川味雞烤魚大王 (大河道)

营业中

休息中

魚🐟細條，打底、配菜少之又少，食得辣既我..居然.....食完後肚胢左成晚，吾會有下次同個朋友，食左成晚只有三四張檯食，而對面鋪排曬隊...失望😞一點都吾滿足！

剁椒烤海鱸魚魚有好幾款選擇，店員話海鱸魚同魽魚會比較少骨而魽魚肉質比較厚實，最後揀咗海鱸魚。因為第一次食呢間烤魚所以好保守地只係揀咗少辣，點知完全唔辣，鐘意食辣的朋友至少要揀中辣呀店員的確冇介紹錯，海鱸魚得條正骨，碎骨唔多，大部分位置都係啖啖肉，肉質鮮嫩幼滑，可惜味道偏淡，食到最後都唔夠入味湯底有大量配菜，有白蘿蔔、薯仔片、娃娃菜、荳芽、剁椒、酸菜等等，白蘿蔔同薯仔片索晒湯汁就好入味啦Menu有好多唔同種類的打邊爐配料，但我地得兩個人食又唔太肚餓，所以只係叫咗白飯 $10 同闊薯粉 $22，白飯正常，薯粉膠味太重，唔夠煙韌，我地食咗幾啖就放棄咗啦

講到食烤魚，呢間川味雞真係不食不可，佢喺大河道附近，喺地鐵站由天橋行過黎都唔駛5分鐘，去到接近七點，都已經接近坐滿八成人，好彩咋。嚟得呢度就梗係要食佢個烤魚啦，有不同湯底同魚揀。我地就叫左個麻辣烤鱸魚，有酸菜，泡椒及剁椒味，我選擇了剁椒味。麻辣烤鱸魚上枱了，面上鋪滿了令愛食麻辣川菜的人見到已垂涎的紅辣椒，非常吸引。鱸魚肉質軟滑，麻辣帶香，很入味。萵筍，切到較厚，更增加了萵筍的口感，爽脆帶麻辣的，是麻辣一族的不錯之選。味道唔錯下次繼續。

星期五晚上八點幾去當日比較少人不用排隊。兩個人吃叫了一個小半條的鯇魚，重慶麻辣小辣。麻辣味不太正宗，味道偏咸，小小麻味。吃的時候非常口渴。而鯇魚味道不錯，沒有太多的細刺，吃的時候還是能吃到大塊的魚肉。另外的食物有豬紅、牛栢葉、芝士腸、薯粉、雪花肥牛、生菜。每份食物的份量剛好適合兩個人。

食過返尋味指數：🌕🌕🌕🌖🌑近幾年迷戀上麻辣不能自拔，四維搵麻辣食，位於荃灣區嘅一間骨紙小店完全帶俾我驚喜，滿足我對鮮味同麻辣香味嘅慾望。小食麻辣豬耳非常優質，汁底香口，豬耳爽口！主角烤魚完全驚喜呈現。魚味鮮美，魚皮都有D脆。底料充足，蘿蔔同白菜最抵讚！D豬肉非常高質，香口而且唔會鞋餃子驚喜海帶簡直係絕配，唔會吸曬D油，不過都好香。抵讚店員友善又醒目，而且好快手。我一定會經常返兜，成為常客！

講起烤魚，好多人都會揀返大陸食，但係其實荃灣已經有一間好正嘅烤魚！呢間食過幾次，朋友們都一致好評。每次嚟到都係必點麻辣，味道最香口！一盤有2條魚，魚係大骨，食落啖啖肉，無幼骨，食落好方便！肉質偏實，打邊爐最啱！食到尾d魚肉都無爛！之後打邊爐叫咗幾樣配料～蟹柳$42 條蟹柳吸曬d汁又麻又辣 推介午餐肉$42雖然啲人成日覺得打邊爐落午餐肉，好似食緊部隊鍋緊，但係午餐肉拎嚟洽下洽下真係無得輸，食落好滑，仲要係厚切超好味！隔離檯見到我地食都忍唔住要嗌小食揀咗個茴味雞翼，$28有四隻，聞落好香孜然粉味！

