川品雲南米線

营业中

休息中

睇新假期介紹，今日有時間去排下隊，大約十零分鐘左右，叫左雙拼米線，豬扒和豬軟骨，再加鹹蛋流心丸，人氣必點👍，真係睇完再去試食果然沒令人失望，加上酸麻辣十分突出，豬軟骨肉質十分軟嫩，唔洗太用力咬已經容化在口裏。之後試左甜芋春卷，以為麻麻地，所以沒影相，好食，但唔太識形容😅

味道比舊鋪更好，較為我喜歡的味道，豬軟骨軟諗諗，湯底容易入口，好好味，環境好左，食飯時間要排一陣隊，另外食200元有2小時泊車優惠，可以唔需要擔心架車，真的唔錯👍

米線關注組成日見到推介，今日終於一試，排長龍，等咗一陣就入得，10分鐘後有得食，一上餐有少少吓親🤭🤭🤭好大一碗，可能叫的多餸，湯底叫咗酸麻辣，好濃郁豬軟骨入味，中間骨位係呈啫喱狀態😍😍😍炸鯇魚脆口，浸落湯索汁朋友就叫咗金湯酸菜魚米線，佢話都好好食，魚片滑溜，不過忘記了影相😂😂通菜就中規中矩，腐乳汁惹味，最後叫咗紅糖糍粑當甜品😁大滿足😋😋已經同朋友約下次來試下佢最出名的豬頸肉和豬扒🤭

米線關注組 好多人講嘅川品米線，大角咀同新蒲崗都有分店。大角咀分店由地舖搬咗入新九龍廣場，環境寬敞左，但lunch時間依然大排長龍。QR code自己落單，落單後25分鐘左右先有米線。小鍋米線包兩餸 $48 餸嘅種類幾多單拼/雙併米線 $49/ $65豬扒/雞扒/豬頸肉/豬軟骨/鯇魚，如果要揀呢幾款餸，價錢會貴啲。可以單併再加$8揀小鍋米線嘅餸。當日揀左👉🏻豬頸肉加韮菜餃米線，酸麻辣湯，加左炸豆。。豬頸肉，一開頭食到好脆，但浸住湯，好快就淋哂，好油膩。韮菜餃，普通質素，餃皮較厚。米線，幾煙韌，唔會太淋或太硬。湯底，唔夠濃味，只感覺到咸味，酸菜都偏咸，整體無酸味。

星期五晚要等個女補習，7:30就行到這裡，門外排了5個人，以為是新鋪都咁多人？之後睇番op,就知原來是舊鋪搬過來的😅，我見是食麻辣米線，以為似譚仔般，平時都鐘意食譚仔的就試下這間😊我一人食，等了10分鐘就可入座，用QR下單，又快又簡單👍，叫了腩肉魚片頭麻辣，等了10分鐘得食了🙂，試下個湯先，好濃好味，和譚仔的是兩款口味，各有特色，米線適中，有彈性，腩肉都不錯，但魚片頭得普通，可以不叫，米線加了炸豆，但不夠脆😅，整體來說得好啊，又夠大碗，返到屋企覺得喉嚨有點乾😢

川品雲南米線係大角咀一間非常有名氣的米線店，經常出現在米線討論組中。以前是一間小店，但最近搬到商場大舖，有人說質素下降，所以我就去試試看到底發生了什麼事。湯底除了有麻辣和酸辣之外，還有比較特別的沙嗲和麻辣胡椒湯底。配料方面有很多選擇，包括一些比較常見的，我選了這裏出名的腩肉和嫩雞肉。首先試了湯底，整體比較清淡，不像雲南米線那種豬骨湯底那麼濃郁，也不算非常辣和麻。其實天星米線店也有這種湯底，但相比下，川品的湯底更加舒適，不太刺激，但舌頭上仍然能夠感受到辣和麻的味道。至於配料方面，五花牛腩是五層肉，不會太肥，燉得很入味，但肉質有點嚴實。反而嫩雞肉有驚喜，無冷凍肉的雪味，但最特別係川品的雞肉有餣過，帶少少鹹香，夠晒入味，同時肉質做到滑嫩!整體來說，即使不用排隊等位，質素仍然不錯，值得再試一次，下次可以試試他們出名的豬扒或豬頸肉。

