川味美食

营业中

休息中

I often get takeaway from here but this is the first time I've dined in. I like to get noodles from here because they are quick and cheap, filling the belly when you just need the job done. When dining in for afternoon tea, you get a free drink (free even for cold drinks), which is a nice deal. I got the Thin Potato Noodle in Spicy and Sour Soup ($28), adding Fatty Beef ($7), so my meal, if you do the math, is a total steal. The soup is flavourful, but as you might expect from this price, heavil

上午11點幾，行經佐敦，肚餓想食辣嘢，見到”川味美食”，之前在荃灣幫襯過，而佐敦店未試過就入去醫下肚。餐牌同荃灣店一樣，所以好快就揀好食乜1. 酸辣炸醬紅薯幼粉加豬腩肉、豬肚($41)，碗粉放上不少芫茜、蔥花，令這碗酸辣粉更加出色。豬腩肉同豬肚份量多，兩樣餸同樣夠腍和入味幼紅薯粉易吸收湯底，入口啖啖酸辣味，確係2. 加配凍檸茶($6)，茶底普通，而檸檬得兩片，整杯檸茶唔夠茶。整體來講，紅薯粉保持一貫水準，價錢又實惠，叫多兩樣餸都係$41，真係豐儉由人。

超級肚餓黎川味美食實唔會令你失望呀 有各款小食、湯麵、撈麵 麵款有紅薯粉、手功拉麵、米線、河粉 湯底更加有走辣、小辣、中辣、大辣、麻辣 餸大部分都係加$6/$7 既親民份量又大 真係邊道搵 係想食米線既另一個好選擇我食既係酸辣炸醬米線($28) 走辣 內置大麵底!! 跟榨菜、芽菜、酸菜、蔥花、芫荽 細食既朋友記得要嗌少麵另加豬頸肉($7)、生菜($6)、紫菜($6)大食既我都表示要食淨少少麵呀 可想言之有幾大碗啦本身個麵餐已經有酸辣炸醬 炸醬都有一個餸既份量架 肉香跟埋榨菜酸菜好夠味 口感都好好 加埋啲餸 實在太豐富喇另附同行朋友既撈米線版同湯手工麵版俾大家參考

川味美食 (佐敦)📍地址：佐敦白加士街56號地舖🚆交通：佐敦地鐵站出來，步行兩分鐘可達⏰營業時間：10:00-22:00🍱食物： 嚟到佐敦 本身諗住食譚仔，但見到呢間開喺譚仔側邊同樣係四川米線既鋪頭，第一感覺就係覺得呢間鋪都幾大膽，公然向譚仔挑機😂😂，於是就有咗第一次嘗試呢間不一樣既四川米線的機會。其實佢餐牌 都係同譚仔set得差唔多，選擇咗想要嘅湯底，再挑選想要食嘅餸，不過佢嘅餸就比較多，例如多咗牛柏葉大腸呢啲選擇，我 我就揀咗酸辣米線湯底 加牛柏葉大腸。上菜之後發現份量好足，酸辣湯底濃郁夠酸夠辣，配料十足，埋單價錢同譚仔差不多，但係就多個食四川米線嘅選擇，因為我以前食米線只係認譚仔😂😂😂😂😆，如果有同我一樣嘅朋友 都可以試下呢一間架😆👩🏻人均：$42

Hello 大家好🙆🏻‍♀️今次要介紹嘅食物就係位於佐敦！📜”川味美食 (佐敦)📌地址: 佐敦白加士街56號地舖1️⃣ 豬頸肉酸辣撈紅薯粉$322️⃣牛柏葉酸辣湯粗紅薯粉$33KS評分 (5個最高)環境:⭐️⭐️味道:👅👅抵食指數：💰💰💰💰兩個都係叫小辣但係完全食唔到有辣嘅味道😭連酸嘅感覺都唔係好出😭冇晒食酸辣嘅感覺👀以前中學對面都有一間川味 嗰陣覺得好好味成日都走去食🤣依家學校對面冇咗要去到其他地方先有得食😭配料好多選擇而且份量都OK多唔會太少🥰面都好大份😋不過因為我哋去嘅時候係中午lunch time有好多人要搭枱好迫😳一食完放低筷子啲阿姐就叫我地走😳有種壓迫感俾人趕走所以要去嘅話都唔好lunch time去啦🤫#kskfoodie #美食推介 #佐敦區 #佐敦美食 #佐敦美食推介 #hkfoodie #美食分享 #hkfood #美食 #吃貨 #hkfoodig #hkfoodlover #食評 #foodiehk #foodieksk佐敦 #hkig #尋找美食 #美食好推介 #foodpics #852food #相機食先 #黃店 #香港美食指南#hkfoodblog

本身食晏時，見到好耐無食過川菜類。心思思去食辣，就入左呢間餐廳。本身見到撈薯粉都有好大興趣，因為夏天熱時對湯面類無甘想食。撈面類正好避免熱到5想食呢種感覺。但可惜我揀錯。薯粉本身較軔，有口感但難入味。配撈既方式反而遠遜於湯薯粉。而對於食開川辣既我，我叫既中辣竟然5辣！同我講川味真係開玩笑。更甚係食食下，食到d又長又幼既野係個口，一扯，原來係一條長長既頭髮。當堂咩食慾都無哂。投訴完，店家想扮無事就算。態度不要得！我5會再食呢間！

食個味道出面望好似普通嘅一間米線鋪頭，但原來係有其他味道鋪面裝修正正常常，無乜特別，乾乾淨淨，寬寬趟趟最特別係幫你落order嘅姐姐，有特別嘅問餐style，絕對香港獨特，耐人尋味，佢會介紹你好野食，今次就嗌左單餸湯薯粉配龍蝦丸，大大一碗薯粉配特製肉燥，好惹味等我下次再來就會再試辣嘅撈粉先

