峇里餐廳 (已搬遷) 新店位置

唔係用餐高峰時間去，疑似係老闆既阿姨口黑面黑，似乎心情麻麻ok, 呢個價錢我接受到只係食味道唔要服務叫左個斑蘭椰香黃薑飯，即係雜錦黃薑飯呢碟野計埋加一120蚊，性價比奇低。有好多食評話地道，我唔知佢地搵咩比較喇，同粵菜比咪偏東南亞風味囉。我係去過峇里，每一間當地餐廳都好食過呢間好多倍。詳細逐樣講下雜錦飯最易睇出間餐廳整體水平成大碟野最好食就係魚乾花生飯係有椰香味，但黃薑味欠奉，呢樣已經係第二好食，都算幾大鑊再黎講下廣受好評既巴東牛肉，可能係我口味問題，太甜。香料味道層次唔出，俾甜味遮蓋哂。仲有唔知係氣流產生既錯覺定係我飲大左，食落有浸好奇怪既菠蘿味浮現...可能佢為左迎口唔知邊眾口味，將辣味降為0, 去菁存蕪留返嘅只有甜膩感。同我鍾意食嗰幾間味道好大分別，而家諗返起一路打字都有少少反胃...燘菜不過不失，冇加分位個炸牛肉薯蓉餅好伏，味道怪，口感唔討好其實碟野整體唔算難食既，如果佢價錢同大家樂一樣我會收貨。但而家收一夜夫妻價百二蚊就感覺心理有d唔平衡。可能睇左之前人食評期望太高，唯有自己都寫返篇渲洩下幫後人拉低返d個期望值可能會感覺好d。另外仲有樣野係佢地燈好光好熱，加上間餐廳少人冷氣較

前幾天父親大人思鄉情結，嚷著要食印尼菜，還要指定食這間，話以前在舊址食過，後來不知搬了哪裡，剛好最近比他發現搬到廟街，話要揾返以前的味道！所以我响openrice book左位今晚食。我們被安排坐卡位，餐廳面積雖然不大，但座位算闊落。點餐當然由父親大人發板！豬肉沙嗲點了半打沙嗲賣相吸引，而且有好香炭燒味，豬肉一點都不乾身，肉質嫩滑，沾上沙嗲醬食份外惹味加多加多係印尼沙律，材料大約有椰菜，芽菜，豆腐乾，豆角，蛋等，撈上加多加多專屬印尼花生香料醬，再加上幾塊印尼蝦片，係印尼普遍食法。印尼蝦片香脆好食，沙律靈魂在於有香料的花生醬，所以味道香濃惹味巴東牛肉印尼出名菜式之－，巴東係印尼一個地方名，煮牛肉好好食。這個牛肉好淋好入味，個汁有好香椰汁味，加上印尼香料，有少少微辣，好惹味拌白飯食一流炒通菜初時驚會太辣，好彩食落不辣不太咸，而且通菜炒得爽脆梭多牛肚湯梭多係印尼最普遍的湯類，有—種印尼香料獨有味道，而肉類另可加雞或牛等。今次我地揀左牛肚，份量比預期多，口感豐富。湯入面有粉絲同芽菜，粉絲索哂湯汁，好味！另一食法，將湯拌白飯又係好正而白飯＄13一個，另有收加一服務費！今餐份量剛好，沒有食剩菜，而

由舊舖食到家吓新舖都仲帮襯緊，因為覺得真係好好味，環境好有情調，坐位又寬鬆，細個時爸媽帶我黎食，我記得最鍾意食蝦片，到現在我又带仔仔黎，佢又係最鍾意食蝦片，每次點嘅餸都差不多，食開嘛有感情

