川花烤魚

营业中

休息中

今日同媽咪經過荃灣，被川花烤魚的裝潢吸引左，有別於其他烤魚店，它是行小清新文青風的，店內有不少掛畫，好有格調，睇得出老闆對裝修嘅要求🤭！決定入去試一試！好彩5點半就入左去，越夜越多人等位！🌞🌞巴蜀烤魚🌞🌞我哋選咗左青椒味原條江團魚烤魚，小辣！首先，江團魚好大條，而且無骨，肉質新鮮結實彈牙！鮮青椒密密麻麻咁舖係魚上面，越煮越出味，越煮越好味！❤️配菜都有好多，例如:大豆芽、芫荽、酸菜、薑同京蔥等等！😋😋今次要左小辣，味道啱啱好，媽咪都食得好滋味！魚食到差不多，店員提醒我哋可以加入每日新鮮煲嘅魚湯，烤魚變火鍋😍火鍋配料：🌞🌞寬粉皮🌞🌞寬粉皮煮到透明就食得！好煙韌，吸收晒湯嘅所有精華！🌞🌞娃娃菜🌞🌞火鍋精選必點娃娃菜，分量都算大份，而且新鮮，係濃湯入面煮，又係越煮越入味！🌞🌞李乾蘋果茶🌞🌞自家制飲品，清熱降火，幾好飲！整體來講，川花烤魚無論裝修同食物都不錯，下次會再黎食，試其他野！😋😋

近日工作壓力如山，疲態畢現，於是狠心決定以火辣的美食來激發一下沉睡的靈魂，為自己打打氣。這回，我和友人踏進了一家坐落於荃灣廣場對面的烤魚店。店門一開，首先迎來的並非那刺激味蕾的麻辣氣息，而是輕柔的鋼琴曲，與烤魚的激烈火辣形成了強烈的對比，新奇又舒心。一坐下，侍者熱情的介紹起各式各樣的魚品，其中有一款新出的豆花麻辣醬料，他們大力推薦。我倆出於好奇，決定一試。選魚則選了江團魚，店員推薦說其肉質爽彈。果不其然，看似煎得焦黃，卻依然保持著絕佳的口感，筷子輕輕一夾即可，雖然不是最滑嫩，但爽口卻有如新鮮的龍利柳。一道魚，鋪滿了豆腐和剁椒以及芫荽（我們選擇了BB辣，仍然香口），色澤斑斕，讓人垂涎三尺。而其中的豆腐，雖然豆香不重，但與魚肉的組合卻出奇地合拍，一口下去，豐富的口感令人驚喜。我們還點了四種配菜，雞子、響鈴、竹笙以及寬粉，都是為了能更好地吸收湯底的美味。三樣都新鮮，只是雞子烹煮過久，口感略顯硬淨。飲品方面，我們點了兩瓶啤酒，冰涼的滋味與烤魚的麻辣恰到好處，再加上他們自家製的山楂飲品，甜而不膩，清涼解渴，帶來一絲清新。餐廳的環境不得不提，空間寬敞，光線明亮，各桌之間距離適中，讓人在享受美食的同

今晚嚟到荃灣嘅川花烤魚，地點就喺荃灣廣場行一分鐘，超方便~ 餐廳環境好舒適寬敝😌✨除左主菜烤魚，仲試左佢哋嘅小食～燒雞中翼（$20），外皮烤得好脆，再撒啲孜然粉，整體係小小辣既香味！🍗🔥
燒牛舌烤汁（$38），口感爽口唔韌，一咬落去爆汁四溢！🐮💦
仲有豬頸肉串（$18） ，完全唔韌，一口咬落去即溶，再蘸埋烤汁，好出色！🍢主食方面，我地叫咗個草鯇魚（細邊）Bb辣（$238），因為我同朋友食量唔大，一個細邊已經好足夠！雖然我哋唔食得太辣，但叫左bb辣都完全接受得到！魚肉冇腥味，好鮮嫩！🌶️🐠配菜方面，分別叫左 油麥菜（$36）同寬粉皮（$28）。第一次試寬粉皮，朋友推介嘅，結果驚喜到我！平時唔太愛食粉既我都食哂成碗！🍜🤩最後，飲品我地叫咗洛神花茶1L（$58），因為最近訓得唔好，所以叫大支飲，支茶好清甜，真係幫到我個晚訓得好好！💤🌺最尾埋單計埋加一$480，抵食之選！龜龜指數：🐢🐢🐢🐢🐢（滿分）

