川婆婆麻辣燙 (已結業)

好好味的麻辣燙我叫左大辣先夠辣米線配土豆 魚皮餃 午餐肉 娃娃菜 好好味啊 餸全部都好入味 特別是魚皮餃同土豆片好軟身好入味可惜冇得堂食 只可以外賣喜歡食辣的朋友都推薦食一定

▶️筲箕灣東大街食肆林立，一到中午食飯時間人頭湧湧，十分熱鬧，食店要在這條街爭一日之長短何其容易。▶️今天中午十分炎熱，沒有胃口，便到川婆婆食車仔麵，這店提供餸的類別與款式跟其他車仔麵檔差不多， 如果揀淨餸套餐，可以最多揀八個餸都是$39，感覺上好豐富。▶️我揀了四餸一麵套餐，盛惠$33， 原先想揀麻辣湯底，但喉嚨有啲唔舒服，最後決定揀清湯，整個麵的味道不錯，魷魚鬚爽口，豬腸清洗得乾淨，肉林入美，湯底不會太咸，唔錯。(下次等喉嚨好番再試下麻辣湯底先。)

尖沙咀厚福街呢一度除咗有好食嘅餐廳之外, 其實側邊仲有好多香港嘅街頭小食.今晚同男朋友來到尖沙咀呢度食飯, 不過男朋友又好肚餓, 行過見到呢度有一間川婆婆, 就衝左過去啦😂為食的男朋友看到店子少少但人客眾多, 原來呢一度出名食麻辣燙, 同麻辣粉因為好多人都係食麻辣燙關係所以等都需要一段時間, 所以引致成間店都係人客馬勒湯啲份量好似有d多, 最後尾男朋友叫咗＄10/6粒麻辣魚蛋價錢在尖沙咀來講真的算是十分抵食, 咖喱魚蛋吃得多, 加上麻辣粉嘅魚蛋的確少食魚蛋食落去呼油彈牙口感, 唔會煮到林晒, 口感的確唔錯! 加上有麻辣籽嘅關係, 麻麻辣辣都幾過癮👍🏻👍🏻👍🏻

車仔麵都要等40分鐘先上 。第一次食車仔麵等甘耐。觀察下其他人，都係好耐先上。隔離食雞煲，都係好耐先上一碟餸。服務態度都好一般。不過湯底味道唔錯，有特色，應該係加左d蒜，所以特別香 。

好少餸，每樣得兩粒仲要係迷仔版雲吞同魚皮餃一樣，LOL怪唔知得，午飯時間都甘多位仲有服務態度真係嚇親我，黑口黑面加完全唔想睬人無論態度，食物質素同環境都極差，真係無下次!

走堂都要食嘅川婆婆🤤🤤每次必叫豬紅、豬潤、娃娃菜，粉絲麻辣中辣，走蒜。係不變嘅定律。豬潤岩岩熟，好爽口而且唔粉。豬紅有種吸引力，每次黎都一定會食。娃娃菜好多而且好稔身，佢吸左d湯好好食。

東大街好多嘢食，但假日，出名嗰幾間一定排長龍今日見呢間無乜人，於是幫襯，諗住食個車仔面就算就叫咗蟹籽丸、午餐肉、芝士腸、肥牛加一份麻辣魚蛋一杯COT點知嚟到，無芝士腸嘅？我於是問個店員啦，原來係俾錯咗芝士丸呀⋯⋯搞清楚之後，我都無講嘢，個店員主動話俾返份芝士腸我，我話唔駛啦，佢話唔緊要，之後好快就俾返三粒芝士腸我喇兩塊厚切餐肉有驚喜！煎過仲唔太燶，喺湯入面都仲有少少脆邊！車仔面（麻辣燙）嚟講真係好有誠意！再食牛肉，好足料！麻辣魚蛋，以前喺尖沙咀食過，好味最後我想講，呢間店職員好有禮貌

＃1寶寶本是尖沙咀川婆婆的小粉絲。曾經一度放學後跑到婆婆家吃薯粉，我都被她的「麻」夠搶了，十分喜歡。終於在今日試一下香港島婆婆家的手勢。進店時間大約下午6時左右，店內並不人多，只有兩台客人在吃。認真說，＄33 三餸面，並不貴。寶寶略選了豬紅、豬腸、蟹籽丸。由此可見，辣油和湯分開得過分，右面湯一點辣也沒有。少了尖沙咀家的「麻」搶。整體是失望而回。但豬大腸乾淨沒渣，肥腸導致入口即溶，實屬驚喜之作。豬紅是普通貨色，假如可以再黏牙一點會較好。蟹籽丸不值一提，只是平日的「佳寶」貨。細薯粉也不是彈牙貨，太淋，太軟。來婆婆家吃的不是材料，而是要喝她的湯，但竟然失望而回。

