嵐山日本料理

营业中

休息中

今日黎到尖沙咀嵐山日本料理既用餐體驗好正好滿意!!首先環境住得舒服啦, 呢道D枱凳都幾大張, 枱與枱之間夠寬闊~~店員既服務仲好好, 態度親切殷勤食物方面選擇豐富!!有套餐又有單點~~叫左幾樣食物全部都好新鮮, 味道都唔錯兩切深海池魚刺身 $248深海池魚刺身好新鮮, 每一片都係鮮嫩透明刺身片既厚度亦剛好, 質感細膩~魚肉非常鮮甜, 口感滑嫩清爽忌廉芝士吞拿魚卷 $136賣相好精緻好吸引!!每件卷物都包住柔軟既忌廉芝士同厚切吞拿魚刺身忌廉芝士充滿濃郁既奶香, 搭配吞拿魚同壽司飯又幾match喎~三文魚壽司 $36三文魚色澤鮮亮, 肥美可口~~壽司蔥花拖羅蓉 $96壽司上面拖羅蓉好澎湃!!~蔥花清新既味道同嫩滑既拖羅蓉配搭起黎有豐富層次感七味蓮藕片 $48蓮藕片切得薄而均勻~口感卜卜脆, 配埋七味粉同沙律醬味道一流天婦羅盛合 $128天婦羅外觀色澤金黃, 外皮酥脆可口, 冇乜油, 食完都唔會膩~~盛合包括大蝦, 茄子, 南瓜, 蕃薯, 魚塊等.....最鍾意大蝦丫, 肉質鮮甜又結實鵝肝牛柳粒石頭鍋飯 $198好豪華既石頭鍋飯丫!! 鵝肝配牛柳粒呢個組合都幾新鮮~~厚切鵝肝好肥美, 非常甘

🌟嵐山日本料理🌟位於尖沙咀棉登徑，走🇯🇵居酒屋路線，食材選料優質✨，而且款式選擇夠晒多👍🏻！🍣壽司盛八點 $358包含魚味香郁嘅中拖羅、肥美嘅深海池魚、軟糯甘甜嘅甜蝦、肥大肉厚嘅帶子等，最特別係中間嘅拖羅蓉海膽三文魚子飯，配紫菜食用，滋味十足！🐟三文魚松葉蟹肉卷 $138蟹肉同埋三文魚子帶來源源不絕嘅鮮味，而底下嘅沙律醬亦加咗唔少分！🦀松葉蟹海膽甲羅燒 $98入口鮮味濃厚，配多士食用真係very good！🍤天婦羅盛合 $128做到外層香脆，內裡多汁，水準之作！🍜安格斯牛肉鍋燒烏冬 $148安格斯牛肉僅以熱湯燙熟，特別軟嫩！烏冬亦滑溜可口！

晚上跟好友到了尖沙咀的嵐山日本料理用膳，餐廳佈置有如在日本居酒屋🏮般的寫意，食物款式亦很多，點了嵐山二人前套餐，豐富又美味😋。嵐山漬物三點～ 有牛蒡、蒜頭同埋白蘿蔔，食落爽脆醒神，開胃前菜。時令沙律🥗，沙律菜清爽，配有番茄仔同脆卜卜魚籽增加口感。刺身四點，有三文魚、拖羅、油甘魚同埋甜蝦，魚生厚切色澤光鮮，入口新鮮又甜美，最喜歡柔軟油脂香的拖羅，十分滿足。壽司拼盤，內有日本海膽、深海池魚、真鯛、帆立貝、赤身、金目鯛同埋拖羅蓉小卷，我就食左海膽壽司、帆立貝同拖羅蓉小卷，海膽鮮甜入口即溶，帆立貝非常新鮮滑溜，拖羅蓉小卷入口有鹹香味，飯的份量亦剛剛好😊。其他的金目鯛、赤身、真鯛同深海池魚都好肥美。廣島蠔味噌菜鍋🍲，有4隻肥嘟嘟的廣島蠔，蠔味濃厚，配菜好多有娃娃菜、冬菇、豆腐、紅蘿蔔🥕、金針菇同埋粉絲，好豐富啊。唐揚薩摩雞翼，炸到雞皮香口酥脆，雞肉則嫩滑可口。山賊汁燒安格斯牛柳串，山賊汁加蔥花味道唔錯，肉質有咀嚼感，肉汁豐富。黑咖喱湯豬軟骨稻庭烏冬，豬軟骨煮得入味柔軟，黑咖哩湯底好好味又濃郁，稻庭烏冬滑嘟嘟又掛汁，好飽要食埋佢😊。時令甜品是雲尼拿同黑芝麻雪糕，又過了一個愉快的晚上🌃。

