川味美食

营业中

休息中

酸辣炸醬紅薯粗粉 $31（炸醬、生菜、酸菜、蔥花、芫荽）腩肉+水餃湯的份量很濃，是重口味之選，薯粉數量極多極多，大大碗非常飽肚。腩肉與平日餐廳的腩肉非常不同，這個腩肉不是全部肥膏而是肉比肥膏多！很欣賞！水餃是手包的所以味道不像外邊那些而且亦有三件。總括而言這個紅薯粗粉性價比高可以選小辣、中、大辣或麻辣。另一個點了秘製醬汁撈手工拉麵$33雖然秘製醬汁不是很多但是味道亦非常濃郁，建議手工拉麵可以先過一個凍水讓面嘅質地更爽口。

我一向都好鍾意呢間野。今次嗌咗我(主觀)認為最好食嘅組合，亦都係一個孕婦忌食嘅組合，就係紫菜撈薯粉加凍奶茶，寒涼到爆，但係(我覺得)好食到爆。我最鍾意嘅係呢間野嘅湯底唔落味精，而係淆嘅，佢哋同事都會飲曬啲湯。湯底我最鍾意叫麻小辣 ，之後再加佢黃辣椒。佢嘅黃辣椒辣得嚟有少少酸，加埋川香麻辣，簡直係絕配，喺第二度好難食得到呢種味道。而且食到最後，呢種湯底混合留守到最後嘅花生，係非常之咁香，非常之咁夾，非常之咁好味。食到覺得辣時，飲啖凍奶茶就更正喇。其實我鍾意紫菜多過附送嘅芽菜，因為紫菜爽脆得嚟唔會破壞薯粉嘅口感，兩者都有彈性，相輔相成。環境方面，以食米線嚟講，呢間野好闊落而且乾淨企理，仲有啲姐姐嘅質素拍得住乜仔姐姐- 雖然教育水平唔算高，但係有禮貌同熱誠。最後想提嘅係，呢度平日下午茶時段好抵。食碗麵會送飲品；另外就算唔係下午茶時段，佢好多野都係平過出面，而且餐廳嘅環境、食物同埋服務都絕對對得住呢個價錢有凸！

🇭🇰川味美食·我地本身諗住食對面既澳牛架 但係原來佢地9點shan門 食唔切就黎左呢間🤦🏻‍♀️🤦🏻‍♀️·秘制醬汁撈米線 l 酸辣炸醬紅薯幼粉$31豬軟骨$11 l 豬頸肉$8 l 魚腐$6 l 海帶$6佢個撈米線好淋身 係完全無曬個口感咁 好在個炸醬都算惹味既 不過都偏油🤭另外個紅薯粉就無咩味咁 完全唔索湯 整體兩個麵底都好麻麻🙊🙊之後佢個豬軟骨好硬身 唔係好淋 豬頸肉 魚腐同海帶就一般般咁 早知食隔離既譚仔🥲·#rbyeat#rby港式#rby佐敦 #rby太子 #rby葵芳 #rby長沙灣 #rby深水埗 #rby荃灣 #rby元朗·📍佐敦白加士街56號地舖📍太子西洋菜南街200號地舖📍葵芳禮芳街1號地下B號舖📍長沙灣青山道272號地下📍深水埗福榮街60號📍荃灣圓墩圍71至78號友聯樓地下17號舖📍荃灣四陂坊富利達中心地下F1號舖📍荃灣德士古道24號富麗商場地下40號舖📍荃灣西樓角路98-112號荃昌中心昌寧商場1樓43號📍元朗裕景坊27-31號金倫大廈地下5號舖

一入去明明有其他枱無客放甘多野係椅上既枱可以搭，職員係要安排我坐係一個左右都有好多野放左係我搭枱既位度，我建議坐另一張佢又唔制，結果要左右兩枱客都搬開d野。坐低後職員就企係附近想等幫我落單，我見佢仲企係度但我又未揀好就諗住同佢講轉頭先叫佢，點知佢姨姨唵唵話我甘耐都未落得單。好，落左單我張枱另外既人就已經起身埋單走，突然問我幾個人，我話一人，佢就叫我調第二張枱要比呢張枱另外4人既客。好，甘就調左我一開頭建議既圓枱位。甘我就叫左碗豬軟骨手工拉麵（加酸辣）。豬軟骨煮到應該叫豬硬骨，湯無味，得酸菜既味，完全無所謂既豬骨濃湯味，叫中辣但係一丁點辣味都無。凍奶茶尚可入口。其間有個客打電話來話可能跌左介子係店內，問職員可否幫手搵下有無，佢話好忙唔得閒叫佢自己來搵。但係其實已經無乜客，收線後個職員話：可以禁陣電話啦。

