川婆婆 (利園山道) (已結業)

當時我填紙要6個餸外賣！有位頭髮到肩女店員(收銀)問我系唔系no. 5,6,7,我當時答系, 之後佢話$70蚊我話: 唔系$56蚊6個餸咩?我再望一望張單，同佢講，唔好意思呀！6唔系架！唔好意思！之後女店員，反哂白眼，同我講:都問咗你架啦！(再：摺咗一聲)然後皺眉頭,好不耐煩咁望部收銀機！我見到佢呢個面口，我已經唔想要就走！因為竟然咁麻煩佢，我都無謂辛苦佢去改！可能我買只不過係買一碗$56嘅麵，唔系要你笑容滿面，但只小唔好反白眼，又黑口黑面！完全趕客！唔會再去，都叫朋友唔好去！無謂比錢買難受！

我個朋友知我鍾意食酸辣野，今日佢襯住我唔洗湊女幾個鐘就帶左我黎銅鑼灣梨園食川婆婆啦！唔洗就個女就緊係食d平時唔食到嘅野啦！坐底就有張紙仔俾你自己剔食乜，size仲係一人份，唔使一大份食一樣味，可以同朋友試唔同口味酸菜魚配白飯(78hkd)今次我就叫左呢款酸菜魚配白飯，好大碗嘅餸喎，娃娃菜，海帶，蓮藕酸菜同埋魚的份量都好多，食一啖已經覺得好野味，再食就上晒癮，由於碗湯既餸已經好大碗，建議大家都係叫少飯，咁就唔洗食唔哂造成浪費啦！川婆婆📍香港銅鑼灣利園山道5號地舖

因為年三十仲要返工，所以要黑面做嘢？隔住個口罩都感覺到啲態度十分之差冇禮貌嗌咗三餸一米線未食過一碗麵，可以咁多米線十分浪費。😆希望老闆會見到我呢個食評要檢討吓我講緊啲米線係多到我要夾部份出嚟去搵啲餸

$50三餸-腩肉(標示微辣),風琴豆腐,響鈴+粉絲, 外賣盒加$2, 即是總共$52得到一碗咁嘅嘢,個麻辣蕃茄湯重好大陣羊羶味,只係一碗橙色羶味水,完全冇蕃茄味,個腩肉係白烚冇味,完全伏,其實個廚師係咪以為整碗咁嘅嘢利潤大咗?! 咁佢有冇諗到咁樣係唔會有回頭客.

打工仔恩物係平價得嚟又好食既午餐！今次同事們帶領去試新嘢-川婆婆既酸菜魚🐟小小辣但味道夠好既酸菜魚配飯1。湯汁：鮮甜酸辣好過癮，我食既時候仲澆湯上去飯度撈埋一齊食😍推薦食法川婆婆辣味係可接受，因為酸同辣可以自己溝一咁溝啱嘅味2。魚片：份量多，好滑同埋肉質鮮甜3。配菜：海帶、芽菜、芹菜、辣椒4。價錢：屬於中間但因為有coupon優惠所以無太貴

最鍾意食呢度嘅酸菜魚，每次嚟一定會叫，魚完全冇骨，而且好嫩滑，味道好香好好味，不過個人唔係好食得辣，我叫咗BB辣都覺得辣。飲品就比較貴，普通汽水都要加$10，我叫咗個桂花烏龍另加$15~好評✨