🏯嵐山二人餐（$899/2位）🏯🥢嵐山漬物三點🥢🧄漬物有漬牛蒡、蒜頭同白蘿蔔，每款脆身爽口，食落醒神開胃💡🥗時令沙律🥗 🍱刺身四點🍱🐟刺身包括拖羅、三文魚、油甘魚同甜蝦，魚生既顏色鮮豔有光澤，🔪每件都切得大大片，夠曬厚身，咬落啖啖肉，好有滿足感。🔥當中拖羅外層經過炙燒，香氣+魚油全被逼出，食落既新鮮又肥美😍🍣壽司拼盤🍣🤩拼盤賣相誘人，款式有赤身、深海池魚、真鯛、帆立貝、金目鯛、日本海膽同拖羅蓉小卷，😬而個人最愛係海膽壽司同拖羅蓉小卷。海膽份量十足，足足有兩層高，佢入口即溶，鮮甜無比。🍘拖羅蓉小卷餡料比飯多，佢混合左小蔥，成功帶出拖羅蓉既鹹鮮香味😎🐔唐揚薩摩雞翼🐔🍗雞翼熱辣辣上碟，表皮酥脆酥脆，內裏雞肉嫩滑多汁，擠上檸檬食有另一番滋味🍋🥩山賊汁燒安格斯牛柳串🥩🍢牛柳肉質鬆軟，每啖肉汁滿滿，連埋山賊汁+蔥花食好搶鏡🪞🍲廣島蠔味噌菜鍋🍲🦪裏面有4大隻廣島蠔，粒粒巨型飽滿，咬落爆漿，蠔味強勁。🥦鍋入面另有唔同款式蔬菜，如娃娃菜、冬菇、金針菇、豆腐，仲有粉絲添，營養十足🤭🍜黑咖喱湯豬軟骨稻庭烏冬🍜🍛黑咖哩湯底濃郁，與幼滑又掛汁既稻庭烏冬夾到一個點！🐷豬軟骨煮得既淋身又入味，唔需要太多咀嚼，肉已經

同老公係尖沙咀行下，之後佢同我去咗嵐山日本料理用膳，餐廳裝潢好有日本居酒屋格調，座位寬敞。壽司盛八點：壽司擺盆精美，七彩繽紛顏色鮮艷。有深海池魚、真鯛、三文魚腩、油甘魚、中拖羅、甘蝦、帆立貝、拖羅蓉魚籽海膽杯。所有刺身都好新鮮，魚脂甘香，鮮味十足。壽司飯係用咗赤醋飯，飯呈琥珀色，比一般的白米醋飯具有更柔和的酸度、味道更香醇濃郁、更具層次感，與油脂豐富的魚鮮相配，100%烘托出魚鮮自身嘅鮮味，把壽司的味道提昇至另一層次。另外海膽新鮮有光澤，鮮甜柔滑，甘香清甜。加上拖羅蓉和蟹籽，再用紫菜包住食，無論味道和口感都係一流！昆布清酒煮蜆：清酒陣陣酒香帶出海鮮的鮮味，大蜆隻隻飽滿兼味道濃郁。鹿兒島黑豚肉鍋燒烏冬：鹿兒島黑豚肉的特色是肉質緊緻多汁、口感柔軟有彈性、滋味甘甜鮮美、脂肪清爽不黏膩。醬油湯湯底溫和清淡，可以品嚐到烏冬最純粹嘅好味道。串燒即叫即燒：薩摩赤雞亦、蕯摩赤雞腿肉、薩摩赤雞腎，採用日本三大名雞之一嘅薩摩地鶏製作，肉質富有彈性，脂肪少，味道濃郁，鮮嫰香口。鹿兒島黑豚五花腩：五花腩是位於豬的腹部，其脂肪含量最高，脂肪爽而不膩，肉質鮮香嫩滑。

