川聚緣

营业中

休息中

泡椒雞雜，是沒有泡椒的！只是豆瓣醬炒少量嘅雞！魚湯只是水滾魚湯！泡椒雞雜，是沒有泡椒的！只是豆瓣醬炒少量嘅雞！魚湯只是水滾魚湯！泡椒雞雜，是沒有泡椒的！只是豆瓣醬炒少量嘅雞！魚湯只是水滾魚湯！

見OpenRice 無負評的川菜餐廳。所以幾了幾個嗜辣的朋友滿懷期待地去試這川菜店。叫了黃金皮蛋，雙椒炒雞，口水雞，水煮桂花魚，炒回鍋肉，蔥爆牛肉。可以講用非常失望形容。黃金皮蛋，只似在食皮蛋淋麻辣汁，皮蛋無入過味。口水雞，食得出白切雞淋上辣汁就當口水雞，味道就一般，可以讚的雞算滑，水煮桂花魚算最正常的一道菜，但無麻辣。干炒四季豆，炒得尚算合格，蔥爆牛肉可以講差過黎形容，好多茶餐廳炒得好食過呢間店。唔明何解評分咁高。

水煮大魚可以要求加辣，小編係個好食得辣既人，所以要求加辣，加左之後都覺得吾算好辣，不過朋友就食到成頭汗除左大魚，配料主要係芽菜同薯仔片，冇平時食開水煮魚既薯粉或者酸辣粉，所以有啲失望。魚肉比較薄，份量一般吾算多，不過都新鮮入味，肉質尚算嫩滑。熗炒酸辣土豆絲正正常常，因為本身就好鐘意食土豆絲，所以已經加哂分。土豆絲吾會煮過火，軟硬適中，食落爽口。椒絲味夠重，食落仲甜甜地，不過就普普通通冇咩特別。

食得中菜多，今日想轉吓口味， 旺角竟然有一間好特色嘅川菜館，老闆好有心思，用咗中國嘅變面餐具，另有銅器茶壺，喝杯茶都特別香甜。酸菜魚魚肉片好滑，用以酸菜，豆芽及粉絲墊嗰湯底，配菜同湯一齊吃，又唔太酸辣，好惹味。夫妻肺片夫妻肺片喺用牛展及牛舌，肉質都幾爽口，唔韌配以麻辣汁，越辣越滋味白飯都吃多幾口。幹扁藕片藕片炸到香香脆脆，用指天椒回鑊，食得辣人士用來送啤都幾好味。口水雞口水雞賣相幾吸引，唔太辣，不過雞肉只得幾件，又有雞頸同雞腳，真的失望。整體覺得味道唔錯，價錢合理，有機會再去品嚐其它菜式。

整間川菜館佈置以及餐具都已經唔錯，擺設及餐具，都以中國國藝變臉做主題。餐廳內嘅食物，令我喜出望外，想唔到今日隨便選擇嘅一間川菜館，竟然有咁高收穫！麻婆豆腐（$68）每次來到川菜館，必定要叫嘅菜式。因為我認為，麻婆豆腐，完全表現到川菜，辣、麻、酥香的味道！🤩🌶用豆瓣醬把豆腐炒到色澤鮮豔。中間的白豆腐、紅辣椒、深紅色的肉、綠蒜苗，賣相已經相當吸引。之後山椒帶出刺激的麻痹感，配白飯吃超一流🍚！黃金皮蛋🥚（$48）一塊塊排列整齊，半透明的蛋白，啫喱般的蛋黃，賣相已經非常吸引。識開又如何呢？咬下去蛋白即鮮明地分開🐣，蛋黃非常香濃，小小川辣味，伴菜、送飯極品！與上一道麻婆豆腐，算得上是黃金組合。涼瓜煎蛋🍳（$58）超級正，完全值得推介一道菜。首先脫水後涼瓜🥒，沒有了苦味只留下了回甘，很適合清熱氣😁。由於用大火油炸，可以把雞蛋迅速爆香煎熟，蒸熟之後嘅雞蛋，非常有鑊氣，加上少少鹹香，配合無數苦瓜粒，絕妙！辣子雞（$98）辣子雞，炸制後帶骨的雞丁，帶着焦香的酥脆感，小火慢炒後辣椒釋放出獨特的香氣。雞丁沒有肥肉，粒粒香脆爽口，辣到適中😋！滿載而歸，埋單每個人$150，性價比極高！