以前返工成日會喺大陸留一兩日為咗餐餐有菜食，好多時都會去食麻辣燙今日嚟到銅鑼灣川婆婆有種重拾當年嘅感覺😆😆我哋叫咗兩個餐同一個小食，一齊share⬇️(左) 粉麵套餐，(右) 淨餸套餐粉麵套餐可以揀三個餸、一種粉麵餸同麵嘅選擇都好多⬇️今次揀咗平日比較少見嘅特色火鍋粉餸就揀咗萵筍、豆腐皮、豬大腸因為屋企人唔食得辣，湯底揀咗香草蕃茄湯豆腐皮份量好多，萵筍爽脆，豬大腸唔會太靭不過幾個餸都唔算太入味屋企人話個湯底唔太有蕃茄味🫢火鍋粉份量都好多，兩個人食就啱啱好食落有啲似闊嘅薯粉，煙煙韌韌我比較懶，如果食晒成碗粉牙較應該會幾攰吓😂😂😂⬇️淨餸套餐可以揀六個餸，啱晒貪心嘅我海帶、鴨血、金菇、皇帝菜、枝竹、雲吞揀咗麻辣湯底多麻，BB辣餸嘅份量都係十足👍🏻可惜淨係叫BB辣，因為同屋企人share驚太辣佢食唔到，結果好似曬咗個湯底咁因為好似一大碗清湯加一兩滴辣油嘅感覺而且無咩麻嘅味道，有少少失望如果叫小辣可能會正啲餸比較推薦海帶同枝竹，同個湯最夾如果你期望鴨血係好似台式火鍋個種咁可以唔駛叫，因為佢嘅鴨血比較削唔夠咬口雲吞都正常發揮，不過不失⬇️反斗墨魚膠豆卜有8粒大大粒，一上枱熱辣辣聞到香味咬落叫好脆，墨魚膠

事關自己夜晚都盡量唔食澱粉質！川婆婆好就好在佢可以叫剩餸😌仲要好多選擇😍😍因為lunch都成日食😌性價比都好高，嗰日專登再叫咗兩個小食，一個係炸饅頭，一個土豆絲！土豆絲同我想像中嘅有啲出入，個人唔太喜歡，炸饅頭就係細個成日都好鍾意食嘅嘢，見到自然就想回味一下😛😛但係其實好滯🤣一共4個，食左一個已經夠了🤣🤣

<川婆婆 • 銅鑼灣四川小店 • 推介足料抵食酸菜魚🌶>—🐟酸菜魚 $76魚肉份量好多 有10幾片左右 質感嫩滑😋 每一片都冇骨啖啖肉🥰辣度有五個程度可以揀 可以按自己喜好😌湯底唔會過酸 撈飯食一流🤤配料都係非常足料❗️有大豆芽 蓮藕片 海帶絲 娃娃菜🥬.🥒手拍青瓜伴海蜇$38青瓜多汁爽脆☺️ 海蜇份量都多👍🏻—評分📈味道 7.5/10性價比 8/10—Rating 📈Taste 7.5/10Worthiness 8/10—🏠川婆婆📍銅鑼灣利園山道5號地舖

一大碗裏面有十幾塊魚肉喺銅鑼灣呢區嚟講算係好抵食魚肉底下佈滿海帶絲, 蓮藕片,芽菜同娃娃菜加埋配菜一齊食口感好豐富,呢度可以揀唔同嘅辣度我今次食少辣,辣度食落啱啱好就算係我呢啲成日胃痛嘅人,食完都冇唔舒服每個餸都會跟一碗白飯食完真係好飽好滿足仲有呢度每次嗌外賣都好快就可以攞得

男職員態度惡劣，食都食得唔安樂，bad experience ，以前好鍾意食呢間，今日黎過之後，以後唔會再嚟。食品好味，酸菜魚和麻辣魚都好美味，女職員態度都OK，係收銀嗰個男職員態度真係好差之前都冇呢個男職員，寸寸貢，態度好差。等左15 分鐘都可以，因為真係好食，但服務態度咁差，例如：收錢問我有冇一蚊，我話冇，佢比面色我睇，再寸我冇一蚊，找錢又好不滿。等位時又比面色我睇。食嘢食到要受氣，不如唔好食啦，以後唔會再幫襯，幾好食都假！我從來未劣評過人，今次第一次劣評！

▪️酸菜魚 配白飯 $76通常叫酸菜魚都是整鍋上，人少少又想叫多幾款，這裡的一人餐就最適合不過。魚肉嫩滑，湯底濃郁帶麻勁，酸菜、芽菜、海帶和娃娃菜份量很多，惹味開胃，不用撈飯已經好正！⁡▪️麻辣豬耳大腸腩肉 配火鍋粉 $50火鍋粉的口感很特別，比普通薯粉更煙韌有咬口，喜歡薯粉的不妨一試。麻辣湯底帶濃郁的牛油香味，像重慶老火鍋的感覺！⁡小食方面很多選擇，特別喜歡炸大腸，斜切厚度剛剛好，肥膏不會太多，頗有港式豬大腸的街頭風味。也很推薦爽脆的萵筍！👍 整體性價比高，十分抵食，很適合滿足一下麻辣癮！