尖沙咀棉登徑呢度食店雲集揀咗間日本嘢試試😋餐廳嘅食物款式種類多，座位又舒適，另外亦設有一排bar枱ღ金線鯛魚刺身 $188叫咗半條份量，擺盤精緻刺身好新鮮😍魚皮閃令令✨魚肉透光粉嫩，食落好鮮甜ღ黑松露三文魚籽帆立貝卷 $158份量十足！面頭有輕輕火炙至半生熟嘅肥厚帆立貝，外層燒到焦香，內裏鮮甜嫩滑，加上三文魚籽同卷物，一大啖食，滋味滿足😌ღ串燒ღ見好多枱都叫串燒好吸引🤩我都叫咗幾款試吓免治雞肉棒 $52，日本蕃薯仔 $38，安格斯牛柳粒 $68，鹿兒島黑豚秋葵卷 $42免治雞肉棒配上蛋黃，食落軟嫩，帶有雞軟骨口感，牛柳粒肉質細膩彈韌，肉汁四溢，鹿兒島黑豚秋葵卷，將黑豚肉片包住秋葵捲起，入口軟滑清爽ღ網燒安格斯肉眼扒 $198燒得好香口，肉味濃厚，肉質鮮嫩多汁好juicy ღ鯛魚湯鍋燒烏冬 $158烏冬用鍋上，熱辣辣🔥湯底奶白色好香濃，魚肉雪白又嫩口烏冬滑捋捋

今日同好閨蜜補祝生日，梗係要搵返一間大家都啱食，而且性價比較高嘅餐廳！所以嚟到尖沙咀嘅棉登徑，門口睇見呢一個二人餐牌，食物相當豐富。👍🏻嵐山二人餐✨漬物三點、時令沙律、時令甜品✨刺身四點拖羅、三文魚、油甘魚、甜蝦各2切，刺身肥美得過分，特別係個拖羅非常粉嫩，咬落好軟好油潤！✨壽司拼盤呢個拼盤包羅萬有，全部都係奢華得黎有份量：赤身、深海池魚、真鯛、帆立貝、金目鯛、日本海膽、拖羅蓉小卷擺放得整齊有序，米飯握得夠實，醋味適中；帆立貝特別清甜；金目鯛帶爽身嘅口感；赤身鮮味出眾；深海池魚夠哂肥厚！✨串燒居酒屋又點能夠冇串燒呢，套餐分別有山賊汁燒安格斯牛柳串、唐揚薩摩雞翼。牛柳串分成一小份一小份好易咬，醬汁唔會過分濃味，更灑上蔥花；雞翼脆卜卜唔油膩，好食！✨廣島蠔味噌菜鍋熱辣辣的端上，四大隻肥美飽滿嘅蠔肉鋪係鍋面特別吸引～裏面亦都有娃娃菜、豆腐、冬菇、粉絲，份量極多✨黑咖喱湯豬軟骨稻庭烏冬黃咖喱、青咖喱、紅咖喱就食得多，黑咖喱真係第一次品嚐，夾配滑捋捋嘅烏冬特別濃郁，豬軟骨口感都幾淋。

