川聚緣

营业中

休息中

心血來潮想食辣野, 就去左呢個店試下見到佢都幾多人食, 應該都OK掛2個人叫左3個餸, 酸菜鯇魚片, 干鍋鵝腸, 野山椒炒土豆絲先黎左個土豆絲, 一入口個下覺得唔係好辣, 點知個辣味係會慢慢咁滲出黎幾正佢D土豆絲切到好幼細所以入哂味我地明明叫左個干鍋鵝腸, 點知佢黎左個干鍋肥腸, 咁就同個企係收銀戴眼鏡既女店員講啦佢行埋黎我就同佢講我地叫鵝腸架, 佢就問我地咁係咪唔要, 我話係呀, 咁我叫鵝腸架嗎, 佢話但你地食過喎下你店員一放低我地見到係肥腸就已經即刻同你講話出錯左, 掂都無掂過呢個時候佢即刻問責制問係邊個落單, 咁落單個都話佢係落左鵝腸,係廚房出錯左之後再出番黎既干鍋鵝腸, 就好似就咁烚返D鵝腸放落去咁, 無咩味……等左成個鐘, 遲過我地黎既人都出左D魚鍋, 終於都到我地喇酸菜鯇魚片賣相係靚仔嘅，魚都好鮮味, 不過係骨多, 如果可以再多少少粉絲會更正,因為D粉絲吸哂D酸菜魚湯咪係好好食既不過員工態度真係不敢恭維，就算啲食物味道唔錯都係咁話啦…

今天同好朋友一起在油麻地區找四川菜食。在OpenRice找到這間川菜館。雖然環境好細，但看餐牌好吸引便坐下，然後點了四個餸。但上菜後完全不是一樣野，田雞有怪味，辣子雞過多油，最過分是把豬肚當牛肚，指著餐牌把豬當牛。問廚師應該是牛肚定豬肚，然後指著牛話是豬（有圖大家自己看看）。跟著還给伙記圍。完全應該收壋。大家以後小心，有食物過敏的，有特别食物不食的（如不食豬或牛的）千萬小心，這餐館是隨便做的，完全無心做好食物。無下次。

平時好鐘意去同一條街隔2個舖位個間食辣野，但係今次因為太多人要等位，而且佢安排我地個位又唔滿意，所以就轉去依間。幾滿意依隻分隔檯位置都幾合理，唔似隔離個間貼得好近，近到聽到隔離個檯講乜。而且就係有埋茶提供但唔駛俾茶錢咁正。花椒桂花魚 ($288)真係太多花椒了，有排揀走D花椒呀，下次都係叫返水煮系列比較好。魚身都滑嘅，桂花有半條左右，里面有薯仔整嘅薯片(好味~)，少量薯粉同大量芽菜。辣子田雞 $128依度炸得比較乾身，不過就好重嘅孜然粉，所以好香口，會食唔停口。唔駛加一同茶錢，比隔離個間坐得舒服d，價錢都差不多，下次都會揀返依間。

去到叫酸菜魚，仲要加錢叫咗隻靚魚。另外仲叫咗兩個小炒。遲入座既客都上曬菜，都未到我地。跟住個小炒等咗半個鐘。個酸菜魚等咗一個鐘。最嬲係個隔離𡃁仔，唔知係咪阿媽喺度做， 5分鐘就上到個水煮魚。埋單戴口罩嗰陣，先上菜。仲要話我哋唔取消張單。大佬，我等條魚等你等咗九個字呀？你啲樓面，吹水都唔理我揮手。可以點？結果屈我哋，局住要外賣條魚。等嘢食從來都唔係問題，服務態度同埋上菜次序真係唔推薦你哋食呢間。埋單仲受氣，食呢間絕對係貼錢買難受。🙂

