川味雞烤魚大王 (大河道)

营业中

休息中

川式烤魚專門店，有麻辣、泡椒、剁椒及酸菜醬料作湯底，魚的種類以致辣度都是任君選擇。初次體驗，先小試牛刀來個小辣。重慶麻辣烤海鱸魚 (小辣 | $248)• 湯底味濃香辣、充滿川式醬料的惹味，配料極多，幾乎舖滿整盆烤魚之上。• 海鱸魚肉因為經過香烤處理，外皮會帶點焦香，吸收湯底後會有點像炸魚皮的口感。• 魚肉偏向結實有咬口，同樣充滿湯底香料的惹味，同時不帶半點腥味。• 魚骨較多，進食時要謹慎一點。黑毛豬肉片 ($48)• 肉味香濃，脂肪含量偏少，如果喜歡油脂感的話可選擇腩肉片。• 浸泡愈久豬片吸收麻辣的程度就愈高，變得十分香口，但肉質又不會因此變韌。幼薯粉 ($22)• 非常推薦喜歡吃麻辣粉麵的朋友選擇一份幼薯粉。• 湯底的味道很容易便依附在每條薯粉之間，加上薯粉獨有的煙韌口感，吃起來很滋味！

上次同媽咪食完烤魚，老豆無得食，話唔公平喎，做女明嘅， 知你係魚痴，就帶你來有烤魚大王之稱的川味雞。來到店面積唔太大，但冷氣充足因為已經熱天好熱，如果冇強勁的冷氣就冇咁爽，當然喜歡一路飲啤酒一路食煙一路食烤魚的人都可以座出面露天枱幾豪邁都唔怕影響人。酸菜烤魚～原條海鱸魚 ， 嘩送來時有驚喜好大條烤得好香， 湯底下有好多配菜， 羅白，大豆芽， 京蔥，芫荽，酸菜， 條魚肉質好滑， 用湯慢煮吸收哂d 酸菜湯，另有一番滋味。另外難得有個靚湯底我當然唔會放過再叫碟特級雪花肥牛來食啦， 滾一滾夠哂正， 老豆鍾意的鮮蝦雲吞就緊係唔少得啦！雲吞豬肉和蝦的比例剛好，一咬落去先係爽的蝦，再來係豬肉的香。最後緊係要叫我最愛響鈴啦！呢個湯底唔辣有酸酸的味道用響鈴來掛湯食一流，唔驚辣爆咀。食得烤魚火煱記得唔飲啤酒都叫返d 涼茶飲下，如果唔係好熱氣架， 我就好細心咁叫左支竹庶茅根比老豆飲，而我就飲雪梨海底椰咁就潤返哂啦！

以往品嚐烤魚也光顧較大型餐廳，那晚在荃灣覓食，逛著逛著便看到烤魚專門小店，對小店式烤魚充滿好奇心的我決心拉著友人進內試試！店舖外貌簡約有如茶餐廳。鋪位較細小，大概可容納15人，裝潢亦稍稍切合川州風格，選用竹杆及瓷器碟作特色牆，而餐廳都而啡色為主。另外設有戶外座位，相信竉物之人或吸煙者都適合光顧，但天氣炎熱，要享受滾燙烤魚，看來冷氣下會比較適合我烤魚共四款，對魚類一曉不通的我倆由店員推介下選擇了較少骨的鉗魚配泡椒湯底，點菜紙背面還可點選打邊爐食材，能做到烤魚邊爐一鍋兩食確實是意想不到的新體驗。除烤魚外，還有雞煲供應，更有多款川菜小吃選擇，那是食品款式頗多元化的小店上菜速度甚快，一𣊬間所以食物也到齊，頭㗳湯能清晰品嚐到清甜帶微酸少辣，而且一點都不油膩，湯底內包含娃娃菜、蔥花、芫荽和泡椒等配料。鉗魚切開攤平呈上，經半煎炸過的鉗魚放湯後仍保留到煎後甘香與惹味度，尚帶有脆口魚皮，魚骨較粗加上骨數不多，非常容易進食！魚肉嫩滑尚算豐富，只略嫌湯底未能浸至魚肉中，入味不足我們還點了數款食材作一鍋兩食打邊爐之用，雖然牛肉味不太特出，但不曾有雪藏味，而且肥牛脂肪比例較多，分佈至整片牛肉，所以肉質不覺煙韌，

每次返內地都鍾意食酸菜魚，依家返唔到上去，所以會喺香港搵，荃灣呢間煮嘅酸菜魚酸辣到適中，魚肉很滑，麻辣魚皮爽口彈牙，今次點嘅菜基本上味道差唔多，好惹味，呢間舖頭嘅餸菜都好合我口味，下次再試其它餸菜