香港要搵好食日本餐廳不易，儘管不求性價比，但求好食都不易。呢間餐廳裝修佈置十分接近日本當地居酒屋設計風格，但個人唔sugget：第一：日本餐廳serve 熱水，要凍水就俾支 B字頭礦泉水（$28）第二：寿司飯係凍而且醋的調味不行（12件 4百幾），suggest 店家用番日本醋「判山吹」、「白菊」第三： tenpura 食唔出芝麻油香，可能用其他油去炸。第四：燒鳥調味唔得。ecpected會有 鹽味（塩shio ) or 醬汁味（たれtare）可選，不過冇，而且食唔出用咩season 如果放下要求同普通日式餐廳去比較，還是OK 好味

小朋友生日，契媽請食飯。有契媽的孩子像個寶。今次小朋友揀食日本菜，第一次試刺身，所以契媽揀間中高價餐廳。我地叫左松子仁鰻魚炒飯，日本南瓜天婦羅，和風刺身沙律，嵐刺身盛。其他唔確定個名有：三文魚子黑松露帶子卷物，香蔥牛肉卷，海鮮雜菜鍋。契媽叫食物時，我放好檯面個碗，點解滑潺潺……原來有塊昆布黐住咗碗底😨，職員即刻換過新碗俾我。叫完食物，不出5分鐘，所有食物到齊，快過大快樂。刺身第三樣到，都未食得切，海鮮雜菜鍋又到。職員唔太醒目，刺身放最遠，個鍋就放中間。我地當然想食刺身先，叫職員幫手轉位。職員好似不太願意，攪左一陣先叫其他職員幫手。 我地食完刺身，海鮮雜菜鍋下面既火熄左啦，我地叫佢換。職員回覆一個鍋跟一個火種……但個鍋有魚有海鮮，凍哂喎⋯⋯過一陣有職員換個新火種。另外叫左三文魚子黑松露帶子卷物，職員一放上檯，有兩粒三文魚子碌左落檯，有幾粒碌左落碟。原本靚靚既擺盤，俾佢破壞晒，都嘥咗廚師一番心機。記錄一下小朋友第一次食魚生，佢話無咩味，質感怪怪地😂其實食物好味，刺身新鮮。但職員態度麻麻。中高價既中本菜，應該態度禮貌有善。請改善一下，不要浪費廚師的努力。😋Yummy Yummy: 7/10😋

話說，大約1️⃣個月前，老婆約咗個朋友食lunch，佢地求其去咗一間日本料理度食😮，食完老婆話好好食😋，但係就完全唔記得餐廳個名🫠...。今日行經尖沙咀，老婆突然好大聲嗌，係呢間啦，係哩間啦，應該係哩間啦....應該🫠？！不過我見啲餐牌都幾吸引，係唔係都好啦，今晚一於入去試呀😆。餐廳佈局設日本🇯🇵居酒屋風格，另外仲有吧台位置。餐牌📔選擇豐富，今晚我地點咗以下呢啲👇油甘魚腩壽司 $40 x2油甘魚腩🐟肉厚滑嫩，油花散佈均衡，入口即融，食落淡淡甘甜😋。深海池魚壽司 $52 x2肉質爽口，而且油份好重，在口腔久久不散🤤。蟹膏豆腐壽司 $48 x2幼滑嘅玉子豆腐內，加入濃厚的蟹膏🦀，上面就鋪滿了大量蟹肉🦀，味道鮮甜，口感豐富😋。香煎鵝肝多士 $98鵝肝表面煎得焦香，口感柔潤，油脂香肝味濃，加埋香脆嘅多士，非常好味😍。天婦羅盛合 $128包括有秋葵、蕃薯、茄子、大蝦、池魚和粟米芯，外層炸漿非常薄脆🥰，有酥脆嘅口感，全部食材外脆內嫩，層次感豐富得嚟又好味😋。安格斯牛肉薄燒 $168安格斯牛🐂肉味濃郁，包住蔥花及炸香嘅蒜片🧄一齊食，口感豐富🥰。鵝肝牛柳粒石頭鍋飯 $198石鍋飯🥘上枱時熱辣