第一次試呢間，之前冇聽過，有人介紹先識原來佢細舖搬大浦，多啲位～專程坐車來吃🍜來到大排長龍😮有限的午餐時段內都要一試唔使半個鐘都入到去嘅我諗非繁忙時間會好少少非常多餸菜選擇，而且價錢都幾優惠$5xx 叫到2餸仲有嘢飲👍🏻不過可以更入味豬紅本身漏了呢🫡補上時是清湯不夠味叫了酸麻辣，小小辣，唔夠辣，下次可以試吓辣啲或者試吓麻辣我見仲有沙嗲湯底聽說萵筍也是比較淡同區來說我比較喜歡「天星雲南米線」不過我更掛念天水圍的「麗江雲南米線」，冇得輸！！！

大角咀返工雖然地方唔就腳，但係以食物質素嚟講真係一篇福地，每日lunch食啲乜都可以話係花多眼亂，今日同同事試咗呢間川品雲南米線，非常值得推介！川品雲南米線由於同事本身住大角咀，所以對附近一帶非常熟悉，佢話基本上所有大角咀居民都聽過呢一間穿崩雲南米線。佢啱啱由大角咀細舖搬大舖,搬左入新九龍廣場入面,地方寬敞錯落都幾舒服！朋友仲話好難得佢地方搬大咗，但價錢不變又不另收加一! 我第一次食,點了: 小鍋米線揀左嫩雞肉蟹柳，多芫荽雞肉真係好滑好嫩酸麻辣湯微辣，所有味道都適中，係絕對會上返嚟再試多次嘅質素！

好多人話好食，但係真係好失望!!!叫左酸麻辣，但係此熱水加罐頭麻辣醬點解禁多人話好味？？？ 潭仔仲好味過佢！湯底好淡（真係好淡）- 如果天*有10分，川品得2.5-3 分如果老B娘有10分，川品得1-1.5 分 面份量又少，招牌牛腩肉無特別又少份。最好食係個豬頸肉，但係放左係湯裡面，碗麵來已經琳了大老。唔知係埋夜晚食有影響，可能廚房發現唔夠湯所以加左水煮真心想相信係好食。會俾多一次機會如果好食，我會改這個評論，如果一樣淡，建議大家唔洗食

之前見一開張呢度就有好多人排隊，今日都唔例外，12點多啲，門口已經排晒隊，前面大概有五六個人左右。初頭睇Menu好似五花潦亂，之後發現有QR code落單，就方便簡單好多。最後叫咗個兩餸米線外賣，係麻辣胡椒湯小辣，配菜揀咗牛柏葉同埋招牌腩肉，總共係$48。呢度米線少米冇得平啲，外賣如果分湯要加錢。返到去一打開門米線，個湯好濃味下，飲落有好重嘅胡椒味，味道偏辣，佢有芫荽蔥同埋炸豆做配菜。炸豆好好食，反而啲芫荽味唔係好出。米線略嫌淋咗少少，我以為招牌腩肉係五花腩，但原來係豬肉片嚟，味道都唔錯。總括嚟講，湯底好濃味，米線可以爽啲，都值得一試。

