川婆婆 (利園山道) (已結業)

又一次忍不住要寫負評。在舖頭堂食，食到一肚火。🔥🔥🔥之前第一次叫外賣三餸粉麵，餸和米線都特別少，還漏了一款餸給我，味道一般(偏差)。以為是因為外賣影響食物的質素和份量。給他多一次機會，前往舖頭堂食。下午成個場只有兩枱客(包括我)。下單一碗豬耳，脆皮墨魚膠，豬肉丸，酸辣米線。來到時豬肉丸沒有，碗𥚃的是豬大腸。於是叫了三次，靚女唔該~唔該~唔該~ (都一次比一次大聲) 兩位姐姐站在近出餐位面向門口 背著店內傾計，彷彿世界只有她二人。我停頓了一會，忍不住起身企出去 :「唔該，我叫咗幾次了，我碗嘢黎錯餸，麻煩幫我換一換…掛住傾計 點叫都無人應！」之後她行到來我張枱 感覺她有種不屑的態度，看來怪我阻她們聊天。（真的不好意思🙃）終於開口吃東西了，豬耳出奇的硬，脆皮墨魚膠兩件 一點也不脆 應該放咗好耐 淋哂 內裡的墨魚膠只有一點。醬爆豬肉丸兩粒沒有什麼特別好或不好。米線份量少。酸辣湯底小辣，不酸不辣。🤦🏻‍♀️整個過程告訴我堂食和外賣都不要再來了。👋🏼

叫左麻辣 , 點知變左酸菜 , d 芋絲唔知係咪雪左冰格太耐 , 完全咬唔到 , 好似食左個膠袋甘 我唔食得牛 , 但碗粉無端端有肥牛 愈食愈難食 , 好似無心做落去甘 價錢都貴 , $52 3個餸 , 但玉子豆腐得半條都無食完呢一次 真係無下次

我係個好鍾意食辣嘅人，以前好鍾意食麻辣，而家就好鍾意食酸辣，因為特別開胃，所以係呢一年試咗好多間唔同嘅酸菜魚，今次介紹咗呢間川菜除咗有酸菜魚仲有好多麻辣小食。川婆婆係一間喺尖沙咀厚福街嘅川菜小店，喺2011年開業，總店只係做外賣。因為老細有次去四川旅行，食咗一間特色麻辣燙小店，覺得當地嘅小食非常好食，所以返到香港就萌生開店嘅諗法，所以就開咗呢間小店，係香港第一間麻辣燙店。開舖嗰時頭三個月都冇咩生意，到四個月來越多人食麻辣燙，要排隊先買到，瞬間變成尖沙咀橫巷既人氣小店。店主係依10幾年選材不嬲都嚴格，口味從一而終，迎合香港人口味，所以配料上以清淡為主，不過不失香味。客人越來越多，不過就抱怨老細幾時開一間大鋪，因為冇冷氣咁食麻辣燙始終都有啲辛苦，所以最後2014年喺附近開多咗一間可以坐40個位嘅大鋪，嘢食都唔再局限麻辣燙同小食，仲有最正宗既九宮格重慶火鍋，湯底有好多款，好似有養生湯鍋底、麻辣鍋底、魚湯鍋底等。之後仲打破傳統火鍋店概念，推出磯燒燒烤，2019年係旺角開設超過四千六百呎既麻辣火鍋店，以粉紅藍為主調色，雖然之後結業左。銅鑼灣分店係2020年疫市擴充，一樣有堂食座位，主打各式川菜料

粉面量正常，但餸的分量勁少，每樣得兩件，菜得5-6條。。。。仲有豬手有毛。。。無曬胃口，炸雞既炸粉多過雞肉。。。粉有啲硬。。。真係有待改善。。。因為幫襯過幾次，俾過幾次機會都係甘，所以先寫食評

已經連續幾次外賣落單都miss左，次次去到都未整我張單，個staff掛住玩電話要我提先知，咁我提早落單去到又係要等為咩，好心佢玩少陣啦！之前買無問題，係轉左呢個人先咁一聲唔好意思都無

8/2幫襯外賣 粉麵餐已經要$50 得3個餸 照叫左 再加$10 金菇 $10酸菜辣牛腩 外賣total $72 成碗野叫左去拎番到去原來冇分湯 D薯粉索到成換野冇曬湯 變左伴粉咁 個碗又細 跟本變成唔係湯粉咁 呢個價錢應該分埋湯$2盒錢 D員工應該問一問需唔需要分湯 加錢咪加 好過索曬湯真係垃圾再講$10金菇得一撮仔（圖中）$10辣牛腩又乾又硬 似牛肉乾多過牛腩 成碗野又淡 如果質素咁不如唔好做 好似是但淥D野俾人食咁 真係好垃圾 整體質素真係非常之差 性價比非常低 可以唔使再幫襯