川味粉麵小店,夠正宗而出名,好多人都推介既可選辣度仲可以加酸 變酸辣粉 腩肉味道唔錯好香入味又唔會太肥湯底炸醬足料唔會太少酸菜芫荽蔥花同小麻辣味道好配搭加埋薯粉吸湯吸汁一流另有多款川味小吃,非常多選擇,又平又好食川味美食 佐敦白加士街56號地舖評分8/10消費$50

🐻🐻最近lunch時迫我啲同事陪我食川味xd 我就食左秘製醬汁撈米線(配芝士腸 蘿蔔同豬頸肉)-$49🐻🐻誠意推介依個平民美食 🐻🐻最近一諗唔到食咩就會去川味到食 因為相比係湯米線 🐻🐻更愛肉燥撈米線川味嘅幼薯粉都好食 但個人認為佢嘅米線撈起上黎更入味 而且米線煙韌軟稔 啱哂我嘅口味(可能有人鐘意食硬啲就可能冇咁鐘意配料方面都十分足料 芝士腸有四條 蘿蔔冇揸有三大舊 豬頸肉彈牙肥瘦均勻 好味道😋 🌟Rate: 8.2/10回頭率🌟Rate: 4.5/5 (平靚正)P.s. 🐻🐻食過幾間川味 暫時最好食都係佐敦依間😋

原諒我無影到碗米線嘅完整相，因為我一般係唔會寫食評，呢一張相係我已經食完嘅相呢間鋪係我屋企附近，之前一直都唔敢試，因為係深水埗都食過一間川味美食，我無深究過係咪分店定只係撞名，但啲野食以我印象記得都係大同小異。好中意食米線嘅我最近真係食厭哂附近嘅譚仔，三哥同雲桂香先會叫呢間我叫咗大麻辣走酸菜，腐皮、雞翼尖、醬爆丸、炸醬米線🍜我係foodpanda叫外賣嘅，咁叫得foodpanda當然知道唔會話要求有堂食嘅水準啦！但佢地鋪頭仲要係無得比人揀分唔分湯，ok我都無問題。但碗米線嚟到係已經索哂水可以講啲米線’漿’住哂囉唔分湯唔緊要，米線’漿’住唒都唔緊要，因為我叫米線淋啲所以加埋索完湯夾唔郁都唔緊要，但嚟到得翻啲油搞到個米線變咗多油版撈米線咁我真係接受唔到囉但精彩嘅部分仲未到！個米線食落去係無乜味架。。。首先個湯底真係好似用水加辣椒油咁，係完全無咸味架而且所謂嘅麻辣係一啲麻都無，留意翻我叫嘅係大麻辣，但真係少少麻都無！因為佢嘅辣就只係落一大羹好多好多辣椒嘅辣椒油你，當然我都係食好辣嘅但我可以講落咁多比我辣度只有小辣囉真係仲要搞到個湯底好油，食落去啖米線無味之外就係有小小辣椒味然後成口油到四個餸

返左成日工，想夜晚呢餐蝕本麻酸辣既米線慰勞吓自己，同朋友每人嗌左個大辣同麻辣，打開蓋覺得賣相都唔錯（呢張相係朋友碗大辣），點知食第一啖已經feel到唔對路，因為食落係一啲啲嘅辣味都冇，連另一位唔食得辣既朋友食呢個大辣都覺得無料到，我嗌左個酸辣米線配豬頸肉同腩肉（麻辣）個湯底又淡又無麻辣味，成個湯靠個酸菜個少少味，腩肉柴到呢，唯獨得豬頸肉叫放到入口。之前食開其他分店都冇呢樣問題，對呢間鋪好失望，最後成半碗無食