今晚收工約左同男朋友去食烤魚 就食呢間烤魚大王啦🙆‍♂️ 其實見到佢仲有雞煲既 不過兩個人食又好似太多肉🙅‍♀️ 都係食返烤魚正啲🙆‍♀️座位都算闊落 幾好坐 好似係孖舖tim💁‍♀️望吓菜牌 連龍躉都有tim 不過要預訂🙋‍♀️ 我哋今晚就食住海鱸魚先啦 haha🙆‍♂️海鱸魚都好大條 厚身好多肉💁‍♂️ 肉質夾起係一嚿嚿嘅 仲清楚見到啲紋 可見條魚係好靚好新鮮💁‍♂️💁‍♂️💁‍♂️💁‍♂️ 試一啖仲好滑tim ah 女朋友我超欣賞💁‍♀️💁‍♀️💁‍♀️💁‍♀️魚皮仲好似燒/煎過下 浸咗湯仲有啲脆口 好食🙆‍♀️🙆‍♂️男朋友仲叫咗幾個餸一邊食魚打邊爐💁‍♂️桂花蚌 $128男朋友盛讚 話個份量比出面嘅多好多 好抵食💁‍♂️💁‍♂️💁‍♂️ 淥一陣好快就食得 好爽脆💁‍♂️雪花肥牛 $88正正常常 都有牛味嘅 肥瘦亦適中💁‍♂️ 不過男朋友想食牛味再重啲嘅 下次應該會叫手切特級安格斯牛肉💁‍♂️手打鮮蝦滑 $78好爽口 但唔係彈牙嗰種💁‍♀️💁‍♂️ 蝦味好突出 都食到粒粒蝦膠 唔會話食到好粉漿咁💁‍♀️ 果然係鮮蝦滑今餐我同男朋友都好滿意🙆‍♂️🙆‍♀️ 個海鱸魚真係好好食呀🙆‍♀️🙆‍♂️ 男朋友仲話下次要試埋個珊瑚蚌🙆‍♂️

今日就去咗食川菜, 我諗大家都知道川菜嘅麻辣十分出名 所以嗌咗三個小菜都係麻辣, 分別係 紅油抄手, 涼拌海帶同紅油肚絲。呢間野既麻辣真係非常出色 涼拌海帶個麻油味非常之重, 食落好爽, 係非常之好嘅開胃菜, 食完胃口大增。紅油肚絲係另外一隻辣味, 豬肚醃得好入味, 配上青瓜既清爽, 真係好惹味停唔到口, 不過食到個嘴都腫咗紅油抄手係最出色嘅, 雖然佢嘅辣味冇其他嗰兩個餸咁重不過配合餛飩, 另一種滋味。最估唔到既係佢嘅醉雞煲都非常之好食, 一上枱加熱, 花雕酒香就散曬出嚟, 成個餐廳都聞到職員非常之貼心咁幫我哋落埋啲雞, 煲到到啱啱好, 好滑。食完辣野再食清野, 咁先COMPLETE 嫁MA

朋友話食過呢間烤魚好食，見我都鍾意食魚，叫我一定要試下喎。放工去到荃灣已經8點，好彩有人好醒目地book左位，去到已經可以就坐。本身好想嗌呢度最出名既原條海鱸魚，可惜已經賣哂。無理由一場黎到食雞煲架。結果嗌左原條魽魚頂住檔先，配剁椒。條魚有鮮味，唔係死魚，一路煮住條魚，啲魚肉都唔會太「鞋」。另外嗌左索味既響鈴，同黑毛豬肉片，兩樣野完全吸晒湯底既汁，好入味，兩個人食已經好滿足。途中，侍應會不時主動幫你加湯，唔洗自己叫，不錯。

次次行過見人食得多，好想搵次自己試下，終於，機會黎啦飛雲🤗本身book左8點半，早到左，老細都照俾我地入座。但係望到餐牌就sad左，無我最想食既原條海鱸魚😭一場黎到無理由走架ma，咁嗌左原條魽魚試下先，好食下次再黎。等左好一段時間，差啲想開聲問架啦，條魚就到左。原來佢要先張條魚煎封，咁就唔會煮到散晒👍🏻都真係幾大條😲另外仲有少少黃芽白，芽菜同薯仔片做配菜，好足料。另外嗌左響鈴同黑毛豬肉片，不過黑毛豬肉片既份量略少。食食下，個湯底好似越煲越鹹，有啲口渴，要再嗌野飲。

收工突然想食烤魚，行過見到呢間小店，一於入去試下。見佢主打係烤海鱸魚，因為我地唔太食得辣，於是嗌左個小小辣嚟試下。等緊條魚嘅時候就嗌左個麻辣海蜇食住等，唔會太辣，岩岩好，加埋青瓜同韮黃幾開胃。唯然佢好多辣椒喺面，但係其實唔係好辣，只係咸左小小，但因為咁所以啲配菜就好夠味。佢本身會跟左啲蘿蔔薯仔豆芽白菜，所以如果唔係好大食都唔太洗加配菜。而最令我驚喜嘅係佢會加左咸酸菜，味又幾夾👍🏼雖然條魚啲骨比較多，但係魚肉好滑，所以魚與熊掌，唯有食嘅時候小心啲。魚就食完，另外再嗌左蟹柳同韮菜餃，因為個烤魚汁好濃味，啲食物好快就好入味。打邊爐唔少等嘅肥牛就一定要嗌架啦，肥牛唔會太肥👍🏼