我哋嗌咗鯛魚薄切沙律、壽司盛八點、免治雞肉棒、厚牛舌、白活鰻同埋鵝肝牛柳粒石頭鍋飯咁首先講咗佢嗰個沙律/壽司盛先啦佢嗰個鯛魚食落去都幾滑👍👍之後每一嚿壽司食落去都幾新鮮我自己都比較鍾意食三文魚+吞拿魚🥰🥰因為食落去幾肥美海膽/海蝦食落去都幾唔錯咁之後就講吓佢嘅小食啦我覺得嗰個白活鰻比我想像中出色😆😆因為其實我唔算係一個好鍾意食鰻魚嘅人但係我覺得呢個鰻魚真心幾高質🥰🥰食落去肉質好嫩而且好脆口跟住嘅牛舌食落去都好爽口、彈牙最後就講埋嗰個牛柳粒石頭鍋飯本身仲以為呢個飯會好細兜點知咁一嚟到我哋即刻嚇親😂😂跟住我覺得嗰個鵝肝食落去都幾腍（我朋友超鍾意食嗰個鵝肝🤣🤣）值得一提嘅係我好少見到石鍋飯可以做到有飯焦😱😱（我自己就幾鍾意食飯焦）所以覺得幾唔錯

非常值得推薦既日式餐廳💕 店內既氣氛非常舒服菜式豐富 更有多款串燒可以選擇😋厚牛舌 $58🐮我覺得係一道絕對不能錯過既菜式🥳牛舌真係好厚 配上蔥花 牛舌味道更突出👅白活鰻 $88🐟為鰻瘋🤣如果你係燒鰻愛好者 又係一道必點菜式👍🏻鰻魚超級超級厚身 口感非常厚實 軟嫩多汁🤤免冶雞肉棒 $52🐣除肉質鮮嫩多汁 免治肉更好鬆化 真係好有口感😋焦糖菠蘿 $32🍍甜而不膩 面層有粒粒既糖粒 口感酥脆壽司盛八點 $358🍣多款壽司款式 而且係我地最愛既刺生大件😍飯量少真係好緊要🤭 刺身有鮮味而且色澤鮮明鯛魚湯鍋燒烏冬 $158🥟鯛魚湯汁鮮美 烏冬有嚼勁 魚肉嫩滑🥰嵐山日本料理📍尖沙咀棉登徑11號地舖

🐽日本時令生蠔刺身 $98/隻超大隻既生蠔🫣睇落勁飽滿🤤睇得出師傅花左少少心思💕上面放左三文魚籽 蔥花同柚子醋汁 生蠔底仲放左紫蘇葉同海帶☺️更加有層次感😋入口質感比較厚實 有輕微既海水味 鍾意既可以加少少檸檬汁提鮮😉整體黎講都唔錯 幾鮮甜😚🐽黑松露三文魚籽帆立貝卷 $158賣相超吸引🤩帆立貝係有輕輕炙燒過架🔥加埋黑松露同三文魚籽既配搭 食落更加有層次🥰好重黑松露既香氣 三文魚籽粒粒都好飽滿😍配埋鮮甜既帆立貝 好match🤤啲飯都係有調過味 包住左啲青瓜絲同沙律醬 就算唔加豉油都一樣咁好食😋幾好食💓🐽安格斯牛肉薄燒 $168份量十足既安格斯牛肉薄燒😳入面包住滿滿既香蔥同炸蒜片🫣店員話可以因應自己需要去點個醬汁 個人比較鍾意重口味 所以點左超多個醬😝食落好香芝麻味 安格斯牛肉既油脂感散發曬出黎🙊食落去好香口 大滿足👍🏻好有牛味🤤想讚既係用左芽菜墊底 大大減低油膩感😚🐽薩摩唐揚炸雞 $108份量唔算好多🥹但貼心既係配左沙律菜🥗比你解下膩 炸雞好快凍 建議快啲食左佢先🙈入口幾香脆 雞肉幾嫩幾juicy下🤤唔想咁dry既可以點少少醬食👍🏻 🐽雞皮餃子 $38鍾意食雞皮既你可以試下呢個雞皮餃子🥟我