邊個話返大陸食烤魚先好食？其實香港都有出色既烤魚店咖🥰 今日就黎左荃灣既 #川花烤魚🐟餐廳環境同其他烤魚店唔同 我自己覺得設計有種日式感 例如掛滿花 畫等～ 燈💡光好舒服而音樂又唔會太嘈 成個環境都好好 呢方面好少烤魚店係咁 大家可以黎感受下☺️烤魚係新鮮 即烤既 所以要等一陣～鱸魚原條上～會用方形盤盛上再放喺Gas爐上係魚身仲鋪滿一大堆搶眼紅色既蕃茄😍望到都流口水🤤湯底充滿蕃茄味 而魚肉係因為即刻嘅關係 所以肉質超級香滑🤤

尋晚去左一間喺荃灣廣場附近嘅「川花烤魚」。見佢舖頭幾精緻同行走cafe風，座外亦都寛敞，menu又幾吸引，於是就去左試試佢🤭我地2個女仔就叫左一條烤魚加兩杯 飲品，都夠飽🤤同埋因為新鮮即烤嘅關係，所以等候時間都比較長，但絕對值得！豆花麻辣味江團魚 $338因為呢個江團魚比較少見，同埋見佢寫係骨少肉嫩，於是就叫左。結果果然冇呃人！魚口感嫩滑，嗰味好鮮甜同埋啖啖肉，而魚嘅皮用左孜然粉醃。而配料豆花嘅份量都多！如果唔係好食得辣嘅朋友，可以叫BB辣!飲品方面，我地叫左蘋果百香博士茶 ($38)同埋鳯梨苿莉水果茶 ($38)，兩款都非常清新解渴，唔會太甜👍🏻👍🏻川花烤魚 (荃灣)荃灣大壩街29號安康大廈地舖餐廳電話: 46784029性價比：⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐

今日同朋友仔近近地又去左荃灣食烤魚,齋睇餐廳裝修,牆壁d花花畫,木系裝修,神木燈飾你唔會估到宜到原來係食中式菜,等朋友途中發現戶外位都好多人帶埋寵物一齊黎食野襯朋友仔遲左收工未到,我就睇定食咩先,本身我對魚類就唔係好熟識,Menu有介紹有新鮮草鯇魚,而好似我宜d唔識食魚,可以選擇骨少肉嫩:魽魚,海鱸魚,同江團魚,見到江團魚皮脆肉彈,緊係叫佢啦,湯底就叫豆花麻辣味,朋友唔食得辣,叫BB辣好啦,不過BB辣都食到佢地反哂眼,我食到辣左覺得幾好,我好怕有時d辣會麻到苦,佢地個辣好香好食,叫左個冰魔芋同窩荀片做火窩料,佢地話叫d涼拌食下,我地叫左3樣,蒜泥白肉勁多蒜泥,我就唔食蒜,我d fd就勁開心,我淨食舊肉都有驚喜啵,佢係一塊豬肉片夾住青瓜去卷,好清爽涼伴魚皮魚皮勁多薑蔥,朋友仔又勁開心,我就食魚皮,魚皮好爽脆,麻油味又好香,正麻辣豬耳,豬耳好入味,唔會過咸辣到佢地反哂眼,所以叫左2支自家制特飲俾佢地解辣2支都係我鐘意口味,山楂楊梅陣陣山楂味好特別,酸梅湯解辣又係一流,兩支都酸酸甜甜好開胃幫助消化

