乜啦!",  認真夠寸，原來客人要遷就店員的，我倒第一次見識……!!!   最後點了皮蛋瘦肉粥，炸蝦多士。   皮蛋瘦肉粥，材料份量多，粥亦夠綿，不需加胡椒粉等亦已夠味。   炸蝦多士，炸蝦是韌的，多士鬆脆，幸好不算太油膩。   送的蝦籽雲吞麵(細蓉)來了，4粒皮薄雲吞，餡料有蝦肉豬肉與韮黃，味道清甜，我喝到一滴湯都沒剩。   

大年初三，赤口，媽媽入咗醫院，所以有少少打亂咗我同大少嘅搵食計劃，最後我叫大少出嚟旺角搵食因為我冇戴口罩，媽媽好快趕我走(因為呢排流感好嚴重)，所以我上咗去都唔夠5分鐘就走~~搵咗大少之後，我問佢食咩，佢例牌話唔知，XDXD ME TOO~~~好快佢就話，不如去左麟右李，因為早兩日我地見到開咗，話想食~~上次經過冇人等位，今日就唔同喇，都幾多人等，個侍應派飛亦都好亂，2個人嘅飛，佢寫4個人，明明叫55號，但係又俾個54號入，亂到9彩~最後埋單要成$350，大少話重貴過前一晚牛一打邊爐~餐牌同室內裝修都唔錯，特別在多左好多譚校長同克勤嘅相做裝飾~柱候靚牛腩撈麵 - 細就細咗啲，不過味道、軟硬度都啱啱好，尤其個牛筋，好淋、好入味，不過牛腩就未係最淋~個撈麵湯好香蝦子味，唔知解……哈哈，同外面配撈麵嗰啲湯味道好唔同，係唔係叫大地魚味濃呢，應該係……麵質比出面彈牙，少硯水味，唔錯校長蝦多士 - 由我未入去我就話我要食呢個，因為嗰時睇女皇的盛宴見佢地話好出名，咁就好期待食呢個嗯……第一啖都OK嘅，多士真係好夠脆，可惜……好油，咬落啖啖油，賣相同鬆脆度好得，如果可以再吸走多少少油先出菜會重好啲厚切

一向覺得把譚詠麟和李克勤兩位藝人的演唱會改名做「左麟右李」的，絕對是廣告高手中的高手，「左麟右李」這四個字，除用了譚詠麟的「麟」字和李克勤的「李」字之外，左麟和左李既表示了演唱會是由這兩位藝人共同合作演出，大玩食字的名字，更擺明是「左鄰右里」的諧音，完全配合譚詠麟一向草根、親民和李克勤草根、大男孩的形象，所以在演唱會過後 ，這名字仍然深入民心。所以，這兩位廣受歡迎，左右逢源的長青樹，便發揮他們長袖善舞的生意頭腦和手腕，在港九各地開了多間以「左麟右李」為名的食肆，甚至連中國大陸也有分店，來個遍地開花。近日的某個上午，我便來到「左麟右李」最新的旺角分店，吃了一頓還不錯的午餐。這餐廳主要走懷舊路線，不但桌上的餐牌封面和餐紙用上單色印刷，把「左麟右李」化身成港式大牌檔互樣，牆上多處更裝飾有舊日的電話、唱機、座枱鐘以至漱口盅等物，甚有昔日風情。一邊牆上掛著的譚詠麟和李克勤的照片，和店內電視機中播放著的「左麟右李」演唱會中兩人大唱「嗱！喊濕幾個枕頭，再飲幾罐啤酒......」的片段，悠揚悅耳的歌聲，都在在提醒身為座上客的我這兒是譚詠麟和李克勤的主場。見這兒的「子薑皮蛋凍」是店中推介小吃之一，自己又

這天下班後急急腳渡海到九龍半島去，只為了早在一個多月前跟髮型師的約定，在農曆年前弄個亮麗造型 女人天生愛美麗，為了靚靚，坐上幾個小時也在所不辭，十時多才滿意地從髮型屋離開。晚餐還沒吃，街上呼呼的冷風，很想吃碗熱騰騰的湯麵，便決定來個一人夜宵。沿著往小巴站的路走去，竟然看到一個左麟右李的黃色燈飾招牌，原來它們在這裡開了家分店。曾經到過它們在銅鑼灣的分店，記得食物不錯，便決定在這裡吃個夜宵。店內面積不算太大，帶點懷舊風格，地下用上了六、七十年代流行的格仔地磚，陳列了些當時流行的唱片機及其他日常用品。食店的名字已反映了他的2位香港名歌星老闆譚詠麟及李克勤，牆壁上掛著幾張他們倆的黑膠碟的封套，很是經典呢。店內還播放著他們倆的演唱會，Alan正在唱我很喜歡的 "一生中最愛"....多少年過去，這首歌還是很好聽 。餐牌印製得很精美，打開首頁看到富懷舊色彩的黑白相片，還附上他們倆的親筆簽名。食店主打香港地道的食物如雲吞麵(又俗稱為"細蓉")、腸粉，小炒及點心等等，是香港人慣常從小喜歡吃的食物。原來想點個蜜汁叉燒麵，很可惜燒味部已收工，繼而改為叉燒腸粉，獲告知已經售罄 。最後點了個"細

明星效應，一直想試吓，依家終於係旺角開舖，一定要試啦！ 係門口等咗一陣位，入到去坐，感覺都幾好，唔係太多座位，但就勁多伙計。一打開menu就有伙計不停推介，種類又勁多，粥粉麵飯小菜，應有盡有，真係花多眼亂。~ 雲吞麵（大），有蝦子，有6粒好細嘅雲吞係底，但足料嘅，都ok。~ 鯪魚球米粉，又係好細粒，但唔彈牙 ……~ 啫啫唐生菜煲，完全無啫啫嘅感覺，但好好味。~ 蜜汁叉燒腸，皮薄涵靚，全餐飯最正。總括嚟講……都係明星效應啦，廚房比粉麵檔嘅出品好。仲有好大嘅改善空間！

記得12月尾去旺角皇后餐廳食午餐時，見到隔離左麟右李會係22號開業，所以一早諗住會去試試。布置似足一般連鎖雲吞麵舖，電視係咁播明星演唱會，可能fans會好buy，裝修算係咁啦。由於試業期間去食，侍應都幾鷄手鴨腳。舖頭主要食粥麵，所以一人一碗雲吞麵同南乳豬手麵。麵身偏軟，唔爽口唔彈牙，雲吞係傳統嘅細細粒，蝦唔覺係用新鮮貨。另外，大蓉份量都唔多，女仔食都係剛剛好。黃沙豬潤腸粉一般，皮同一般酒樓一樣厚，豬膶有筋同切得有啲厚。最開心係有薑蔥魚皮食，份量好多，可惜唔太夠汁，結果自己點左少少檯面豉油食。