路經東大街，終於有機會食聞名已久嘅川婆婆，下午二點幾舖面冇乜人，吉位好多。坐底後見到枱面有點菜紙，選擇非常豐富，而三餸面先＄33，實在吾算貴。最後叫咗個魷魚鬚，金菇菜同埋雞絲米線（小辣，走葱）。碗面嘅份量唔係好多，一個人夠食又吾會飽得滯。小辣得黎又吾係過多辣油，最驚碗麵食落啖啖油架喇。碗麵上面有一Pat唔知係咩嘅白色醬，我將佢溶咗係碗熱湯入面，但我食完碗麵之後都下吾到定論個pat究竟係啲咩黎。有樣唔係幾鍾意嘅就係，我明明係叫雞絲，但就俾左雞肉我，仲要係有啲肥膏嘅雞肉添， 個人實在唔太喜好食肥肉，最後嗰啲“雞絲”一啖都冇食過。

今日臨時被安排番筲簊灣那邊工作，放飯時間同事帶跟路,今日去左川婆婆度食,貪lee度近近地,又好食又大碗,夠晒飽!今日叫左墨魚丸,芝士丸,蘿白紅薯細粉,黎到食得緊係要蒜同蔥仲叫埋少辣,咁碗粉先夠晒蒜香味同蔥既香味再加埋辣辣地,食落更惹味好食,墨魚丸大大粒好彈牙爽口,芝士丸彈牙得黎,裡面芝士一口咬落去,bid晒出黎勁好味,蘿白可能岩時侯,冇根同好甜都唔錯,紅薯粉爽爽淋淋既口感,個人勁like d粉撈埋汁一齊食,仲正! 飲品熱檸檬茶,檸檬應該幾靚一d苦澀味都冇,飲落就會好飲好多! 基評分: **味道(基基基)**外貌*(基基)*抵食(基基基)**服務(基基基)**最後基言:辣油幾香，不錯，午餐40蚊唔洗,幾抵!

上次同朋友一行四人去食 入到去果陣冇咩人 有多兩枱人 其中一枱仲要已經食緊 咁好啦 我同朋友都冇點到主菜 全部都係叫麵 慢慢多左人我就費事一陣要等就點左 一路等等等 等左差唔多半個鐘（只計落左單後） 我地就問係咪冇落到單 個員工就話你地要等下 整緊嫁啦 你地之前仲有十幾張單 我地聽佢話整緊咁唯有等埋 但係如果知顧客要等咁耐 係咪應該講聲（冇同佢咁講） 之後坐我地左手邊遲過我地入黎果張枱既人都開始等到火都黎 個男人同我地講話網上面原來都有講過依間野要等勁耐 佢地做外賣單先 最後我地等左成40分鐘先開始黎 味道其實真係唔錯既 但係我地當中有兩個人未食晒有兩個侍應就過黎收野 我個frd仲食緊 個TB侍應 同個男侍應背對咁講：食咁耐 連條菜都未食完 態度好差 而且我地都只係食左20-25分鐘到 碗麵又熱又辣想我地食幾快 當時我地冇回嘴 但係真係好嬲 第一次寫評價 以後都唔會再去 ！食晚餐食到一肚氣😤

太慢!慢!慢!慢!等左半個鐘，平均要5分鐘左右先出一樣野，仲要先煮外賣...睇落人手唔夠呀!宜家已經等左快40分鐘，lunch time得一個鐘的人唔好來啦！太慢太慢太慢太慢太慢

近排鍾意咗食米線；今日去到東大街，見到川婆婆，都要試吓好似車仔麵咁，有多款餸，以供選擇；叫咗3餸+粉麵套餐湯底選了麻辣（微辣）；餸有雲吞/芝士腸+ 蘿蔔。麻辣湯底加少許辣椒油，就是微辣了。而3個餸其實無什麼特別，而白色的醬加上少少胡椒粉，原來就係成個湯嘅精髓-蒜蓉醬（味精）。$32 有碗麵食，加$7 又有凍飲；價錢以現時嚟講都算ok。不過，我唔太鍾意d 味道囉！

平時我一向很少給負評，但這家店真的一點也不行人不多，不滿，沒幾檯人，但居然一碗麵就要我等半一小時！好吧，等一小時也不要緊，如果麵是很好吃，倒也沒有什麼關係畢竟只是等待時間長了點，對不？美食是需要等待但味道上，真是很令我吃驚，第一麵感覺是吃了味精條！味道很重，重到我多要吐出來其次配料不算多，丸只有兩粒，連豬潤都很少是什麼一回事？那很貴嗎？然後仲要不熱……我懷疑根本不是一起煮的…只是之後再倒落去浸最慘是芝士丸，因為太熟爆開左，所以芝士係湯入面，完全無食到蘿蔔一點都不好吃，又硬又有根基本上這間店連一絲一毫的好都感受不到負評！必須負！

頂，超垃圾，效率太差，明明都無人食，都等左成個鐘都唔上菜！問侍應態度又差，根本唔理你！終於等到上菜，明顯求其整，唔好食，一個本來美好的周五晚就咁浪費左！極度差評