今日同男朋友過咗嚟銅鑼灣呢度，然之後我哋睇完戲就睇吓有啲乜嘢食，然後就俾我哋發現呢間銅鑼灣嘅川婆婆，發現呢度原來都好多嘢食睇個餐牌都流晒口水。我哋叫咗酸菜魚，呢個酸菜魚用咗好多嘅酸菜，所以令到個湯呢好大浸酸菜嘅味道。再配合埋酸菜魚入邊嘅魚，已經入晒酸菜嘅味道。所以非常之開胃又好食蕃茄雞柳蕃茄嘅湯底係真係用真正嘅蕃茄慢慢熬製而成嘅，所以個湯底飲落去嘅時候非常之舒服同埋順口基本上個湯係可以攞嚟變成湯飯添所以總括來講真係一間超級好食而且非常正嘅一間餐廳，下次一定會過嚟再幫襯

基本上鍾意食辣嘅人都會過嚟川婆婆食飯😻過到嚟嘅時候人流都幾多應該都幾熱鬧坐低就睇吓餐牌有乜嘢食😼😼口水雞 $48 可加$12配白飯😽呢個口水雞，真係超級好食，加上佢呢個價錢真係好平，佢呢個醬汁配合埋口水雞真係流晒口水，然後仲可以加$12再配埋個白飯，就可以完美咁用埋嗰啲汁酸菜魚配白飯 $76😻然之後就要同大家介紹吓呢個酸菜魚，呢個酸菜魚真係好好味道最重要嘅就係真係好多魚。所以食落去嘅時候好滿足手撕雞拌麵 $58😺😸呢個手撕雞半面亦都非常之出色，我哋先從價錢黎睇其實都好平，再加上佢嘅手撕雞份量亦都好多，所以基本上每一啖面我都食咗手撕雞

今日黎到銅鑼灣呢間川婆婆 呢間係比較多食小食或者係一啲小菜咁樣 我自己覺得呢度嘅嘢食都幾多 同埋都幾多樣性 改呢度食應該可以滿足到好多人嘅食慾 伴隨著嘅就係呢度嘅環境都非常之舒服酸菜魚配白飯 $76入到嚟坐咗一陣之後睇下餐牌就發現呢個酸菜魚 自己非常之鍾意食酸菜魚 呢個酸菜魚嘅味道真係非常之過癮 酸味道啱啱好 配合埋啲魚就非常之開胃同埋好食 所以我自己都有叫埋白飯 用啲酸菜湯底 去配飯食 非常之過癮手撕雞拌麵 $58然之後仲有呢個手撕雞拌麵 手撕雞嘅份量都幾多 再加上拌麵嘅汁亦都好好食 呢個價錢性價比真係非常之抵食

今日同男朋友好早就出咗街 去影相 影完相見到時間都仲係好早 但係我哋都有啲攰呀 所以就搵個位坐低食下嘢放鬆一下 但係又唔想食得太過隨便 所以今日就過咗你呢間喺銅鑼灣分店嘅川婆婆 之前一直都有食開尖沙咀嗰間 非常之鍾意佢嘅口味 所以今日係特登過嚟呢間川婆婆試下粉麵套餐三餸一麵 $50豬大腸 豬耳 台灣香腸 特色火鍋粉首先講下呢個超級抵食嘅三餸麵 我自己就揀咗豬大腸豬耳同埋 台灣香腸 我自己最鍾意食呢個香腸 非常之有特色而且有好香口 然後個面我就揀咗佢哋呢度特色嘅火鍋粉 麵質好得意麻辣鴨血 $38呢個亦都係呢排非常之流行嘅鴨血 我自己覺得好好食 因為佢麻辣嘅味道非常之好味水煮羊肉配白飯$86然之後就食茶呢個水煮羊肉 我覺得比起平時食開嘅水煮牛肉 更加好味道 因為啲羊肉嘅騷味會入咗落去少少湯底入面 但係又唔會太重 所以都好好味道 仲可以叫埋白飯一齊

身為一個非常之鍾意食雞嘅人 手撕雞當然係其中一樣 自己都曾經嘗試過整好多次手撕雞 但係其實真係唔係咁容易 手撕嘅手法真係有一定要技巧 再加上仲有醬汁嘅配合 先至可以完成咗一個好食嘅手撕雞 今日因為有朋友介紹話呢度嘅手撕雞非常之好食 所以就過咗嚟呢間銅鑼灣嘅川婆婆 過到呢一坐低就基本上冇乜點睇個餐牌就即刻叫咗個手撕雞拌麵手撕雞拌麵 $58呢個手撕雞拌麵首先從價錢講起 佢真係一啲都唔貴非常之抵食 再加上去嘅份量都幾多 呢個真係有啲驚喜 放到檯面嘅時候已經聞到陣陣嘅香味 然後放入口嘅時候真係食到手撕雞 嗰陣好好味道嘅雞味 然之後下面嘅拌麵 麵嘅質地亦都非常之好食 有少少 爽口嘅感覺

