川花烤魚

营业中

休息中

想食烤魚嘅時候都要去荃灣呢一間店，環境舒適，食物味道唔差👍今次揀了魽魚原條，原條兩個人食都非常足夠👍入邊有豆卜，芽菜和芫荽芹菜等等…味道香濃，再加一啲配菜，一個豐富嘅晚餐🥰魚肉比較厚實，而且魚骨真的比較少，大骨有幾條，可以食到啖啖魚肉嘅感覺👍魚肉非常新鮮，唔會霉霉爛爛😂而且魚肉冇經過油炸，完全可以睇得出魚肉嘅新鮮程度😍我哋加咗一份牛肉，牛肉嘅口感嫩滑，薄薄一片牛肉，混合湯汁鮮味👍享受濃湯最緊要點寬粉，可以吸收湯汁，又鮮又辣嘅口感，而且寬粉彈牙，會吃上癮，愈食愈開胃🥰佢哋嘅李乾萍果好清甜，1L嘅份量兩個人飲，而且非常解辣👍10分我會俾8分，魚肉新鮮真係好緊要，正宗嘅烤魚味道十分濃郁，重口味朋友仔必食👍職員態度都唔錯，環境亦都非常舒適👍

充滿藝術氣息 烤魚店🐟睇得出店主用心裝修🎨環境俾⭐️⭐️⭐️⭐️⭐️室外位仲可以帶寵物可惜落大雨☔️帶唔到🍗一齊食😮‍💨🐟青椒味烤魚(海鱸魚)🐟麻辣東北涼粉🌟香港近排荃灣有一間好正嘅烤魚，仲可以帶🐶，終於可以嚟試吓！裝修好靚一啲都唔似烤魚店，而且座位都好舒適👍🏻今次個烤魚特登揀咗海鱸魚，諗住可以多啲肉唔使咁多骨，不過等嘅時間比較耐，上菜嘅時候條魚過熟，有啲失望，不過個味道都唔錯，青椒帶酸都幾開胃。起乎東北涼粉就有驚喜，口感好煙靭，偏辣但係好惹味😋

相约三五好友系荃灣。品尝一道正宗巴蜀烤鱼＄338江團鱼一整條。非常之新鮮。加上各種配菜。一大盤。BB辣，经过烤制的鱼，外皮焦脆，内里细嫩，鱼肉鲜嫩入味，汤汁麻辣浓郁鲜香，地道的川味，新鲜滚烫，香辣过瘾非常好吃。再加一道开胃菜“麻辣牛展”，四川的传统名菜，以拍青瓜、牛展肉制作而成，色香诱人，牛肉带筋；肥而不腻，麻辣鲜香可囗，真的是一绝！地道的川味，非常好吃!餐廳:川花烤魚(荃灣)地址:荃灣大壩街29號安康大廈地舖

荃灣烤魚店⚡️川花烤魚荃灣大壩街29號安康大廈地舖門口好靚，係好似一間木屋咁，好文青🤣招牌菜烤魚！ 無令人失望～ 😍海鱸魚原條$308叫左Bb 辣，味道方面係啱啱好，唔會太辣但又有少少辣味！海鱸魚比較少骨，方便食用，完全無腥味可以另外追加配料打邊爐，價錢合理～ 配菜都多，有大豆芽、芫荽、芹菜、酸菜、薑等等 我自己就加咗寛粉，全部索晒湯汁真係好好味！ 雞翼串 💯雞翼燒得嫩滑，仲要好脆好香口

