川味辣蟹·串燒·烤魚·雞煲·專門店 (已結業)

今日去尖沙咀探個朋友，由於大家太耐無見，所以一坐低就雞啄唔斷，足足傾咗一個下晝，搞到連買餸都唔記。友人提議我去金巴利道新開嗰間「川味辣蟹·串燒·雞煲·烤魚專門店」買外賣回家。原來朋友早前幫襯過，覺得店舖嘅雞煲同串燒都好好食，所以推介我試下。去到表明來意話嚟買外賣，店員即刻遞上餐牌讓我慢慢揀。食物嘅款式真係幾多，由烤魚、雞煲、磯燒海鮮，以至串燒、辣蟹、川味小炒，幾乎包羅萬有。單係雞煲就已經有 5 款可供選擇，另外仲有比較少見嘅麻辣田雞煲。我揀咗個藥膳雞煲，另外再加咗幾款餐前小食同串燒。藥膳雞煲 ($168)：個雞煲真係好足料，一打開蓋便即時傳來陣陣藥材香氣。撈起一看，除了半隻雞外，盒內還有不少芹菜、淮山、桂圓和紅棗。湯底由多款藥膳熬製而成，藥材味好突出，可以直接當湯水飲用。雞件分量十足，而且件件都好厚肉，肉質嫩滑，入口帶淡淡藥材味，食完真係成身暖笠笠。至於串燒同餐前小食就揀咗：燒魷魚鬚 ($20)、川式皮蛋同川味手撕雞。魷魚鬚有四大條，食落爽口煙韌，沾燒汁吃，更加惹味！另外個川式皮蛋 ($30)  同川味手撕雞 ($48)  亦很得我心。皮蛋晶瑩流心，入口外爽內嫩，伴著紅油吃，加倍刺激。

搵食攻略,尖沙咀新小店,主打川味菜式,串燒等等串燒款式選擇多~仲有海鮮類,雞煲等等~烤魚都有咁今日食串燒,一食真係愛上,佢燒得好出色再叫左個四川酸辣粉,真係又辣又酸又麻,食到滿頭汗但係又好爽,諗起都想再食過,正呀!串燒牛舌心,雞全翼,全條甜粟米,原條燒茄子,燒蔬菜,司華力腸,墨魚丸即點即燒,大約10-15分鐘上菜牛舌芯爽嫩,烤得焦脆,再灑上辣粉同調味粉,香辣滋味烤蔬菜類,烤香後再灑上辣粉,為平凡既蔬菜提鮮,甜味更出燒魷魚,脆口彈牙,夠新鮮, 酸辣粉,入口酸,慢慢辣,最後麻,幾乎連湯都想飲埋燒雞翼~我真係鐘意食,全隻燒,連雞翼尖都燒脆埋,非常好吃燒粟米原條一開四件,燒完甜味更濃縮~原條茄子,重蒜多蔥仲要加辣粉,沒有不好吃的理由辣味可自選,可辣或蜜糖燒!!#尖沙咀 #四川菜 #串燒 #烤魚 #雞煲 #尖沙咀美食 #川菜 #酸辣粉 

My friend and I went to a restaurant called "Sichuan Spicy Crab"(川味辣蟹串燒雞煲烤魚專門店 )...You will see a big BBQ grill oven once you stepped into the restaurant.Grilled US beef short rib燒美國牛仔骨扒HKD$45/pc 件..The sumptuous, mouth watering fat is rendered out！！！I ordered 2 portions of this dish.I wish I had ordered more..Highly recommended!!Grilled Angus beef short rib cubes燒安格斯牛小排粒HKD$38/skewer 串..The beef is sooooo moist, soft, tender and succulent！！！Sichuan Spicy chicken casserrole川味香辣雞煲HKD$168/ half ch

