川味美食

营业中

休息中

中午經過見到呢間店有好多人食， 所以入去食個lunch, 麵加兩個送（豬腩肉同豬頸肉）都係37蚊。 本時唔多少撈麵 因為味道好鹹， 但呢間ge 一點都唔會， 粗好薯粉好滑好好味， 份量都多。 小辣唔會太辣， 帶甜味， 好野味

是日返中班，晚餐時間只有1小時所以只能在公司附近覓食。忽然好掛住薯粉所以就專程來到白加士街的<川味美食>。想不到水準下降令我失望而回。我選擇了＄24的酸辣炸醬紅薯幼粉，配蘿蔔，雲耳和大腸。明明同姐姐講走青，居然還有芫荽湯嘅份量非常之多，多到連麵都見唔到。薯粉嘅質地雖然無變，而且份量非常之多，多到差不多全碗都是，如果你係超大食嘅人可能會啱你心水。蘿蔔，隱約有一點酸味，所以吃了一啖已經放棄。雲耳，正正常常的不過不失，畢竟也很難會煮得不好吃吧。豬腸，比較偏向脂肪多，沒有異味算是值得一讚但是酸辣度絕對不合格，不酸也不辣，淡而無味的。而且價錢也不便宜要40多元，相信這個價錢去其他米線店食絕對有更好的味道喔！

做GYM前,到附近來食輕食就決定麵食。這店不大, 是普通麵店格局。因平時食得太多湯麵, 所以這次試下食下撈粉。點來(秘制醬汁撈紅薯幼粉 $24) 選少少辣選另加美食( 魚腐$5  及 豬頸肉$6)這大大碗紅薯粉沒湯, 是秘制醬汁撈來食的 。本身內配料有炸醬､牙菜､ 花生､蔥花､ 莞荽及秘制佐料 。這魚腐約有二件,是扁身的, 入口鬆軟嫩滑,似豆腐口感。此豬頸肉好夠味, 起來很有脆脆的,還很有彈性。不用多說紅薯幼粉具彈牙,並吸收秘制醬汁,好有四川風味,十分開胃。紅薯幼粉底部,有大量芽菜。

之前誤打誤撞食過一次佢嘅米線之後就念念不忘機緣巧合下係附近做野 可以再幫襯下佢😋呢期食親都食撈面加麻小正就正在夠重口味而且佢啲送都好好味😋食到底會有啲油 但食親麻辣野都無可避免

叫左蘿蔔 醬爆丸 麻大辣 粗薯粉😋佢上面個pat辣油我連炸醬一啖就食哂一啲辣都冇 好奇怪 結果要落枱面個啲辣油👀蘿蔔好甜 好大舊 粗薯粉好煙韌不過個人覺得叫酸辣 再落辣好食啲😜

其實食咗呢間好多次，我覺得係時候表揚吓佢。呢度裝修冇乜特別，但乾淨光猛，位又闊落，令人食得坐得好舒服，值得一讚。第一次食已經好驚喜，因為佢既撈薯粉果種口感同美味，我暫時未係其他店搵到。薯粉最緊要煙un，呢度除咗傳統薯粉之外，仲有好似闊條麵咁粗既薯粉，更有口感，好有新鮮感！啲撈汁好有麻勁，令人越食越上癮，仲有啲料又多又足，真係食得好滿足！次次食完都捧住個肚走。最要係好抵食，兩個餸都係37蚊，係邊度搵呀？！川味美食，認真抵食！

這是我的第一篇食評，但很不幸地，我不是因為太好吃要分享，而是因為實在吃得太不開心。從第一次在深水埗吃過川味後，川味已經是我的comfort food，大大碗，滿足地吃。已經折騰了一星期，今天星期五就滿心歡喜地去吃川味。我點的只是一碗兩餸米線，走肉多葱多芫萎，自覺這並不算是一個很複雜的order。可惜來到臉前是一碗走葱走芫萎只得大半碗的扣底米線，稀稀的。心情跌到谷底，本來想慢慢享受，結果只是想快點吃完快點離開。我忍不住跟收銀姐姐說這已經不是第一次，她笑笑口說她看過單，是沒有寫錯的。我不知道誰錯，我只知道這是一次很令人失望的用餐經濟，我以後也許不會再來佐敦川味了。

最近試過紅磡間新川，發現四川薯粉超好食。 之後再去太子試分店，發覺水準不及紅磡好。昨晚經過佐敦見有另一家不同名字的店就入去試下，點左個唔辣粗薯粉加了雞翼，腐竹，貢丸， 黑豆漿。 薯粉肉醬偏乾，雞翼入味，但其他餸就一般。最好食都係紅磡間新川， 夠味肉醬唔乾，餸又新鮮。

是日返工返中班，晚上放飯時間得一個鐘，只能到附近快靚正既地方食飯。今次揀左川味米線。原因係依度有粗既紅薯粉食，就是喜歡薯粉的Q彈口感，不過下次會試下放湯既紅薯粉而唔係今次撈既。因為撈線最緊要夠乾身，咁先唔會溝淡d撈汁。但好可惜依度既薯粉煮完後無去晒大部分水份就加撈汁，所以就整淡左。附薯粉奏上既炸醬小小香香辣辣好開胃，花生亦脆脆的，好過癮當然餸亦不可不提啦！雞翼嫩滑得來亦好入味。豬勁豬爽爽地，真係超正