有睇開我嘅食評，就一定知我係烤魚控！因為我覺得烤魚係世界上最好、最好、最好食嘅食品呀！所以，我超喜歡香港周圍搵烤魚食！今次入荃灣，食到呢間都算可以值得寫寫食評！這家餐廳做法既可以食到魚的鮮味，又可以配搭不同的菜式，辣味亦控制得剛剛好，並沒有搶曬魚的鮮味！我們今次叫咗海鱸魚的，大大條，肉質滑口，吃得出不是凍鮮死海魚！選擇鱸魚其中一個原因是這種魚沒有太多骨，而選用的四川麻辣口味是微辣，非常開胃呀。 麻辣辣汁滲入魚肉，帶出鮮甜魚味，又去除魚腥味！ 配菜有芽菜、薯仔等比較吸味的蔬菜，愈食愈開胃呀！ 而且，麻辣湯底有至愛的麻子，將烤魚味道推至近乎完美呀！可惜，這家餐廳位置不多，吃起來也很擠迫啊，不然無位要坐出面,有啲熱！

忽然想食烤魚，又搵唔到邊度有，經過入去試吓呢間叫咗原條魽魚+剁椒烤魚(指天椒)上枱時椒香撲鼻，原條魽魚上好霸氣成條魽魚煎香過先放上盤，表皮微脆湯底叫小辣就唔會太辣，味道一樣濃郁睇到有好多辣椒、泡椒、酸菜、蔥、芫荽、芽菜、白蘿蔔等，好多底料酸菜令湯底辛辣中略帶少少鹹酸味，又幾夾同幾開胃湯底愈煮得耐會愈入味最初唔太辣，但愈食得耐會愈辣辛辣度夠晒刺激魚皮連魚肉都好重椒味，連配料都入晒味魚肉新鮮，唔鞋口，魽魚魚質鮮嫩滑溜而且夠厚肉，好紮實，食落可以啖啖肉因為魽魚一般係大骨，無乜細骨，比較容易食成條魚唔會好易散開搵唔到魚肉好易夾到啲魚肉，而連剁椒麻辣湯底就好香口除咗雞煲烤魚同打邊爐嘢，仲可以叫少少川味小食招牌口水雞一小碟可過口癮，一般係雞胸同雞髀部位醬汁重麻味同花生味，味道係幾香而茴味雞翼就以脆炸方式炮製，表皮略脆表面食到有啲孜然味，好香口略嫌有些微乾，如果鎖多啲肉汁會更好至於涼拌萵筍絲就幾好味將萵筍切成幼絲，條條都好爽脆加上麻辣味醬汁，特別香口。整體價錢算幾合理不過人流較多，如果想避開人流最好揀6點前或9點後嘅時間

同先生行完Donki諗住買兩盒生煎包返屋企當晚飯，行過呢間烤魚店俾濃濃嘅香辣味誘惑到，即刻打消買外賣嘅念頭。餐廳主打烤魚同雞煲，亦有幾款湯底可以打邊爐，配料選擇亦算多。一場嚟到，當然要點佢嘅招牌烤魚，我哋揀咗小辣嘅剁椒烤魽魚，一上菜已經香氣撲鼻，魽魚開邊原條上，兩邊煎香過，呈金黃色，一開始湯底唔算太濃，加入好多辣椒、芫荽同大蔥，愈煮愈惹味，湯底仲有白蘿蔔、薯仔同娃娃菜，吸收晒湯底嘅味道。魽魚味道較清淡，而且肉質嫩滑，同爽辣嘅剁椒湯底非常合襯。食烤魚又點少得肥牛，安格斯肥牛質素極高，手切肥牛夠哂薄，望落晶瑩剔透。肥牛油脂紋理均勻，入口牛味香濃，同湯底亦係絕配。墨魚滑同蝦滑同樣新鮮，爽口彈牙。雜菇拼盤有雞髀菇、秀珍菇同埋冬菇，非常新鮮，而且分量頗多。食辣野當然唔少得加多寶，夠哂冰凍，清爽解辣。餐廳嘅整體食物質素唔錯，而且價錢合理，以後喺荃灣食烤魚又多一個選擇。

荃灣有好多烤魚店, 但成日食嚟食去都係果幾間, 今日行過見到大河道呢間川味烤魚, 好似幾有新鮮感, 一放會一會佢😉舖頭唔算大, 但為同位之間隔得夠疏, 而且空調亦開得夠勁, 唔怕食完一身都係臭味👏🏻我哋兩個人食, 當然要嗌返個烤魚, 商量之後揀左剁椒烤魚, 魽魚夠晒厚肉, 而且食落都算滑, 烤魚嘅湯汁算多, 千祈唔好睇小佢, 開頭食嘅時候湯頭唔算濃郁, 但煮多陣之後, 啲辣味慢慢湧出黎, 越食越辣, 越食越刺激! 🤤加咗一小碟安格斯肥牛, 質素亦好高, 同剁椒湯底好夾! 😋