因為政府放寬限制令，就同朋友一齊嚟咗呢一間川味辣蟹度試下一啲燒燒同埋雞煲，因為聽講呢度啲雞煲都幾好食，同埋啲燒串燒都ok，咁就試下啦。燒內蒙羊扒四件: 羊扒其實真係唔貴， 同喺超級市場買幾多差唔多錢， 而家有人燒埋畀你食， 自己都覺得幾抵嘅， 加上羊架非常之嫩滑， 同你喺酒店食自助餐啲羊差唔多，呢間嘅燒到七成，真係畀到七成你食，起碼啲肉都係軟淋淋，有羊的鮮味。 呢個送啤酒簡直就係一流! 大家可以見下圖!燒魷魚鬚: 其實都知道呢間餐廳啲燒嘢食嘅功夫都幾好㗎， 另外意想不到嘅就係佢燒魷魚鬚都好好食 ，因為我鍾意就係燒到啲魷魚鬚有少少燶燶哋嘅感覺， 而且啲調味料亦都 滲入曬魷魚鬚度， 所以呢個魷魚鬚我覺得係幾值得推介。招牌川味香辣雞煲： 終於要個主角 ，呢個雞煲已經發出濃烈邪惡嘅香辣味 ，麻辣雞煲我覺得佢啲雞幾嫩滑，而且我淨係嗌中辣，已經覺得啲辣嘅味道都真係幾香辣。 辣味恰到好處， 當然你要真係食得辣 ，而且啲雞肉都幾滑再加埋其他配菜例如有雜菜再加埋啲蒜頭 ，夾埋嚟食已經覺得好好味，所以其實都唔需要點其他醬料。 所以大家都可以試下呢個雞煲。最後 如果我下次再嚟幫襯嘅話我應該會叫多一啲燒嘢食因

疫情關係，好耐無出街食飯，現疫情無咁嚴重，一於出街食飯，約咗朋友行尖咀，朋友話帶我食川菜，咁就去咗川味辣蟹，餐廳坐位寬敞，食物水準唔差。餐廳食物分Bb辣，小，中，大辣。我哋先叫滷水鵝掌翅，味道好比潮州滷水店，掌翅好入味，口感剛好，真係好味。再叫羊架，墨魚腸，牛脷，羊架廚師用咗好多燕言粉，味道唔太騷，燒得剛剛好，肉質鮮嫩，墨魚腸樣子唔太好黑炆炆，但味道甜甜地有驚喜，值得一試。再叫咗麻辣肚片拼肺片，麻辣味十足，肚片同肺片爽口彈牙，最後叫埋四川酸辣粉，雖然叫小辣，但都好辣，好惹味。埋單約三百元，認真抵食！

尖沙咀好食串燒 川味辣蟹黎到尖沙咀咁多野食既乘地方，居然俾我地搵到一間新開張冇耐又好食既餐廳。我地大概6點半左右入到去，唔洗點等就入得座。餐廳其實有提供烤魚同雞煲，但同男朋友仔都想食串燒，所以就揀左串燒～餐廳提供左好多種唔同既野食供串燒，由菜，肉類到海鮮都有，我地就叫左以下呢幾樣🔻燒澳洲肉眼扒味道：8/10價錢：$40肉質唔算un ，充滿肉汁，而且份量算多🔻燒鮮白鱔味道：8.5/10價錢：$68肉質彈牙，而且好少骨，鐘意意食白鱔又唔想搵骨既朋友一定要叫呢個！🔻招牌銀蒜燒原條茄子味道：8/10價錢：$40好簡單既一個串燒但整得好好食，香蒜再加埋啲調味料，勁香！🔻燒脆皮雞扒味道：8.5/10價錢：$30餐廳將雞扒分開左4舊，都算大塊，而且煎得幾香口，塊皮煎到好脆！另外我地都叫左燒牛筋丸，燒雞軟骨等串燒。兩人埋單大約3百幾蚊左右，食到好飽。下次有機會會再食！餐廳環境算大，座位寬敞，而且餐廳仲提供左vip包廂房，想同一班朋友食串燒既朋友可以考慮呢間～地址：金巴利道58-60A號金碧閣地舖

好耐無食雞煲啦!今晚約左好友去尖沙咀行街，上網搵到呢間新開既川味辣蟹·串燒·烤魚·雞煲·專門店，集串燒、海鮮、雞煲、烤魚於一身，勁多選擇，一於試下新店!店舖環保寬敞，座位闊落。串燒有牛、雞、豬、羊、海鮮、蔬菜等供選擇，另有水煮、辣子、清蒸、粉麵等等，食物選擇種類夠哂多，好岩一大班朋友聚會。招牌川味香辣雞煲可選辣度，BB辣岩哂唔太食得辣既我。雞件肉質細嫩入味，有大量洋蔥、青椒等，食得出各種香料層次，濃郁香辣又惹味。充滿麻、香、辣，味道一流，層次豐富。燒蘆筍仔味道清甜又爽脆，口感軟嫩。燒秋葵獨特黏膩口感，外層燒得爽脆帶點微甜。燒多春魚燒至金黃酥脆，味道鮮美，肉質嫩滑。