呢間銅鑼灣嘅川婆婆真係非常之多嘢食 淨係睇個餐牌已經流曬口水 真係超級犀利呀 呢個餐牌入面亦都有辣有唔辣嘅嘢食 我以為川婆婆淨係得食辣嘅嘢 估唔到乜嘢都有得食 真係非常之犀利 呢度因為新裝修嘅關係感覺好乾淨 坐得一陣就決定嗌咗嘢食先我自己叫咗呢一個蕃茄雞柳 呢個蕃茄湯係非常之真材實料嘅蕃茄湯 唔係嗰啲用醬汁溝出嚟嘅 食得出係煲出嚟 所以個湯真係非常之開胃而且好食台灣香腸亦都好有台灣風味 配合埋上面佢自己嘅香辣醬汁 正呀涼拌萵筍 亦都係好脆好爽口 同埋都好大塊口水雞個醬汁亦都好正 因為佢個口水雞 真係會令到口水分泌增加 呢個感覺亦都好好味

.平時銅鑼灣做完facial 都會係銅鑼灣覓食🥰食飽飽先返🏠我地搵左間辣野食🌶我地兩個都係叫左3餸$50🍜食米線黎講都貴左小小😆但都接受到嘅………🌟酥炸雞球🐥有點失望🙍🏻‍♂️變左雞粒🙈而且凍左又淋左😳唔係即炸………..🌟反斗墨魚🦑膠豆卜都係同雞球一樣，又凍又實😳😳🥲唔係即叫即炸🙈………..上面呢兩樣真係失望左🥲🙈下次再去食可能簡d唔係炸物比較好🥲……….🌟湯底第一次食簡左中辣🌶🌶但都唔太辣，下次要食菊花辣先得🤣🤣因為唔夠辣，問職員可唔可以添多d麻辣醬🌶🌶🌶但職員聲稱用辣椒油🌶都一樣廚房都係咁做🤣🤣但落完湯底完全變曬味😳😳😟😟早知唔聽職員講😭😭😭………..味道：🌕🌕🌕🌑🌑3/5服務：🌕🌕🌑🌑🌑2/5衛生：🌕🌕🌕🌕🌑4/5回頭率：🌕🌕🌕🌑🌑3/5(好想試埋菊花辣!!!!!)🥰正呀………..整體都係麻麻地🥲😟😭但有位熟客都幾好人😆，我咳仲遞上紙巾🧻🥰……….

今日同男朋友冇事做 所以周圍搵下其他餐廳食嘢 又或者行下街 但係食嘢方面我男朋友淨係鍾意食辣嘢 所以都頭痛咗一陣要食啲乜嘢 咁啱我哋行街附近就有一間食辣嘢嘅餐廳 而且係好出名嘅川婆婆手撕雞拌麵 麵嘅質地非常之好食 佢有少少台灣嘅味道 手撕雞醬汁亦都好好食 手撕雞肉質唔會好硬呢個加咗自家制醬汁嘅魚皮餃 相當之開胃嘅一個小食 同埋入面嘅魚皮餃都好大粒呢個就係我男朋友食嘅水煮羊肉 我試過去過 水煮羊肉好好食 羊肉騷味啱啱好最後試埋呢一個皮蛋 呢個皮蛋嘅麻辣味道已經入咗去皮蛋入面

今日嚟咗銅鑼灣呢一間川婆婆食嘢 返到嚟見到都 幾多人 再加上呢度真係一種好香嘅味道 喺個場度會飄散住 所以 令到人有一種非常之開胃菜快啲食嘢嘅感覺 呢件事感覺好神奇水煮羊肉配白飯$86首先坐低第一樣嘢叫嘅就係呢個 水煮羊肉 呢個 水煮羊肉嘅質地真係非常之好食 比較少見到有用羊嚟做水煮嘅 但係我自己覺得就好好食 因為羊肉嘅味道係會入咗少少湯底入面干撈蒜香火鍋粉 $36呢個就係我今日食過覺得好有特色嘅火鍋粉 火鍋準質地係有啲彈牙嘅 係真係好入味 覺得好好食試過呢度之後真係返唔到轉頭 呢度啲嘢食嘅質素真係非常之高 啲嘢食都係好香