川味其實我都成日食架啦，但佐敦分店既味道好不平穩，上次食好咸好濃味，今次食就好淡口又唔辣唔酸豬腩肉大辣湯薯粉佢既大辣都唔辣，湯頭又比較淡口，食荃灣分店水準平均，次次都保持到，但依間成日都唔平穩但係佢啲配料都係好食既，川味既酸菜比起其他店係特別好食（相入面有咁多酸菜係因為朋友唔食，我叫佢唔好走酸菜夾哂俾我）所以今次雖然湯頭淡但我每啖粉都夾埋酸菜食就好食既希望依間分店既水準可以保持返

外勤工作，巧逢川味，誤以為另一間想食的"川"風味從未到過雲南、貴州，四川倒去過，不過到底"川味"是什麼，倒真要捉著老闆黎解答餐牌一目了然，車仔麵的選擇，"川味" 配搭點了紅薯粉，港式速度，快快上場肉碎、芫荽，花生、大腸，加配黑豆漿薯粉滑潺潺，shu一聲捲進脷子，有點咬口，加上有點酸辣湯底，好不過癮

相當失望。一碗唔酸又唔辣嘅"酸辣湯薯粉"，我以為佢就住我無落辣，點知酸都無個下貨不對版吖麻。叫咗兩餸，豬紅同金錢肚，又係錯！豬紅咬落一D味都無，完全唔入味。金錢肚仲利害，係一絲絲㗎，你係唔係金錢肚我都睇唔出啦！個餐牌無寫話"金錢肚絲"㗎，呢個餸仲要收貴D個下唔扺吖麻。仲要喎，呢碗野我等咗成十幾分鐘，手機都玩完了都未上。幫襯一次真係哂時間哂我胃口浪費食材！

今日做完檢查經過佐敦，諗住黎試下粗紅薯粉，一坐低望個餐牌，價錢大眾化點了豬紅豬耳粗紅薯粉中辣味道：湯底略酸，粉偏硬，食左1/3已覺飽肚，肉碎香口，豬紅略咸，豬耳正常涼拌皮蛋，見佢金黃色好得意，試下叫黎食味道：口感好怪食唔到皮蛋味，d味有陣膠味咁黑豆漿，少甜，但無咩豆漿味總括黎講 試過就算

一個人又去試食街坊餐廳, 嚐辣去吃紅薯粉。這次選了這間有多間分店的, 去嚐嚐味道如何!黃金皮旦($20):即叫! 黃金皮旦不是度度都有, 加上價錢只需20蚊! 抵食! 上枱時, 看到晶瑩剔透, 金黃色很誘人, 流心的旦黃, 旦黃汁溢出. 十分滿意。說說味道, 店加入調料。。說實在有點咸, 要配薯粉同吃, 旦白部份爽口, 旦黃質地內軟, 沒有黑皮旦重味道! 雞翼豬腸紅薯寬粉小辣: 最欣賞紅薯寛粉, 比其他店子所售的寬, 但更滑溜! 如很愛煙靱質地的, 必對它愛不釋手! 豬腸燜得較硬適中, 吃得到鹵水汁香, 個人認為如健康些去肥膏更好。雞翼也ok, 但不夠入味, 亦欠些顏色。配料有些辣豬肉碎雪菜! 配薯粉吃很搭配! 加了罐zero!!! +$6, perfect match.員工。。不要要求小店服務。。

每星期都總會和同事來一次因為價錢不貴 又在公司附近餐牌雖有10款粉麵選擇但簡單來說其實只有兩種: 😂熱拌(花生、炸醬、葱花、芫荽、芽菜) 或 酸辣或上湯(酸菜、炸醬、葱花、芫荽、芽菜)可選配河粉、米線、拉麵、紅薯粗粉、紅薯幼粉辣度大致分為不辣、小辣、中小辣、中辣、大辣 或 麻小辣、麻中辣、麻大辣每款餸按款式收費不同 價錢$5/$6 🐏每次必點腩肉、大腸兩款餸 配熱拌紅薯粗粉（麻中辣）究竟麻中辣和麻辣有什麼分別呢？🤔 其實有少許分別吧！經過多番嘗試的我🐏才選麻中辣🙈😂之前試過湯粉 但覺得味道不夠 辣味會被上湯沖淡😟所以喜歡吃辣 又要辣得過癮的我💦當然要選熱拌🙈😁（單純比較辣度 以譚仔辣度做標準 我🐏食開譚仔小辣😉）麻中辣比普通中辣 麻香更重更惹味 多了不少花椒粒🌶 簡單來說就是更重口味😌旁邊還有辣椒油、黃色的酸椒醬和魚露作自由調味不過要留意的是川味的麻辣不是譚仔給食客那種辣勁主要是麻香惹味😋熱拌食法：首先將所有配料拌得均勻（因為所有醬汁在底😏）熱拌配料包的炸醬 其實正確來說是滷肉燥😂 味道其實做得不錯 滷肉燥撈飯撈粉最適合😋 肉質不「梅」又香口紅薯粗粉晶瑩剔透 入口煙韌彈牙 每條薯粉沾上