旺角食酸辣粉的選擇好多，今次試下呢間川味美食，見佢都有幾間分店但我第一次食我點了酸辣炸醬細薯粉，加豬頸肉，大大碗薯粉份量非常足夠，酸辣湯底正常水準，唔會係死鹹酸果種 豬頸肉薄薄一片幾入味，下降，都不錯

連續食左幾日，茶餐真係抵食，送野飲，好似2：30-5：30。就算譚仔係隔離都係食呢間。次次都係湯米線，小麻辣要酸，再加兩個餸。野飲飲豆漿，豆漿無曬就好立克。呢間米線，野飲選擇好多。樣樣罐裝汽水、茶啡、甜飲都有，確係唔錯。周圍環境乾淨整潔，有卡位坐得舒服。檯面有隔板。幾簡單企理。下午茶時間店內半滿，坐得鬆動。檯面調味料，筷子，糖，牙籤。雪櫃入邊選擇多，豆漿有黃豆豆漿同黑芝麻豆漿。幾受歡迎，好多時去到無曬。大腸、腩肉味道唔錯，好香，入味又唔會太肥。成碗米線食曬，$43好飽。豬頸肉都唔錯，而且湯底炸醬足料，唔會太少。酸菜、芫荽、蔥花同小麻辣好夾，食左幾日。米線亦滑。同附近咁多食肆競爭下，我還是比較喜歡呢間。

以前在这里吃过他们的米线，味道和汤底都可以，今天下班后路过就直接走进去用餐。他们的餐单很简单，类似车仔面，选了基本的面后可以自由加其他配菜，有汤面和捞面供选择，口味以酸辣为主，更重要的是价钱合理。疫情期间，加上是平常日子，客人不多。这次要了红薯粉，除了肉酱，还加了贡丸和猪颈肉，很大的份量。第一次吃红薯粉，透明的条状带点烟韧，面质带咬劲。但不会吃到味道，就是加了酱料也很淡。较为突出的是汤底，味道带点微酸，与面一齐吃不会腻，还有开胃的感觉。

川味美食算係我同男朋友既回憶🥰以前放lunch既時候有一齊過黎食過今次咁啱經過佐敦，所以打算回味下☺️-不過唔知係咪換左廚師👨‍🍳👩‍🍳唔係太岩我地口味-面既份量大，唔使加底都夠男仔食酸菜好足料，係偏酸口味，唔係甜酸果種蘿蔔好大塊，不過唔甜亦都有渣雞翼尖入味但有好多毛豬頸肉係橙色果種，好細片好薄最後同男朋友都剩下好多唔會再食了

今次係第二次食係衡量之下，譚仔泡椒鯇魚同呢間 就揀左呢間因為上次食覺得幾唔錯叫左3餸腩肉：無好入味，又韌 似係放左好耐豬紅： 得30%入味，口感唔錯墨丸：靚貨，唔會太似味精撈出來，原材料比例高。湯底：都係咁，你唔會記得，又唔會覺得難食。酸菜：好酸，唔算好惹味，唔會想翻頭食。奶茶：好失敗，叫左少甜，都係好甜，叫佢再溝溝然後有層油係面，茶底簿、唔滑身，似係奶茶溝左20%水。如果揀多次，會揀第二間，無咩驚水，不如食譚仔😀

耐唔耐都好鍾意黎呢間野食碗麵，因為佢有我鍾意既粗薯粉，尋日下晝2點幾都仲未食野，就入黎食個下午茶，叫左個8號餐即係撈粗薯粉，加海帶 加豆卜同埋牛柏葉，下午茶時段即係由2點半開始叫麵會跟埋野飲碗撈薯粉上枱，我真係呆一呆，點解乾撈薯粉會咁多水？？？？我唯有問下侍應姐姐睇下係咪落錯單落左辣湯粗薯粉，姐姐望一望張單話無錯 呢個就係乾撈粗薯粉都廢事留難個姐姐，算啦照食，食落味道係有既，但因為真係太多水，可能無瀝乾，個感覺唔似食緊撈薯粉

手工拉麵幾有咬口，抵抵地食餐飯都可以，分量係多到滯🤣配餸方面就一般過一般😕魚腐好神奇地無咩味，豬軟骨大部分啲骨都咬唔到🙁肉好硬仲有浸雪藏味，炸醬ok加埋花生perfect match雖然話係秘制醬汁但都係普通野😂