峰壽司

营业中

休息中

星期五收工，想食下壽司位處Vwalk商場中間地段峰壽司用手機app取票，等左30分鐘入座門口等位大部分都係等外賣入座時店員仲派咗四人窗邊靚位俾我哋兩個人坐，坐低後自助手機落單叫左7樣野油甘魚刺身：冇得彈！滑！新鮮、口感特大鯵魚壽司試吓食落去唔知食左d咩，話口感好又唔係、味道好又唔係峰玉子壽司：我至愛，每次黎必叫，玉子同飯熱辣辣又夠甜！好好食八爪魚芥辣小鉢人氣三點盛：有三文魚、虎蝦同帶子三款壽司費城卷：三文魚子外層包飯卷紫菜三文魚芝士海鮮飯：好多款刺身集合於一碗，有三文魚、三文魚子、玉子、帶子、海膽、吞拿魚、油甘魚、虎蝦、海帶

ʕ•ﻌ•ʔฅ中規中矩的鰻魚飯定食與同友相約到V Walk 吃Lunch，因為她想吃壽司，所以就選擇了這間「峰壽司」。餐廳環境都算是寬敞及陽光充足，都頗適合聊天。由於我不吃刺身和魚生，所以選擇了鰻魚飯定食。★午安套餐-鰻魚飯定食 $99套餐都頗為豐富，有一碗沙律、味噲湯、2塊炸雞、以及一碗鰻魚飯。 鰻魚飯的鰻魚份量都不少，目測都有5塊左右，鰻魚下亦有蛋絲墊着，連同燒汁和鰻魚一同吃，都尚算融洽，唯鰻魚不夠肥美，吃的時間不太滿足。

新出午餐刺身定食 $149+10%啲刺身ok 喎，厚薄ok,都新鮮。甜蝦有好多隻好開心🤩好味個餐仲有連茶碗蒸同一碗麵豉湯，仲有一碗唔少既椰菜絲沙律，最後多到食唔哂🙈不過如果啲飯係壽司飯而唔係普通白飯就更加好啦。

星期三晚收工唔知食咩好，係Vwalk求其揀左峰壽司外賣，拿拿聲食完夜晚仲要做gym，懶得諗想食咩壽司，見牆上面餐牌有三款大盒裝外賣選擇，就揀左特盛選一盒$250入面有十幾款刺身（有油甘魚、吞拿魚腩、油甘魚腩、蟹柳、挪威三文魚、甜蝦、千層海老、魚背、帶子、吞拿魚、鰻魚、虎蝦…）10幾分鐘左右有得拎，新鮮壽司外賣速度黎講都幾快，屋企人一向對刺身好揀擇，好多魚都唔食，佢地話唔知咩白色魚都全盒清哂話壽司幾新鮮

🦀軟殼蟹手卷➰ $32軟殼蟹炸到脆卜卜，夠肉，唔會太細隻，不過紫菜有啲淋。🐟挪威三文魚刺身➰ $45比想像中份量細，得4塊，味道方面不過不失。🍤辛辣龍之卷➰ $78幾特別，喺其他餐廳冇見過。味道好夠，落單嘅時候有畀「辛辣」嚇親，不過食落就發現係熱浪嗰種辣。🦀蟹肉軍艦➰ $18呢間嘅蟹普遍嚟講都好食，有蟹味，都鮮甜。蒜香草煮蜆➰ $42一上菜就聞到好香蒜同牛油味，呢啲調味都冇蓋過本身嘅蜆味。一碟有13隻蜆，都唔算少。總結，冇幾年前嚟咁好食，不過都叫中規中矩。同埋唔知係唔係坐嘅位置問題，冷氣好大，所以啲嘢食好快凍。

雖然只係星期三，要過多兩日先有假放，但今日已經開始Holiday Mood，所以決定要出去食lunch。今次揀咗峰壽司，平時行過都見到好多人等位，所以今次特登早咗出發，確實早出發的鳥 好快有得吃😆唔使等位。好肚餓好肚餓好肚餓～ 我揀咗蒜香三文魚飯定食，肚餓嘅程度我相信完全食得晒😝個餐嚟到，笑左😆 個份量好似真係太多(仲有份炸雞無影，餓得滯食咗)份量真係不得了，味道整體來講中規中矩。個魚生飯 相比起個蒜香醬汁，我都係偏好一般無任何醃料的魚生飯多啲，下次再食呢間，應該會是其他款式。

