峇里餐廳 (已搬遷) 新店位置

又一間要說再見嘅食店，家人這一晚很想懷念過去，選擇係呢度食。呢間搬了又搬租約期滿，做到6月28號。裝修唔係咩印尼風，餐具都係普通。薯蓉牛肉餅，63元，好林，打得好均匀，如果肉可以多啲會更好。小食拼盤，138元，同泰式其實好似，係多咗蝦片係面，一食就停唔到。每樣都ok，不過不失。巴東牛肉，168元，係出名嘅印尼小菜，都有小小辣，呢間還好，牛肉算係腍同入味；黃飯，32元，粒粒分明，味道尚可。蛋豆腐醬菜，109元，呢味還可，有啲芽菜，豆腐唔多。咖喱雞，78元，薯仔都幾多，有煎過再放落去。雞肉係滑，咖喱唔算話辣嘅，可以接受。整體好食，有時味道係食回憶，數說著以前嘅一點一滴，都夠回味。

我早前想去依間餐廳試下啲午餐好耐，今日終於試咗班蘭椰香黃薑飯（$64）+ 班蘭椰香薏米特飲（需另加$14）；食完之後，就覺得啲食物各具獨特味道。食物方面：1. 黃薑飯：整得都唔錯，不太硬或軟身，啲飯應該係用泰國米嚟煮既；唯一唔係咁好既係啲黃薑飯啲黃飯味唔係咁重。2. 牛肉：煮既方法應該用咗巴東牛肉既方式嚟煮；牛肉唔係太硬或勒，比較林，但可惜欠缺辣味。3. 雞：3/4隻既雞翼脾既部份，樣似葡國雞，但係班蘭椰香汁煮個雞；椰汁係較突出，但冇咩班蘭味。4. 豆腐：其實個味有啲似齋鹵味既味，但依個整法既豆腐遍甜。飲品方面：班蘭椰香意米特飲：薏米夠軟身唔硬，但冇咩班蘭味；椰味係有，但味道唔夠平均，飲時一忽係椰香味，一忽係水。總括嚟講：i) 三種餸唔可以放埋同一隻碟度，因啲唔同汁料混埋一齊；否則攪到食落有啲怪怪哋。ii) 除飯既人份量適中外，每種餸都係一件起三件止，每份或每件肉都好細份，所以價錢方面唔可以話係物有所值。iii) 餐牌上寫係‘班蘭椰香黃薑飯（牛、雞、菜）’ 班蘭椰香只係得雞上先揾到，菜方面：唔好其望太大，只係得豆腐，而沒有其他菜。所以依間既食物可以話比較獨特，食完後較為失望。

好味道！四人晚餐。點了鱸魚，牛油雞翼，黃薑飯，同咖哩雞。鱸魚超推介，調味好特別。酸甜好吃，因為幼骨都整到酥脆，接近整條都可放入口。基本上放久了，仍是好脆的，清碟了。黃薑飯也是所有配料都好吃，特別是像脆花生的配料，極開胃。牛油雞翼又是好吃，本來一份三件，店員話可以做四件照按比例收費，非常貼心。咖哩雞配薄餅也是穩陣之選，好味道。大家吃不停又讚不停的，碟碟清。埋單只是每人150蚊，大家都覺好抵。知道呢間舖頭就快結業，真係感到非常可惜。好想再搵機會幫襯多一次。始終香港較少地方有印尼特色菜，味道真的好特別好開胃。

朋友生日指定食峇里餐廳，原因好簡單因為朋友去唔到峇里島又想食正宗印尼餐，所以想趁著6月28日結束營業前一嚐。店內裝修一貫東南亞色彩，啡色柚木牆身配上熱帶氣氛的裝飾品，好似置身當地一樣。首先坐底見到峇里島造嘅手工啤酒當然要試試啦。今日試左荔枝味同芒果味（$58），無伏之餘仲覺得驚喜，荔枝味好清新又滿滿荔枝味，而芒果味係青芒果，所以唔甜兼好特別。一定要試巴東牛肉 （$168）肉汁豐盛及好嫰滑，送飯一流，唔會覺得膩。印尼沙嗲串燒 （$98）食印尼嘢點可以唔試沙嗲呢，除了豬牛雞之外，仲有羊肉，大蝦同帶子。我地試左雞肉同羊肉，好味香口又唔韌，唔錯。印尼薯仔牛肉餅 （$68）賣相唔吸引但超級非常好味，牛肉肉汁香而融化入薯蓉製成球狀，咬下一口非常鮮嫩及好好味，同行者表示驚喜。印尼炒飯 （$88）比較失望係炒飯伴碟嘅蝦片係淋嘅又韌，加上啲飯雖然味道唔差，但比較油身，雖然係一貫東南亞特式係好油，但賣相認真麻麻。