荃灣一向出名多野食 今日黎荃灣探班 夜晚搵到間幾多人既雞煲烤魚店 就入左去試試了今次諗左好耐要魚定雞 最尾揀左個重慶麻辣雞煲 全隻$218🐥雞既份量好多！ 醬汁我地揀左小辣 辣度可以接受 醬汁麻香既味道幾重 煲左陣就俾雞肉吸哂了特級雪花肥牛$118🐂大大碟 食哂的雞再放入去 吸哂的麻辣醬油同雞肉既香味麻辣手撕雞🐥$78呢個手撕雞俾雞煲更出色 雞肉好嫩口 加埋青爪絲中和 唔會太油膩 個人幾鐘意 不過今次就無食到烤魚 見都多人嗌 大家黎都可以試下

12月之星生日飯局一行六人，成日都食生日飯㗎啦。每次唔係食西餐就中餐、或者泰菜。今次Book左呢間烤魚大王食生日飯局，第一次食感覺唔錯。地舖長方形，我哋比較坐得入少人出入，都算坐得舒服。啲枱唔細，我哋order左好多碟野食都唔會無位擺。我哋未齊人先點左啲前菜（皮蛋&口水雞)，飲住啤酒傾吓計食住等。主菜當然係酸菜魚。岩唔食辣嘅人，我覺得都幾好味同幾開胃，又唔太油膩。食完魚先至再落其他肥牛之類嘅嘢食。之後就可以落肥牛之類嘅打邊爐嘢食，我哋仲叫咗啲牛柏葉、響鈴、雞翼再Encore一碟、菜等等。真心係覺得OK嘅，服務人員都好樂意幫客人嘅！有機會再嚟幫襯！

其實我平時唔食魚，係唔鍾意食嗰種。但係位於荃灣呢間食烤魚舖頭仔，令我改變對食魚既抗拒。環境 : 2間舖位，各約500呎，可共坐50人。細枱(4-6人)為主，有1-2張大枱。 室内抽氣系統好，所以身上衣服未溜任何味道。 整潔 : 服務員好認真抹枱，爐邀也不放過，好乾淨。服務員 : 態度友善，服務極佳。 酸菜魚 : 魚肉新鮮彈牙，有口感。唔辣(辣汁可另上)。 配料有，蘿蔔、酸菜、芫茜、芽菜等……配料十分之多， 足夠兩人份量，唔需要再額外配料。 茴味雞翼四隻，炸到脆卜卜仍有肉汁溜出。 總括:雖然我2只叫半條大鯇魚同4隻雞翼，但已經足夠有凸。價$300有找，食到呢d質素算好優惠。 **呢條魚真係好味到震……令我會掛住個隻!**

秋風秋起小小涼意，突然好想食烤魚暖粒粒。第二次食哩間烤魚，配上一杯啤酒覺得人生最大寫意。一入到去格局比較細間，但唔會比人覺得好逼，好快坐滿人，需要分流到隔離鋪頭。老細介紹我哋食鉗魚，無咁多骨，唔好咁辣。當然果下我哋會聽啦～小朋友對咩魚咩魚都根本係零認知，一聽到無咁多骨就咋咋臨同意啦。唔洗等好耐就上左個小菜食住先，差不多食完條魚就出場啦～～～好期待等緊條魚滾。食落去唔係好辣，唔係好麻，好適中。啲魚真係無骨，魚肉彈牙，有咬口。好快就迷上左，亦好快地食曬～仲唔夠喉，再嗌黑毛豬再繼續滾下剩餘嘅香料。好入味地食完。返到屋企仲心思思再食鉗魚好喂食呀

呢間烤魚幾好食，都食過幾次！ 唔好睇佢個湯底唔係好紅咁，但其實辣度真係夠 haha, 我地叫左泡椒小辣，一開始已經夾走左小小椒，但去到最後少不免越食越辣😂😂😂😂不過係辣得爽嘅！好就好在佢唔係勁重味精，唔會食完口渴到爆我地今次3個人去食，其實條魚份量係夠嘅😜送飯一流！表面煎香晒 食落外脆內軟😋😋酸辣更增添左風味！飲返兩杯啤酒就fit到漏坐得幾舒服，又唔使怕比人趕！價錢都合理🤣大家可以多多支持小店

同平時食開山烤魚一樣，可以點唔同既配料，當火鍋咁食烤魚。點左魽魚，聽店員講係比較少骨既，size上點左大，4個人食唔強夠喉。另外點左薯粉，都幾大碗環境方面，食到尾聲見到地下有兩隻細小強，衛生麻麻

好多時街過見到啲人食烤魚食得好滋味, 攪到我成日都想試經過荃灣，終於遊說到朋友同我試下。本小姐其實好少食魚，怕多骨麻煩所以叫待應推薦乜魚比較少骨叫完都唔記得自己叫左乜魚....二百零蚊一條，算貴定平? 我真係唔知，因為好少買魚以為會有好多酸菜配料，但原來唔多叫左小辣, 但食落湯冇乜味魚又係冇乜味，啲湯僅有嘅味亦入唔到落魚肉順手叫左個蝦餅, OK啦, 過下口癮其實烤魚係咪就係咁嘅呢? 因為我冇食過第二間, 如果只係過別例子, 有冇人可以推介一間真係好味嘅俾我下次去試下呢?