今日同屋企人搵食，經過呢間川菜鋪，嗅到勁香川辣味，屋企人一直都想返大陸食香辣虾，而呢到又有，不用想即刻試試，坐位闊落，乾淨企理，老闆好好禮貌，笑笑口。我地睇左餐牌一會，分別點辣子雞，豆鼓鯪魚油麥菜，香辣蝦，魚香茄子，同干偏四季豆。好快就上菜，辣子雞色香味俱全，非常惹味，雞粒炸過走油，越食越過癮！豆鼓鯪魚油麥菜，菜鮮甜鯪魚亦多，加左椒𢇃落去炒，調起哂啲味，香辣蝦好坻食，當日時價180元，有勁多隻，而且係同大陸食即一模一樣，仲要係大蝦，大隻好多，送飯一流！魚香茄子加左少少醋吊味，同平時食既有小小分別，但咁樣幾特別又開胃！最後干偏四季豆又係好好食，肉碎欖菜調味真係好有水準。基本上全枱食物係清哂，我地點左小辣，但都辣得盡情無影響到川菜辣既特色！很不錯！

辣友們相當忙碌，每月辣局已暫停了數月，仍未知道何時復辦。想止辣癮，唯有約三兩知已，搞個小局。 收到風，砵蘭街又有新開川味小館，叫做川聚緣。那時，公開飲食網站只得地址電話等基本資料，一個食評參考也沒有。 反正大家咁熟，齊齊中伏都唔係大問題，膽粗粗來辣一辣。 人少少，不用點太多餸，先有虎皮尖椒。吃尖椒過癮的地方，有如玩俄羅斯輪盤，因為佢唔係隻隻辣，但辣的話就唔係人咁品，不過這晚我嚐到的兩隻，也是偏甜而毫無辣勁，但甜甜的味道我又覺得唔錯。 呢度既麻婆豆腐，麻香唔突出，換來卻是點點孜然香。Any肥，呢味餸佐飯縐對一流。 干鍋肥腸，惹味是必然，肥腸亦很有個性，我是偏愛這種羶香，如果沒那麼韌就好。一致認為，同場的蓮藕，比肥腸更吸引。 鋪滿花椒的雙椒大魚，椒氣勃勃。論味道，其實麻香夠，唔差的，也富四川風味，但或許先入為主，個人仍較喜歡吃傳統的水煮魚多一點。 辣完，應該要有點甜，可惜是晚冰粉已經售罄。

星期日家庭日一家大細嚟到呢間川聚緣食辣野，呢度座位舒適，冷氣充足。我哋嚟到嘅時候店入邊幾乎全鋪滿座茶味濃又香 望一望餐牌，我哋好快就叫左五個餸了辣子雞$98:雞肉非常脆口，辣味剛剛好，非常好味，但略嫌雞肉粒太細粒，如果可以大粒返d就更好了。香辣蝦$180:蝦肉非常大隻，好新鮮，炸得熱辣辣，食落外脆內軟，好味到我連殼都食埋。乾煸四季豆$68:四季豆同埋肉碎炒得非常嘢味，肉碎攞嚟送飯食一流。魚香茄子$58:呢味魚香茄子同平時餐廳食嘅有少少唔同，佢多咗一份酸味，呢個酸味又唔覺得佢會好怪，我媽佢非常鍾意食。豆豉鯪魚麥菜$88:呢味豆豉靚魚麥菜我爸爸一個人食咗半碟，一路食一路話正總結：呢度嘅餸菜出色，辣味可自選大、中、小辣，其中香辣蝦我個人比較喜歡。下次再食辣野，一定第一時間會再諗到呢度。