今日係V WALK 睇完戲，諗緊買咩返屋企食，見到峰壽司有外賣，不如就試下啦😆叫左個極上盛$280，兩個人食，有24件壽司🍣，本身都驚外賣質素可能會冇堂食咁好，但壽司都好新鮮，油甘魚好鮮甜，性價比都OK ～可以一試。

今日紅雨，所以就揀左系南昌站附近既V Walk食嘢。午市有6個set揀Set包左沙律、湯、小食同飯～覺得唔夠可以+迷你烏冬（$16）/罐裝飲品（$6）當然日本餐廳本身有熱綠茶飲～-沙律就系普通椰菜沙律～-小食每次可能會唔同既～今次食既系炸雞，個人認為一般。√湯系日式味噌湯入面有唔少既豆腐卜配料。-壽司B set正常發揮，唔會覺得特別驚豔。√蒜香三文魚飯經醃製既角切三文魚有好重既蒜味～個人可以接受～上面仲有5片三文魚刺身，一個人食會覺得好滿足！如果鐘意食三文魚又接受到蒜味既可以試下～可以Encore!

下午茶推介下午茶最好就係去風壽司，因為佢有個迷你丼飯，呢個丼飯係menu 好難搵，要自己落單時先有，亦唔係丼飯category,而放左係南昌店推介迷你三文魚蒜香丼，其實真係細細碗，唔好諗住可以夠飽，但佢真係好好味，啲蒜好香口脆卜卜，仲有佢啲特別醬汁，加埋啲三文魚油非常夾另外再叫左個新年限定既招福海鮮卷，非常大堆頭，有帶子，海膽，呑拿魚，魚子…….$109蚊有6件都算好合理，仲有啲沙律醬配埋非常好食😋

食物同味道唔差, 分量都可以，但工作人員態度，由入門口已感受到差劣，門口個收銀姐姐，入去指去窗口有枱，我見有三張冇人，邊張枱先啱，叫我入去自己問。之後坐低點餐，用QR code 點, 見到隔離枱有窩物，想問店員係邊個餐，個店已用高音加大聲講：「用手機落單！」我第一時間叫佢冷靜,我係想問隔離枱係邊一個餐, 最後救求其講話冇。最後比錢又係個收銀姐姐，冇人係門口，我同另一食客企足五分鐘先過來，我地不斷問有冇人收錢, 五分鐘後先慢慢行過來。下次一定不會再顧！

行到攰，所以食日本嘢。不過星期日等位等得耐d。呢間環境幾好，座位闊落，同隔離枱都唔近，坐得舒服。蟹肉雜菜好好食，最緊要冇蟹殼。佢啲味溝得適中，唔會太鹹，你又唔會覺得佢似粥，又唔會似泡飯。好適合小朋友，老人家食。好夠味。推介。不過佢好似係季節限定。三文魚壽司，秋刀魚壽司，都好食，好新鮮。秋刀魚壽司加咗辣油，估唔到又咁夾。上面鋪左秋刀魚刺身，入邊卷左炸秋刀魚，再加啲辣椒油，雙重口感好好食。三文魚壽司就正常啦，不過佢特長，好似食咗六件咁。性價比黎講，$10件，又係特長，我覺得OK wo。

今日同女朋友行街行到夜晚， 咁啱見到晚市峰壽司有位，即刻入咗去試下🤣🤣一入去店已經主動比咗兩杯水 同 餐具， 仲好細心咁推介有咩壽司多人食，態度友善叫咗大量野食 ， 有三文魚、油甘魚、 海膽。。。。 數到數唔晒， 但出奇地 啲野食又好快到，唔洗等咁耐， 上菜速度好快一嚟到啲野食， 即刻試試佢啲刺身同壽司， 好新鮮同 啲配料夾得啱啱好， 完全帶出食材種原味口感 （私心推薦： 辛辣龍之卷，呢個真係不得了😂）一句講晒， 實會有下次食，極力推薦

上次去吃 然後一个好似长头发 中年的样子的女人态度唔好 名字好似C开头的 具体忘了 不过她的态度很不好。都不想去食了，态度唔好，搞得像客人好似欠左佢钱咁。想到这个我真的气。

I tried the takeaway seared salmon bowl before，was goodso I decided to try again. But this time，the salmon sashimi bowl is not good. It seemed like they are running out of salmon. The fish was thin and not easy to chew as usual.

其實壽司係最容易睇新唔新鮮就咁望到佢啲色都知好唔好食呢間一睇就知中伏海膽好苦三文魚籽好腥吞拿魚茸唔好食而且啲飯好濕好難食難聽啲講完全唔知自己食緊乜除咗帶子 左口魚 同蝦之外其他所有嘢都好唔新鮮好難食