🥢大角咀 實測搬新舖豬頸肉豬扒豬腸麻辣胡椒湯米線🥢之前一直覺得大角咀有間米線小店，CP 值好高又好抵食，行到去點知變咗一間越南粉，上網睇睇原來最近佢地搬咗入商場，地方光猛咗又大咗，今日就去試吓水準有無唔同先🥢今日過到來雖然就收舖，都需要排一排隊因為入面4 人檯係唔需要搭檯，所以前面只有2 人排隊但都要得候15 分鐘，有點太慢，睇得出新開檔，店員要適應新環境都好禮貌盡力幫忙但力不從心有點冧檔feel🥢落單係改咗用電腦QR Code 落單，雖然方便咗，但可能店員唔係好識用，落完單有部分配料完售，但仲可以㩒到，搞到廚房姐姐出do問轉邊樣餸，到出咗來張單係二百幾蚊，原來係上一檯埋完單未完成，變咗我哋係加埋一齊，所以要睇清楚同check 單，以免收多錢🥢豬扒米線 $49 +豬軟骨$16 (沙嗲湯） 汽水 $6 豬扒係直接浸在湯入面已經腍曬，口感比較無咁脆而豬軟骨係幾抵食大大舊肉連軟骨，但係米線煮到太腍定係浸到太腍完全無咬口，沙嗲湯沙嗲味道比較薄弱，似平時米線的湯底咁🥢豬頸肉米線 $49 +豬大腸$8 (麻辣胡椒湯）豬頸肉以前覺得係呢到的招牌，但而家已經變到碎濕濕，而且碗湯太多亦係將豬頸肉浸泡在入

之前未搬新鋪就已經好想試，但每次經過都大排長龍🥺今次好好彩一去到就有得入座😆環境光猛，枱與枱之間都幾闊落，坐得舒服叫咗1份小食，1碗3餸小鍋紅薯粉呢個醬拌皮蛋個汁味道啱啱好，唔會太鹹，有少少辣。因為太惹味嘅關係，喺個粉嚟之前就已經好快食晒😂小鍋紅薯粉 (魚片頭，蘿蔔，爆汁貢丸) 酸麻辣湯-小辣平時食雲南米線我係叫開小辣，今次個湯底我都係揀咗小辣，但…….佢食落去係似中辣嘅感覺🔥其實個薯粉嘅軟硬度係好適中，好食，而啲餸都係正常發揮，但係個湯底真係太辣喇🥵我今次係叫酸麻辣湯，不過湯底冇酸菜，酸味比個辣味蓋過咗，原本係諗住酸酸辣辣應該幾開胃下次想試埋佢其他湯底同埋記得要叫返小小辣😅

轉新鋪係對面新九龍商場！環境舒服企理！味道依然好食可惜人手唔夠！竟然有啲米線都仲係硬未熟！！明白係急住出餐～～希望快啲請到足夠人手！穩定順暢運作！保持食物品質！💪

📍🇭🇰 川品雲南米線川品，住大角咀的朋友都應該聽過呢個名字！現由大角咀細舖搬大舖，搬左入新九龍廣場入面，雖然面積玲瓏，一眼望哂，但起碼寬敞左，可以坐多左客人！重點：價錢不變又不另收加一！我們第一次食，由於太多人，選擇了外賣拎走，分別點了：🔖 小鍋米線 {HK$48} 可配兩款$8以下的餸都幾多選擇！- 揀左鹹蛋流心丸｛估唔到大大粒又真係幾流心和幾好食！｝和嫩雞肉- 湯底：酸麻辣湯微辣🔖 過橋米線大大碗 {HK$63}已有配料：肥牛、魚蛋、墨丸、牛丸、豆卜、火腿、蟹柳- 湯底：麻辣胡椒湯微辣- 很豐富下次再試堂食啦！

今日經過新九龍廣場，見川品原來搬咗黎呢到，裝修靚咗，環境寛敞，亦都乾淨咗，對食客黎講個體驗係好咗好多！今日午餐時間過去食，都唔少人，排隊都等咗30分鐘，唔知係咪新開關係，人手比較少。野食種類都幾多，$48小鍋米線包兩餸，野飲+$6，感覺上以雲南米線鋪黎講係偏貴。叫咗小鍋米線配招牌腩肉及嫩雞肉，沙嗲湯小小辣，感覺上都幾辣，似譚仔2小辣-3小辣程度，沙嗲湯味都足夠濃度，食落都幾滿意。配餸方面，腩肉份量都幾多，我唸應該都有6-7塊，嫩雞肉份量就少啲，有點可惜整體黎講碗米線$48我覺得尚可，只係份量偏少，可以嘅話多返啲米線同配料，大方啲，性價比會更好，當然味道上係好食！