再一次光顧這一間滿有印尼特色的峇里餐廳。可能印尼餐不算是熱門的主流菜式，顧客不算太多。但整體來說很不錯。加多加多這道印尼式的沙律菜，香脆的蝦片撈醬，很開胃。巴東牛肉巴東牛肉仍然是最突出的一道菜色，鬆軟的牛肉拌上香甜小辣的醬汁，非常野味。白飯是這道菜式的最佳拍擋。黃薑飯帶少少薑味的黃薑飯，不是那麼辣，拌醬反而更辣。印尼特別炒麵表面上這碟炒麵看不到有什麼特別，味道其實是炒得很不錯。薯蓉牛肉餅蒜蓉牛肉餅是必吃菜式， 一件小小的牛肉餅，滿有香濃的牛肉味，跟蒜蓉混在一起。蜜糖牛油雞全翼跟其他菜式比較，這碟雞翼有點比下去。沙嗲豬肉串燒串燒弄得剛剛好，不過豬肉本身一般，沙嗲醬的味道很濃烈。整體來說這一餐的質素不錯，老少咸宜，大家都吃得很飽足。

印尼手工啤酒實在好飲，真係又要破例飲，所以令我叫左個印尼小食拼盤嚟送啤酒點知人算不如天算。我飲曬酒，飲多杯冰，食曬主菜，個小食都未到。最好食係個蝦醬炒通菜，又香又唔太油同咸，好好味，好驚喜！其他主菜不過不失。食完曬，已個幾鐘，小食終於到啦！嘩 蝦片淋，銀魚花生又係又濕又淋個牛肉餅超難食，個炸皮一夾就散，入面似粉多過肉，好失望。個粟米蝦餅至嬲，一大舊粉，好油，好難食，食到兩啖雪蝦味。超失望。春卷都唔好食，呢碟小食話係推介，成$1xx！可以認真少少嘛？兩個人都食成$5xx真心覺得超唔值。幸好服務都好，望食物會有進步！話曬老店，想繼續支持啊！

每逢大時大節都唔想同人逼 鍾意搵啲冷門嘅餐廳去試下 所以今日情人節都揀咗一款比較冷門嘅東南亞菜試下 雖然而家東南亞菜式喺香港大行其道 但係唔少人都忽略咗印尼菜嘅風味呢度環境唔錯 位置寬敞 有大約4-5張卡位<<加多加多 $78>>印尼有名嘅沙律 加多加多(Gado Gado)係一種醬汁 加入椰菜、芽菜、青瓜、雞蛋、薯仔等蔬菜 並配上香濃嘅加多加多醬，少少辣 好合適做開胃菜呢個沙律仲有一個重點 就係印尼蝦片 呢度嘅蝦片比平時食嘅更厚又夠脆 沾埋加多加多醬 味道更突出<<印尼雜錦炒粉絲 $93>>一嚟到已經聞到陣陣蛋香 呢度所採用嘅粉絲比較幼身 並加入蝦、雞肉木耳、紅蘿蔔、芽菜等材料 炒得好夠鑊氣<<印尼醬燒雞 $138 半隻>>半隻嘅份量夠兩個人食 另外有$248全隻可以選擇 雞肉好嫩滑 燒得啱啱好 醬汁好濃 有少少偏甜 味道有啲似和風燒汁

情人節同女朋友去食, Book左位唔使等, 環境唔錯, 空間都幾大下, 我地叫左3樣野食, 份量好足夠。加多加多:  即係印尼沙律, 加多加多係個醬既名, 多數配多種蔬菜同埋蝦片來吃, 呢度D蝦片用左較硬身既, 出到來都夠脆, 個醬夠濃加埋少少辣,好好味, 必食之選。印尼醬燒雞: 可以揀1隻或隻半隻, 燒出來唔會好乾, 肉質好滑好嫩, 醬夠濃, 重花生味, 配埋旁邊青瓜來食岩岩好, 半隻夠3個人食。印尼雜錦抄粉絲: 有蝦有雞有蛋, 炒得夠香夠鑊氣, 粉絲夠彈牙, 食完不斷想再食, 加多小小辣就不得之了。因為屋企關係, 本身就食印尼野食到大, 而且又去過印尼幾次, 呢度可以做到同印尼食個D味道好接近, 真係好唔錯。