🔸招牌川味花膠雞煲 $198🔸招牌金銀蒜燒原條茄子 $40🔸風味燒鯖魚柳 $30🔸燒脆皮雞扒 $30-今晚食依間朋友介紹嘅餐廳，聽個名就知呢度一間店有齊雞煲、烤魚、串燒、炒辣蟹食啦，實行一次過滿足晒你咁多個願望啊！先叫一份川味花膠雞煲，花膠舊舊都大大舊，雞件亦都幾多吓，唔太食得辣嘅我就揀咗小辣，食落麻味同辣味都有，過足雞煲癮！另外串燒嘢食都好夠風味，最推薦原條茄子，超多蒜蓉勁正囉！鯖魚柳同雞扒亦都比想像中份量更大，好推介！

平日晚上行經尖沙咀，要幫家人買外賣，今次想吃得豐富一點，就試試這間餐廳。食物種類繁多，最後點了一份4人份量雞煲，再加一份串燒。食物很快就送到，外賣自取來說速度挺令人滿意。招牌川味花膠雞煲（$198）選了bb辣，份量非常充足，有很多雞件，花膠就有數塊， bb辣味道容易入口，即是是不太喜歡辣的人也覺得很惹味。另外點了燒鮮白鱔（$68兩串），白鱔炸得外皮非常香脆，魚肉則爽滑鮮甜。總結燒物出色，雞煲cp值高，值得一試。

好耐冇食過串燒呀!!今次一於串串佢川味辣蟹除左串燒之外, 佢仲有雞煲, 烤魚同埋海鮮大咖!! 我地叫左個川味招牌川味鮑魚雞煲,裡面有2隻鮑魚, SIZE雖然唔算好大隻, 但味道都幾口, 夠爽口唔會韌, 呢款雞煲係有湯既, 個湯個麻辣味都幾香 至於串燒方面, 燒韭菜當然係必食, 再叫左燒秋葵同埋牛舌芯, 牛舌芯幾正, 牛味夠香, 而且價錢好抵, 孜然粉同辣粉仲可以任你自己加添!!最後想推介大家既就係迷你酸辣粉, 只係賣$15咋, 以呢個價錢黎講份量算多, 同埋味道都幾正宗, D粉夠入味, 仲有麻香, 所以呢個真係必食呀

是日已經食咗晚飯但係有啲餓我哋因為住得好近尖沙咀決定落街買啲串燒做宵夜經過呢間酸味辣蟹主打麻辣即叫即燒仲有雞煲打邊爐好多元化好吸引因為我哋兩個唔算好肚餓所以叫咗肉肉肉肉肉串燒返去外賣一樣即叫即燒所以等在20分鐘時間唔算長不過聞住啲香味真係極度肚餓我哋兩個唔係食得好辣全部都嗌咗小辣.🍎牛肉類串燒 份量每樣都唔差又厚切牛脷咬落去煙煙韌韌夠彈牙牛舌芯勁好食落去好juicy有牛脷嘅味道但係就或好多淋好多蘆筍肥牛卷仲有蔬菜嘅滋味嘅醬汁非常之入味出面燒到好香又好FRESH🍎雞類串燒蜜糖燒雞全翼 蜜糖燒雞中翼 有少少胡椒味超正🍎燒脆皮雞扒真係卜卜脆 雞仲係好滑加咗川椒麻辣味非常惹味🍎金銀蒜燒原條茄子超好食蒜蓉香令到茄子非常惹味唔會過林或者個硬 入口即溶.非常推薦呢一間餐廳外賣一入門口有準備椅仔畀你喺出面等候唔使喺出面熱辣辣等有冷氣涼 環境衛生即叫即燒 地點仲好方便啱曬住喺近尖沙咀嘅人.🎀川味辣蟹·串燒·烤魚·雞煲·專門店🎀尖沙咀金巴利道58-60A號金碧閣地舖

