左麟右李粥麵小菜專門店 (已結業)

旺角度度又貴又逼又唔好食，之前這舖位是「米飯班煮」，水準一度不錯，可惜敵不過昂貴租金，已經結業，換上明星當老闆的茶餐廳。由於在旺角辦事，上星期苦無心水午餐食乜好，便去了此間已開業數月的「左麟右李」。一看餐牌，價錢貴得令人咋舌！不過既然來到，也不計較太多，只求食物有返一定水準令人覺得值得就好了。於是，一個人叫了一碟「星洲炒米」，索價＄78，味道卻平平無奇，首先，米粉全不像炒過的，腍pat pat，說水煮似乎合理一點，至於其他配料，只是一般貨色，最慘係星洲炒米竟然沒有濃香咖哩味，失敗！最氣頂的是，埋單時赫然發現這茶餐廳竟然收取茶錢再加一，最終盛惠90元！我正打算一蚊貼士都唔俾，找返10蚊紙或銀就走人，點知間餐廳cheap到找到散收收，幾個兩蚊、幾個一蚊咁俾我！嘩！咁掠水又咁小家，一定無下次！😡😡