川花環境乾淨企理、裝修簡約時尚，即使店舖主打食烤魚但一入店鋪亦都冇覺得”一陣味”，手機QR CODE落單後 員工好快就上菜了👍🏻川花呢度有多款烤魚口味揀，除左有唔同辣味既烤魚試之外 仲關照到唔係好食到辣既朋友仔(酸菜魚/蕃茄口味)當然呢2款味都有得加辣啦😋除左多款口味選擇之外 另外仲有幾款魚可以揀(草鯇魚/海鱸魚/鉗魚/江團魚)，不過本人屬怕骨之人，所以揀左少骨多肉而且平時又少食既🐟鉗魚+酸菜魚bb辣口味😍-烤魚(鉗魚配酸菜bb辣口味) 初初以為會唔夠飽，但係發覺原來原條鉗魚係成個盤咁大條，而且肉質厚實，酸菜、豆卜、芽菜等配料亦唔慳皮，雖然嗌左BB辣嘅程度，但係辣椒尖椒都比足 所以覺得辣度都好夠❤️以烤魚為主打嘅川花 亦都有好多火鍋配料揀 可以邊食魚 邊食火鍋配料🤤滿足晒🍲打邊爐既能同時食🐟烤魚嘅慾望。唔想打邊爐嘅朋友仔都可以揀🍢串燒同小食，今次一於揀平時唔係好多地方都有嘅涼拌魚皮同燒白鱔🤩如果怕食到口乾或者熱氣，川花仲提供好多款唔同飲料同自家製涼茶，下火又得 解渴又得🤪我地2個人飲就試下1L生津梨乾蘋果茶🍐🍎-生津梨乾蘋果茶 酸酸甜甜幾滋潤 Aftertaste仲有啲水果香味😛-涼拌魚

又去荃灣食烤魚，今次去另一間 - 川花烤魚。人流比較多，還有露天座位供吸煙的人坐。我們先點了兩串燒烤。燒白鱔（$38）啖啖肉，雖然沒有骨頭，但份量較少。大漢羊肉串（$20）調味粉香，沒有羊騷味。接著我們點了一份餐單寫明骨少肉嫩的海鱸魚烤魚（$298）味道是鮮青椒味的中辣。上次在另一家烤魚店吃中辣的時候，我還以為自己已經提升到更辣的程度，沒想到這次中招了，辣到一口魚一啖茶。先談談青鮮椒味，可能是我不習慣的原因，食時有一陣我無法形容的奇怪味道。一上桌我們馬上開始吃，魚骨很少，但魚肉不滑嫩，可能是廚房烤得太久的緣故。吃辣的時候，冰飲是必不可少的。因為太辣，我點了兩杯茶，蘋果百香博士茶（$38）和英式伯爵水果茶（$38）兩杯茶都只有茶液沒有任何配料，不好喝，味道像是從糖醬沖出的飲料。這次的用餐體驗不是很好，烤魚及飲品味道不好，上魚的速度很慢。不過串燒的味道還不錯的。

今日朋友安排左間好好食既烤魚雞煲火鍋中菜館比我！好正好開心！又近荃灣廣場方便泊車！停車場對面行幾步就到地段又方便！餐廳店名用色用深啡色做主調，感覺清新舒簡、連天光上面的燈光都充滿住藝術感！今次同朋友率先叫咗個秘製鮑魚雞煲！食咗半隻雞嘅份量！鮑魚煮到好鮮好嫩，而雞煲沖涼住濃郁嘅香味，雞肉亦都好鮮滑！加上好大份量好足料超回本！另外再叫炸魚皮，生菜，薯粉做配菜！好滑好香又有營養！之後小食要咗個大漢羊肉串，香味而鮮滑！飲品方便叫左鳳梨茉莉水果茶！好新鮮水果原味又大杯回本！呢間雖然唔近地鐵站,但係就好近荃灣廣場，停車場行過對面一分鐘就到達，位置都算好便利方便川花烤魚荃灣大壩街29號安豐大廈地舖

川花烤魚位於荃灣海壩街，是一家專營烤魚的店鋪。店家提供多款烤魚口味供選擇，而魚類有三款可選，包括魽魚、海鱸魚和江團魚。 自家製涼茶系列-生津梨乾蘋果水$58(1lite)酸酸甜甜的，既能開胃又能滋潤一下。 這次我點了酸菜味的海鱸魚$298店員送上一盤超級大盤的烤魚，鱸魚很大條，魚肉厚身，份量十分豐盛，兩個人都吃不完。鱸魚煎得香脆，完全滲入湯汁，搭配酸菜，味道開胃又美味。 麻辣東北粉$38麻辣的味道調得剛好，東北粉的口感煙韌，加上花生和青瓜，使口感更加豐富。 燒汁雞軟骨$22和沙爹燒豬頸肉$20兩者都有焦香的味道， 咬下去很juicy。 總的來說，喜歡吃烤魚的朋友絕對不容錯過川花烤魚，它能夠滿足你的味蕾， 而且口味選擇多樣。