😣自從限聚領開始，我發現我已經勁耐冇同人🍲打邊爐同食🐓雞煲，真係好想食。😝所以今晚我就買左個雞煲番屋企食，食完雞就打邊爐！🤤上次經過呢間🦀川味辣蟹，😂已經覺得佢好搞笑，個名好長，又有🦀辣蟹，又有🐓雞煲、🍗串燒同🐟烤魚。見佢又唔係好貴，所以就plan左黎呢到買個外賣雞煲試下。🤔😈提外話，睇佢鋪面以為好細但原來地庫有好大地方堂食！⭐️花膠雞煲🐓佢雞煲都有好多款，我地揀左😍花膠，花膠都唔少嘅，不過雞就應該冇一隻。🐓但係雞嘅肉質鮮嫩嘅，個煲其實好香，又唔係好辣，如果想食辣可能就要另外叫佢重手d。我屋企人唔係幾食到辣，所以都幾岩食。👍🏼最正係個湯底好！食完d雞我地就🥗打邊爐！好好食😋，而且係屋企打又可以自己準備自己想食嘅野！😝⭐️燒內蒙羊架四支🍖呢個超抵食！$100有四肢而且好大舊！最緊要係好好味！👍🏼好多肉又有肉汁，上邊嘅孜然粉同其他調味料令到羊架好香！😋

今日去了尖沙咀找食因為人小小就想食串燒我們去左一間"川味辣蟹"一入門口好大油煙！原來門口是廚房做串燒為主！我們落下一層！是用餐的地方！😓環境真心有點差樓梯是破爛的行的時候要小心！座位不小！但因為是地下室好困聲！真的有點嘈到頭痛！旁邊有人大大聲猜（梅）😑我們點了燒蒙古羊扒4片 $80燒開邊特大大頭蝦 $80燒開邊八寸虎蝦 $80燒牛肉肉眼扒粒 $40燒魷魚鬚 $20本來點了滷鵝片和xo 醬炒腸粉和燒韮菜都沒有！等左一陣我們覺得太嘈！所以改左外賣！總結味道不錯！環境一般

返屋企前經過呢間鋪，見佢有雞煲和串燒好似幾吸引，時間尚早，一於就入去買埋外賣返屋企。舖頭分上下兩層，下面做堂食上面主要係落order和買串燒。我揀咗個藥膳雞煲（半隻$168 ），藥膳味好濃郁，湯底好正，份量都好足，見到有蟲草、當歸等材料，雞件以外還有菜、蓮藕、蘿蔔等等，攞到返屋企都仲熱辣辣，相當滋補好味。另外都好想試吓啲串燒，所以買咗串燒牛坑腩（ $30 ）以及一串燒鮮白鱔（厚切）（ $68 ），要讚一讚佢個外賣紙袋係有保溫功能嘅，相當細心。兩串串燒都好香，第一次食燒牛坑腩，孜然粉味濃郁，但肉質相對乾，唔知關唔關我拎到返屋企先食嘅事呢？另外個白鱔就好好味，雖然只有兩舊，不過都幾厚切，肉質厚實彈牙，值得一試。

恢復晚市堂食真係好開心放工可以行下街食埋飯回家感覺特別開懷走到婚紗街覓食發現呢間新開串燒店望入去見師傳燒緊串燒好吸引吖 店員先同我地量體溫然後帶我地到下層。下層好闊落，仲有2間vip房 遲d疫情過後可以包房牆上掛左一排排既木餐牌，食物款式好多又多元化。有招牌炒辣蟹、海鮮大咖 、魚窩雞煲除左燒海鮮仲可以蒸添　至於串燒可揀BB辣、大中小辣、不辣、蜜糖。燒牛坑腩一絲絲既肉質唔油膩，帶微焦必點燒菠蘿，加埋蜜糖2個甜度，好juicy 蘆筍仔幼嫩清甜爽身小辣雞軟骨夠乾身燒明太子雞翼有油光，加咗蜜糖，金黃既外層甜甜地，雞油滲入明太子，微辣更有層次感。脆口燒雞皮加上孜然粉入口更加惹未藥膳雞煲 陣陣藥材飄香當歸味濃仲有大量香菜、蟲草花、蘿蔔再灑上芝麻。雞肉鮮味嫩滑，湯都飲埋。