之前同我阿公嚟過依度食烤魚，佢一直心心念念咁想再嚟食過，前幾日我終於有時間陪佢再嚟食。原來呢度除咗烤魚之外仲有雞煲同埋打邊爐可以食，不過我哋本身係想來食烤魚嘅，所以今次都係諗住揀返魚嚟食。上次我哋食咗鉗魚，所以今次就揀咗鯇魚嚟食。我哋今次叫咗小半條嘅鯇魚，但係份量都好多，味道方面我哋揀咗酸菜，所以魚上面就有好多酸菜喺度，除咗酸菜之外仲有白蘿蔔同埋豆腐。味道好清淡，魚仲燒過之後先放上個鍋度，所以魚皮好脆。我哋仲叫咗個茴味雞翼，雞翼炸得好香，仲有好淡嘅茴香味。

十分滿分, 是次用餐經驗分數為八分最近聽說很多人去深圳吃烤魚, 而我之前在深圳也吃過好幾家小紅書推薦的烤魚店, 都真的很不錯, 而最近看到的備受歡迎的「川味雞烤魚大王」, 喜歡吃魚的我必須要來吃一次店內大概能容納12人左右, 小店能讓店員更貼心照顧我們每位客人所需店員都會主動問客人能否吃辣從而推介一些美食給我們, 又告訴我們鱸魚是比較少魚剌, 告訴我們可以放心進食而Menu 大致分為烤魚類，類和小菜類。湯底方面, 有重慶麻辣, 剁椒, 泡椒和酸菜, 而我這次就選了酸菜, 酸酸的一定很開胃🤣🤣🤣在準備烤魚時, 先上菜的是涼拌海蜇, 辣辣的很爽口, 很惹味等了15分鐘左右,鱸魚就上枱啦, 乳白般既魚湯😍😍😍 上面放著一條完整大大條已烤熟的鱸魚, 湯底有好多配菜, 如酸菜, 蘿蔔, 豆腐等。魚湯開始滾起, 烤魚愈來愈香, 魚肉結實，不論宗多久, 依舊入口嫩滑 👍 👍 👍之後配上並他火鍋配料, 味道很好, 特別是墨魚咀丸, 甜甜的, 很好吃! 而餃子類的餡料絕對是滿滿的一大粒, 配菜十分足料 用魚湯的湯底來打邊爐真的很合適, 對skin又好, 我最喜歡透過食物來養顏哈哈這間「川味雞烤魚大王」值

很多年前來過這間火鍋烤魚小店，一直留下幾好印象。剛巧晚上係荃新天地閒逛，特意過去回味一下。今次我們點了花雕醉雞鍋。一端上來花雕同濃郁藥材味道就撲鼻而來，老闆細心加入雞件再調節火候，唔洗5分鐘就食得雞肉嫩滑肉質結實，一咬落去湯底汁料四溢，唯一不足係半隻雞的份量偏少，唯有多點其他火鍋配料 微辣既涼拌青瓜亦頗有特色，清新得黎又開胃。我倆點了半份雪花肥牛，薄切肥牛一熱即熟，肥瘦適中。貢丸同墨魚嘴丸都係真材實料，啖啖墨魚肉食得滿足。響鈴係每次火鍋必點，飲埋d湯汁就滿足曬。

無食烤魚一排，涼涼地趁未勁熱又要食下烤魚，近年大陸好興食烤魚，喺香港都有，就要比較下二者既分別😂前菜係夫妻肺片，麻辣既牛展加牛肚加青瓜，好入味，個牛展係薄切既，牛肚係吸哂d辣汁，好食佢既份量都唔小，唔算太辣，值得食叫左小半條麻辣烤魚，佢預先烤左個皮，所以個皮係脆卜卜，加上豆豉，酸菜等，好入味唔太食得辣既人，要叫BB辣，加上可以好像我地咁，撥走d 辣椒去食得辣既人嗰邊，因為愈煲愈辣，我依個唔太食得辣既人用依個方法都完全無問題😂😂😂食依d 一定要叫d索味既配菜，我地叫左韮菜餃，萵筍，同午餐肉，三樣嘢都可以吸哂d汁，好正！值得一讚係，小店冷氣夠，就算夏天食烤魚，都唔會身水身汗👍🏻個人認為依間同深圳既烤魚味道絕對可battle, 又近，唔洗浪費車錢，值得一試！