隔咗一段時間再訪川花烤魚。今次試吓佢哋嘅雞煲同小食。今次見到店內裝修唔同咗，光猛咗有特色咗👍令食客享用食物時感覺得更舒適。鮑魚雞煲（半隻）BB辣 $308半隻份量夠2位食喇。BB辣微辣。佢用咗秘製醬汁嚟煮。個煲一嚟到，見到啲鮑魚都幾大隻。鋪喺雞上面有4隻咁多。😮😍😍好食有咬感嘅。雞嘅份量都好多。我同朋友都食唔哂。雞煲嘅汁係佢哋秘製嘅😋大漢羊肉串 X 2 $20@ 表面燒得好香脆😍面上滲了孜然粉。羊肉味唔好太過蘇。我同朋友都大推這個。呢個整得幾好食😋烤汁牛柳串$20味道不過不失。飲品無糖可樂 $15鴻福堂海底椰 $18總消費：$441 (已包括加一收費)總結：坐得舒服，性價比高，抵食。

川花烤魚荃灣地址：荃灣大壩街29號安康大廈地舖今日要去荃灣換月餅，順便就係荃灣食埋飯。經過見到川花烤魚，餐廳設計好文青，有種好悠閒嘅舒適感，而且仲要係有得食烤魚，於是二話不說就即刻坐低咗🤗🤗👍👍巴蜀烤魚 魽魚（原條） $328.00 蕃茄味超大條魚！啲魚肉質鮮美，彈牙！好正！食到停唔到口！味道上食到有啲孜然粉喺裏面，配合蕃茄，味道👅好夾好好味！好開胃！而啲魚係無骨嘅！超正！娃娃菜 $36娃娃菜好鮮嫩，有滿滿嘅一大籃！二個人都差啲食唔曬！整體嚟講呢一間值得再幫襯，只叫左以上嘅食物都夠二個人食！可見份量超多！好開心！終於唔洗翻大陸食探魚啦！下次都想再試下唔同嘅味道！食到差唔多嘅時候，見到隔籬枱啲飲品特別，原來係佢哋係有自家製嘅飲品，落order嘅時候我都睇漏左！下次都想叫嚟飲下！😍😍鴻福堂-夏枯草 $18.00鴻福堂-銀菊露 $18.00

唔同其他烤魚舖，舒緩既曲風，搵個座位坐低，四圍都擺滿咗鮮花同埋好有藝術感嘅畫作，呢度真係可以比你舒舒服服坐低傾下計慢慢烤👆🏻新鮮草鯇魚 （全魚）豆花麻辣味烤魚😻佢哋用嘅係新鮮草鯇魚，烤出嚟嘅魚肉質感好實在，一口咬落去，好厚人地！而且，佢哋特別配上一層豆花麻辣醬，味道超級正！豆花滑滑嘅質感同埋麻辣醬嘅辣味，將魚肉嘅鮮美提升到另一個層次，真係一種味覺的享受！佢哋嘅辣汁超級辣辣辣，辣到你個嘴麻麻地，但又係一種辣到你停唔口嘅爽快感！如果你同朋友一齊嚟，千祈唔好擔心份量唔夠，呢度嘅烤魚分量絕對足夠兩個人或以上食！而且，你仲可以加埋啲寬粉一齊食，寬粉彈牙爽口，同魚肉同豆花麻辣醬一齊食，味道更加豐富！

開左學📚後真係好忙，難得有時間見婆婆，梗係食佢最鐘意既烤魚🐟，之前經過“川花烤魚”己經好想帶婆婆黎食😋。餐廳有室內同室外，裝修以木色為主，牆身掛滿裝飾掛畫，增加左少少文青風，原來仲係寵物友善餐廳，室外可以帶埋寵物🐕🐈‍⬛一齊黎食。江團魚🐟 原條 香辣 （BB辣） $338 我哋揀左骨少肉質嫩滑既江團魚，條魚新鮮大條多肉，配菜有芽菜，豆卜，京蔥，芫茜。BB辣既關係過下水我比左少少呀仔食，佢都食到舐舐脷，不得不讚上菜己經比定魚湯，方便我哋自己加湯。魚湯泡飯 $30特別叫左泡飯比呀仔，魚湯清甜無腥味，好大碗。🍡串燒（牛舌/雞中翼/燒什丸）雞翼肉質嫩滑夠juicy，牛舌燒到岩岩好彈牙又唔韌，我全部揀晒燒汁。婆婆食得開心滿意，下次同老公試埋雞煲先。📍川花烤魚📌 荃灣大壩街29號安康大廈地舖📞46784029**今日平日都多人食（好彩餐廳多枱），如果星期六日應該要等位，所以最好就打黎訂枱**#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處#ilovefood #hkfood #香港美食 #荃灣美食 #美食推介 #美食日記 #大壩街