以前都食過幾次，已經覺得服務態度唔好，尤其是其中一位較年長之女侍應，唔知係咪老板娘，我地一早到，冇咩人，我地想要卡位，發覺全部寫住留座，女侍應堅持已留座要我地坐第二度。以為佢真係留左座，點知全程冇人坐。啲食物好一般，女侍應又黑面，講野粗粗魯，串燒偏貴，真係冇乜mood叫多啲野食，個女侍應就全程企係個收銀機旁啤住，其實我覺得你係佐敦開舖，應該好多街坊幫襯，點解黎幾次都咁鬼多空位，現在明白了，你態度唔好，咪儲唔到啲熟客囉，人地黎一次都唔會幫襯你第二次啦。咁你冇客冇利潤，業主一加租你咪頂唔順囉，咁簡單。唔係報紙話你結業我都唔會再黎，結果又係失望。可能佢都結業嘞，咪覺得使咩對你地啲客咁好，都唔玩了。

約了朋友在佐敦聚餐平常不常在佐敦聚會所以理所當然的在openrice找餐廳吃今天想吃特別一點所以選了異國風情的峇里餐廳原來峇里餐廳是印尼東南餐我還以為峇里是在南亞的地區 哈哈印尼餐賣的食物都是廣為廣東人認識有炒 炸 燜的菜色當中我們點了斑蘭椰香黃薑飯 蝦醬炒通菜巴東牛肉 和 沙爹串燒黃薑飯椰香味濃伴菜也一樣精彩蝦醬炒通菜 富有咸鮮味 非常好吃巴東牛肉更為一絕醬汁很好下飯 牛肉也燜得很淋滑另外飲品點了 富有香料配搭的峇里特色飲品也是非常驚喜這家店值得推薦

所有食物都很甜，完全好難食，服務態度又不好！蝦醬通菜又好咸，而且還苦苦地！印尼菜食第二次，這次比我感覺是非常難食！這間店絕對不會再光顧第二次！還以爲好好食，點知太令人失望！

印尼菜係我非常喜歡的菜式，喜歡其獨特的香味，由主食巴東牛肉、醬燒雞肉、參峇醬魚、印尼沙律加多加多、印尼炒麵 … 珍多冰等我都喜愛。其實還有一種食物，我很懷念多年前在荃灣區一間已結業的印尼餐廳品嚐到的 粽飯，它像一條長長大大的粽，飯是切開一塊塊的供應給客人，除了有飯香 還有粽葉的香，因為是功夫菜所以不是天天供應。今天專程去佐敦廟街 吃個久違的印尼午餐。叫了一份峇里餐廳招牌巴東牛筋拼牛𦟌肉飯，牛筋及牛𦟌肉炆得很稔身入味，口中的香料味濃郁，有黃羌、南羌、蒜頭、乾葱頭、椰絲、椰奶的香味四溢，渾而為一，加上少許椰菜絲及白飯，一頓豐盛的午餐。斑蘭椰香黃薑飯(雞+牛+菜) 真的要推介給大家，黃薑飯是以白米、椰槳、黃薑粉、少許鹽再加上香茅及斑蘭葉等煑成，有色彩、有香味。餸菜有巴東牛肉，好味。咖哩雞件又入味及嫩滑，我更欣賞他們的雜菜，炸過的豆腐粒粒吸收了汁醬特別好味。追加了二款小食 素菜春卷及招牌沙爹串，同樣用心製作。一冷，一熱的爪哇棕櫚椰香咖啡也不錯，咖啡加上椰汁香味很配合，椰糖又替整個咖啡添加印尼色彩，熱飲那杯更能發揮其獨特性，下次一定再品嚐。

行經佐敦 唔知食咩好 漫無目的嘅行嚟行去諗住去圓方搵野食結果去到惠康隔離見到一家叫峇里的餐廳幾特別的門面但我最怕就係南亞野食有時會覺得太雜同有d我嚐唔慣的味道鼓足勇氣走入去門口玻璃門好重未食飽拉開都幾吃力結果點咗個炒粉絲78蚊WOW 可能我入嚟 期望唔高正所謂預咗食草， 點知食到寶吃落超級好味粉絲條一點不油膩又q彈 菜肉份量均衡如果呢碟野放起酒店中菜廳賣 我都相信呢個炒野比我去大酒樓食的百幾蚊炒野仲好味估唔到印尼野味道幾好令我重新學會尊重少見的菜系

又一家印尼餐廳宣傳結業印尼餐起香港一直遭不平等待遇所以決定要幫襯印尼餐今日嚟到佐敦峇里餐廳因為得一條友所以今日我食遠近馳名的黃薑飯近來香港多了綠色的斑蘭飯有色無味對我嚟講 真係好嘔心香港人可能食得多x仔 譚x已經唔識咩唔叫好食峇里餐廳的黃薑飯除了有天然的黃色外味道仲好足明顯不是化學野一個黃薑飯 有牛有雞有菜滿足灑我一個人的慾望巴東牛肉 香濃肉嫩 唔像出面的又乾又柴 明顯出面的巴東牛係掛名巴東牛肉有個黃色的雞 充滿椰汁而又複雜的香料味東南亞野 泰國餐普通 viet野又太簡單印尼野其實好豐富又難整 點解香港人會唔買帳？唔通覺得印尼菜係印尼姐姐都煮到？好味