剛剛搬屋入嚟油麻地第一日，見到附近有間川菜覺得幾吸引就入咗去，點知待遇真係令人有啲唔舒服-一、推跌餐具落枱就走人首先入去坐無人理都唔緊要，隔一陣有一個短髮女店員拎咗兩份杯碗餐具嚟，隨手一推就瀡過嚟，筷子跌晒落枱面，短髮女店員就頭也不回走咗去-二、粒聲唔出拎走餐具，問佢就俾說話你聽睇完餐牌之後想叫餐，但全店好似得剛才位短髮女店員同一個髮及肩頸嘅女店員企喺收銀位，我叫咗一聲「唔該」，喺收銀嘅女店員繼續耷低頭話：「你講啊我聽到」，然後我落咗單之後，佢粒聲唔出走過嚟收走咗剛才俾嘅碗。-我第一下呆咗一呆，就問：「咦做咩事？」，佢就好無氣咁話：「你唔係要食飯咩？你唔食我冇所謂㗎～」-我個刻真係有啲O嘴，你拎走客人枱面嘅野之前係咪都可以講一聲啊⋯⋯你唔講咁我問，你又串柒柒咁-我個餐係有白飯，但我第一次出街叫白飯係要拎走我本身個碗，而唔係直接潷一碗過嚟，都唔緊要，想問你你又串咁樣真係好難搞😅-最後公道講句，呢間川菜味道唔算好突出但其實不差，10分滿分我俾6分，價錢都算OK，但態度方面真係有啲卻步

今日到旺角缽蘭街食午餐，果間餐廳啲擺設同餐具好特別，全部以中國國藝變臉為主題，讓人耳目一新。雖然地方小小，但都唔影響我對呢間鋪頭啲好印象。每次去川菜館，我都會點份水煮魚，因為水煮魚係我嘅最愛。因為友人唔食骨，我就點左水煮桂花魚。桂花魚肉質鮮美，口感香滑。配料有青瓜土豆片豆芽等，辣味因為有花椒，所以又香又辣，好易下飯！第二道菜叫左水煮田雞，友人喜歡食田雞，覺得田雞肉質好軟，好易食乾淨，又加埋有辣椒加成，成份田雞好好味！！雖然兩份餐分量唔係好多，但係都夠食，而且價錢都唔貴，好抵食！！鐘意川菜嘅朋友可以去嘗試！！

今次利到旺角，見到好多食酸菜魚既餐廳，選擇呢間餐廳既原因係OpenRice見到，而且睇到都係百幾蚊，去到睇下有咩食啦，落order既時候，問要咩魚，桂花魚最貴但肉質應該最好，因為我地叫左桂花魚，但最後賣哂，所以選擇左鱸魚，價錢平30蚊，而我唔知平時食既酸菜魚既係咩魚^_^所以都係貴既就多數好食，最平既係鯇魚。叫埋口水雞半隻價錢唔算太貴，因為都好好食，有少許麻醬味，同有青瓜，好味得利又清新。酸菜魚方面，魚肉味道都幾好，都幾滑，新鮮既。但都有魚骨，所以唔中意吐魚骨既小朋友，就要小心啦。其他方面，飯方面都好足夠，外賣餐具比齊。

'香港人必食推介''環境舒適旺角四川菜.主力推薦鐵板魷魚鬚.烤魚.老干媽雞煲.毛血旺.干鍋肥腸.農家小炒肉.开胃酸菜魚.野味香口魚排.洒香可花生米伴洒啲必備小吃.涼拌菜等等

平時食野好怕遇到啲態度吾好嘅餐廳員工，就算食物質素好好，但如果員工態度吾好的話都會好影響食飯嘅心情，好彩呢間餐廳啲員工姐姐都好有禮貌3個女仔 叫左4個餸酸菜魚價錢對應份量好足夠，辣度對於我譚仔食3小辣嘅人黎講 岩岩好，但略嫌吾夠酸，下次可以叫廚房加反酸啲應該會更好蒜泥白肉啲蒜下面係片白肉加青瓜，蒜味岩岩好又吾會太過濃四季豆我覺得4樣野入面呢個菜係最高分，完全食到果種炒菜嘅鍋氣吾係果種油淋淋又扁pat pat嘅炒菜涼拌土豆絲由於佢太遲上菜，所以吾記得影相。不過不失冇乜特別，下次去食未必再叫 會寧願揀其他野食

🍴農家小炒肉 48 蚊🐷傳統川菜都冇得點辣度 呢味小炒肉既辣度應該小至中辣甘上下🌶️有輕微拮拮辣既感覺 豬肉係比較煙韌 juicy嗰 d豬肉味濃🐽用左青椒 大葱 整得好香口 要黎撈白飯都好正 🍚#小炒肉 #四川菜 #農家小炒肉 #青椒 #豬肉Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#川聚緣旺角砵蘭街102 號地鋪~~~~~~~~~~~~