尖沙咀棉登徑近年變成了一條🇯🇵日本街⛩️，有各式各樣的日本料理，今次我和朋友選擇了開業多年的嵐山日本料理~餐廳簡約雅致，內外的裝潢都好有日本居酒屋的感覺，且燈光柔和，讓人感到非常舒適、放鬆，好適合與朋友聚會🍶餐廳食物款式好多，有沙律、刺身、壽司、串燒、天婦羅、主食等，價錢亦很平民，服務態度良好，整體而言十分高質🥢🥗和風刺身沙律 $118沙律賣相精美，有沙律菜、車厘茄、椰菜等，份量十足，新鮮爽脆刺身份量亦不少，十分新鮮，配上沙律和酸酸的醬汁，清爽開胃，味道口感相當豐富🍤天婦羅拼盤 $108天婦羅拼盤大約有6件，有海老、秋葵、茄子、薯仔炸粉夠薄，炸得香口而不油膩，用料新鮮，海老大隻又彈牙🍣壽司盛八點 $258壽司盛八點有帆立貝、甘蝦、赤身、油甘魚、三文魚、時令魚兩件、拖羅蓉魚籽海膽杯手握壽司件件都鮮味十足，即叫即握，百吃不厭尤其是油甘魚魚油充足，帆立貝大件厚身十分鮮甜拖羅蓉魚籽海膽杯可以配紫菜包住食：拖羅蓉肥美，甘甜味道層次豐富；海膽creamy又鮮甜；大大粒三文魚籽，完全不腥好美味赤醋飯味道已調好，不用再添加豉油，飯量對女生剛好，一口一件🍚鵝肝牛柳粒石頭鍋飯 $198新鮮的配搭但又意外地m

今次同媽咪黎試新menu《嵐山·春之宴》（至少兩位起）。食物款式同份量真係好多，食到好滿足🥰先有漬物三點同季節沙律做前菜，開一開胃。✨北海道生蠔配水雲生蠔超級肥美飽滿，口感厚實，味道甘甜。配合水雲（海藻類），整體好清新。✨季節刺身五點有象拔蚌/間八魚/深海池魚/中拖羅/八爪魚。第一次食間八魚，口感輕微煙靭帶有少少脆感，好鮮味；中拖羅當然非常肥美甘香🥰✨壽司盛合三點左口魚邊配天婦羅海苔/牡丹蝦海膽配蝦膏味噌/柚子三文魚漬。尤其喜歡第一款，充滿油香同帶有炭燒味嘅左口魚配上脆口海苔，真心讚🫶🏻牡丹蝦配海膽呢個組合鮮味亦係無得輸🙌🏻✨鵝肝蟹肉茶碗蒸蒸蛋滑到一個點☺️加上大大粒嘅蟹肉同鵝肝，仲有冬菇嘅香味，高質🙌🏻✨野菜珍寶虎蝦天婦羅大大隻虎蝦天婦羅，外層炸至金黃脆身，內裡肉質保持鮮甜彈牙。仲有南瓜同茄子天婦羅。✨宮崎A5和牛丼大愛呢幾塊宮崎A5和牛，好·好·味🥹油花豐富，牛味非常濃郁，仲有點芝麻香。將溫泉蛋同米飯拌勻，配上日式燒汁，yummyyyyyy☺️最後再以鮑魚清湯同水蜜桃雪芭作結💛捧住個肚超滿足🙌🏻