生日飯其中一餐，其他有寫過食評唔寫啦朋友仔搵，佐敦寶靈街出口行過去會比裕華近D, 位置係廟街牌坊對面食物質素唔錯，叫左幾樣野，3個女仔係食唔晒既，埋單5百幾近600，其實算抵食，都幾大碟下印尼野梗係要叫加多加多沙律啦，多菜多蛋今次試左個新野蛋豆腐餅，蛋包豆腐煎香上面放脆片，個汁同加多加多唔一樣朋友仔唔食牛叫左梭多雞湯，3個人叫左中size,一人有2碗，清清既黃薑雞湯，好多粉絲個特色飯有魚乾花生/炆牛腩/炸魚餅/炆蘿蔔/蛋，樣樣有d，味道都唔錯

猶如得不到的情人一樣 夢迴中總是情不自禁想起她亦如印尼菜的激情濃烈你總是每隔一段時期會想她是夜點了印尼炒飯加辣和蝦醬炒通菜吃炒類食物的秘訣無他 - 襯熱食很多人上菜後三十分鐘才開始起筷然後抱怨別人的菜為什麼不好這就好比你錯失的愛人一樣在她對你熱情時你冷落她到你對她熱情時她冷落你然後你抱怨情人的冷漠其實一切都是你的錯。。。。。炒飯濃香配辣提鮮蝦醬獨有的咸鮮也絕非化學品能及上。我吃了二十多年東南亞菜還是不能不提峇里餐廳

是晚與好友慶生，我地就揀左間夠特色的餐廳，就是位於佐敦的峇里。香港想食印尼菜的選擇不多，要乾淨企理的更是買少見少，呢間係一個不錯的選擇。餐廳裝修頗為簡單，比較暗，但尚算有情調有風格，仲有大大幅 Bali 獅子，好有南洋風。豬肉沙爹 $93一般貨式，沙爹醬係好味既，不過串豬就冇乜特別。印尼特色小食拼盤 $138有魚餅、蝦餅、牛肉薯餅、春卷同蝦片。我分到牛肉薯餅同魚餅，都係新鮮熱辣好味的佳作。唯一美中不足係蝦片唔夠脆囉！同埋份量太少，每款只有兩件，未能每款儘試。小食有三件是常識吧！！！巴東牛肉 $178餐牌寫明係招牌菜，果然係必食。有啖啖五香肉丁的香口感覺。不過其實得幾舊肉，貴左少少。印尼煎餅 $43三塊切開六件，好香好味又乾身，唔會油膩，夾巴東牛食係 perfect match !蝦醬炒通菜$78通菜都熱辣香口，但蝦醬就冇泰國果D咁香了，唔比較都 ok 既。峇里香汁鱸魚 $248配料多多，汁多多，可惜係甜的，唔太喜歡。魚我鐘意食辣多D，魚都算大條。烏布豬頸肉 $93好甜的燒豬頸肉，邊太燶，一般啫印尼特別炒飯 $109好多配料，有青瓜、煎蛋、魚仔花生、蝦片等等。唔辣，夠香，溫和，好味。三色

印傭姐姐生日, 所以特意找印尼餐廳為她慶生. 一早問左吾收切蛋糕費, 以為「正」啦... 裝修不錯, 老公都話有風味. 餐牌D 野都吾平, 即管試下叫D 穩陣嘅菜式： 小食拼盤 (件頭不多）、串燒（尚可)、印尼炒飯 (普通）、Gado Gado（細碟）, 咖哩牛腩飯 (遲出). 因有老有幼, 佢地及我都不吃辣, 所以吾敢叫巴東牛. 在座都有D 老外及中年客, 已經坐吾滿, 但服務欠奉又黑面. 最精彩係高潮的生日蛋糕, 一打開, 爛左！已不能追究是運送出事 （姐姐自己爭着拿去搭車）還是在廚房出事, 但侍應懶得理 得返一面可以見人, 映相留念都還有一面...一食之下, 老公話冇雪到, （因為D cream 都溶溶地）即係個生果蛋糕在廚房坐了1.5個鐘高温下才進入我地個胃, 冇肚痛已經好幸運. 吾收切蛋糕費都吾洗浪費左人地嘅心意㗎 迫人寫負評....

印尼菜在香港無幾多間。峇里餐廳位置算方便，餐廳裡面裝修簡約，燈光微暗，都有啲feel,服務人員不多，都好像是家庭成員，但態度友善，最緊要是不收開瓶費，約埋朋友食下飯，飲下酒，不錯。食品選擇亦不少，份量價錢都合理。印尼菜都帶甜，最喜歡是佢的沙爹串，味道不錯，亦燒得香，炸雞翼是全翼，炸後再以汁煮，所以不太熱氣。巴東牛肉帶甜，對我這好辣的人來說，只是BB辣。咖哩也是帶甜，有點辛香而已。但總體來說是物有所值的，朋友聚會也可考慮一下。