我知你們很忙不過短髮小姐的態度有很大的改善空間而且 又選錯餐廳了還是對在下而言一個小時的吃飯時間真的不行太短在下也吃得慢人手不足的情況下要等一段時間才有得吃讓人好急好不安唉最終還好由在下進場到食物到枱整過程不用20min全都是新鮮烹製的很滿意好熱好熱的菜啊❤️炸到皮好脆 肉心是軟軟香濃的由於太熱 吃了幾粒後要停下來要等一等 不然舌頭好可憐辣辣🌶️的肚絲這個讓在下好高興因為不是冷冰冰的也一點都不熱肚子餓的我在本身沒有儀態之下更加瘋狂地狼吞虎嚥苦瓜牛肉這大概也是在下喜歡的小菜之一或許是對牛有特別好感不過以在下的經驗不管多軟多滑的一碟牛肉也好必定有一兩件牛肉是有根和咬死人的當然這家的也不例外總括來說是好吃的不過吃不完呢時間緊迫唯有放棄他們👋🏻

與友人突然好想食辣野食川菜，係旺角都有幾間川菜較出名，但今次選擇了一間店鋪較小，比較不起眼的川菜館試試。店鋪有川味雞煲，烤魚，酸菜/水煮魚，川味炒小菜，涼拌小菜等等，選擇什多。烤鯇魚(大邊) HK$188鯇魚超級大條，魚烤至剛熟，放進鍋中，鍋中有少量辣椒及乾椒，滾起來十分香口。加上鍋中有少許配菜，如芽菜，薯仔等等，配菜吸上湯汁，十分入味。酸辣土豆絲 HK$38，涼拌秋葵 HK$38這兩款涼菜，酸酸辣辣，味道甚佳。

最近香港天氣好濕熱，好想食辣嘢，出一身汗，所以揀咗間油麻地嘅川菜食！見到佢好選擇，可惜我哋只有兩個女仔，就叫咗水煮桂花魚嚟食！🌶水煮桂花魚魚都好多份量，骨唔算多，所以都好容易食！另外我哋叫咗小辣，佢都好夠麻，但唔會食得好辛苦

地點: 在砵蘭街近油麻地出口, 在油麻地或旺角街去也方便。環境: 旺角及油麻地的街坊小店, 坐得迫迫的, 所以有心理準備較噪也會聽到間黎枱講野。職員: 有好多熟客仔, 可能附近多舖頭, 職員不是太多, 忙起來時要等下, 態度一般般食物: 涼菜, 小炒, 水煮, 酸菜等也有, 算幾齊全, 食左幾款, 覺得小炒最有鑊氣, 不過偏油,:水煮桂花魚: 朋友不愛多骨, 叫了條桂花, 魚肉不算太多, 但的確香滑, 當中薯粉量最好味, 有少少薯仔片芽菜青瓜等。麻辣味夠, 花椒香吃得出花椒鮮味, 有辣勁, 朋友都覺得好味。如果紅油更滚熱辣更好。熗炒包菜: 好味, 油好香之餘, 好鮮甜的菜, 帶點小辣。蒜泥白肉: 朋友愛佢的辣汁多蒜頭, 我個人便覺得用蒜泥更好味, 蒜容切得唔夠細, 肉片也愛切得薄些, 現在有點厚, 覺得太肥, 幸好每塊也梅花間竹有青瓜夾住吃, 消除油的感覺。農家小炒肉: 綠色滿滿的是青椒, 唔好睇少, 多有點辣呀! 不過佢的紅油特香, 炒起來好有鑊氣, 小炒肉唔肥, 一粒粒分明, 幾多枱都有叫。辣子雞: 算幾好食, 個人覺得太少, 但朋友覺得味道好, 雞肉帶點骨, 但炸得香脆, 可以連

經友人介紹下一試，果然有驚喜。去到環境都不錯👍🏻，乾淨。點左水煮黑魚片魚肉都好滑，吾算好多骨，有芽菜，小量薯仔和萵筍。蒜泥白肉唔算好肥，但味道好好。口水雞(半隻)好有番左大陸食既味道，好野味。總結，係油麻地食到好正宗既川菜，價錢都吾貴。