再再次重臨峇里餐廳本來想食返個至愛黃薑飯但見到餐廳出咗個二人餐價錢吸引種類又豐富就試下啦！！！我和媽媽選了豐盛二人餐$288小食拼盤係 泰式蝦餅 魚餅 春卷 各二件 都幾吸引蔬菜選擇了 傳統印尼加多加多沙律咖哩類選了 印尼咖哩牛腩配煎餅炒類選了泰式炒金邊粉（印尼餐廳也能做泰式炒金邊粉@@）288 四道菜 真係好抵食小食香口 是即炸的 比泰國餐廳的還好吃菜類印尼沙律 一貫的好吃咖哩香濃不辣 是印尼咖哩的標誌煎餅脆香 正金邊粉 吃的 最重要是醬料的調和甜 酸 咸 三者調和外面很多泰國餐的炒金邊粉 都是死甜 而且顏色超紅的 一看就知道味道不對但經詢問後知道 峇里餐廳的金邊粉醬的酸是用新鮮酸子磨成的 所以是真味的酸！最後很滿意 另外點了一杯印尼椰香咖啡作結 一樣不錯！！！印尼老店果然厲害 連撈其他野都一樣出色！！

新一年再臨老餐廳峇里餐廳恭喜老餐廳又老一歲做飲食小生意真係一年比一年艱難化學加工食物當道全因化學食物成本低 無需要煮食技術基本所有餐廳都用人手手工製作 買少見少了唔希望老餐廳消失 所以幫襯下是日午餐巴東牛肉飯 轉黃薑飯 62+20 =82每一間印尼餐廳都會做巴東牛但每一間味道都不同唯獨峇里餐廳的巴東牛肉最岩我胃口不太辣 牛展肉燜到好軟身 送飯有如醬汁一般 係最適合我的 唔食得辣的人也可以嘗試 包無死！黃薑飯 飯粒爽身 斑蘭 黃薑香茅的淡香味椰汁的咸香味是真材實料的才能做到！席間聽到隔離枱有人講「叫姐姐整返一樣嘅味先！！」我心諗 咪低能啦 人地撈咗幾十年邊咁容易俾你複製到個味道你估印尼人就識整 而且一定整得好味嫁咩？完

呢間峇里餐廳開店30年 以為會有質素專登搵個下午 同多啲人一齊試唔同野可能口味唔岩 真係唔好食 野食好求奇有最低消費我是明白的 打算叫四個餐兩個係午餐 只跟飲品 另外2個一人餐最後點多左一個小食拼盤 每人$100個1人餐有幾個餸 以為會一碟碟分開上點知只係個三餸飯 唔同既汁撈埋一齊 味道麻麻 巴東牛肉 炸蛋 椰香雞 1-2件其中一個飯加＄20轉左薑黃飯 唔抵！ $88 係有跟兩串串燒 揀咗牛肉同羊肉 係比較好味 但後來先發覺羊肉要加錢午市餐價錢冇咁貴 5x-6x 個牛舌飯煮得幾林 不過味道太濃分量都比較少 喇沙就冇咩特別因為冇一冇一個午餐揀得落手於是點左一個小食拼盤 $138！先發現最貴嘅係最難食 好後悔炸春卷炸粟米蝦塊完全無味道雖然裏面係有蝦 但炸粉超級厚 仲要唔脆 要俾30$ 都覺得唔值

伙計有禮貌，而且食物的質素很不錯。其實以佐敦來說，吃傳統印尼菜不是很多，他們的水準算中上。其次，份量也很足，價錢都相當公道。這間餐廳可以列入再食之選，當然有小孩的，就未必每味菜合心水了。

#HkgoodeatsJordan斑蘭椰香黃薑飯($108)以香茅、斑蘭、椰汁煮成的黃薑飯頗清香，加上微辣的脆花生炒魚乾，拌飯一流😋 巴東牛肉🐮更吸引！以十多種香料炆煮得入味，肉質鬆軟，但份量少，後悔沒有點巴東牛肉作主菜呀🐥加多加多沙律($78) 沙律醬是微甜微辣的花生醬，材料豐富，有豆腐、蛋、椰菜、芽菜、蝦片等。另外串燒和牛肉薯餅也值得一試，整體來說食物質素不錯👍味道 ⭐️⭐️⭐️1/2服務 ⭐️⭐️⭐️1/2環境 ⭐️⭐️⭐️價錢 ⭐️⭐️⭐️1/2地址: 佐敦廟街237-247號地下D及E號舖