今日同friend出咗荃灣食晚餐，最後去咗食川花烤魚。餐廳裡面整潔明亮，主要有4人枱同6人枱，適合一大班人一齊食嘢。我地點咗1條正宗巴蜀烤魚(海鱸魚)、3份串燒(雞肉串、牛柳串、燒牛舌)、同2杯飲品。海鱸魚（原條）香辣味 BB辣 $298正宗巴蜀烤魚有好多選擇，可以揀新鮮草鯇魚、骨少肉嫩之選嘅魽魚或海鱸魚、同皮脆肉彈嘅江國魚。我地想食少骨嘅魚，最後點咗海鱸魚，烤魚會放係gas爐，可以邊加熱邊食，仲提供魚湯，可以另加入烤魚食。海鱸魚肉質嫩滑，而且少魚骨，香辣味醬汁同條魚好夾，好惹味。雞肉串 沙爹汁 (左) $20牛柳串 沙爹汁 (右) $20燒牛舌 烤汁 $38串燒有好多款式，仲可以揀配沙爹汁或烤汁。3款串燒味道都唔錯，配埋醬汁食好夾。天地一號 $18蘋果醋飲品，味道唔錯。台式奶茶 (500ml) $30

放工約咗朋友去荃灣廣場行街，順便去隔離既大壩街搵食。聽住荃灣嘅朋友講呢度有間四川巴蜀烤魚餐廳，由荃灣廣場個出入口行出嚟，行到街尾就見到呢間餐廳。餐廳外邊都有座位，寵物友善，方便有狗狗嘅方便有狗狗嘅人，坐喺外邊慢慢嘆。入邊就光線充足，座位都舒服㗎。呢度啲烤魚有唔同嘅品種，有草鯇魚，魽魚或者海鱸魚。草鯇魚可以揀全魚、大邊或者細邊。口味可以任君選擇，有香辣味、剁椒味、豆豉味、麻辣味、泡椒味、青椒味。辣到就可以自選，由小辣、中辣到大辣。如果怕辣嘅話呢，可以揀酸菜味、仲有蕃茄味，呢兩種口味本身唔辣，可以加辣。除咗烤魚外仲可以揀雞煲。雞煲入邊呢可以就咁揀雞煲，有清遠雞半隻，又或者揀有鮑魚雞煲。我哋最後決定揀酸菜魚，因為佢有BB辣。本身個湯底比較濃同少水，所以要先食咗少少加湯再放配料入去打邊爐。魚好嫩，唔腥，無乜骨，不過要盡快食，放太耐會好易爛。湯底有啲太鹹，而且係加湯而唔係加水，會越煮越濃味。酸菜唔太夠酸味，而且越煮越淡味（個人喜好酸啲嘅酸菜）。加配左木薯粉、木耳、娃娃菜、嚮鈴、魚皮鮫、仲有牛丸。

荃灣出名美食多😋，而我今日就去咗大壩街搵食🍽️。經過呢間以木系做裝修既餐廳，唔認真睇，真係以為係高級cafe😆，裡面每張枱之間都有足夠空間，坐得舒服，仲有3張室外坐位。我同朋友響鮑魚雞煲🐓同埋烤魚🐟之間掙扎咗好耐，兩樣都勁吸引，到最後我地選擇試吓佢嘅烤魚。🐟🌶️🌶️巴蜀烤魚（大邊草鯇魚）🌶️🌶️🐟我哋兩個人所以唔係選擇全條魚，但係佢嘅份量都絕對足夠兩個人食有突，除咗半大邊鯇魚之外，佢仲有成磚滑豆腐、豆卜、荳芽、芹菜芫荽等等，店家用左鮮辣椒、乾辣椒、蒜頭、麻椒、八角等等香料用嚟烹調烤魚將湯汁，所以唔需要另外點調味料都好夠味。鯇魚係先半煎炸過，就算加咗湯汁，魚皮都仲好香，大條鯇魚厚肉，魚肉多汁鮮嫩。🐮火鍋配料：肥牛、黑牛柏葉🐮店員一早已經拎咗一壺湯過嚟，預備如果我哋食完烤魚之後唔夠喉，可以追加火鍋配料打邊爐。肥牛肥瘦適中，每塊都好大塊，抵食。新鮮黑柏葉30秒食得，食落爽脆可口。🥗芥末木耳🥗新鮮木耳口感黑口感Ｑ彈、爽口，加上適量芥末，用黎做餐前小食啱曬。🐮夫妻肺片🐮以牛為主嘅夫妻肺片，店家放咗花生碎炸蒜響上面，睇落已經食慾大增，牛舌同埋牛肚都整到好入味，個底仲有啲爽脆清新既青瓜條🥒，絕不單調。店員眼見