一人麻辣之境大概10年前已經喺尖沙咀食緊川婆婆，當年只得企位而夏天大汗踏細汗咁企住食佢既麻辣魚蛋同薯粉，如今仍歷歷在目，到投身社會仍想念，間唔中都會去懷緬一下，如今銅鑼灣店寬躺座位，有冷氣好滿足🤡 食物質素依然高，價錢卻沒怎樣加到，好豐儉由人，兩人豪食都不過三百飄香水煮魚跟白飯 $91一人份量來說真係好足料！魚片鮮嫩無細骨，多配菜，湯底都濃郁手撕雞 $48$48 呢個價錢真係…好平，仲要啖啖肉，調味小辣剛好又惹味，雞肉嫩滑去哂骨，吃起上來好方便炸饅頭 $22外面餐廳動輒都要$48-68 一客，4件兩個人分享，新解炸起脆卜卜點勁多煉奶就最好食麻辣牛柏葉 $32煮得爽口之餘份量亦不少，麻麻的吃完個嘴仔好high 粉面套餐 $50 三餸老手必叫：紅薯細粉、金菇！see you tmrrrrr 佢既細薯粉食左好多年出面比較少見，少少扭扭粉feel好掛湯另外手拍青瓜伴海蜇都好好食，不過今次太飽冇叫。跟餐加$12 有冷泡茶，解辣一流—————————————————川婆婆 (利園山道) (銅鑼灣)銅鑼灣利園山道5號地舖—————————————————⠀⠀⠀⠀⠀⠀⠀⠀⠀#hkfoodie #hkf

每次黎川婆婆都係食佢地嘅自遠粉麵，今次試下水煮魚酸菜魚同埋啲小食😛水煮雞柳($76)份量大到誇張😳 個湯夠晒濃味同辣味，雞柳嫩滑，仲有好多配菜(蓮藕片，芽菜，等)，夠晒豐富😋酸菜魚($76)份量一樣勁多，魚片好滑無骨無腥味，又係好多配菜食，湯底都好濃味，但如果再多啲酸菜就更正😛小食嗌左上湯皇帝菜，香辣魚皮餃，手拍青瓜伴海蜇，干撈蒜香火鍋粉，都係$23-$38一份大大份，好抵食！特別係個青瓜超爽脆清甜，同埋火鍋粉超級煙韌彈牙，推介😆👍🏻 跟餐+$12要左枝凍豆漿，少少偏甜，解辣一流😝

為食貓好鍾意食水煮魚、酸菜魚之類不過好多餐廳都只會提供幾個人份量嘅魚😅但唔係所有人都鍾意食魚或者食辣咁嘛，所以為食貓成日想食都無得食琴日為食貓終於發現到呢間可以自私食水煮魚嘅餐廳啦👏🏾👏🏾食物餐廳有好多唔同種類嘅四川菜式可以食，有水煮系列、酸菜系列、自由搭配嘅辣粉麵、炸物小食等等❤️總之就係一個人食又得，lunch hea食又得，絕對唔駛咁煩約朋友一齊食😂😂飄香水煮魚配白飯（bb辣）個set真係非常之抵呀👍🏾雖然話係一人份量，但d魚超級多，入面重有蓮藕、芽菜、海帶而個湯都夠晒惹味，送飯一流，不過大家要留意bb辣都唔係唔辣😝會食到出晒汗（如果揀佢個菊花🌼辣，唔知係咪會食到個pat pat痛呢❤️‍🩹？）食完個飯，再飲番支唔甜嘅烏龍茶(+$15)啱啱好啦💜可以即時解辣🌶粉麵套餐 （3餸）唔鍾意食魚嘅朋友，又想食四川辣，就可以叫呢個自由搭配嘅粉麵套餐 重可以揀要咩味嘅辣，咩粉麵Tim推介小食脆皮墨魚膠 $48呢個好似春卷嘅小食入面大有乾坤❣️個餡係超級之大彈牙嘅墨魚膠嚟，好爽口，好好食，會食唔停口😂香炸豬大腸 $38炸豬大腸係為食貓嘅最愛💖雖然好肥，但真係忍唔著會叫😫呢個炸豬大腸又臭又肥，正呀雖然