一次我企係門口等阿姐幫我量體溫，但佢又掛住傾偈叫佢都唔應，然後個阿姐自己無幫我量體溫就叫我入去坐，我叫野食，佢又鬧我無量體溫，我好聲好氣同佢解釋我就係企係門口等緊佢幫我量體溫係佢自己唔記得咗，佢就話：「唔好講咁多，得啦得啦！咁你而家係一定要量返體溫嘅！」好似我錯咁。另一次，打電話叫外賣，我只係想叫兩碗米線，一碗要餸，佢完全聽唔明咁，仲態度極惡劣咁兇返我，叫我唔好叫，我真係唔知佢做乜，最後無叫。仲有一次，我見到而家疫情期間，廚房都唔戴口罩煮嘢食，阿姐係出餸位仲要拉低個口罩同人哋講嘢，啲餸一定吸晒佢啲口水。哩間野俾錢我都真係唔會再食。

說到食米線，紅薯粉，拉麵，點可以唔去川味！話說女朋友靜係識有我去譚仔，作為識飲識食既我當然要介紹返一間出名平靚正，仲要有紫菜食，有豆漿飲，有油菜加既米線舖啦！川味由我細細個都識到大，每次食親都必食紫菜，和加13蚊叫碟秘制醬油通菜！埋單都係50幾！佢最正係每個麵底都跟炸醬，又有唔同酸辣，麻辣，唔辣，撈麵揀。你想點都得！呢間川味，佐敦荃灣都有，鐘意食車仔麵既朋友一定唔可以錯過！ 想服務好啲，記得嗌落單既時候叫d 阿姐做靚女呀！

服務差劣 員工態度極糟透第一次黎晏晝三點幾店好旺冇檯淨得一張兩人檯近門放左擦檯布我問可唔可以坐坐低之後 店員不止冇收起擦檯布擦完另一張檯時 更直接將布再飛埋黎我張檯我有禮貌咁問可唔可以收起兩塊布圖入面短髮店員 只係求其張布推埋牆其實張兩人檯已經好細再放兩塊污糟既布係到已經好唔衛生睇到食野都唔開胃我再問一次可唔可以收起短髮店員即刻好大聲問"咁你想點呀？？" 態度極差然後再好唔情願咁收起布之後食物到左每一張檯都有幾款調味料但唯獨我張檯冇我問店員攞時另一個店員冇即刻攞反而係反問我點解要然後先比其中一款我進食其間都會聽到店員對其他客唔禮貌其實你幾平幾好食都冇用咁既服務質素****更何況我覺得完全唔好食薯粉太淋 豬頸肉又太硬

夜晚收工有啲肚餓，路過見到一間川味拉麵又未食過，就入去試吓。講返個拉麵先個麵質唔錯，有少少烏冬口感，唔會好淋，有彈性，個炸醬我叫唔辣但係都有少少辣，味道都幾濃的，肉碎份量唔少，另我點左三份配料，分別豬軟骨木耳同豬大腸，豬軟骨即軟骨位置有點硬，但係味道幾好，木耳爽脆，豬大腸個人認為最入味最出色，連埋罐裝檸檬茶買單$59價錢合理，會再幫襯試吓其他👍🏻

前排係荃灣食完川味美食無耐，食紅薯粉心癮又起，今次就黎到佐敦分店，發現分店menu都有啲唔同。佐敦分店除左紅薯粉，仲有唔少川味特色小食，例如皮蛋、豬耳同牛展等等。麵底除左有紅薯寬粉，仲有手工拉麵，比荃灣分店多選擇！小食：川味牛展牛展本身唔辣的，面頭係蒜泥同少少辣椒粒。牛展大塊有厚度，咬落淋身好嫩，面頭嘅蒜泥好香，好惹味！小食份量好足，兩個人都食唔晒。豬軟骨肥牛撈粗紅薯粉粗紅薯粉煙煙unun，有部分overcook好易斷；豬軟骨好大舊，軟骨唔算好淋，仲用啲牙力，不過肉身就好淋，亦好入味；肥牛肥膏較多，麻麻地。湯底嗌左小辣，無咩辣勁，喜歡辣嘅朋友可以由中辣叫起。下午茶時段仲免費加飲品，十分抵食！

見疫情冇咁嚴重就去佐敦搵吓有咩好米線食，譚仔米線就成日食今次就去一間未去過川味美食都試吓，價錢同譚仔差唔多。我就叫咗酸辣炸醬加腩肉米線。都只係$34冇米線份量超級多米線唔會太晏唔會太林，炸醬非常足料酸辣味到好好味，唔會太spicy.

話說我叫外賣自取係店內下單，我就甘叫個樣餐的麻辣，佢話要咩辣，我就好好奇甘話：不是只有麻辣嗎？然後戴眼鏡個位員工有少少像呼喝態度指住餐牌話：甘你都要簡小辣、中辣定大辣架！！！寫單時佢又話：甘樣我好難落單架。得罪你咩？好好語氣講五得既？食物其實不錯尤其炸醬丶價錢都親民，但員工甘既態度真係好差。。。。

因为今天只想叫淨餸，但是，冇淨餸叫，算啦，照要，因为疫情關係，要相隔一張枱，剛巧有位小姐入來等我張枱，其實，不應該給人客入店內等位，並且某侍應催促我是否食物不要，感覺上，趕我走，呢D什么服務態度，我明白現況生意難做，但是，也應該這樣態度