今日同男友行完朗豪坊，就過左黎呢到食晚飯啦！見係新開張，就試試佢啦。入到黎坐低左之後服務員立即拎左menu&茶杯給我們，佢地d餐具都十分有特色。我同男友都係田雞控來的，去到邊都要必點田雞來吃，今次都唔例外，我地total點左3⃣️個餸。1⃣️個係乾鍋田雞$128，1⃣️個係蔥爆牛肉$78，最後1⃣️個係乾扁四季豆$68 白飯$10 王老吉$13 埋單冇加一total$297 都幾抵食 同埋真係辣得好過引鐘意食辣既人1⃣️定要黎試下我地7:00黎到已經坐滿晒人 非常旺場多款菜式供選擇田雞份量有好多，肉質又唔怕韌，愈食就愈辣 正我地兩個都食到冇停囗 🤣🤣🤣唯一一款冇咁辣既菜式，牛肉鮮嫩，夾雜埋d蔥1⃣️齊食，別有1⃣️番風味四季豆加肉碎，呢碟送飯1⃣️流 又係食到冇停囗

近來辣局好友繁忙非常久未聚餐！但心繫辣中滋味的我偷偷約了有空的幾位辣局成員到新開的川聚緣一解辣癮！ 川聚緣名字改得挺好！像這夜幾位緣份非淺好友，以食會友聚緣份，難得亦要珍惜！！ 餐廳走平民輕鬆路線，地方不大座位不到50，但坐得頗舒適沒半點侷促的感覺。 這期很忙碌的劉總大人要晚點到，那我們仨先點些涼菜傾住等他，吃川菜先來可口可樂＄10是常識吧！涼拌心舌＄68心舌乃豬仔出品，用夫妻肺片的汁醬變奏出來啱晒不吃牛的我！ 豬脷和心巳切成薄片入口柔軟微辣有咬口，用來送啤酒一流！！ 另一客點了口水雞＄88/半隻汁醬夠辣也香口，但雞件切得太薄令口感變得不夠豐富！！ 劉總大人終於風塵僕僕的到來，為我們選上多味菜式，有雙椒大魚＄148雙椒原來是花椒和辣椒，配大魚須多骨點但又鮮甜些！ 經醃製過的大魚份量不少，麻辣味不算太強勁，我覺得不吃得辣的朋友也可一試！ 到宮保雞丁＄98小有的可選辣度最後選了小辣，雞肉粒大小均稱不會太過乾身，味道不像貴州版宮保雞丁的咸辣酸甜味，而配料中的油酥花生可以再香脆點應更吸引。 最能突顯出了川菜麻辣特點相信麻婆豆腐＄68必定榜上有名，紅油帶出幽幽麻辣，而豆腐也算滑溜，面層灑有孜

不知道這裡有沒有喜歡吃辣的朋友跟我一樣 只要一段時間沒吃就總覺得不滿足今次我跟朋友在旺角逛街 見到這間新開的川菜又起辣癮 毫不猶豫就決定要去試試平時一陣見到的都是水煮魚或烤魚 但這間的選擇十分多 讓我們有驚喜跟一般的炒菜不同 這道熗炒萵筍片放了辣椒下去炒 吃起來辣味慢慢的滲出來 也十分新鮮爽脆 另一個不得不吃的是烤魚 這裡用的是鯇魚雖然我們只是叫了小邊 但份量也是多得嚇人 兩個人叫配多一兩個菜就已經很飽了鯇魚比一般的魚多骨 但更入味 酸酸辣辣的 配飯一流！最後一道我們選了干鍋田雞 朋友最愛的一道菜滿滿的田雞 就算一直吃一直吃也吃不完加上辣椒洋蔥蒜頭等 特別的香跟辣個人覺得來這裡必點一份干鍋份量很足 還有很多口味可以選喔！重點是它不貴！這裡的裝修用具都是走中國風 尤其喜歡後面的茶壺

今日同幾個朋友行經砵蘭街，見到一間叫"川聚緣"嘅餐廳，响老字號嘅老川皇嘅隔離，心諗呢間野都幾大胆，居然夠胆响老川皇隔離開川菜館，不過見到里面幾多人，咪胆粗粗入去試下，我地四個人，叫左四個餸，其中嘅酸菜魚絶對有驚喜，魚非常生鮮，個人覺得比老字號老川皇更出色！因為有個朋友唔食辣，叫左個唔辣嘅椒鹽剝皮魚，亦意想不到咁惹味！價錢雖然唔算平，但以旺角黎計，再計埋食物嘅質素，都算係值回票價，下次會約多D朋友一齊黎，試多D其他菜色！