川婆婆麻辣燙 (已結業)

路經東大街，終於有機會食聞名已久嘅川婆婆，下午二點幾舖面冇乜人，吉位好多。坐底後見到枱面有點菜紙，選擇非常豐富，而三餸面先＄33，實在吾算貴。最後叫咗個魷魚鬚，金菇菜同埋雞絲米線（小辣，走葱）。碗面嘅份量唔係好多，一個人夠食又吾會飽得滯。小辣得黎又吾係過多辣油，最驚碗麵食落啖啖油架喇。碗麵上面有一Pat唔知係咩嘅白色醬，我將佢溶咗係碗熱湯入面，但我食完碗麵之後都下吾到定論個pat究竟係啲咩黎。有樣唔係幾鍾意嘅就係，我明明係叫雞絲，但就俾左雞肉我，仲要係有啲肥膏嘅雞肉添， 個人實在唔太喜好食肥肉，最後嗰啲“雞絲”一啖都冇食過。