川品雲南米線

营业中

休息中

之前見一開張呢度就有好多人排隊，今日都唔例外，12點多啲，門口已經排晒隊，前面大概有五六個人左右。初頭睇Menu好似五花潦亂，之後發現有QR code落單，就方便簡單好多。最後叫咗個兩餸米線外賣，係麻辣胡椒湯小辣，配菜揀咗牛柏葉同埋招牌腩肉，總共係$48。呢度米線少米冇得平啲，外賣如果分湯要加錢。返到去一打開門米線，個湯好濃味下，飲落有好重嘅胡椒味，味道偏辣，佢有芫荽蔥同埋炸豆做配菜。炸豆好好食，反而啲芫荽味唔係好出。米線略嫌淋咗少少，我以為招牌腩肉係五花腩，但原來係豬肉片嚟，味道都唔錯。總括嚟講，湯底好濃味，米線可以爽啲，都值得一試。