已經好耐好耐好耐無食過烤魚嚕😌 因為之前食過其他餐廳既烤魚後 對烤魚真系吾太感興趣🥲 但呢間 -川花烤魚- 顛覆左我對烤魚既感覺啊😍餐廳以木調色系為主 設有室內同室外既位置 而且餐廳仲系一間動物友善餐廳😆 方便主人帶埋佢地既小寶貝一同共進晚餐🫣 餐廳雖然主打正宗巴蜀烤魚 但仲有雞煲 酸菜魚 川式小炒 串燒 等等!! 食烤魚既同時仲可以食埋其他野😌正宗巴蜀烤魚 海鱸魚原條 $298烤魚提供左幾款既淡水魚選擇 但吾食淡水魚既我就揀左海鱸魚🐟 超過七款既口味提供選擇 而我地揀左香辣口味🌶️ 海鱸魚超大條勁大條 魚皮烤到夠香口 而肉質又好嫩滑 魚味濃 仲要啖啖都系肉😍 配菜款式都幾多下 有芽菜豆卜洋蔥等😌 個湯底慢火滾下滾下 真系越食越惹味🤤 但吾使擔心會滾到無曬湯 因為店員會好細心甘不停拎湯黎refill🥰麻辣東北涼粉 $38勁中意食呢啲涼麵涼皮涼粉既我 必嗌!!🥢 涼粉口感柔韌筋道 秘製嘅醬汁配上花生芝麻 酸甜麻辣既感覺都齊哂 甘簡單既食物已經令我食過番尋味😋幾欣賞佢地既山楂楊梅茶🍵酸酸甜甜好開胃 又幫助消化 食烤魚飲佢真係岩哂😌 我自己一個都飲左1L😂我地另外仲嗌左 幾串串燒 包括左燒白鱔

放假梗係要帶Bella BB去多啲地方啦！今次特登帶佢去荃灣廣場度打下卡🥰📸發現原來大壩街有好多嘢食，跟住，我哋就揀咗一間人氣比較旺盛嘅餐廳，應該無衰🤣其實，我係俾佢門口嗰張poster「鮑魚雞煲」吸引咗入去😆舖內有BB餐椅提供，幾好👍🏼仲有好多特色飲品，不過我自己最鍾意就係天地1號，配烤魚、雞煲、真係一流😋嘢食方面，我哋就叫咗⬇️鮑魚汁雞煲（一隻雞）鮮魚湯米線🍜天地1號 x2先講講個雞煲，佢有BB辣、小辣、中辣、大辣。由於我冇辣不歡，所以揀咗小辣，另外叫服務員比碗滾水我，洗洗佢就可以俾Bella食。服務員好細心態度又好好💁🏻‍♀️👍🏼個鮑魚汁真心正，我勁想打包個鮑魚汁返屋企，攞嚟撈麵真係一流🤭雞又夠滑，溫馨提示一滾就快啲夾起啲雞，又或者熄火，如果唔係煲耐咗就冇咁滑，性價比高😋👍🏼另外，個米線其實係主要叫比BB食，估唔到佢嗰個魚湯真係超正，我都飲咗一大碗魚湯。

一直都好鍾意食烤魚 呢日平日放工嚟食 等咗一陣就可以入座 我哋兩個人叫咗一條魚 都夠食 魚唔會好多骨 而且好滑 湯底唔錯 配料都算多 員工唔會好趕時間咁 黎食嘢傾吓計係一個唔錯嘅選擇

