影片
更多
2023-04-05
1961 浏览
🥢大角咀 實測搬新舖豬頸肉豬扒豬腸麻辣胡椒湯米線🥢之前一直覺得大角咀有間米線小店，CP 值好高又好抵食，行到去點知變咗一間越南粉，上網睇睇原來最近佢地搬咗入商場，地方光猛咗又大咗，今日就去試吓水準有無唔同先🥢今日過到來雖然就收舖，都需要排一排隊因為入面4 人檯係唔需要搭檯，所以前面只有2 人排隊但都要得候15 分鐘，有點太慢，睇得出新開檔，店員要適應新環境都好禮貌盡力幫忙但力不從心有點冧檔feel🥢落單係改咗用電腦QR Code 落單，雖然方便咗，但可能店員唔係好識用，落完單有部分配料完售，但仲可以㩒到，搞到廚房姐姐出do問轉邊樣餸，到出咗來張單係二百幾蚊，原來係上一檯埋完單未完成，變咗我哋係加埋一齊，所以要睇清楚同check 單，以免收多錢🥢豬扒米線 $49 +豬軟骨$16 (沙嗲湯） 汽水 $6 豬扒係直接浸在湯入面已經腍曬，口感比較無咁脆而豬軟骨係幾抵食大大舊肉連軟骨，但係米線煮到太腍定係浸到太腍完全無咬口，沙嗲湯沙嗲味道比較薄弱，似平時米線的湯底咁🥢豬頸肉米線 $49 +豬大腸$8 (麻辣胡椒湯）豬頸肉以前覺得係呢到的招牌，但而家已經變到碎濕濕，而且碗湯太多亦係將豬頸肉浸泡在入
🥢之前一直覺得大角咀有間米線小店，CP 值好高又好抵食，行到去點知變咗一間越南粉，上網睇睇原來最近佢地搬咗入商場，地方光猛咗又大咗，今日就去試吓水準有無唔同先
🥢今日過到來雖然就收舖，都需要排一排隊因為入面4 人檯係唔需要搭檯，所以前面只有2 人排隊但都要得候15 分鐘，有點太慢，睇得出新開檔，店員要適應新環境都好禮貌盡力幫忙但力不從心有點冧檔feel
🥢落單係改咗用電腦QR Code 落單，雖然方便咗，但可能店員唔係好識用，落完單有部分配料完售，但仲可以㩒到，搞到廚房姐姐出do問轉邊樣餸，到出咗來張單係二百幾蚊，原來係上一檯埋完單未完成，變咗我哋係加埋一齊，所以要睇清楚同check 單，以免收多錢
🥢豬扒米線 $49 +豬軟骨$16 (沙嗲湯） 汽水 $6
豬扒係直接浸在湯入面已經腍曬，口感比較無咁脆而豬軟骨係幾抵食大大舊肉連軟骨，但係米線煮到太腍定係浸到太腍完全無咬口，沙嗲湯沙嗲味道比較薄弱，似平時米線的湯底咁
🥢豬頸肉米線 $49 +豬大腸$8 (麻辣胡椒湯）
豬頸肉以前覺得係呢到的招牌，但而家已經變到碎濕濕，而且碗湯太多亦係將豬頸肉浸泡在入面，而豬頸肉已經唔係以前咁即炸，變到好普通，湯底麻辣胡椒湯底味道正常，淡淡的胡椒香加上麻辣湯，味道幾夾，但米線同樣實在太爛，所以食咗一半放棄
🥢一間曾經令我哋念念不忘的一間米線，雖然環境舒服咗又大咗，但食物質素及服務直線下降，而且店舖貼上因為人手不足無飯類提供，電腦單未熟習又打多錢，地方大但人手不足好似未清潔好就俾下檯坐，整體雖然新裝修但好污槽咁，咁樣真係寧願唔搬舖做返以前咁樣嘅小店真係仲好，今次真係做壞曬招牌，新不如舊無下次
📍川品雲南米線 (大角咀)
大角咀大角咀道38號新九龍廣場地下023-026號舖
(舊舖已結業位置）川品雲南米線 (大角咀)大角咀晏架街77號富多來商場二期地下6號舖
张贴
