影片
以上资料只供参考，请与餐厅确认详情
【深水埗区】【峰寿司】星期一中午都要去南昌𠮶边做义工，要喺食饭时间同其他人斗逼食饭。大家都知我从来都唔多排队，今次呢间都系贪佢一去到就有位，边间有位就食边间，冇所谓。就算系安排近门口嘅吧台，一个人食嘢都冇办法。又咁讲，啲二人枱都系留畀更有需要嘅人啦。我睇咗阵餐牌，都系想叫返价钱比较相宜嘅午餐，谂吓都系叫咗 $148 嘅「极上寿司套餐」，见佢懒系嘢咁，就叫个嚟睇吓佢咩葫芦卖咩药。佢系包括特大海鳗鱼、吞拿鱼、鲷鱼、蟹柳、油甘鱼、三文鱼、三文鱼腩、墨鱼、带子同千寻海老嘅寿司，好似几正。原来仲有三件葱粒吞拿鱼卷，整体嚟讲啲寿司水准就正常，唔算话好抵咁啰。个餐仲有其他嘢，一品系个小食，炸鱼饼之类，okay 啦。沙律偏咸，汤就系面豉汤，冇特别，平民 version 𠮶啲面豉汤，大家明嘅。埋单价 $163，冇挑剔，但亦未必翻兜了。。。（地址：深水埗深旺道28号V Walk 2楼L2-49号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗区 #深水埗 #南昌 #峰寿司 #寿司 #极上寿司套餐 #一品 #沙律 #面豉汤 #1am1754 #1ambackup
继续阅读
喺南昌V Walk公司附近揾食，发现咗一间好正嘅日式餐厅 — 峰寿司。呢间餐厅位置超方便，就喺屯马线站旁，食完仲可以即刻返屋企，对于我哋呢啲返工一族真是一个福音！今次我试咗佢哋嘅寿司定食（包括面豉汤、前菜、炸墨鱼饼、沙律、12件寿司） 寿司定食
呢个定食份量真系10分足，简直系大满足！一上枱，成个餐盘满满当当，望落去已经好有饱肚感面豉汤：汤头浓郁，带有浓浓嘅豆香，饮落去暖胃又舒服，系一个好开胃嘅开始。前菜：前菜简单但精致，系一小份腌渍小菜，清爽可口，帮忙调节味蕾。炸墨鱼饼：墨鱼饼外脆内软，咬落去有浓郁嘅海鲜香，仲带点微弹嘅口感，食落好满足。沙律：沙律新鲜清脆，配上日式沙律酱，酸甜开胃，平衡咗寿司同炸物嘅浓味。
继续阅读
母亲节一家三口嚟食，首先门口带位既同事无论任何时候都系黑口黑面，住附近成日都见到佢喺度返工。所以就算忙唔忙佢都系咁嘅面口。🥲的确系倒米嘅。好似嚟做义工冇粮出嘅样。然后店内有起码六张吉枱，但系就要等呢个店员处理晒所有嘅事得闲先嚟带位，人手唔够都唔算系最大问题。问题系在于态度。以为入到枱就有饭食？就真系太天真了。Menu上10样，有七样系冇嘅，𠮶阵时嘅时间系19:10，饭市开始冇耐就已经搞到咁咁迟过我入嚟𠮶啲食风？咁就夹硬叫啦，等位都等咗一段时间，其实只有儿童餐嘅食物系需要煮。儿童餐都等咗大约20分钟，个寿喜烧都等左大约25分钟，再系面前开炉煮，又等….感觉呢个寿喜烧我就系食咗好多洋葱啰🙂↕️跟埋果个饭，哗🤯好似比水浸过咁！厨师连煲饭都唔识…..油甘鱼既颜色….条鱼好似死左十世咁35分钟其余既寿司仲未有，问店员「我想问师傅开始整未？因为我哋都等咗一段时间，如果仲未整咁帮我取消哂佢」店员：「我唔清楚，厨师忙紧」…….我几唔好意思 😅搞到d厨师咁忙所以我就取消哂 带住一个近乎吉既肚离开餐厅经过见到啲厨师，好轻松😌 香港嘅饮食业真系够弯晒前台唔得 后台又唔得
继续阅读
刚刚响附近做嘢，同同事试吓峰寿司set lunch。价钱方面对于vwalk嚟讲中规中矩。一个定食款式都算多，今次安排咗我哋坐Bar枱，落咗单冇耐就好快上沙律，炸物同埋面豉汤等，两样嘢都热热辣值得嘉许。寿司方面都会有鲜味对于我唔食得多嘅人嚟讲食完之后都好饱。对于vwalk商场其他餐厅嘅价钱，我觉得峰寿司价钱都尚算接受缺点，整体上餐厅环境卫生声音各方面等都唔错，只系收银个年轻女经理服务态度不算太好（可能我个人太主观😥）
继续阅读
今日试了午市套餐：Today's Lunch Set:咖喱吉列猪扒乌冬套餐🍛🍜 Curry Cutlet Pork Chop Udon Set- 外皮炸得金黄酥脆，咬落「咔嚓」声💥 Golden crispy crust with an audible CRUNCH- Queuing Time：nil- 排队时间：不用排- Serving Time：7 mins- 上菜时间：7分钟- Tasty Index (好味指数)：7/10(图中价格为港币) (The prices in the picture are in Hong Kong dollars.)
继续阅读