約咗家姐喺荃灣食飯，比川花烤魚嘅環境同菜單吸引咗😂 開頭見到裝修靚到以為喺一間cafe，點知原來喺食烤魚。環境好靚，座位都好舒適。依間應該喺我去過最靚最文青嘅烤魚店😂今次叫咗一份原條海鱸魚，口味就揀咗豆花麻辣味BB辣，我哋仲加咗份千章豆皮，另外我就叫咗一杯鳳梨茉莉水果茶，家姐就叫咗冰鎮酸梅湯。海鱸魚嘅質地超嫩滑，多肉少骨，魚肉都好入味，辣得嚟仲有少少麻，超刺激。烤魚仲有其他配料，有豆卜，芽菜，芫荽，蔥等，唔會話淨係食條魚咁單調。我哋額外加咗一份千章豆皮，放落去烤魚入邊煮，吸晒啲汁又係超好食。烤魚嘅份量亦多算多，所以$298嚟講都算幾抵食。另外值得一讚嘅喺佢哋嘅飲品，冰鎮酸梅湯，飲落嘅味道好天然，食完辣嘢飲一流😂 依間川花烤魚值得encore

餐廳:川花烤魚 (荃灣)🏫地址:荃灣大壩街29號安康大廈地舖每次嚟荃灣經過都覺得舖頭好靚🤩仔細一望，原來係食烤魚嘅餐廳😍 餐廳佈置有花、休閒嘅畫、座位闊落、而且餐廳環境好乾淨等，令人喺度食得好舒適嘅感覺😌🤭我哋叫咗酸菜湯底BB辣烤魚，配菜仲有芫荽、腐竹、唐芹等，爐魚骨少肉嫩之選😍 烤魚係新鮮、即烤既，所以要等一陣，但一上碟就可以即刻食了😌夫妻肺片🐖帶微辣，肺片肉質鮮嫩而且份量多，青瓜仲大量係底到，超抵食👍🏻

📍荃灣 川花烤魚聯絡電話☎️：4678 4029天氣開始稍稍地轉涼，又係時候開展我哋嘅雞煲人生。今次嚟到荃灣嘅呢一間川花，佢主打係雞煲同埋烤魚。佢舖頭入面嘅裝修非常之簡約，而且位置都好大好舒服，同我哋傳統食雞煲好逼夾嘅環境完全相反，所以都食得好舒服。雖然今次冇食到佢嘅烤魚，但係見到隔籬枱嘅烤魚份量都非常大份，而且見到佢新鮮烤完熱辣辣❤️‍🔥。٩(˃̶͈̀௰˂̶͈́)و• 鮑魚雞煲（半隻）$308佢嘅雞煲有唔同辣都選擇，而且有唔同嘅口味。因為同行朋友唔可以食辣，所以我今次就揀咗唔辣。一開始都擔心唔辣味道會唔夠濃郁，但係其實食落都非常之好食，雞肉好入味，而且好滑。另外佢嘅鮑魚，都非常新鮮，而且咬落好爽口。• 羊肉串 $20 & 牛舌串 $38串串係即叫即烤，所以上到嚟都仲係熱辣辣。佢嘅羊肉串咬落唔會太晏，煮得啱啱好，而且唔會有「蘇」味。另外佢嘅牛舌上面係沙嗲汁，佢嘅沙嗲汁好濃郁，令到成個牛舌嘅味道都好有層次。• 蘋果百香博士 $38佢呢杯飲品係真材實料，入邊有好大舊嘅蘋果肉，而且味道唔會太甜，非常消暑解渴。٩(˃̶͈̀௰˂̶͈́)و