影片
更多
2012-07-29
92 浏览
又到左我地每個禮拜一次o既太子 lunch time 媽媽星期五晚己經打黎話今日係要黎食 " 峰 "我以為係講緊連鎖o個間 " 峰壽司 " 其實佢同同事星期五 lunch 先食完 , 覺得唔錯極力推介炸薯絲沙律 , 話要星期六就帶我去食喎黎到時都有唔少人等緊位 , 睇一睇 menu , 呢度主打係食日式端爐燒 , 拉面 , 小食等另外仲有香港較少地方有得食o既茶漬飯 , 果然同我諗o個間截然不同, 唔係重點食壽司o既1. 炸薯絲沙律~ 賣相好靚 , 炸薯絲好幼 , 疊得高高的 , 下層配料排得整齊有露荀 , 蕃茄 , 紫椰菜 , 羅馬生菜 , 色彩分明 , 沙律汁偏咸 , 無由頭淋落去 , 保持薯絲o既香脆 , 但就令到浸o係底o既菜蔬太過濃味 , 又酸又咸蕃茄爽甜肥腴 , d 菜都好爽脆 , 但露筍就有少少苦澀2. 黑豚露荀卷/ 黑豚荔枝卷~ 露荀卷無乜特別 , 都係覺得有少少苦 , 豚肉燒得幾香~ 荔枝卷好好食 , 估唔到味道可以咁夾 , 黑豚包圍住粒荔枝可以封住荔枝o既肉汁 , 燒o既時候荔枝o既清香味又滲入豚肉唔需要點任何汁醬 , 一口成粒食落去就會滿口鮮荔枝汁 , 正 !!3
媽媽星期五晚己經打黎話今日係要黎食 " 峰 "
我以為係講緊連鎖o個間 " 峰壽司 "
其實佢同同事星期五 lunch 先食完 , 覺得唔錯
極力推介炸薯絲沙律 , 話要星期六就帶我去食喎
黎到時都有唔少人等緊位 , 睇一睇 menu , 呢度主打係食日式端爐燒 , 拉面 , 小食等
另外仲有香港較少地方有得食o既茶漬飯 ,
果然同我諗o個間截然不同, 唔係重點食壽司o既
1. 炸薯絲沙律~ 賣相好靚 , 炸薯絲好幼 , 疊得高高的 , 下層配料排得整齊
有露荀 , 蕃茄 , 紫椰菜 , 羅馬生菜 , 色彩分明 ,
沙律汁偏咸 , 無由頭淋落去 , 保持薯絲o既香脆 ,
但就令到浸o係底o既菜蔬太過濃味 , 又酸又咸
蕃茄爽甜肥腴 , d 菜都好爽脆 , 但露筍就有少少苦澀
2. 黑豚露荀卷/ 黑豚荔枝卷~ 露荀卷無乜特別 , 都係覺得有少少苦 , 豚肉燒得幾香
~ 荔枝卷好好食 , 估唔到味道可以咁夾 , 黑豚包圍住粒荔枝
可以封住荔枝o既肉汁 , 燒o既時候荔枝o既清香味又滲入豚肉
唔需要點任何汁醬 , 一口成粒食落去就會滿口鮮荔枝汁 , 正 !!
3. 鵝肝芒果卷~ 無想像中咁好食 , 始終鵝肝要輕輕煎過先夠香 ,
芒果香甜 , 青瓜青嫩 , 食落味道全面蓋過鵝肝 ,
要等成舊吞晒之後 , 芒果同青瓜味過去先回甘一陣鵝肝味
4. 和風牛肉卷~ 外層飯粒秥上脆米 , 牛肉鬆化配上爽口京蔥 , 口感具層次
味道偏淡 , 如果牛肉加上少少燒汁會更加好食
5. 豬軟骨蛋飯~ 呢個飯好有茶餐廳 feel , 可能因為隻煎蛋 xd
豬軟骨夠淋 , 味道唔錯 , 但 d 飯太濕 , 一 d 都唔似日式飯
飯o既汁好似同豬軟骨 d 汁係唔同 ?? 無乜味 , 要自己再落豉油
6. 日本紫蕃薯甘栗餅~ 顏色好靚 , 薰衣草淺紫色裏夾帶淡黃小顆粒 ,
新鮮熱辣炸起 , 外層好香脆 , 就墊底o既吸油紙可見
佢上枱前己經 " 琼" 左油 , 咬落毫無油膩感 ,
客人見到吸油紙幾乎無油漬 , 食都食得放心 d
軟綿o既紫蕃薯蓉香甜可口 , 顯得粟子味好渺少
## 呢度環境都幾有日本 feel , 店員帶有笑容且服務態度良好但以咁樣格局o既日本餐廳黎講 , 呢度都算係中位價錢
由其是 d 壽司刺身 , 其中牡丹蝦壽司賣 $ 90 ,
雖然呢一餐係幾唔錯 , 都不至於令我想試下佢 d 貴價食品
张贴