媽媽在印尼出生，小的時候因為排華所以跟婆婆親人去了內地生活，輾轉來到香港。其實生日的第一餐應她所想到了一間東南亞餐廳食飯慶生，間餐廳也不錯的，只是當晚中秋人太多，限時下享用顧不得拍照，所以未能寫食評。吃完後才提出要吃黃薑飯，加多加多印尼菜，於是吃多次慶生飯，揀一間印尼餐廳讓她吃頓家鄉菜。選擇這間餐廳雖然離家較遠，然而見到這麽多好評，又是正宗印尼菜，就選這間吧。餐廳當晚人也不多，可靜靜享受一頓印尼菜晚餐。在外用餐，我的爸媽通常看餐牌良久也決定不了吃什麼。媽居然想要咖哩黑草羊，可惜不是時令菜，縱然餐牌上有此菜式但報稱並沒有此菜式供應。而爸居然有心頭好，想吃燒雞。原來印尼式燒雞是醬燒的，不過我喜愛燒得脆皮的燒雞，因為連醬燒皮便不脆了，炸子雞，普通燒雞才是我杯茶，但爸讚好味。黃薑飯同加多加多都是媽欽點要吃，我們又怎能不下這兩份菜式呢？媽覺得黃薑飯薑味不夠，可以再濃一點。由於我們有七個人，所以另外要多了一份印尼特別炒麵來吃，平時的炒麵通常麵多餸少，可這個卻相反，吃完麵還有很多餸。不得不說是巴東牛肉，它一點也不便宜，但真的好吃。肉質林，勉強每人都可以分到一件，它的醬汁很多且惹味，少少辣，連吃不得辣

同事推介此餐廳，網上食評亦唔錯，今日下午專誠與老公到此撐枱腳。店面大，裝潢有點印尼風格，座位間距合理，中午1點，只有一半入座率。午餐價格由5X至6X蚊，未計加一。兩人各點了一個午餐：巴東牛肉飯，黃薑飯，各包一杯飲品。餐到後，老公見到份量較少，餸亦不多，於是追加了一個醬菜蛋豆腐。巴東牛肉用的是牛展，炆得很淋，味道亦唔錯。黃薑飯用米唔係我鍾意果隻，幼長偏硬果隻米，餸有兩件咖哩雞，一片巴東牛，混有豆腐薯仔的豬肉粒(只有一粒仔豬肉)，而且上碟是將3樣餸放埋一齊，醬汁味道混埋一齊。我在另一間食黃薑飯是用蕉葉上，飯在中間，三樣餸分別圍在旁邊，再加蝦片，花生，什菜，都係6X蚊，所以相比下呢間就做得好行貨。醬菜蛋油味很重，芽菜很少，碟面是偏硬的米餅唔係蝦片，醬汁無蝦醬和花生香味，味道一般。諗住係幾十年老店，所以有期望，亦容易失望。我始終認為尖沙咀和銅鑼灣果兩間印尼老店水準高得多。

香港既印尼餐廳買少見少，而家得番加連威老道果間係正宗d，其他地方都幾難搵到。姐姐生日，就番佢可以做完野最快出到黎食飯，我地揀左佐敦，貪佐敦無尖沙咀甘多人，容易搵位。食印尼菜，一定要叫加多加多、巴東牛肉，前者係沙律，有d雞蛋、豆角、芽菜、豆腐、青瓜、蝦片，上面再加d花生醬，雖然係簡簡單單，不過怕辣又要食巴東牛肉，叫加多加多可以解辣；至於呢到既巴東牛肉，都炆到d牛肉好淋，無牙都食到，而且都炆到入晒味，係細個去印尼餐廳食到既味道。跟住叫左個炆牛肋條同炒貴刁，牛肋條就普普通通，炒貴刁都炒得有鑊氣，貴刁條條都分明，唔係一堆粉，好味。之後唔係好夠飽，但又要留肚食蛋糕，所以只敢叫多個粟米餅，佢就唔多粉，不過粟米唔多夠，還可以啦。食食下，發現有班印印姐姐都黎幫襯，咦！應該有家鄉味道先會黎食架喎