朋友鐘意食烤魚，所以特登上網搵下荃灣烤魚餐廳，見川花好多人推介，即刻帶朋友嚟試下。知道荃灣區晚餐時間好多人，好彩早左少少過嚟唔洗排隊。川花嘅裝修好清新，唔似平時去好舊式嘅餐廳，環境好舒服，有啲鮮花擺設，同埋簡約嘅掛畫，係小清新餐廳。川花主打巴蜀烤魚，除左烤魚，仲有雞煲、串燒、酸菜魚，好多選擇！朋友就梗係揀烤魚，烤魚都有鯇魚、魽魚、海鱸魚揀，店員好用心逐一介紹，最後我地揀左酸菜味鯇魚細邊。估唔到細邊都好大條，2個女仔食都好飽。烤魚係新鮮魚即烤，配料好豐富，好足料，最鐘意佢落左好多酸菜，湯底勁惹味。我地叫左bb辣，辣度岩晒唔食得辣又口痕既我地即烤既鯇魚好嫩滑，魚味濃好鮮味，食完烤魚，可以另外點火鍋材料打邊爐，必點當然係薯粉，沾滿酸菜湯底既薯粉，令成餐飯好完滿👌🏻另外值得一提既係酸梅湯，唔係好甜，酸酸味味好解膩，打完邊爐都唔會飽飽濟濟。整體嚟講，無論環境服務同食物，都好值得再嚟食👍🏻

餐廳裝潢係淺木色和風設計，環境光猛企理，座位闊落坐得舒服。室內通風都做得好好，另外仲有室外座位，坐出面食別有風味。餐廳供應超過五十款火鍋配料，包括海鮮、肉類、蔬菜、粉麵，仲有串燒、涼拌小吃。○ 鮑 汁 雞 煲 // 半隻 $248烤魚/雞煲係必點！雞煲揀咗唔辣，半隻份量都幾多，有埋雞腳。厚厚既雞件煮到入哂味，雞皮爽滑肉質嫩滑，配料有洋蔥、蔥頭、芫茜、花菇等，醬汁香濃惹味，甜甜地有啲似瑞士汁。店員會放定一榨壺魚湯係枱面，食完雞煲再加湯就可以打邊爐。○ 寬 粉 皮 // $28寬粉皮煮到透明色就可以食，小心唔好煮太耐，太淋會好易斷。質感爽滑，充分吸收湯汁好惹味，一條接住一條係咁食。○ 娃 娃 菜 // $36冇為意雞煲本身已經包左一份油麥菜，所以額外點左一兜，份量好多，好新鮮～○ 串 燒 雜 丸 // $18可以揀沙嗲汁 / 燒汁，或者另外加辣。三色丸包括墨魚丸、牛丸、肉丸。墨魚丸爽口彈牙，牛丸有香濃牛味，而肉丸有五香粉調味幾惹味。○ 香 醋 木 耳 // $38點左個開胃菜中和一下，非常清爽。○ 冰 鎮 酸 梅 湯 // 1 L $55一共有 4 款自家製涼茶特飲，揀左酸梅湯。膠樽包裝衛

荃灣廣場戲院後的大壩街食市林立競爭激烈真係六國大風相咁滯，所以食物質素一定有返咁上下!今日黎到想試好耐的川花烤魚除咗烤魚，呢度仲有鮑魚雞煲食架，照顧埋唔食魚的朋友，🎈仲係寵物友善餐廳！餐廳細心地提供凳畀客人擺手袋，貼心之舉！周圍的裝飾掛畫令餐廳增添少少手青風。 😋我就揀左海鱸魚，酸菜味小辣 $298共有三種魚，八種口味任君選擇配菜好豐富：芫荽、豆卜、蔥、花生、洋蔥、芽菜、芹菜等等。烤魚係新鮮即烤~而且海鱸魚魚骨特別少、啖啖肉，魚肉本身好滑嫩。魚嘅外層烤到金黃色且微焦香魚肉鮮嫩可口吸收曬酸菜湯底味道食落更滋味酸酸甜甜的酸菜湯又冇搶左海鱸魚肉本身的鮮味! 😋涼拌小吃：麻辣牛展 （$48）天氣仍然暑熱，一切涼拌食物變得特別誘人。麻辣牛展麻辣香氣濃郁，唔錯! 環境夠大，欣賞佢特登放張凳俾客人擺手袋🥹🥹好細心！📍川花烤魚📍荃灣大壩街29號安康大廈地舖☎️46784029#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處 #川菜 #烤魚#小食#涼茶#雞煲#邊爐#小炒#串燒#海鮮#香港#HK#香港美食